စံးထီၣ်ပတြၢၤ ၁၄၇:၁-၂၀
၁၄၇ ဟါလ့ၤလူယၤ.*
ပသးဝံၣ်စံးပတြၢၤ ပကစၢ်ယွၤန့ၣ် ဂ့ၤဝဲလီၤ.
ဒီးပစံးထီၣ်ပတြၢၤအီၤန့ၣ် မုာ်ဝဲ ဒီးကြၢးဝဲဘၣ်ဝဲလီၤ.+
၂ ယဟိဝၤယွၤ သူၣ်ထီၣ် ဝ့ၢ်ယရူၤၡလ့ၣ်+ဒီးအပာ်ဖှိၣ်က့ၤ ပှၤအံၣ်စရ့လးဖိလၢ အလီၤပြံလီၤပြါတဖၣ်လီၤ.+
၃ အဝဲမၤမုာ်ထီၣ်က့ၤ ပှၤလၢအသးသ့ၣ်ဖးတဖၣ်ဒီးအဝဲဘိၣ်ဘံထီၣ်န့ၢ် အဝဲသ့ၣ်အတၢ်ပူၤလီၢ်တဖၣ်လီၤ.
၄ ဆၣ်အိၣ်ပှဲၤဖျၢၣ်လဲၣ်န့ၣ် အဝဲသ့ၣ်ညါဝဲဒီးအဝဲကိးန့ၢ်ဝဲ ဆၣ်ကိးဖျၢၣ်ဒဲး အမံၤလီၤ.+
၅ ပကစၢ်ယွၤန့ၣ် ဒိၣ်ဝဲ ဒီးအစိအကမီၤ အိၣ်ဝဲဒီဒူၣ်လီၤ.+
အတၢ်နၢ်ပၢၢ်န့ၣ် အကတၢၢ်တအိၣ်ဘၣ်.+
၆ ယဟိဝၤယွၤ ဒုးဆၢထၢၣ် ပှၤလၢအဆီၣ်လီၤအသး,+မ့မ့ၢ် ပှၤအၢပှၤသီန့ၣ် အဝဲကွံာ်လီၤလၢ ဟီၣ်ခိၣ်လိၤလီၤ.
၇ သးဝံၣ်ထီၣ် ယဟိဝၤယွၤ လၢတၢ်စံးဘျုးစံးဖှိၣ် အတၢ်သးဝံၣ်,သးဝံၣ်စံးထီၣ်ပတြၢၤ ပကစၢ်ယွၤ ဒီးဒ့တနၢ်တက့ၢ်.
၈ အဝဲမ့ၢ်ပှၤလၢ အကးဘၢမူခိၣ် လၢတၢ်အၢၣ်,အဝဲဒုးစူၤလီၤမူခိၣ်ထံလၢ ဟီၣ်ခိၣ်လိၤ+
ဒီးအဝဲဒုးမဲထီၣ် နီၣ်လၢ+ ကစၢၢ်ကလိတဖၣ် အလိၤလီၤ.
၉ အဝဲဟ့ၣ်လီၤ တၢ်အီၣ်လၢ ဆၣ်ဖိကီၢ်ဖိတဖၣ်+ဒီးလၢစိးဝၣ်ဃးဖိလၢ အကိးသီၣ်ထီၣ်တဖၣ်အဂီၢ်လီၤ.+
၁၀ ကသ့ၣ်အဂံၢ်ဘါန့ၣ် အရ့တဒိၣ်လၢအဂီၢ်ဘၣ်.+
ဒီးပှၤဟီၣ်ခိၣ်ဖိ အဂံၢ်ဘါန့ၣ်* အဝဲတပာ်ဝဲလၢ တၢ်နီတမံၤဘၣ်.+
၁၁ ယဟိဝၤယွၤ ဘၣ်သးပှၤလၢ အပျံၤအီၤ+ဒီးပှၤလၢအအိၣ်ခိးကွၢ်လၢ် အတၢ်အဲၣ်လၢအတီလီၤ.+
၁၂ အိ ဝ့ၢ်ယရူၤၡလ့ၣ်ဧၢ, မၤလၤကပီၤ ယဟိဝၤယွၤတက့ၢ်.
အိ ဝ့ၢ်စံယိၣ်ဧၢ, စံးထီၣ်ပတြၢၤ နကစၢ်ယွၤတက့ၢ်.
၁၃ အဝဲမၤကျၢၤထီၣ် နတြဲၤအနီၣ်ဘိတဖၣ်ဒီးအဆိၣ်ဂ့ၤ နဖိနလံၤတဖၣ်လၢ အအိၣ်လၢနပူၤလီၤ.
၁၄ အဒုးအိၣ်ထီၣ် တၢ်ဃူတၢ်ဖိးလၢ နဟီၣ်ကဝီၤပူၤ,+ဒီးဘုလၢအဂ့ၤကတၢၢ်န့ၣ်+ အဒုးအီၣ်နၤ ဘျဲဘျဲလီၤ.
၁၅ အဝဲမၤလိာ်ဝဲ ဟီၣ်ခိၣ်ဒီးအကလုၢ်ကထါ ဃ့ၢ်ချ့မးလီၤ.
၁၆ အဝဲဒုးလီၤ မူခိၣ်ဖီ လၢဟီၣ်ခိၣ်လိၤ လီၤဂာ်ဒ်သိးဒီး သိဆူၣ်+ဒီးအဖှံလီၤ ပစီၤထံလီၤသကၤ ဒ်သိးဒီး ဖၣ်ဆါလီၤ.+
၁၇ အဝဲကွံာ်လီၤသူၣ် ဒ်ကိၣ်လၢအလီၤကမူၣ်တဖၣ် အသိးလီၤ.+
မတဂၤတူၢ် တၢ်ဂိၢ်အသဟီၣ်တဖၣ်အံၤ ကကဲလဲၣ်.+
၁၈ အဝဲဟ့ၣ်လီၤ တၢ်ကလုၢ် ဒီးတၢ်သ့ၣ်တဖၣ်န့ၣ် ပှံၢ်လီၤကွံာ်ဝဲလီၤ.
အဝဲဒုးဟဲကလံၤ+ ဒီးထံယွၤလီၤဝဲလီၤ.
၁၉ အဝဲတဲဘၣ် စီၤယၤကိာ် အစၢၤအသွဲၣ်လၢ အကလုၢ်ကထါဒီးအဝဲတဲဘၣ် ပှၤအံၣ်စရ့လးဖိ လၢအတၢ်ဘျၢတဖၣ် ဒီးအတၢ်စံၣ်ညီၣ်ဆၢတဲာ်တဖၣ်လီၤ.+
၂၀ အဝဲတမၤတ့ၢ်တၢ်ဒ်အံၤလၢ ပှၤကလုာ်အဂၤအဂီၢ် နီတဘျီဘၣ်.+
အဝဲသ့ၣ် တသ့ၣ်ညါ အတၢ်စံၣ်ညီၣ်ဆၢတဲာ်တဖၣ်ဘၣ်.
ဟါလ့ၤလူယၤ.*+
တၢ်ဂ့ၢ်အဘျဲၣ်တဖၣ်
^ လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
^ အခီပညီလိၤလိၤ “အခီၣ်.”
^ လၢဧ့ၤဘြံၤကျိာ်န့ၣ် အခီပညီမ့ၢ်ဝဲ “စံးထီၣ်ပတြၢၤ ယဟိဝၤ.”
