စံးထီၣ်ပတြၢၤ ၁၁၃:၁-၉
၁၁၃ ဟါလ့ၤလူယၤ.*
ယဟိဝၤယွၤ အခ့အပှၤသ့ၣ်ဧၢ, စံးထီၣ်ပတြၢၤအီၤတက့ၢ်.
စံးထီၣ်ပတြၢၤ ယဟိဝၤယွၤ အမံၤတက့ၢ်.
၂ မ်ယဟိဝၤယွၤအမံၤ ဘၣ်တၢ်စံးထီၣ်ပတြၢၤအီၤခဲအံၤ ဒီးဆူညါ လီၤထူလီၤယိာ်တက့ၢ်.+
၃ မ်ယဟိဝၤယွၤအမံၤ ဘၣ်တၢ်စံးထီၣ်ပတြၢၤအီၤ+စးထီၣ်လၢ မုၢ်ထီၣ် တုၤလၢမုၢ်နုာ်တက့ၢ်.
၄ ယဟိဝၤယွၤ မ့ၢ်ပှၤလၢအထီကတၢၢ်လၢ ပှၤကလုာ်ခဲလၢာ် အဖီခိၣ်+ဒီးအလၤကပီၤ ဒိၣ်န့ၢ်ဒံးမူခိၣ်လီၤ.+
၅ မတဂၤ လီၤဂာ်ဒီး ပကစၢ် ယဟိဝၤယွၤ+လၢအအိၣ်လၢ* တၢ်လီၢ်ထီၣ်ထီန့ၣ်လဲၣ်.
၆ ကစၢ်ယွၤ သကူးလီၤအသး ဒ်သိးကကွၢ်ဝဲ မူခိၣ်ဒီး ဟီၣ်ခိၣ်လီၤ.+
၇ အဝဲဝံၣ်ဆၢထၢၣ် ပှၤလၢအပတီၢ်ဖုၣ်လၢ အအိၣ်လၢ ဟီၣ်ခိၣ်ကမူၣ်ကျါဒီးအဝဲစိာ်ထီၣ် ပှၤဖှီၣ်ဖိယာ်ဖိလၢ အအိၣ်လၢ တၢ်ကမှံၤကျါ+
၈ ဒ်သိးကဒုးဆ့ၣ်နီၤအီၤလၢ ပှၤဒိၣ်ပှၤပှၢ်တဖၣ်အကျါဃုာ်ဒီး ကစၢ်ယွၤ အပှၤဂီၢ်မုၢ် အပှၤဒိၣ်ပှၤပှၢ်တဖၣ်လီၤ.
၉ ကစၢ်ယွၤ မၤဝဲဒ်သိး ပှၤတူာ်ဖိ ကအိၣ်ဒီးအဖိတဖၣ်လၢ အဟံၣ်ပူၤဒီးကကဲထီၣ်မိၢ်လၢ အသးခုလီၤ.+
ဟါလ့ၤလူယၤ.*
တၢ်ဂ့ၢ်အဘျဲၣ်တဖၣ်
^ လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
^ မ့ၢ်စ့ၢ်ကီး “ဆ့ၣ်နီၤလၢ လီၢ်ပစိာ်အဖီခိၣ်.”
^ လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
