စံးထီၣ်ပတြၢၤ ၁၄:၁-၇
လၢတၢ်သူၣ်ဝံၣ်သးဆၢအခိၣ်အဂီၢ်. စီၤဒၤဝံးအထါ.
၁၄ ပှၤဟးဂီၤဖိ* တဲလီၤအသးလၢ“ယဟိဝၤယွၤ တအိၣ်ဘၣ်.”+
အဝဲသ့ၣ်မ့ၢ် ပှၤအၢပှၤသီ ဒီးအမၤတၢ်အၢအၢသီသီလီၤ.
ပှၤတမၤတၢ်ဂ့ၤ နီတဂၤဘၣ်.+
၂ ဘၣ်ဆၣ် ယဟိဝၤယွၤ အိၣ်လၢမူခိၣ် ဒီးကွၢ်လီၤဝဲ ပှၤဟီၣ်ခိၣ်ဖိ တဖၣ်လီၤ.
အဝဲဃုကွၢ်ဝဲ မ့ၢ်ပှၤလၢအအိၣ်ဒီး တၢ်သ့ၣ်ညါနၢ်ပၢၢ် ဒ်သိးကဃု ယဟိဝၤယွၤအဂီၢ်န့ၣ် အိၣ်တဂၤဂၤဧါ.+
၃ အဝဲသ့ၣ် ခဲလၢာ် ဃၣ်ကွံာ်အသးလံ.+
အဝဲသ့ၣ် ခဲလၢာ် ဟးဂီၤဝဲ ဒ်သိးသိးလီၤ.
ပှၤတမၤတၢ်ဂ့ၤ နီတဂၤဘၣ်,တဂၤမးတအိၣ်ဘၣ်.
၄ ပှၤလၢအမၤတၢ်ကမၣ်တဖၣ် တနၢ်ပၢၢ်ဝဲ နီတဂၤဧီၤ.
အဝဲသ့ၣ် ယူၢ်လီၤယပှၤဂီၢ်မုၢ် ဒ်အအီၣ်ကိၣ်အသိးလီၤ.
အဝဲသ့ၣ် တဃ့ထုကဖၣ်တၢ် လၢယဟိဝၤယွၤ အအိၣ်ဘၣ်.
၅ ဘၣ်ဆၣ် အဝဲသ့ၣ် အသးကပှဲၤဒီး တၢ်ပျံၤတၢ်ဖုးဖးဒိၣ်+မ့ၢ်လၢယဟိဝၤယွၤအိၣ်ဒီး ပှၤတီပှၤလိၤတဖၣ်* အဃိလီၤ.
၆ ပှၤလၢအမၤတၢ်ကမၣ်သ့ၣ်ဧၢ, သုအဲၣ်ဒိးမၤဟးဂီၤ ပှၤလၢအပတီၢ်ဖုၣ် အတၢ်မုၢ်လၢ်လီၤ.
ဘၣ်ဆၣ် ယဟိဝၤယွၤမ့ၢ် အတၢ်အိၣ်တဒၢအလီၢ်လီၤ.+
၇ အိ မ်အံၣ်စရ့လး အတၢ်အုၣ်က့ၤခီၣ်က့ၤ အိၣ်ဟဲလၢ စံယိၣ်တက့ၢ်.+
ဖဲယဟိဝၤယွၤ ကိးဖှိၣ်က့ၤ အပှၤဂီၢ်မုၢ်လၢ အဘၣ်တၢ် က့ၤဖီၣ်အီၤအခါ,မ်စီၤယၤကိာ် အစၢၤအသွဲၣ် သူၣ်ခုသးခု ဒီးမ်စီၤအံၣ်စရ့လး အစၢၤအသွဲၣ် သူၣ်ဖှံသးညီတက့ၢ်.
