စံးထီၣ်ပတြၢၤ ၁၂၇:၁-၅
တၢ်လဲၤထီၣ် အတၢ်သးဝံၣ်. စီၤၡလိၤမိၤအထါ.
၁၂၇ ယဟိဝၤယွၤ မ့ၢ်တသူၣ်ထီၣ်ဟံၣ်ဘၣ်န့ၣ်ပှၤသူၣ်ဟံၣ်ဖိတဖၣ် မ့ၢ်မၤတၢ်ဆူၣ်ဆူၣ် သနာ်က့ မ့ၢ်ဒၣ် တၢ်ကလီကလီလီၤ.+
ယဟိဝၤယွၤ မ့ၢ်တခိးကွၢ်ဝ့ၢ်ဘၣ်န့ၣ်+ပှၤခိးတၢ်ဖိတဖၣ် မ့ၢ်စီၣ်မဲာ်စီၣ်နါ သနာ်က့ မ့ၢ်ဒၣ် တၢ်ကလီကလီလီၤ.
၂ ပှၤလၢ ကစၢ်ယွၤအဲၣ်ဝဲတဖၣ်န့ၣ် ကစၢ်ယွၤအံးထွဲကွၢ်ထွဲအဝဲသ့ၣ် ဒီးဟ့ၣ်ဒုးမံ အဝဲသ့ၣ် မုာ်မုာ်အဃိ+သုမ့ၢ်ဂဲၤဆၢထၢၣ်ဂီၤဂီၤ,သုမ့ၢ်မၤတၢ်တုၤလၢ မုၢ်နၤခီ
ဒီးသုမ့ၢ်မၤတၢ်ဆူၣ်ဆူၣ်လၢ သုကအီၣ်ဘၣ် အဂီၢ်သနာ်က့ မ့ၢ်ဒၣ် တၢ်ကလီကလီလီၤ.
၃ ကွၢ်မီၤ, ဖိတဖၣ်န့ၣ်* မ့ၢ်ဝဲ တၢ်န့ၢ်သါလၢ အဟဲလၢ ယဟိဝၤယွၤ အအိၣ်+ဒီးဒၢလီၢ် အတၤသၣ်န့ၣ် မ့ၢ်ဝဲ ကစၢ်ယွၤ အတၢ်ဟ့ၣ်တခါလီၤ.*+
၄ ပှၤပိာ်ခွါလၢ အန့ၢ်ဘၣ် အဖိခွါတဖၣ် ဖဲအသးစၢ်အခါန့ၣ်+အဖိခွါတဖၣ် မၤသးဒ် ပျၢ်ဘိတဖၣ်လၢ ပှၤလၢအဂံၢ်ဆူၣ်ဘါဆူၣ်တဂၤ အစုပူၤအသိးလီၤ.
၅ ပှၤလၢအအိၣ်ဒီး ပျၢ်ဘိဒ်အံၤတဖၣ်လၢ အပျၢ်ပီၤပူၤန့ၣ် ကသးခုဝဲလီၤ.+
အဝဲသ့ၣ် တဒိးန့ၢ်ဘၣ် တၢ်မဲာ်ဆှးဘၣ်,မ့ၢ်လၢ အဖိခွါတဖၣ်အံၤ ကတဲတၢ်ဒီး အဒုၣ်အဒါတဖၣ်လၢ ဝ့ၢ်တြဲၤအဃိလီၤ.
