တၢ်ဟ့ၣ်ကူၣ်လၢ ကဃုသ့ၣ်ညါတၢ်အဂီၢ်
လံာ်စီဆှံ အတၢ်သိၣ်လိတဖၣ် လၢဖိသၣ်တဖၣ်အဂီၢ်
မိပါတဖၣ်န့ၣ် အိၣ်ဒီးမူဒါဖးဒိၣ်လၢ အကဘၣ် သိၣ်လိအဖိလၢ ယဟိဝၤယွၤအဂ့ၢ်. (အ့း ၆:၄) ဒ်သိး မိပါတဖၣ် ကမၤစၢၤအဖိအဂီၢ် ယဟိဝၤယွၤ အတၢ်ကရၢကရိ ထုးထီၣ်န့ၢ်ဝဲ လံာ်လဲၢ်, တၢ်ဂီၤမူ ဒီးတၢ်သးဝံၣ် လၢဖိသၣ်အဂီၢ်ဒီဒူၣ်. နကမၤစၢၤနဖိအဂီၢ် နသူတၢ်သ့ၣ်တဖၣ်အံၤ ကသ့ဒ်လဲၣ်.
လၢ JW.ORG အပူၤန့ၣ် အိၣ်ဒီး လံာ်စီဆှံ အတၢ်သိၣ်လိတဖၣ်လၢ ဖိသၣ်တဖၣ်အဂီၢ်. တၢ်သိၣ်လိတဖၣ်န့ၣ် ပှၤထုးထီၣ်ဝဲလၢ လံာ်လဲၢ်, တၢ်ဂီၤမူ, တၢ်သးဝံၣ် ဒီးတၢ်အဂၤတဖၣ်. a နကဃုကွၢ် တၢ်သ့ၣ်တဖၣ်အံၤအဂီၢ် အိးထီၣ် jw.org ဝဲးပဆဲး ဒီးဖဲ search အပူၤန့ၣ် ကွဲးလီၤ “ဖိသၣ်တဖၣ်” မ့တမ့ၢ် “ပှၤသးစၢ်တဖၣ်.”
ဃုထၢတၢ်ဂ့ၢ်တခါခါလၢ အဘၣ်လိာ်သးဒီး နဖိတဖၣ် အတၢ်လိၣ်ဘၣ်. တၢ်ဂ့ၢ်လၢ အအိၣ်ဖဲ “ဖိသၣ်တဖၣ်” အကျါန့ၣ် အိၣ်ဒီး တၢ်ဂီၤမူ, တၢ်သးဝံၣ် ဒီးတၢ်အဂၤ လၢအကမၤစၢၤ နဖိတဖၣ်. ဒီးနကဃုအါထီၣ် တၢ်ဂ့ၢ်အဂၤအဂီၢ် လဲၤလၢဝဲးပဆဲး ဒီးဃုကွၢ် “Family Worship Projects” လၢကီၤလၤဝါကျိာ် မ့တမ့ၢ် ပယီၤကျိာ်.
ပာ်လီၤတၢ်ဆၢကတီၢ် လၢနကကွၢ်ဒီးမၤလိသကိး တၢ်ဂ့ၢ်တဖၣ်အံၤဒီးနဖိ. တဘၣ်ဒုးကွၢ်နဖိလၢ တၢ်ဂီၤမူတဖၣ်အံၤ မ့တမ့ၢ် စဲကျံးထုးထီၣ်န့ၢ်အီၤ တၢ်ဂ့ၢ်တခါခါ ဒ်သိး အကမၤဝဲလၢ အနီၢ်ကစၢ် ထဲတဂၤတဂ့ၤ. မ့ၢ်သ့န့ၣ် ကွၢ်ဒီးတဲသကိး တၢ်ဂ့ၢ်တဖၣ်အံၤဒီးနဖိ ဒီးမၤစၢၤအီၤဒ်သိး အကကဲထီၣ် ယဟိဝၤယွၤ အတံၤသကိး.
a ခဲအံၤ လၢ JW Library® အပူၤန့ၣ် အိၣ်ဒီး တၢ်ဂီၤမူ ဒီးတၢ်သးဝံၣ်တဖၣ် လၢဖိသၣ်တဖၣ်အဂီၢ် ဘၣ်ဆၣ် တၢ်ဂ့ၢ်ခိၣ်တီ လၢအမ့ၢ် “တၢ်အကူာ်လၢ မၤကွၢ်အီၤသ့တဖၣ်” န့ၣ်တအိၣ် အါအါဒံးဘၣ်.
