ဖဲပဖးလံာ်စီဆှံအခါ ဒ်သိး ပကနၢ်ပၢၢ်အါထီၣ်​ တၢ်ဂ့ၢ်လၢပဖးအီၤအဂီၢ် တၢ်ပီးတၢ်လီလၢ ကမၤစၢၤပှၤ လၢပကဃုသ့ၣ်ညါအါထီၣ်​ တၢ်ဂ့ၢ်န့ၣ်​ အိၣ်အါမး. ပဃုသ့ၣ်ညါအါထီၣ်​ တၢ်ဂ့ၢ်န့ၣ်​ တမ့ၢ်ထဲလၢ ပဘၣ်သး နၢ်ပၢၢ်အါထီၣ်​ လံာ်စီဆှံအဂီၢ်ဘၣ်. ပဘၣ်သး ဃုသ့ၣ်ညါအါထီၣ်​ ယဟိဝၤယွၤ အတၢ်ဂ့ၤတၢ်ဝါ လၢကမၤစၢၤပှၤဒ်သိး ပတၢ်အဲၣ်အီၤ ကအါထီၣ်စ့ၢ်ကီး. ပကဃုသ့ၣ်ညါအါထီၣ်​ ယဟိဝၤယွၤ အတၢ်ဂ့ၤတၢ်ဝါအဂီၢ် ဖဲပဖး လံာ်စီဆှံအခါ ပကဘၣ်​ သံကွၢ်လီၤပသးလၢ ‘တၢ်ဂ့ၢ်လၢယဖးအံၤ သိၣ်လိယၤ ဘၣ်ဃးဒီး ယဟိဝၤယွၤ အဂ့ၢ်ဒ်လဲၣ်.’

အဒိ ဖဲနဖးလံာ်စီဆှံအခါ ဃုကွၢ်အါထီၣ်​ တၢ်ဂ့ၢ်လၢအပာ်ဖျါထီၣ်​ ယဟိဝၤယွၤ အတၢ်ဂ့ၤတၢ်ဝါ ဒ်သိးဒီး တၢ်အဲၣ်တၢ်ကွံ, တၢ်ကူၣ်သ့, တၢ်တီတၢ်လိၤ ဒီးအတၢ်စိတၢ်ကမီၤ. ယဟိဝၤယွၤ အတၢ်ဂ့ၤတၢ်ဝါ လၢအဂၤ အိၣ်ဒံးဒီဒူၣ်အဃိ နဃုကွၢ်စ့ၢ်ကီး အတၢ်ဂ့ၤတၢ်ဝါ လၢအဂၤသ့. နဃုကွၢ်အါထီၣ်​ အတၢ်ဂ့ၤတၢ်ဝါတဖၣ်​ ကသ့ဖဲလဲၣ်.

အဒိ လၢ လံာ်နဲၣ်ကျဲလၢ ကဃုသ့ၣ်ညါတၢ်အဂီၢ် န့ၣ်နမ့ၢ်ဆီၣ်လီၤဖဲ တၢ်ဂ့ၢ်မိၢ်ပှၢ်တဖၣ်​ ဝံၤဒီးဆီၣ်လီၤ “ယဟိဝၤယွၤ” န့ၣ်နကထံၣ်ဘၣ်​ တၢ်ဂ့ၢ်ခိၣ်တီ လၢအမ့ၢ် “ယဟိဝၤယွၤ အတၢ်ဂ့ၤတၢ်ဝါတဖၣ်.” ဖဲန့ၣ်​ နဖးကွၢ် တၢ်ဂ့ၤတၢ်ဝါတခါခါလၢ အဘၣ်လိာ်သးဒီး နတၢ်ဖးလံာ်စီဆှံသ့.