ကတိၤဒိ ၃၁:၁-၃၁
၃၁ တၢ်ဂ့ၢ်အရ့ဒိၣ် လၢလာ်အံၤန့ၣ် မ့ၢ်ဝဲ စီၤပၤလမူၤအ့လး အတၢ်ကတိၤ လၢအမိၢ် ဟံးစုနဲၣ်ကျဲအီၤလီၤ.+
၂ ဖိခွါဧၢ, ယဒၢလီၢ် အတၤသၣ်ဧၢ,
ယဖိခွါလၢ ယဒိးန့ၢ်ဘၣ် ခီဖျိ ယတၢ်အၢၣ်လီၤတဖၣ်ဧၢ,+ယကဘၣ် တဲနၤဒ်လဲၣ်.
၃ တဘၣ် မၤလၢာ်ဂီၤ နဂံၢ်နဘါလၢ ပိာ်မုၣ်တဖၣ်တဂ့ၤ.+
ဒီးတဘၣ် ပိာ်ကျဲလၢ အမၤဟးဂီၤ စီၤပၤတဖၣ်တဂ့ၤ.+
၄ စီၤလမူၤအ့လးဧၢ, စီၤပၤတဖၣ် တကြၢးအီ စပံးထံဘၣ်ဒီးပှၤလၢအပၢတၢ်တဖၣ် တကြၢးတဲလၢ “ယသံး အိၣ်ဖဲလဲၣ်”+ န့ၣ်ဘၣ်.
စီၤပၤတဖၣ် တကြၢးမၤ ဒ်န့ၣ်ဘၣ်.
၅ အဝဲသ့ၣ် မ့ၢ်မၤဒ်န့ၣ်န့ၣ် အဝဲသ့ၣ် ကသးပ့ၤနီၣ်ဘၣ်ဖုး တၢ်သိၣ်တၢ်သီဒီးမၤဟးဂီၤ ပှၤလၢအပတီၢ်ဖုၣ်တဖၣ် အတၢ်ခွဲးတၢ်ယာ်လီၤ.
၆ ပှၤလၢ အဘူးထီၣ် ကသံတဖၣ်န့ၣ် ဟ့ၣ်ဒုးအီ အဝဲသ့ၣ် သံးတက့ၢ်.+
ဒီးပှၤလၢ အဘၣ်ကိၢ်ဘၣ်ဂီၤ နးမးန့ၣ် ဟ့ၣ်ဒုးအီ အဝဲသ့ၣ် စပံးထံတက့ၢ်.+
၇ အဝဲသ့ၣ်ကအီ ဒီးကသးပ့ၤနီၣ်ကွံာ် အတၢ်ဖှီၣ်တၢ်ယာ်ဒီးအဝဲသ့ၣ်တသ့ၣ်နီၣ်ထီၣ်က့ၤ အတၢ်ကီတၢ်ခဲလၢၤဘၣ်.
၈ တဲန့ၢ်တၢ်လၢ ပှၤလၢအတဲတၢ်တသ့ဘၣ်တဖၣ်အဂီၢ်ဒီးဒီသဒၢန့ၢ် ပှၤလၢအဘူးထီၣ် ကသံတဖၣ် အတၢ်ခွဲးတၢ်ယာ်တက့ၢ်.+
၉ ဒီသဒၢန့ၢ် ပှၤလၢအပတီၢ်ဖုၣ် ဒီးပှၤဖှီၣ်ဖိယာ်ဖိ အတၢ်ခွဲးတၢ်ယာ်,+တဲန့ၢ်တၢ်လၢ အဝဲသ့ၣ်အဂီၢ် ဒီး စံၣ်ညီၣ်တၢ် တီတီလိၤလိၤတက့ၢ်.
א*
၁၀ မတဂၤ ဃုထံၣ်န့ၢ် မါလၢအဂ့ၤ သ့လဲၣ်.+
မါတဂၤန့ၣ် အလုၢ်အပှ့ၤ ဒိၣ်န့ၢ်ဒံး လၢၢ်ဖီတဖၣ်လီၤ.*
ב
၁၁ အဝၤ နာ်န့ၢ်အီၤလၢ အသးဒီဖျၢၣ်ဒီးတၢ်လၢအလိၣ်ဘၣ်န့ၣ် အိၣ်ဒီးအီၤ ခဲလၢာ်လီၤ.
ג
၁၂ လၢမါတဂၤအံၤအတၢ်အိၣ်မူ ဒီတစိၤန့ၣ်အမၤဂ့ၤအဝၤ ဒီးတမၤအၢအီၤဘၣ်.
ד
၁၃ အဝဲ မၤန့ၢ်သိဆူၣ် ဒီးတၢ်ကံးညာ်လၢအညၣ်ဂ့ၤဒီးအခုဖံးခုမၤလီၤ.+
ה
၁၄ အဝဲလီၤဂာ်ဒ်သိးဒီး ကဘီလၢ အတီၣ်ဆှၢတၢ်ဖိတၢ်လံၤ+ဒီးအဝဲဟဲက့ၤစိာ် တၢ်အီၣ်လၢ တၢ်လီၢ်ဖးယံၤလီၤ.
ו
၁၅ တချုးလၢ မုၢ်ဝါထီၣ်ဒံးဘၣ်န့ၣ် အဝဲဂဲၤဆၢထၢၣ်ကတဲာ်ကတီၤ တၢ်အီၣ်လၢ အဟံၣ်ဖိဃီဖိအဂီၢ်ဒီးလၢအကုၢ်မုၣ်တဖၣ် အဂီၢ်လီၤ.+
ז
၁၆ အဝဲကွၢ်ဆိကမိၣ်ဝဲ ဟီၣ်ခိၣ်တကဝီၤ ဝံၤဒီးပှ့ၤဝဲဒၣ်လီၤ.
ဒီးအသူဝဲ အတၢ်ဟဲနုာ်* ဒ်သိး ကသူၣ်လီၤ စပံးကျီး အဂီၢ်လီၤ.
ח
၁၇ အဝဲအိၣ်ကတဲာ်ကတီၤအသးလၢ ကမၤတၢ်ဆူၣ်ဆူၣ် အဂီၢ်+ဒီးအမၤတၢ်လၢအစု သပှၢ်ပှၢ်လီၤ.
ט
၁၈ အဝဲထံၣ်ဝဲဒၣ်လၢ အဆါတၢ်မၠးဝဲဒီးအဝဲမၤတၢ် တုၤလၢ မုၢ်နၤခီလီၤ.*
י
၁၉ အစုဟံးဃာ်ဝဲ နီၣ်လ့ၢ်ဘဲဒီးဖီၣ်ဃာ်ဝဲ လုၣ်ထွံလီၤ.*+
כ
၂၀ အဝဲမၤစၢၤ ပှၤလၢအပတီၢ်ဖုၣ်ဒီးအဝဲသးအိၣ်ဟ့ၣ်တၢ်လၢ ပှၤဖှီၣ်ဖိယာ်ဖိလီၤ.+
ל
၂၁ ဖဲတၢ်ဂိၢ်ခါ အဆၢကတီၢ် အဟံၣ်ဖိဃီဖိကိးဂၤဒဲး ကၤဘၣ် ဆ့ကၤလၢၤ အဃိအဝဲတကိၢ်တၢ်လၢ အဟံၣ်ဖိဃီဖိ အဂီၢ်ဘၣ်.
מ
၂၂ အဝဲဆးန့ၢ်ဝဲ အလီၢ်မံဒါတဖၣ် လၢအနီၢ်ကစၢ်လီၤ.
ဒီးအတၢ်ကူတၢ်ကၤန့ၣ် အဆးန့ၢ်ဝဲလၢ တၢ်ကံးညာ်လၢအညၣ်ဂ့ၤ ဒီးသိဆူၣ်လၢ အလွဲၢ်လုးလီၤ.
נ
၂၃ အဝၤန့ၣ် ဆ့ၣ်နီၤလၢ ဝ့ၢ်အတြဲၤလၢ ထံကီၢ်အပှၤသူၣ်က့သးပှၢ် တဖၣ်အကျါ+ဒီးပှၤသ့ၣ်ညါ အဝၤဂ့ၤဂ့ၤလီၤ.
ס
၂၄ အဝဲဆးဝဲ တၢ်ကူတၢ်ကၤလၢ အညၣ်ဂ့ၤ ဒီးဆါဝဲဒီးဆါန့ၢ်ဝဲ ယီၢ်တကိးလၢ ပှၤပှ့ၤတၢ်ဆါတၢ်ဖိတဖၣ်အအိၣ် ဒီဒူၣ်လီၤ.
ע
၂၅ အဂံၢ်အဘါဆူၣ်ဝဲ ဒီးပှၤပာ်ကဲအီၤလီၤ.
ဒီးတဘၣ်ယိၣ်တၢ်လၢ ကကွၢ်ဆၢၣ်မဲာ်ဒီး တၢ်လၢကမၤအသးလၢ ခါဆူညါအဂီၢ်ဘၣ်.
פ
၂၆ ဖဲအတဲတၢ်အခါ အတဲတၢ်လၢ တၢ်ကူၣ်သ့အပူၤ+ဒီးတၢ်သူၣ်ဂ့ၤသးဝါ အတၢ်သိၣ်တၢ်သီ အိၣ်ဝဲလၢ အပျ့ၤလိၤလီၤ.*
צ
၂၇ အဝဲကွၢ်ထွဲဝဲ ဟံၣ်ဃီတၢ်ဖံးတၢ်မၤဒီးအတကၢၣ် နီတစဲးဘၣ်.+
ק
၂၈ အဖိတဖၣ် ဆၢထၢၣ် ဒီးစံးပတြၢၤအီၤဒီးအဝၤ ဆၢထၢၣ် ဒီးစံးပတြၢၤအီၤလီၤ.
ר
၂၉ ပိာ်မုၣ်လၢအဂ့ၤန့ၣ် အိၣ်ဝဲအါမးဘၣ်ဆၣ် နဂ့ၤဒိၣ်န့ၢ် အဝဲသ့ၣ် ခဲလၢာ်လီၤ.
ש
၃၀ တၢ်လီၤအဲၣ်လီၤကွံန့ၣ် လီန့ၢ်တၢ်သ့ ဒီးတၢ်ဃံတၢ်လၤန့ၣ် လီၤမၢ်ကွံာ် ချ့ချ့ သ့ဝဲလီၤ.+
မ့မ့ၢ် ပိာ်မုၣ်လၢ အပျံၤ ယဟိဝၤယွၤန့ၣ် ကဘၣ်တၢ်စံးပတြၢၤ အီၤလီၤ.+
ת
၃၁ ဟ့ၣ်အီၤခိၣ်ဖး ခီဖျိ တၢ်လၢအမၤဝဲတဖၣ်အဃိတက့ၢ်.+
ဒီးအဝဲကြၢးဒိးန့ၢ်ဘၣ် တၢ်စံးပတြၢၤ လၢဝ့ၢ်အတြဲၤ ခီဖျိလၢ အမၤတၢ်ဆူၣ်အဃိလီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ဧ့ၤဘြံၤ အလံာ်မိၢ်ပှၢ် အဆိကတၢၢ်တဖျၢၣ်လီၤ. လၢအခီၣ်ထံးခါန့ၣ် လံာ်စီဆှံတတီၤအံၤ ဘၣ်တၢ်ကွဲးအီၤ ဒ်လံာ်မိၢ်ပှၢ်အဖျၢၣ် အိၣ်ရဲၣ်လီၤအသးအသိး.
^ ကွၢ် တၢ်ကတိၤအခီပညီ.
^ အခီပညီလိၤလိၤ “စုအတၤသၣ်.”
^ အခီပညီလိၤလိၤ “အမ့ၣ်အူဒၢ တလီၤပံာ်လၢ မုၢ်နၤခီဘၣ်.”
^ ပှၤသူနီၣ်လ့ၢ်ဘဲ ဒီးလုၣ်ထွံ ဒ်သိးကထါ တၢ်ကံးညာ်တဖၣ်အဂီၢ်.
^ မ့ၢ်စ့ၢ်ကီး “ဖဲအသိၣ်လိတၢ်အခါ အတဲတၢ်လၢ တၢ်အဲၣ်တၢ်ကွံအပူၤ.”
