ကွၢ်လိမၤဒိး ယဟိဝၤ လၢအမ့ၢ်ယွၤလၢ အဟ့ၣ်ဂံၢ်ဟ့ၣ်ဘါ ပှၤဂၤန့ၣ်တက့ၢ်
“စံးထီၣ်ပတြၢၤအီၤတက့ၢ်. အဝဲဒၣ်မၤမုာ်ထီၣ်ပှၤလၢ ပတၢ်နးတၢ်ဖှီၣ်ခဲလၢာ်အပူၤ” လီၤ.—၂ ကရံၣ်သူး ၁:၃, ၄.
၁. ဖဲနီၢ်အံၣ်အုဒီးစီၤအၤဒၣ် ပူထီၣ်ထီဒါတၢ်ဝံၤအလီၢ်ခံ ယဟိဝၤယွၤ ဟ့ၣ်ဂံၢ်ဟ့ၣ်ဘါ ဒီးဒုးအိၣ်ထီၣ်တၢ်မုၢ်လၢ်လၢ ပှၤဟီၣ်ခိၣ်ဖိတဖၣ်အဂီၢ်ဒ်လဲၣ်.
ယဟိဝၤန့ၣ် မ့ၢ်ယွၤလၢ အဟ့ၣ်ဂံၢ်ဟ့ၣ်ဘါတၢ်တဂၤလီၤ. စးထီၣ်လၢ ပှၤဟီၣ်ခိၣ်ဖိတဖၣ် မၤတၢ်ဒဲးဘး ဒီးကဲထီၣ်ပှၤတလၢတပှဲၤလံၤလံၤန့ၣ် ယဟိဝၤယွၤ ပာ်ဖျါထီၣ်ဝဲလၢအမ့ၢ် ယွၤလၢအဟ့ၣ်ဂံၢ်ဟ့ၣ်ဘါတၢ်လီၤ. နီၢ်အံၣ်အုဒီးစီၤအၤဒၣ် ပူထီၣ်ထီဒါ ကစၢ်ယွၤဝံၤအလီၢ်ခံ ကစၢ်ယွၤဟ့ၣ်လီၤ ဝံအတၢ်စံးပာ်တခါလၢ ကဟ့ၣ်ဂံၢ်ဟ့ၣ်ဘါ ဒီးဒုးအိၣ်ထီၣ်တၢ်မုၢ်လၢ်လၢ အဝဲသ့ၣ်အဖိအလံၤတဖၣ်အဂီၢ်လီၤ. ဝံအတၢ်စံးပာ်အံၤ ပထံၣ်ဘၣ်အီၤဖဲ ၁ မိၤၡ့ ၃:၁၅ ဒီးဖဲန့ၣ်အၢၣ်လီၤဝဲလၢ မုၣ်ကီၤလံၢ် ဒီးအတၢ်ဖံးတၢ်မၤလၢ အအၢအသီတဖၣ်န့ၣ် ကဘၣ်တၢ်မၤဟးဂီၤကွံာ်အီၤ ခဲလၢာ်လီၤ.—၁ ယိၤဟၣ် ၃:၈; လီၣ်ဖျါ ၁၂:၉.
ယဟိဝၤယွၤ ဟ့ၣ်ဂံၢ်ဟံၣ်ဘါဝဲ အခ့အပှၤလၢညါတဖၣ်
၂. ယဟိဝၤယွၤ ဟ့ၣ်ဂံၢ်ဟ့ၣ်ဘါ စီၤနိအၤဒ်လဲၣ်.
၂ ဆိကမိၣ်ကွၢ် ယဟိဝၤယွၤဟ့ၣ်ဂံၢ်ဟ့ၣ်ဘါဝဲ စီၤနိအၤဒ်လဲၣ်န့ၣ်တက့ၢ်. ဖဲစီၤနိအၤ၁ မိၤၡ့ ၆:၄, ၅, ၁၁; ယူဒၤ ၆) ဘၣ်ဆၣ် ဒ်သိးစီၤနိအၤ ကဆဲးဘူၣ်ထီၣ်ဘါထီၣ် ယဟိဝၤယွၤ ဒီးဆဲးမၤတၢ်လၢအဘၣ်ကန့ၢ်အဂီၢ် ယဟိဝၤယွၤဟ့ၣ်ဝဲ စီၤနိအၤ တၢ်ဂံၢ်တၢ်ဘါလၢ အဝဲလိၣ်ဘၣ်ဝဲတဖၣ်လီၤ. (၁ မိၤၡ့ ၆:၉) ယဟိဝၤယွၤ တဲဘၣ်စီၤနိအၤလၢ အဝဲကမၤဟးဂီၤပှၤအၢပှၤသီ တကးဒံးဘၣ် တဲစ့ၢ်ကီးအီၤလၢ ဒ်သိးအဟံၣ်ဖိဃီဖိ ကပူၤဖျဲးအဂီၢ်အဝဲ ကဘၣ်မၤဝဲတၢ်မနုၤလဲၣ်န့ၣ်လီၤ. (၁ မိၤၡ့ ၆:၁၃-၁၈) လၢစီၤနိအၤအဂီၢ်န့ၣ် ယဟိဝၤ မ့ၢ်ယွၤလၢအဟ့ၣ်ဂံၢ်ဟ့ၣ်ဘါတၢ်လီၤ.
အစိၤန့ၣ် ပှၤဘူၣ်ထီၣ်ဘါထီၣ် ယဟိဝၤယွၤအိၣ်ဝဲထဲ စီၤနိအၤဒီးအဟံၣ်ဖိဃီဖိလီၤ. ပှၤလၢအခိၣ်အဃၢၤတဖၣ်န့ၣ်မ့ၢ်ဝဲ ပှၤအၢပှၤသီ ဒီးပှၤမၤကမၣ်မုၣ်ကမၣ်ခွါလီၤ. လၢတၢ်န့ၣ်အဃိ စီၤနိအၤကလိၣ်ဘၣ်ဝဲ တၢ်ဟ့ၣ်ဂံၢ်ဟ့ၣ်ဘါလီၤ. (၃. ယဟိဝၤယွၤ ဟ့ၣ်ဂံၢ်ဟ့ၣ်ဘါ စီၤယိၤၡူဒ်လဲၣ်. (ကွၢ်တၢ်ဂီၤလၢ တၢ်မၤလိအခီၣ်ထံးတက့ၢ်.)
၃ လၢခံ ယဟိဝၤယွၤ ဟ့ၣ်ဂံၢ်ဟ့ၣ်ဘါ အခ့အပှၤစီၤယိၤၡူ ဒ်သိးဟံးထီၣ်ဖီၣ်ထီၣ် မူဒါဖးဒိၣ်ကန့ၢ်အဂီၢ်လီၤ. အဝဲကဘၣ်ပၢဆှၢဝဲ ယွၤအပှၤဂီၢ်မုၢ်တဖၣ် ဒ်သိးကနုာ်လီၤဘၣ်လၢ ကီၢ်တၢ်စံးပာ် ဒီးကဘၣ်မၤနၢၤကွံာ်ဝဲ ပှၤကလုာ်လၢအဂံၢ်ဆူၣ်ဘါဆူၣ် လၢအအိၣ်ဖဲန့ၣ်တဖၣ်လီၤ. ယဟိဝၤယွၤ သ့ၣ်ညါဝဲလၢ စီၤယိၤၡူကပျံၤတၢ်လီၤ. အဃိအဝဲတဲ စီၤမိၤၡ့လၢ “မၤလိာ်စီၤယိၤၡူ, ဒီးဒုးဆူၣ်ထီၣ်အဂံၢ်အဘါ, ဒီးဒုးတံးထီၣ်အတဟီၣ်တက့ၢ်. အဂ့ၢ်ဒ်အံၤ, အဝဲဒၣ်န့ၣ်ကခီဂာ်တၢ်လၢ ပှၤဂီၢ်မုၢ်အံၤအမဲာ်ညါ, ဒီးကဒုးမၤန့ၢ်အီၤလၢ ထံဧိၤကီၢ်ဧိၤလၢသုကထံၣ်ဘၣ်လီၤ.” (၅ မိၤၡ့ ၃:၂၈) တကးဒံးဘၣ် ယဟိဝၤယွၤ အနီၢ်ကစၢ်ဒၣ်ဝဲ ဟ့ၣ်ဂံၢ်ဟ့ၣ်ဘါ စီၤယိၤၡူ ဒီးတဲဝဲလၢ “ယမၤလိာ်လံနၤလံ, တမ့ၢ်ဘၣ်ဧါ. ပာ်ဆူၣ်နသး, ဒီးတံးတဟီၣ်တက့ၢ်. ပျံၤတၢ်တဂ့ၤ, ဘၣ်ယိၣ်တၢ်တဂ့ၤ. အဂ့ၢ်ဒ်အံၤ, ယွၤနကစၢ်အိၣ်ဒီးနၤ ဖဲနလဲၤတၢ်တပူၤလၢ်လၢ်လီၤ.” (ယိၤၡူ ၁:၁, ၉) ဖဲစီၤယိၤၡူနၢ်ဟူဘၣ် တၢ်ကတိၤအံၤအခါ နဆိကမိၣ် အဝဲကတူၢ်ဘၣ်ဝဲဒ်လဲၣ်.
၄, ၅. (က) ယဟိဝၤယွၤ ဟ့ၣ်ဂံၢ်ဟ့ၣ်ဘါဝဲ အခ့အပှၤလၢညါတဖၣ်ဒ်လဲၣ်. (ခ) ယဟိဝၤယွၤ ဟ့ၣ်ဂံၢ်ဟ့ၣ်ဘါဝဲ အဖိခွါဒ်လဲၣ်.
၄ ယဟိဝၤယွၤ ဟ့ၣ်ဂံၢ်ဟ့ၣ်ဘါ အခ့အပှၤဒီတဖုစ့ၢ်ကီးလီၤ. အဒိ, ဖဲပှၤယူဒၤဖိတဖၣ် ဘၣ်တၢ်က့ၤကိးအဝဲသ့ၣ်လၢ ဘၤဘူၤလိၣ်အခါ ယဟိဝၤယွၤ သ့ၣ်ညါဝဲလၢ အဝဲသ့ၣ်ကလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါလီၤ. လၢတၢ်န့ၣ်အဃိ အဝဲဟ့ၣ်ဂံၢ်ဟ့ၣ်ဘါ ပှၤယူဒၤဖိတဖၣ် ခီဖျိ ဝံအတၢ်စံးပာ် ဒီးတဲဝဲလၢ “ပျံၤတၢ်တဂ့ၤ. အဂ့ၢ်ဒ်အံၤ, ယအိၣ်ဒီးနၤလီၤ. ကွၢ်တရံးတၢ်တဂ့ၤ. အဂ့ၢ်ဒ်အံၤ, ယမ့ၢ်နကစၢ်လီၤ. ယဒုးဆူၣ်ထီၣ်လံနဂံၢ်နဘါလံ, မ့ၢ်မးယမၤစၢၤလံနၤလံ. မ့ၢ်မးယဒုးအိၣ်ကျၢၤလံနၤလၢ ယစုထွဲအတီအလိၤန့ၣ်လီၤ.” (ယၡါယၤ ၄၁:၁၀) လၢခံယဟိဝၤယွၤ ဟ့ၣ်ဂံၢ်ဟ့ၣ်ဘါဝဲ ခရံာ်ဖိလၢတၢ်မၢဖိအစိၤတဖၣ် ဒီးဟ့ၣ်ဂံၢ်ဟ့ၣ်ဘါစ့ၢ်ကီးပှၤလီၤ.—ဖး ၂ ကရံၣ်သူး ၁:၃, ၄ တက့ၢ်.
၅ ယဟိဝၤယွၤ ဟ့ၣ်ဂံၢ်ဟ့ၣ်ဘါစ့ၢ်ကီးအဖိခွါလီၤ. ဖဲယ့ၣ်ၡူးဒိးဘျၢထံဝံၤအလီၢ်ခံ အဝဲနၢ်ဟူတၢ်ကလုၢ်သီၣ်လၢ မူခိၣ်ဒီးတဲဝဲလၢ “အဝဲတဂၤအံၤမ့ၢ်ယဖိခွါလၢယအဲၣ်, ဒီးဘၣ်ယသးလၢအီၤလီၤ.” (မးသဲ ၃:၁၇) ဖဲယ့ၣ်ၡူး စံၣ်တဲၤတဲလီၤတၢ်လၢ ဟီၣ်ခိၣ်ချၢအခါ တၢ်ကတိၤတဖၣ်အံၤ ကကဲထီၣ်တၢ်ဂံၢ်တၢ်ဘါလၢ အဂီၢ်ထဲလဲၣ်န့ၣ် ဆိကမိၣ်ကွၢ်တက့ၢ်.
ယ့ၣ်ၡူးဟ့ၣ်ဂံၢ်ဟ့ၣ်ဘါပှၤဂၤ
၆. ယ့ၣ်ၡူး ဟ့ၣ်တၢ်အဒိဘၣ်ဃးဒီး စ့တၤလၣ်အဂ့ၢ်န့ၣ် ကဲထီၣ်တၢ်ဂံၢ်တၢ်ဘါလၢ ပဂီၢ်ဒ်လဲၣ်.
၆ ယ့ၣ်ၡူးန့ၣ် ကွၢ်လိမၤဒိးဝဲအပၢ်ခီဖျိ ဟ့ၣ်ဂံၢ်ဟ့ၣ်ဘါဝဲ ပှၤဂၤဒ်သိးကအိၣ်ဒီး တၢ်သးတီအဂီၢ်လီၤ. အဝဲဟ့ၣ်တၢ်အဒိလၢဘၣ်ဃးဒီး ပှၤလၢအဒိးန့ၢ်စ့တၤလၣ်တဖၣ်အဂ့ၢ်န့ၣ်လီၤ. အဝဲတဲဝဲလၢကစၢ်န့ၣ် တဲဘၣ်အကုၢ်လၢအိၣ်ဒီး တၢ်သးတီတဂၤစုာ်စုာ်လၢ “ကုၢ်လၢအဂ့ၤဒီးအကလုၢ်တီဧၢ, နအိၣ်လၢတၢ်စှၤအဖီခိၣ် ဒီးနကလုၢ်တီလံ. ယကပာ်နၤလၢတၢ်အါအဖီခိၣ်လီၤ. လဲၤနုာ်ဆူနကစၢ် အတၢ်သးခုအပူၤတက့ၢ်.” (မးသဲ ၂၅:၂၁, ၂၃) တၢ်ကတိၤတဖၣ်အံၤ ကဟ့ၣ်ဂံၢ်ဟ့ၣ်ဘါဝဲ အပျဲၢ်အဘီၣ်တဖၣ် ဒ်သိးကဆဲးမၤယဟိဝၤယွၤ အတၢ်မၤလၢ တၢ်သးတီအပူၤအဂီၢ်လီၤ.
ယ့ၣ်ၡူးဟ့ၣ်ဂံၢ်ဟ့ၣ်ဘါ စီၤပ့းတရူး ဒီးဟ့ၣ်လီၤဝဲမူဒါလၢ ကဟ့ၣ်ဂံၢ်ဟ့ၣ်ဘါပှၤဂၤ
၇. ယ့ၣ်ၡူးဟ့ၣ်ဂံၢ်ဟ့ၣ်ဘါ အတၢ်မၢဖိတဖၣ်ဒ်လဲၣ် ဒီးလီၤဆီဒၣ်တၢ်စီၤပ့းတရူးန့ၣ် ဟ့ၣ်ဂံၢ်ဟ့ၣ်ဘါဝဲဒ်လဲၣ်.
၇ တၢ်မၢဖိတဖၣ် တဲအါလိာ်အသး ခဲအံၤခဲအံၤလၢ မတၤကလူၤကၣ် ၂၂:၂၄-၂၆) စီၤပ့းတရူးန့ၣ် မၤကမၣ်တၢ် ဒီးမၤဟးဂီၤယ့ၣ်ၡူးအသး တဘျုးဘျီညါ. (မးသဲ ၁၆:၂၁-၂၃; ၂၆:၃၁-၃၅, ၇၅) ဘၣ်ဆၣ် ယ့ၣ်ၡူးတပာ်တ့ၢ် စီၤပ့းတရူးနီတဘျီဘၣ်. လၢတၢ်န့ၣ်အလီၢ် အဝဲဟ့ၣ်ဂံၢ်ဟ့ၣ်ဘါ စီၤပ့းတရူး တကးဒံးဘၣ် ဟ့ၣ်လီၤအီၤမူဒါလၢ ကဟ့ၣ်ဂံၢ်ဟ့ၣ်ဘါပှၤဂၤလီၤ.—ယိၤဟၣ် ၂၁:၁၆.
ကဲပှၤအဒိၣ်ကတၢၢ်လဲၣ်န့ၣ်လီၤ. ဘၣ်ဆၣ် ယ့ၣ်ၡူးဝံသးစူၤ အဝဲသ့ၣ်ထီဘိလီၤ. ဒီးအဝဲဟ့ၣ်ဂံၢ်ဟ့ၣ်ဘါ အခ့အပှၤတဖၣ်လၢ ကအိၣ်ဒီးတၢ်ဆီၣ်လီၤသး ဒီးတမ့ၢ်လၢအဝဲသ့ၣ် ကဘၣ်ကဲပှၤဂၤအခိၣ်ဘၣ်. အဝဲသ့ၣ်ကဘၣ်ကဲ ပှၤဂၤအပျဲၢ်လီၤ. (တၢ်ဟ့ၣ်ဂံၢ်ဟ့ၣ်ဘါ လၢပျၢၤတဖၣ်
၈. စီၤဃံးစကံယၤ ဒုးဆူၣ်ထီၣ်ဝဲ သုးခိၣ်ဒီးပှၤယူဒၤဖိတဖၣ် အဂံၢ်အဘါဒ်လဲၣ်.
၈ တချုးလၢယ့ၣ်ၡူးဟဲလၢ ဟီၣ်ခိၣ်ဒီးပာ်လီၤအဒိအတဲာ်ဒံးဘၣ်န့ၣ် ယဟိဝၤယွၤအခ့အပှၤတဖၣ် သ့ၣ်ညါဝဲလၢ ကဘၣ်ဟ့ၣ်ဂံၢ်ဟ့ၣ်ဘါပှၤဂၤလီၤ. ဆိကမိၣ်ကွၢ် စီၤဃံးစကံယၤအဂ့ၢ်တက့ၢ်. ဖဲပှၤအၤၡူၢ်ဖိတဖၣ် ကဟဲဒုးဝဲဝ့ၢ်ယရူၤၡလ့ၣ်အခါ အဝဲကိးဖှိၣ်ဝဲသုးခိၣ် ဒီးပှၤဂီၢ်မုၢ်တဖၣ် ဒီးဟ့ၣ်ဂံၢ်ဟ့ၣ်ဘါအဝဲသ့ၣ်လီၤ. အဃိ အဝဲသ့ၣ် “သန့ၤအသးလၢ ယူဒၤအစီၤပၤဃံးစကံယၤ အတၢ်ကတိၤတဖၣ်န့ၣ်လီၤ.”—ဖး ၂ ကွဲးနီၣ်တၢ် ၃၂:၆-၈ တက့ၢ်.
၉. ဘၣ်ဃးဒီးတၢ်ဟ့ၣ်ဂံၢ်ဟ့ၣ်ဘါန့ၣ် ပမၤလိန့ၢ်တၢ်လၢ စီၤယိၤဘးအအိၣ်သ့ဒ်လဲၣ်.
၉ ဘၣ်ဃးဒီး တၢ်ဟ့ၣ်ဂံၢ်ဟ့ၣ်ဘါန့ၣ် ပဟံးန့ၢ်တၢ်မၤလိလၢ စီၤယိၤဘးအအိၣ်သ့ဝဲစ့ၢ်ကီးလီၤ. စီၤယိၤဘးလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါသနာ်က့ အဝဲသိၣ်လိဝဲ အတံၤသကိးသၢဂၤလၢကဘၣ် ဟ့ၣ်ဂံၢ်ဟ့ၣ်ဘါပှၤဂၤ ဒ်လဲၣ်န့ၣ်လီၤ. စီၤယိၤဘး တဲဘၣ်အဝဲသ့ၣ်လၢ အဝဲမ့ၢ်အိၣ်ဘၣ်လၢ အဝဲသ့ၣ်အလီၢ်န့ၣ် ကတဲတၢ်ကတိၤလၢ အမၤမုာ်ထီၣ်ပှၤသး ဒီးကဲထီၣ်တၢ်ဂံၢ်တၢ်ဘါန့ၣ်လီၤ. တမ့ၢ်လၢအဝဲ ကတဲတၢ်ကတိၤလၢ အကမၤဘၣ်ဒိပှၤဂၤအသးဘၣ်. (ယိၤဘး ၁၆:၁-၅) ဘၣ်ဆၣ် လၢခံစီၤယိၤဘး ဒိးန့ၢ်ဘၣ်တၢ်ဟ့ၣ်ဂံၢ်ဟ့ၣ်ဘါလၢ စီၤအလံဟူၤ ဒီးယဟိဝၤယွၤအအိၣ်လီၤ.—ယိၤဘး ၃၃:၂၄, ၂၅; ၃၆:၁, ၁၁; ၄၂:၇, ၁၀.
၁၀, ၁၁. (က) ဘၣ်မနုၤအဃိ စီၤယံးဖသၤအဖိမုၣ် လိၣ်ဘၣ်တၢ်ဟ့ၣ်ဂံၢ်ဟ့ၣ်ဘါလဲၣ်. (ခ) မုၢ်မဆါတနံၤအံၤ ပဟ့ၣ်ဂံၢ်ဟ့ၣ်ဘါ မတၤတဖၣ်သ့ဝဲလဲၣ်.
၁၀ စီၤယံးဖသၤ အဖိမုၣ်စ့ၢ်ကီး လိၣ်ဘၣ်ဝဲတၢ်ဟ့ၣ်ဂံၢ်ဟ့ၣ်ဘါလီၤ. အဝဲအပၢ် စီၤယံးဖသၤန့ၣ် ကလဲၤဒုးတၢ်ဒီး ပှၤဧၣ်မိၣ်ဖိလီၤ. စီၤယံးဖသၤ အၢၣ်လီၤဝဲလၢ ယဟိဝၤယွၤမ့ၢ်မၤစၢၤအီၤလၢ တၢ်ဒုးတဘျီအံၤန့ၣ် ဖဲအဝဲက့ၤလၢဟံၣ်အခါ ပှၤလၢဟဲသဂၢၢ်အီၤ အဆိကတၢၢ်တဂၤန့ၣ် အဝဲကဟ့ၣ်လီၤဝဲလၢ ကလဲၤမၤတၢ်လၢ ယဟိဝၤယွၤအဒဲစီဆှံလီၤ. ဖဲပှၤအံၣ်စရ့လးဖိတဖၣ်မၤနၢၤတၢ် ဒီးစီၤယံးဖသၤ ဟဲက့ၤလၢအဟံၣ်အခါ ပှၤလၢအလဲၤသဂၢၢ်အီၤ အဆိကတၢၢ်တဂၤန့ၣ် မ့ၢ်ဝဲအဖိမုၣ်လၢ အအိၣ်ထဲတဂၤဧိၤန့ၣ်လီၤ. စီၤယံးဖသၤ အသးဘၣ်ဒိဒိၣ်မးလီၤ. ဘၣ်ဆၣ် အဝဲတီဒီးအတၢ်အၢၣ်လီၤ ဒီးမၢအဖိမုၣ်လဲၤမၤတၢ်လၢ ကစၢ်ယွၤအဒဲစီဆှံအပူၤ တစိၤအသးလီၤ.—စံၣ်ညီၣ်ကွီၢ် ၁၁:၃၀-၃၅.
၁၁ ဒ်သိးစီၤယံးဖသၤ ကမၤဝဲဒ်အံၤအဂီၢ်ကကီဝဲ ဒီးလၢအဖိမုၣ်အဂီၢ်စ့ၢ်ကီး ကကီဒိၣ်မးလီၤ. ဘၣ်ဆၣ် အဝဲသးအိၣ်မၤလၢပှဲၤဝဲ အပၢ်တၢ်အၢၣ်လီၤအီလီၤန့ၣ်လီၤ. (စံၣ်ညီၣ်ကွီၢ် ၁၁:၃၆, ၃၇) အဝဲမ့ၢ်မၤဝဲဒ်န့ၣ်န့ၣ် အဝဲဆီဟံၣ်ဆီဃီ ဒီးဟံးအဖိတန့ၢ်ဘၣ်. အဝဲအစၢၤအသွဲၣ် ကလီၤမၢ်ကွံာ်ဝဲလီၤ. လၢတၢ်န့ၣ်အဃိ အဝဲကလိၣ်ဘၣ် တၢ်ဟ့ၣ်ဂံၢ်ဟ့ၣ်ဘါအါမးလီၤ. လံာ်စီဆှံတဲဝဲလၢ “ကဲထီၣ်ဝဲလၢ တၢ်အလုၢ်အလၢ်လၢ အံၣ်စရ့လးအပူၤ, လၢတနံၣ်ဘၣ်တနံၣ်, တနံၣ်ဘၣ်တနံၣ်, ပှၤ အံၣ်စရ့လးအဖိ ဖိမုၣ်တဖၣ် လဲၤစံၣ်ဃဲၤတၢ်လၢ ပှၤကံးလဧးဖိ စီၤယံးဖသၤအဖိမုၣ်အဂ့ၢ်, တနံၣ်အတီၢ်ပူၤန့ၣ်လွံၢ်နံၤလီၤ.” (စံၣ်ညီၣ်ကွီၢ် ၁၁:၃၉, ၄၀) စီၤယံးဖသၤအဖိမုၣ်အဂ့ၢ်န့ၣ် ဒုးသ့ၣ်နီၣ်ထီၣ်ပှၤလၢ မုၢ်မဆါတနံၤအံၤ ခရံာ်ဖိလၢအအဲၣ်ဒိးအိၣ်သဘျ့ မ့ၢ်လၢအဝဲသ့ၣ် အဲၣ်ဒိးမၤအါထီၣ် ယဟိဝၤယွၤအတၢ်မၤတဖၣ်န့ၣ်လီၤ. မ့ၢ်ပစံးပတြၢၤ ဒီးဟ့ၣ်ဂံၢ်ဟ့ၣ်ဘါအဝဲသ့ၣ် ကသ့ဧါ.—၁ ကရံၣ်သူး ၇:၃၂-၃၅.
တၢ်မၢဖိတဖၣ် ဟ့ၣ်ဂံၢ်ဟ့ၣ်ဘါဝဲ ဒီပုၢ်ဝဲၢ်တဖၣ်
၁၂, ၁၃. စီၤပ့းတရူး ဟ့ၣ် ‘သဆၣ်ထီၣ် ဒီပုၢ်ဝဲၢ်တဖၣ်’ ဒ်လဲၣ်.
၁၂ တချုးလၢ ယ့ၣ်ၡူးသံဒံးဘၣ်အနၤန့ၣ် အဝဲတဲဘၣ် တၢ်မၢဖိပ့းတရူးလၢ “စီၤၡံမိၣ်ဧၢ, စီၤၡံမိၣ်ဧၢ, ကွၢ်ကွၢ်, မုၣ်ကီၤလံၢ်ဃ့ဂုၤသုဒ်ဘုအသိးန့ၣ်လီၤ. မ့မ့ၢ်ယဲဒၣ်အံၤ, ဒ်သိးနတၢ်နာ် သုတဟးဂီၤကွံာ်တဂ့ၤဒီး, ယဘါထုကဖၣ်န့ၢ်လံလၢနဂီၢ်လံ. ဒီးတုၤနဃၣ်လိၤက့ၤနသးဒီး, ဒုးဆူၣ်ထီၣ်နဒီပုၢ်ဝဲၢ် အဂံၢ်အဘါတက့ၢ်.”—လူၤကၣ် ၂၂:၃၁, ၃၂.
တၢ်မၢဖိတဖၣ် အလံာ်ပရၢန့ၣ် ဟ့ၣ်ဂံၢ်ဟ့ၣ်ဘါဝဲ ခရံာ်ဖိလၢ တၢ်မၢဖိအစိၤ ဒီးဟ့ၣ်ဂံၢ်ဟ့ၣ်ဘါစ့ၢ်ကီးပှၤလၢ မုၢ်မဆါတနံၤအံၤလီၤ (ကွၢ်လံာ်အဆၢ ၁၂-၁၇)
၁၃ လၢတၢ်မၢဖိအစိၤန့ၣ် စီၤပ့းတရူး မ့ၢ်ဝဲပှၤတဂၤလၢ အတီခိၣ်ရိၤမဲတၢ်လၢ တၢ်အိၣ်ဖှိၣ်အပူၤလီၤ. (ကလၤတံ ၂:၉) ဖဲဘူၣ်ယဲၢ်ဆံအနံၤ ဒီးဝံၤအလီၢ်ခံန့ၣ် အဝဲဟ့ၣ်ဂံၢ်ဟ့ၣ်ဘါဝဲ ဒီပုၢ်ဝဲၢ်တဖၣ်လၢ တၢ်သူၣ်ဒူသးဒူအပူၤလီၤ. အဝဲမၤကစၢ်ယွၤအတၢ်မၤ အါနံၣ်ဝံၤအလီၢ်ခံ အဝဲကွဲးဝဲလံာ်ဆူ ဒီပုၢ်ဝဲၢ်တဖၣ်အအိၣ်လီၤ. အဝဲကွဲးဝဲလၢ “ယသးအိၣ်ဟ့ၣ်ဆူၣ်ထီၣ်သုဂံၢ်သုဘါ ဒီးဟ့ၣ်ယတၢ်အုၣ်ယသးလၢ တၢ်အံၤမ့ၢ်ကစၢ်ယွၤ အဘျုးအဖှိၣ် နီၢ်နီၢ်လီၤ. ဆၢထၢၣ်ဂၢၢ်ကျၢၤလၢ တၢ်အံၤအပူၤတက့ၢ်.” (၁ ပ့းတရူး ၅:၁၂, ခ့ခါစှီၤကျိာ်) စီၤပ့းတရူးအလံာ်ပရၢန့ၣ် ဟ့ၣ်ဂံၢ်ဟ့ၣ်ဘါ ခရံာ်ဖိလၢအစိၤန့ၣ်လီၤ. တကးဒံးဘၣ် ဟ့ၣ်ဂံၢ်ဟ့ၣ်ဘါစ့ၢ်ကီး ပှၤဖဲပအိၣ်ခိးကွၢ်လၢ်လၢ ယဟိဝၤယွၤ အတၢ်အၢၣ်လီၤအီလီၤတဖၣ် ကဟဲလၢထီၣ်ပှဲၤထီၣ် အဆၢကတီၢ်န့ၣ်လီၤ.—၂ ပ့းတရူး ၃:၁၃.
၁၄, ၁၅. လံာ်စီဆှံလၢ တၢ်မၢဖိယိၤဟၣ်ကွဲးဝဲန့ၣ် ကဲထီၣ်တၢ်ဂံၢ်တၢ်ဘါလၢပဂီၢ်ဒ်လဲၣ်.
၁၄ လၢတၢ်မၢဖိအစိၤန့ၣ် တၢ်မၢဖိယိၤဟၣ်စ့ၢ်ကီး မ့ၢ်ဝဲပှၤတဂၤလၢ အတီခိၣ်ရိၤမဲတၢ်လၢ တၢ်အိၣ်ဖှိၣ်အပူၤလီၤ. အဝဲကွဲးဝဲ လံာ်တၢ်သးခုကစီၣ်လၢ အဘၣ်ဃးဒီးယ့ၣ်ၡူး စံၣ်တဲၤတဲလီၤတၢ်အဂ့ၢ်လီၤ. လံာ်လၢအဝဲကွဲးဝဲန့ၣ် ဟ့ၣ်ဂံၢ်ဟ့ၣ်ဘါဝဲခရံာ်ဖိတဖၣ် အိၣ်ဝဲအနံၣ်လၢအကယၤ တုၤလီၤလၢပစိၤခဲအံၤစ့ၢ်ကီးလီၤ. အဒိ, ဘၣ်ဃးဒီး ယ့ၣ်ၡူးအတၢ်ကတိၤလၢ ခရံာ်ဖိနီၢ်ကီၢ်တဖၣ် အတၢ်ပနီၣ်မ့ၢ်ဝဲ တၢ်အဲၣ်တၢ်ကွံန့ၣ် ပထံၣ်ဘၣ်အီၤထဲလၢ လံာ်ယိၤဟၣ်အပူၤလီၤ.—ဖး ယိၤဟၣ် ၁၃:၃၄, ၃၅ တက့ၢ်.
၁၅ လံာ်ပရၢအဂၤသၢဘ့ၣ်လၢ စီၤယိၤဟၣ်ကွဲးဝဲန့ၣ် အိၣ်ဒီးတၢ်မ့ၢ်တၢ်တီလၢ အလုၢ်ဒိၣ်ပှ့ၤဒိၣ်တဖၣ်လီၤ. တဘျီတခီၣ်န့ၣ် ပသးကလီၤဘှံးလၢ တၢ်ကမၣ်လၢ ပမၤတ့ၢ်အီၤတဖၣ်အဃိလီၤ. ဘၣ်ဆၣ် ဖဲပဖးဘၣ်လၢ ယ့ၣ်ၡူးအတၢ်ဟ့ၣ်လုၢ်ထီၣ်သးန့ၣ် “သ့စီကွံာ်ပှၤလၢ ပတၢ်ဒဲးဘးခဲလၢာ်” အခါ ပသးမုာ်ထီၣ်က့ၤဝဲလီၤ. (၁ ယိၤဟၣ် ၁:၇) ပမ့ၢ်တူၢ်ဘၣ်လၢ ပအိၣ်ဒီးတၢ်ကမၣ်ဒၣ်လဲာ် ဖဲပဖးဘၣ်လၢ “ယွၤဒိၣ်န့ၢ်ပသး” အခါ ပသးမုာ်ထီၣ်က့ၤဝဲလီၤ. (၁ ယိၤဟၣ် ၃:၂၀) စီၤယိၤဟၣ်မ့ၢ်ဝဲ ပှၤကွဲးလံာ်စီဆှံ ထဲတဂၤဧိၤလၢ အကွဲးဝဲလၢ “ယွၤမ့ၢ်တၢ်အဲၣ်တၢ်ကွံ” န့ၣ်လီၤ. (၁ ယိၤဟၣ် ၄:၈, ၁၆) လၢအလံာ်ပရၢခံဘ့ၣ်တဘ့ၣ် ဒီးသၢဘ့ၣ်တဘ့ၣ်အပူၤန့ၣ် အဝဲစံးပတြၢၤဝဲ ခရံာ်ဖိတဖၣ်လၢအဆဲး “လဲၤတၢ်လၢတၢ်မ့ၢ်တၢ်တီအပူၤ” န့ၣ်လီၤ.—၂ ယိၤဟၣ် ၄; ၃ ယိၤဟၣ် ၃, ၄
၁၆, ၁၇. တၢ်မၢဖိပီလူး ဟ့ၣ်ဂံၢ်ဟ့ၣ်ဘါဝဲ ခရံာ်ဖိလၢညါတဖၣ်ဒ်လဲၣ်.
၁၆ တၢ်မၢဖိပီလူး မ့ၢ်ဝဲပှၤဒိဂ့ၤတဲာ်ဘၣ်လၢ အဟ့ၣ်ဂံၢ်ဟ့ၣ်ဘါမၤတၢ် ၈:၁၄; ၁၅:၂) ခရံာ်ဖိတဖၣ်လၢ အအိၣ်လၢကီၢ်ယူဒၤန့ၣ် စံၣ်တဲၤတဲလီၤဝဲ ခရံာ်အဂ့ၢ်ထဲလၢ ပှၤလၢအဘူၣ်ထီၣ်ဘါထီၣ် ယွၤအအိၣ်န့ၣ်လီၤ. ဘၣ်ဆၣ် ယွၤအသးစီဆှံဆှၢလီၤဝဲ စီၤပီလူးလၢ ကလဲၤစံၣ်တဲၤတဲလီၤဝဲ ပှၤကြံးဖိ, ပှၤရိမ့ၤဖိ ဒီးပှၤအဂၤတဖၣ်လၢ အဘူၣ်ထီၣ်ဘါထီၣ်ဝဲ ယွၤလၢအဂၤတဖၣ်န့ၣ်လီၤ.—ကလၤတံ ၂:၇-၉; ၁ တံၤမသ့း ၂:၇.
ပှၤဂၤန့ၣ်လီၤ. ယ့ၣ်ၡူးသံဝံၤအလီၢ်ခံ တၢ်မၢဖိအါတက့ၢ်န့ၣ် အိၣ်ဝဲလၢယရူၤၡလ့ၣ်လၢ ပှၤပၢဆှၢတၢ်ကမံးတံာ် အိၣ်တၢ်အလီၢ်န့ၣ်လီၤ. (၁၇ စီၤပီလူးလဲၤဝဲဆူ တၢ်လီၢ်လၢခဲအံၤပကိးအီၤလၢ ကီၢ်ထၢးကံၣ်, ကြံး(စ်) ဒီးကီၢ်အံးထလံၣ်န့ၣ်လီၤ. အဝဲစံၣ်တဲၤတဲလီၤဝဲ ပှၤတခီဘီမုၢ်ဖိတဖၣ် ဒီးဒုးအိၣ်ထီၣ်ဝဲ ခရံာ်ဖိတၢ်အိၣ်ဖှိၣ်တဖၣ်လီၤ. ပှၤလၢအကဲထီၣ် ခရံာ်ဖိအသီတဖၣ်န့ၣ် အတၢ်အိၣ်မူကီဒိၣ်မး. မ့ၢ်လၢအဝဲသ့ၣ်အကလုာ်ဒူၣ်ဒၣ်ဝဲ မၤအၢမၤသီအီၤအဃိ လိၣ်ဘၣ်တၢ်ဟ့ၣ်ဂံၢ်ဟ့ၣ်ဘါလီၤ. (၁ သ့းစၤလနံ ၂:၁၄) ဖဲ ခ.န ၅၀ ဃၣ်ဃၣ်န့ၣ် စီၤပီလူးကွဲးဟ့ၣ်ဂံၢ်ဟ့ၣ်ဘါဝဲ တၢ်အိၣ်ဖှိၣ်အသီလၢအအိၣ်လၢ ဝ့ၢ်သ့းစၤလနံအပူၤန့ၣ်လီၤ. အဝဲတဲဝဲလၢ “ပသ့ၣ်နီၣ်ထီၣ်က့ၤသုလၢ ပတၢ်ထုကဖၣ်အပူၤ, ဒီးပစံးထီၣ်ပတြၢၤယွၤ အဘျုးတထံၣ်ဃီလၢ သုခဲလၢာ်အဃိလီၤ. ပသ့ၣ်နီၣ်ထီၣ်က့ၤတဘိယူၢ်ဃီ, သုတၢ်မၤဘၣ်ဃးဒီးတၢ်နာ်, ဒီးသုတၢ်ကျဲးစၢးဘၣ်ဃးဒီး တၢ်အဲၣ်တၢ်ကွံ, ဒီးသုတၢ်ဝံသးစူၤ” လီၤ. (၁ သ့းစၤလနံ ၁:၂, ၃) တကးဒံးဘၣ် အဝဲမၢဒီပုၢ်ဝဲၢ်တဖၣ် ဟ့ၣ်ဂံၢ်ဟ့ၣ်ဘါလိာ်သးတဂၤဒီးတဂၤ ဒီးအဝဲမၢအဝဲသ့ၣ်လၢ “မၤမုာ်ထီၣ်လိာ်သုသး, ဒီးမၤထီၣ်မၤထီလိာ်သုသး သကိးသကိး, ဒ်သုမၤစ့ၢ်ကီးအသိးန့ၣ်တက့ၢ်.”—၁ သ့းစၤလနံ ၅:၁၁.
ပှၤပၢဆှၢတၢ်ကမံးတံာ် ဟ့ၣ်ဂံၢ်ဟ့ၣ်ဘါတၢ်
၁၈. ပှၤပၢဆှၢတၢ်ကမံးတံာ်လၢ တၢ်မၢဖိအစိၤန့ၣ် ဟ့ၣ်ဂံၢ်ဟ့ၣ်ဘါဝဲ စီၤဖံလံးပူးဒ်လဲၣ်.
၁၈ လၢတၢ်မၢဖိအစိၤန့ၣ် ယဟိဝၤယွၤသူဝဲ ပှၤပၢဆှၢတၢ်ကမံးတံာ်လၢ ကဟ့ၣ်ဂံၢ်ဟ့ၣ်ဘါ ခရံာ်ဖိခဲလၢာ် ဃုာ်ဒီးပှၤလၢအတီခိၣ်ရိၤမဲတၢ်လၢ တၢ်အိၣ်ဖှိၣ်အပူၤန့ၣ်လီၤ. ဖဲစီၤဖံလံးပူး စံၣ်တဲၤတဲလီၤခရံာ်အဂ့ၢ်လၢ ဝ့ၢ်ၡၤမရံအခါ ပှၤပၢဆှၢတၢ်ကမံးတံာ် ဆီၣ်ထွဲမၤစၢၤအီၤလီၤ. အဝဲသ့ၣ်ဆှၢလီၤဝဲ ပှၤပၢဆှၢတၢ်ကမံးတံာ်ခံဂၤလၢအမ့ၢ် စီၤပ့းတရူးဒီးစီၤယိၤဟၣ် ဒ်သိးကဃ့ဘါထုကဖၣ်တၢ်လၢ ခရံာ်ဖိအသီတဖၣ် ကဒိးန့ၢ်ဘၣ်သးစီဆှံအဂီၢ်လီၤ. (မၤတၢ် ၈:၅, ၁၄-၁၇) ခီဖျိလၢ ပှၤပၢဆှၢတၢ်ကမံးတံာ် အတၢ်ဆီၣ်ထွဲမၤစၢၤအဃိ စီၤဖံလံးပူး ဒီးဒီပုၢ်ဝဲၢ်မုၣ်ခွါအသီတဖၣ် ဒိးန့ၢ်ဘၣ်တၢ်ဂံၢ်တၢ်ဘါအါမးလီၤ.
၁၉. ဖဲခရံာ်ဖိလၢတၢ်မၢဖိအစိၤတဖၣ် ဖးဘၣ်ဝဲ ပှၤပၢဆှၢတၢ်ကမံးတံာ်အလံာ်အခါ အဝဲသ့ၣ်တူၢ်ဘၣ်ဝဲဒ်လဲၣ်.
၁၉ လၢခံ ပှၤပၢဆှၢတၢ်ကမံးတံာ် ကဘၣ်ဆၢတဲာ်တၢ်ဘၣ်ဃးဒီး တၢ်ဂ့ၢ်အရ့ဒိၣ်တခါလၢအမ့ၢ် ခရံာ်ဖိလၢ တမ့ၢ်ပှၤယူဒၤဖိတဖၣ် ကဘၣ်ဒိးတၢ်ကူးတရံး ဒ်စီၤမိၤၡ့အတၢ်သိၣ်တၢ်သီ အိၣ်ဝဲအသိးဧါ. (မၤတၢ် ၁၅:၁, ၂) ပှၤပၢဆှၢတၢ်ကမံးတံာ် ဃ့ယွၤအသးစီဆှံ ဒီးတဲသကိးဝဲတၢ်ဂ့ၢ်လၢ လံာ်စီဆှံအပူၤဝံၤအလီၢ်ခံ ဆၢတဲာ်ဝဲလၢ အဝဲသ့ၣ်တလိၣ် ဒိးတၢ်ကူးတရံးလၢၤဘၣ်. ပှၤပၢဆှၢတၢ်ကမံးတံာ် ကွဲးဝဲလံာ်လၢ ကပာ်ဖျါထီၣ်အဝဲသ့ၣ် အတၢ်ဆၢတဲာ် ဒီးဆှၢလီၤဝဲဆူ တၢ်အိၣ်ဖှိၣ်တဖၣ်လီၤ. ဖဲခရံာ်ဖိတဖၣ် ဖးဝဲလံာ်အံၤအခါ အဝဲသ့ၣ် “အသူၣ်ခုအသးခုလၢ တၢ်မၤမုာ်ထီၣ်က့ၤန့ၣ်အဃိလီၤ.”—မၤတၢ် ၁၅:၂၇-၃၂.
၂၀. (က) မုၢ်မဆါတနံၤအံၤ ပှၤပၢဆှၢတၢ်ကမံးတံာ် ဟ့ၣ်ဂံၢ်ဟ့ၣ်ဘါ ပဝဲခဲလၢာ်ဒ်လဲၣ်. (ခ) တၢ်မၤလိလၢခံတၢ်ခါန့ၣ် ပကတဲသကိး တၢ်သံကွၢ်မနုၤတဖၣ်လဲၣ်.
၂၀ မုၢ်မဆါတနံၤအံၤစ့ၢ်ကီး ပှၤပၢဆှၢတၢ်ကမံးတံာ်န့ၣ် ဟ့ၣ်ဂံၢ်ဟ့ၣ်ဘါဝဲ ပှၤဘ့ၤသ့လးဖိ, ပှၤမၤတၢ်လၢ ဆၢကတီၢ်လၢပှဲၤလီၤဆီတဖၣ် ဒီးပဝဲခဲလၢာ်လီၤ. ဒ်ဒီပုၢ်ဝဲၢ်လၢ တၢ်မၢဖိအစိၤအသိး ပဝဲသ့ၣ်တဖၣ်စ့ၢ်ကီး ပသးခုလၢအဝဲသ့ၣ် အတၢ်ဟ့ၣ်ဂံၢ်ဟ့ၣ်ဘါအဃိလီၤ. တကးဒံးဘၣ် ဖဲ ၂၀၁၅ န့ၣ် ပှၤပၢဆှၢတၢ်ကမံးတံာ် ထုးထီၣ်ဝဲလံာ်လၢအမ့ၢ် ဟဲက့ၤဆူယဟိဝၤယွၤအအိၣ် ဒ်သိးကဟ့ၣ်ဂံၢ်ဟ့ၣ်ဘါဝဲ ပှၤလၢအပာ်တ့ၢ်ကွံာ် တၢ်မ့ၢ်တၢ်တီတဖၣ်လၢ ကဟဲက့ၤကဒါက့ၤလၢ ယဟိဝၤယွၤအအိၣ်အဂီၢ်လီၤ. ဘၣ်ဆၣ် ထဲဒၣ်ဒီပုၢ်ဝဲၢ်ခွါလၢ အတီခိၣ်ရိၤမဲတၢ်တဖၣ် ကဘၣ်ဟ့ၣ်ဂံၢ်ဟ့ၣ်ဘါပှၤဂၤလီၤဧါ မ့တမ့ၢ် ပကြၢးမၤစ့ၢ်ကီးဧါ. ပကတဲသကိး တၢ်သံကွၢ်တဖၣ်အံၤ အတၢ်စံးဆၢလၢ တၢ်မၤလိလၢခံတခါအပူၤလီၤ.