ဟီၣ်ခိၣ်တၢ်အိၣ်သး ဒံးနးထီၣ်အဃိ နဒီသဒၢနသး ဒီးနဟံၣ်ဖိဃီဖိ ကသ့ဒ်လဲၣ်.
တၢ်ကီတၢ်ခဲလၢ အကဲထီၣ်သး လၢဟီၣ်ခိၣ်န့ၣ် မၤကိၢ်မၤဂီၤနၤ အါန့ၢ်ဒံးလၢညါဧါ. လၢနအိၣ်တၢ်လီၢ်န့ၣ် တၢ်ကီတၢ်ခဲတဖၣ်အံၤ ကဲထီၣ်သးစ့ၢ်ကီးဧါ.
တၢ်ဒုးတၢ်ယၤ
တၢ်ဆါသံသတြိာ်
န့ဆၢၣ်တၢ်ဘၣ်ဒိဘၣ်ထံး
တၢ်ဖှီၣ်တၢ်ယာ်
တၢ်ကွၢ်မဲာ်တၢ်
တၢ်မၤဆူၣ်မၤစိး
ဖဲတၢ်ကီတၢ်ခဲ ကဲထီၣ်သး နးမးအခါ ပှၤအါဂၤပျံၤတၢ် ဒီးအသးဟးဂီၤ. ဒီးပှၤတနီၤန့ၣ် ခီဖျိလၢ အထံၣ်ဘၣ် တၢ်ကီတၢ်ခဲ သတူၢ်ကလာ်အဃိ အဖုးဘၣ်အသး ဒီးအတူၢ်ဘၣ်တၢ် ဒ်လဲၣ်န့ၣ် အတသ့ၣ်ညါဝဲလၢၤဘၣ်. အဃိ ပှၤတဂၤ မ့ၢ်အိၣ်ဒီး တၢ်တူၢ်ဘၣ်ဒ်အံၤ ဖးယံာ်န့ၣ် အတၢ်အိၣ်သး နးထီၣ်သ့.
ဖဲတၢ်ကီတၢ်ခဲ ကဲထီၣ်သး နးမးအခါ အရ့ဒိၣ်ဒိၣ်မးလၢ ပကဒီသဒၢ ပဟံၣ်ဖိဃီဖိ, ကွၢ်ကတီၤ ပတၢ်အိၣ်ဆူၣ်အိၣ်ချ့, ပကျိၣ်စ့ ဒီးတၢ်ဖိတၢ်လံၤ ဒီးဆဲးအိၣ်ဒီး တၢ်သးခု.
ဒ်သိး တၢ်ကီတၢ်ခဲ လၢအကဲထီၣ်သးတဖၣ် တမၤကိၢ်မၤဂီၤနၤ အါအါတဂ့ၤအဂီၢ် နကဘၣ် မၤဒ်လဲၣ်.
