ပၢၢ်ထီၣ်! နီၣ်ဂံၢ် ၁ ၂၀၂၂ | ဟီၣ်ခိၣ်တၢ်အိၣ်သး ဒံးနးထီၣ်အဃိ နဒီသဒၢနသး ဒီးနဟံၣ်ဖိဃီဖိ ကသ့ဒ်လဲၣ်
ဟီၣ်ခိၣ် တၢ်အိၣ်သး ဒံးနးထီၣ် ဒီးပထံၣ်ဘၣ် တၢ်ကီတၢ်ခဲ ဒ်သိးဒီး န့ဆၢၣ်တၢ်ဘၣ်ဒိဘၣ်ထံး ဒီးပှၤဟီၣ်ခိၣ်ဖိ ဒုးအိၣ်ထီၣ် တၢ်ကီတၢ်ခဲ အါထီၣ်မးအါထီၣ်. ဒ်သိး နဒီသဒၢနသး ဒီးနဟံၣ်ဖိဃီဖိ ကသ့အဂီၢ် ဃုသ့ၣ်ညါကွၢ် တၢ်ဟ့ၣ်ကူၣ်တနီၤ.
ဟီၣ်ခိၣ်တၢ်အိၣ်သး ဒံးနးထီၣ်အဃိ နဒီသဒၢနသး ဒီးနဟံၣ်ဖိဃီဖိ ကသ့ဒ်လဲၣ်.
ဖဲတၢ်ကီတၢ်ခဲ ကဲထီၣ်သး နးမးအခါ ပကဘၣ် ဆၢတဲာ်လီၤသး လီၤတံၢ်လီၤဆဲးလၢ ပကဒီသဒၢပသး ဒီးပဟံၣ်ဖိဃီဖိ.
၁ ကွၢ်ကတီၤ နတၢ်အိၣ်ဆူၣ်အိၣ်ချ့
နမ့ၢ်ကွၢ်ကတီၤ နတၢ်အိၣ်ဆူၣ်အိၣ်ချ့န့ၣ် နလဲၤခီဖျိ တၢ်အိၣ်သးကီခဲ ကညီဝဲ.
၂ သူကတီၤနစ့ ဒီးကွၢ်ကတီၤ နတၢ်ဖိတၢ်လံၤ
ခဲအံၤ နမ့ၢ်သူကတီၤ နကျိၣ်စ့န့ၣ် ခါဆူညါ ဖဲတၢ်အိၣ်သး နးဒိၣ်ထီၣ်အခါ နလဲၤခီဖျိအီၤကညီ.
၃ မၤဂ့ၤထီၣ် နတၢ်ရ့လိာ်သးဒီးပှၤဂၤ
ဃုသ့ၣ်ညါကွၢ် တၢ်ဟ့ၣ်ကူၣ်လၢ ကမၤစၢၤနၤဒ်သိး နကမၤဂ့ၤထီၣ် နတၢ်ဆီဟံၣ်ဆီဃီ, နတၢ်ရ့လိာ်သးဒီး နသကိး ဒီးနဖိ.
၄ ဆဲးအိၣ်ဒီး တၢ်မုၢ်လၢ်ထီဘိ
လံာ်စီဆှံ မၤစၢၤပှၤ ဒ်သိး ပကလဲၤခီဖျိ တၢ်ကီတၢ်ခဲ ဒီးဟ့ၣ်ပှၤ တၢ်မုၢ်လၢ် လၢခါဆူညါအဂီၢ်.
လၢ ပၢၢ်ထီၣ် မဲးကစံ တဘ့ၣ်အံၤအပူၤ
ဒ်သိး နၤဒီးနဟံၣ်ဖိဃီဖိ ကသ့ၣ်ညါလၢ သုကဘၣ် လဲၤခီဖျိ တၢ်ကီတၢ်ခဲလၢ ပှၤဟီၣ်ခိၣ်ဖိထံၣ်ဘၣ်ဝဲ ဒ်လဲၣ်အဂီၢ် ဖးကွၢ်တၢ်ဂ့ၢ်လၢ ကမၤစၢၤသု.
