စံးထီၣ်ပတြၢၤ ၁၂:၁-၈
-
ယဟိဝၤယွၤ ဂဲၤဆၢထၢၣ် မၤပူၤဖျဲးတၢ်
-
ကစၢ်ယွၤ အတၢ်ကတိၤတဖၣ်န့ၣ် စီဆှံဝဲ (၆)
-
လၢတၢ်သူၣ်ဝံၣ်သးဆၢ အခိၣ်အဂီၢ်, ဒ် ၡမံနံး* အသီၣ်အိၣ်ဝဲအသိး. စီၤဒၤဝံးအထါ.
၁၂ အိ ယဟိဝၤယွၤဧၢ, ပှၤလၢပှၤနာ်န့ၢ်အီၤသ့ တအိၣ်နီတဂၤလၢၤဘၣ် အဃိ အုၣ်က့ၤ ခီၣ်က့ၤယၤတက့ၢ်.
လၢပှၤဟီၣ်ခိၣ်ဖိအကျါန့ၣ် ပှၤလၢအသးတီ လီၤမၢ်ကွံာ်လၢာ်လံ.
၂ ပှၤလံၣ်အီၣ်လီအီၣ်လိာ်အသး တဂၤဒီးတဂၤ,အဝဲသ့ၣ်အသး အိၣ်ခံဖျၢၣ် ဒီးတဲမုာ်ပှၤသးလၢ ကလီန့ၢ်တၢ် အဂီၢ်လီၤ.+
၃ ယဟိဝၤယွၤ ကကျီတဲာ်ကွံာ် ပျုၤလၢ အတဲမုာ်နၢ်တၢ်ဒီးပျ့ၤလၢ အတဲဂ့ၤလီၤအသးလီၤ.+
၄ အဝဲသ့ၣ်ကတဲဝဲလၢ “ပကမၤနၢၤတၢ်လၢ ပပျ့ၤလီၤ.
ပကသူပနိးဖံး ဖဲဒၣ်ပသးဒီးမတဂၤမး ကဲသရၣ်လၢ ပဖီခိၣ်တသ့ဘၣ်.”+
၅ ယဟိဝၤယွၤ တဲဝဲလၢ “မ့ၢ်လၢ ပှၤဘၣ်နးဘၣ်ဖှီၣ်တဖၣ်န့ၣ် ဘၣ်တၢ်ဆီၣ်တံၢ်မၤနၢၤအီၤဒီးပှၤဖှီၣ်ဖိယာ်ဖိတဖၣ်န့ၣ် ဘၣ်ကအုကစွါအဃိ+ယကဂဲၤဆၢထၢၣ် မၤပူၤဖျဲး အဝဲသ့ၣ်လီၤ.
ယကမၤပူၤဖျဲးအဝဲသ့ၣ်လၢ ပှၤလၢအရ့ဒီးအဝဲသ့ၣ် တတီတလိၤဘၣ်တဖၣ် အစုပူၤလီၤ.”
၆ ယဟိဝၤယွၤ အတၢ်ကတိၤတဖၣ်န့ၣ် စီဆှံဝဲ+ဒီးအလီၤဂာ်ဒ် စ့ညၣ်လၢ ပှၤပှံၢ်စီအီၤလၢ ဖၣ်ကပူၤ နွံဘျီလီၤ.
၇ အိ ယဟိဝၤယွၤဧၢ, နကကဟုကယာ်အဝဲသ့ၣ်+ဒီးနကဒီသဒၢအဝဲသ့ၣ် တဂၤစုာ်စုာ် လၢပှၤတစိၤအံၤအစုပူၤ အစိၤစိၤအဃၣ်ဃၣ်လီၤ.
၈ မ့ၢ်လၢ ပှၤဟီၣ်ခိၣ်ဖိတဖၣ် ဆီၣ်ထွဲ တၢ်သကဲာ်ပဝးလၢ အအၢအသီအဃိပှၤအၢပှၤသီ ဟးမၤဖဲအသးလီၤ.+
တၢ်ဂ့ၢ်အဘျဲၣ်တဖၣ်
^ ကွၢ် တၢ်ကတိၤအခီပညီ.
