စံးထီၣ်ပတြၢၤ ၁၁၄:၁-၈
၁၁၄ ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူး,+ဖဲစီၤယၤကိာ် အစၢၤအသွဲၣ် ဟးထီၣ်လၢ ပှၤတကလုာ်လၢ အတဲကျိာ်အဂၤတကျိာ် အကျါအခါ
၂ ယူဒၤကဲထီၣ် ကစၢ်ယွၤ အတၢ်စီဆှံအလီၢ်,အံၣ်စရ့လးကဲထီၣ် အတၢ်ပၢအလီၢ်လီၤ.+
၃ ပီၣ်လဲၣ်ထံၣ်ဝဲ ဒီးဃ့ၢ်ကွံာ်ဝဲ,+ထံကျိယၢ်ဒ့ၣ် ပတုာ်ဝဲလီၤ.+
၄ ကစၢၢ်တဖၣ် ဖုကဆဲးဝဲ* ဒ်သိးဒီး သိဖါတဖၣ်,+တၢ်လူၢ်တဖၣ် ဖုကဆဲးဝဲ ဒ်သိးဒီး သိတဖၣ်လီၤ.
၅ ပီၣ်လဲၣ်ဧၢ, ဘၣ်မနုၤအဃိ နဃ့ၢ်ကွံာ်လဲၣ်.+
ထံကျိယၢ်ဒ့ၣ်ဧၢ, ဘၣ်မနုၤအဃိ နပတုာ်လဲၣ်.+
၆ အိ ကစၢၢ်သ့ၣ်ဧၢ, ဘၣ်မနုၤအဃိ သုဖုကဆဲး ဒ်သိးဒီး သိဖါတဖၣ်လဲၣ်.
အိ တၢ်လူၢ်သ့ၣ်ဧၢ, ဘၣ်မနုၤအဃိ သုဖုကဆဲး ဒ်သိးဒီး သိတဖၣ်လဲၣ်.
၇ အိ ဟီၣ်ခိၣ်ဧၢ, ကနိးကစုာ် ခီဖျိလၢ ကစၢ်ယွၤ,ခီဖျိလၢ စီၤယၤကိာ် အကစၢ်ယွၤ အဃိတက့ၢ်.+
၈ အဝဲဒုးကဲထီၣ် လၢၢ်လၢနိၣ်*ဒီးအဒုးကဲထီၣ် လၢၢ်လၢအကိၤတဖျၢၣ်* လၢထံထီၣ်ပၢၢ်လီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “စံၣ်.”
^ အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
^ အခီပညီလိၤလိၤ “လၢၢ်မ့ၣ်.”
