ပဝဲခဲလၢာ်န့ၣ်​ ပကမၤ နီၢ်ကစၢ်တၢ်မၤလိ လံာ်စီဆှံအဂီၢ် ပတၢ်ဆၢကတီၢ် တအိၣ်အါအါဘၣ်. အဃိ တၢ်ဆၢကတီၢ် လၢအအိၣ်ဒီးပှၤန့ၣ်​ ပသူအီၤလၢ အဂ့ၤကတၢၢ် ကသ့ဒ်လဲၣ်. အဆိကတၢၢ်န့ၣ်​ ဟံန့ၢ်တၢ်ဆၢကတီၢ် လီၤတံၢ်လီၤဆဲးလၢ နကဖးလံာ် ဒီးမၤလိတၢ်အဂီၢ်. နမ့ၢ်စးထီၣ်ဖးဒီးမၤလိဆိ တၢ်ဂ့ၢ်တစဲးဖိ လီၤတံၢ်လီၤဆဲးန့ၣ်​ နကန့ၢ်ဘၣ်အဘျုး အါန့ၢ်ဒံး နကရီဖးတၢ်ဂ့ၢ်အါအါဒံး.

နကဘၣ်​ မၤလိဆိ တၢ်ဂ့ၢ်မနုၤလဲၣ်. (အ့း ၅:၁၅, ၁၆) ပကကွၢ်သကိး တၢ်ဟ့ၣ်ကူၣ်တနီၤ–

• ဖးလံာ်စီဆှံ ကိးနံၤဒဲး. (စံး ၁:၂) ကိးနွံဒဲးန့ၣ်​ ပဖးလံာ်စီဆှံလၢ နွံဖးဖီ တၢ်အိၣ်ဖှိၣ်အဂီၢ်. အဃိ နစးထီၣ်ဖး လံာ်စီဆှံအဆၢတဖၣ်န့ၣ်သ့.

• ဖးဒီးကတဲာ်ကတီၤပာ် တၢးထီခိးတၢ် တၢ်မၤလိ ဒီးတၢ်မၤလိလၢ နွံဖးဖီတၢ်အိၣ်ဖှိၣ်အဂီၢ်. ကတီၤပာ်စၢၤသးဂ့ၤဂ့ၤ လၢနကဟ့ၣ်တၢ်စံးဆၢအဂီၢ်.—စံး ၂၂:၂၂.

• နတၢ်ဆၢကတီၢ် မ့ၢ်တအိၣ်အါအါဘၣ်နာ်က့ ကျဲးစၢးဖးဒီးကွၢ် နီၢ်သးတၢ်အီၣ်​ လၢအဂၤတဖၣ်​ ဒ်သိးဒီး မဲးကစံ လၢကမျၢၢ်အဂီၢ်, တၢ်ဂီၤမူ ဒီးတၢ်ဂ့ၢ်အဂၤလၢ အအိၣ်လၢ jw.org.

• ဃုမၤလိ တၢ်ဂ့ၢ်လၢ နဘၣ်သးသ့ၣ်ညါအါထီၣ်. နဃုသ့ၣ်ညါအါထီၣ်​ တၢ်ဂ့ၢ်ဘၣ်ဃးဒီး တၢ်ကီတၢ်ခဲလၢ နထံၣ်ဘၣ်ခဲအံၤ, တၢ်သံကွၢ်လၢ နဘၣ်သးသ့ၣ်ညါ အတၢ်စံးဆၢ မ့တမ့ၢ် တၢ်ဂ့ၢ်တခါခါလၢ လံာ်စီဆှံအပူၤ လၢနဘၣ်သးနၢ်ပၢၢ်အါထီၣ်သ့.