စံးထီၣ်ပတြၢၤ ၁၁:၁-၇
စီၤဒၤဝံးအထါ. တၢ်ဟံးစုနဲၣ်ကျဲလၢ တၢ်သူၣ်ဝံၣ်သးဆၢအခိၣ်အဂီၢ်.
၁၁ ယဃု တၢ်အိၣ်သဒၢအလီၢ်လၢ ယဟိဝၤယွၤ အအိၣ်လီၤ.+
အဃိ သုတဘၣ် တဲယၤလၢ“ယူၤကွံာ်ဒ်ထိၣ်အသိး ဆူကစၢၢ်သၢၤ.
၂ ကွၢ်, ပှၤအၢပှၤသီ ဖ့ၣ်ထီၣ်အချံၣ်,ပညိၣ်ထီၣ်အပျၢ်ခိၣ်လၢ ချံၣ်အလိၤဒီးအကခးဝဲ ပှၤလၢအသူၣ်ဘျၢသးဘျၢတဖၣ် လၢတၢ်ခံးကျါလီၤ.
၃ ဖဲပှၤမၤလီၤပှီၢ် တၢ်အခီၣ်ထံးခီၣ်ဘိတဖၣ်* အခါပှၤတီပှၤလိၤ မၤတၢ်မနုၤကသ့လဲၣ်.”
၄ ယဟိဝၤယွၤ အိၣ်လၢ အတၢ်လုၢ်ဟံၣ် စီဆှံအပူၤ,+ယဟိဝၤယွၤ အလီၢ်ပစိာ် အိၣ်လၢ မူခိၣ်လီၤ.+
အမဲာ်ချံထံၣ်တၢ် ကိးမံၤဒဲး ဒီးအမဲာ်ချံ ကွၢ်ဝဲပှၤကညီဖိခွါတဖၣ် လီၤတံၢ်လီၤဆဲးလီၤ.+
၅ ပှၤတီပှၤလိၤမ့ၢ်ဂ့ၤ ပှၤအၢပှၤသီမ့ၢ်ဂ့ၤ ယဟိဝၤယွၤ သမံသမိးဝဲလီၤ.+
ပှၤတဂၤဂ့ၤ တဂၤဂ့ၤလၢ အအဲၣ်တၢ်မၤဆူၣ်မၤစိးန့ၣ် အဝဲသးဟ့ဝဲလီၤ.+
၆ အဝဲကဒုးဟဲစူၤလီၤ ပျံၤသကွီၤတဖၣ်* လၢပှၤအၢပှၤသီအလိၤဒီးသိၣ်ဃီၣ် အဝဲသ့ၣ်လၢ မ့ၣ်အူ, ကး+ ဒီးကလံၤကိၢ်လီၤ.
၇ ယဟိဝၤယွၤ မ့ၢ်ပှၤတီပှၤလိၤ+ ဒီးအဝဲအဲၣ်တၢ်မၤလၢ အတီ အလိၤလီၤ.+
ပှၤလၢအသူၣ်ဘျၢသးဘျၢန့ၣ် ကထံၣ်ဘၣ်အမဲာ်လီၤ.*+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “တၢ်အခီၣ်ထံးခီၣ်ဘိတဖၣ်လၢ တၢ်စံၣ်ညီၣ်တီအဂီၢ်.”
^ ဘၣ်သ့ၣ်သ့ၣ် ကမ့ၢ် “မ့ၣ်အူအ့ၣ်ကဲၤ.”
^ မ့ၢ်စ့ၢ်ကီး “ဒိးန့ၢ်ဘၣ် အတၢ်ဘၣ်သး.”
