စံးထီၣ်ပတြၢၤ ၁၃:၁-၆
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၃ အိ ယဟိဝၤယွၤဧၢ, နကသးပ့ၤနီၣ်ယၤ ယံာ်ဒံးထဲလဲၣ်. လီၤထူလီၤယိာ်လီၤဧါ.
နကဃၣ်ကွံာ်နမဲာ် လၢယအိၣ် ယံာ်ဒံးထဲလဲၣ်.+
၂ ယကဘၣ်အိၣ်ဒီး တၢ်ကိၢ်တၢ်ဂီၤဒီးယကဘၣ်သးအုး ဒ်အံၤကိးနံၤဒဲးန့ၣ် ယံာ်ဒံးထဲလဲၣ်.
ယဒုၣ်ယဒါ ကမၤနၢၤယၤ ယံာ်ဒံးထဲလဲၣ်.+
၃ အိ ယကစၢ် ယဟိဝၤယွၤဧၢ, ကွၢ်လီၤယၤ ဒီးစံးဆၢယၤတက့ၢ်.
ဒ်သိးယသုတမံလၢ တၢ်သံအပူၤတဂ့ၤအဂီၢ် ဒုးကပီၤထီၣ် ယမဲာ်ချံတက့ၢ်.
၄ ဒီးဒ်သိး ယဒုၣ်ယဒါ သုတတဲလၢ အမၤနၢၤယၤလံ တဂ့ၤအဂီၢ်,တဘၣ်ပျဲအဝဲသ့ၣ် သးခုလၢ ယၡူကွံာ်အဃိတဂ့ၤ.+
၅ မ့မ့ၢ်ယၤန့ၣ် ယနာ်န့ၢ် နတၢ်အဲၣ်လၢအတီ+ဒီးယကသူၣ်ဖှံသးညီလၢ နတၢ်အုၣ်က့ၤခီၣ်က့ၤအဃိလီၤ.+
၆ ယဟိဝၤယွၤ မၤဂ့ၤယၤအါမးအဃိ ယကသးဝံၣ်ထီၣ် အီၤလီၤ.+
