စံးထီၣ်ပတြၢၤ ၁၇:၁-၁၅
စီၤဒၤဝံး အတၢ်ဃ့ထုကဖၣ်.
၁၇ အိ ယဟိဝၤယွၤဧၢ, မ်နနၢ်ဟူ ယတၢ်ဃ့ကညးလၢ တၢ်စံၣ်ညီၣ်တီအဂီၢ်တက့ၢ်.
ဒိကနၣ်ယတၢ်ကိးပသူထီၣ်လၢ တၢ်မၤစၢၤအဂီၢ်ဒီးယတၢ်ဃ့ထုကဖၣ်လၢ ယဃ့လၢ တၢ်သးတီအပူၤန့ၣ် ဒိကနၣ်အီၤတက့ၢ်.+
၂ မ်နစံၣ်ညီၣ်န့ၢ်တၢ် လၢယဂီၢ် တီတီလိၤလိၤ+ဒီးမ်နထံၣ် တၢ်လၢအဘၣ်တက့ၢ်.
၃ နဃုကွၢ်ယသးလံ ဒီးလၢမုၢ်နၤန့ၣ် နသမံသမိးယၤလံ+ဒီးနမၤကဆှီထီၣ်ယၤလီၤ.+
ခါဆူညါစ့ၢ်ကီး နကထံၣ်ဘၣ်လၢ ယတကူၣ်ထီၣ် တၢ်အၢ နီတမံၤဘၣ်ဒီးယတတဲကမၣ်တၢ်လၢ ယထးခိၣ်ဘၣ်.
၄ ပှၤဂၤတဖၣ် မၤဝဲဒ်လဲၣ်ဒ်လဲၣ် သနာ်က့ယကမၤထွဲ ဒ်နတဲအသိးအဃိ ယတအိၣ်မူပိာ်ထွဲ ဒ်ပှၤတမျာ်တၢ်တဖၣ် အိၣ်မူဝဲအသိးဘၣ်.+
၅ ဒ်သိး ယခီၣ်သုတဘၣ်တိၢ်တဂ့ၤအဂီၢ်မ်ယခီၣ်ခါအိၣ်လၢ နကျဲပူၤ ထီဘိတက့ၢ်.+
၆ အိ ကစၢ်ယွၤဧၢ, နကစံးဆၢယၤအဃိယကိးထီၣ်နၤလီၤ.+
ဒိးနနၢ်လၢယအိၣ်* ဒီးဒိကနၣ် ယတၢ်ကတိၤတဖၣ်တက့ၢ်.+
၇ ပှၤလၢအဃ့ၢ်ကွံာ်လၢ ပှၤလၢအထီဒါက့ၤနၤတဖၣ်အအိၣ်န့ၣ်ဃုတၢ်အိၣ်သဒၢအလီၢ်လၢ နကပၤလီၤ.*
တၢ်အုၣ်က့ၤခီၣ်က့ၤ ကစၢ်ဧၢ, ပာ်ဖျါထီၣ် နတၢ်အဲၣ်လၢအတီ လၢကျဲလၢ အလီၤကမၢကမၣ်တက့ၢ်.+
၈ ဒီသဒၢယၤ ဒ်နမဲာ်ပှာ်ဖိအသိး+ဒီးပာ်ခူသူၣ်ယၤလၢ နဒံးဆ့ အကဒု ဖီလာ်တက့ၢ်.+
၉ ဒီသဒၢယၤလၢ ပှၤအၢပှၤသီလၢ အထီဒါယၤဒီးယဒုၣ်ယဒါလၢ အကဝီၤဃာ်ယၤဒီး အဲၣ်ဒိးမၤသံယၤန့ၣ်တက့ၢ်.+
၁၀ အဝဲသ့ၣ် အတၢ်ဒိသူၣ်ဒိသး တအိၣ်လၢၤဘၣ်*ဒီးတဲတၢ်လၢ တၢ်ပာ်ကဖၢလၢသး အပူၤလီၤ.
၁၁ အဝဲသ့ၣ်ကဝီၤဃာ်ပှၤ+ဒီးဃုတၢ်ခွဲးတၢ်ယာ်လၢ ကမၤဘၣ်ဒိပှၤလီၤ.*
၁၂ ဒုၣ်ဒါလီၤဂာ်ဒ် ခ့ယုၢ်လၢ အအိၣ်ခိး ခူသူၣ်တၢ်ဒီးဒ်ခ့ယုၢ်လၢ အသးဆူၣ်လၢ အကအ့ၣ်ဖှီကွံာ် အဆၣ်တက့ဘၣ်တက့ အသိးလီၤ.
၁၃ အိ ယဟိဝၤယွၤဧၢ, ဂဲၤဆၢထၢၣ်ထီဒါအီၤ+ ဒီးမၤနၢၤအီၤတက့ၢ်.
သူနနး ဒီးမၤပူၤဖျဲးယၤ လၢပှၤအၢပှၤသီ အစုပူၤတက့ၢ်.
၁၄ အိ ယဟိဝၤယွၤဧၢ, သူနစုဒ်သိးနက မၤပူၤဖျဲးယၤလၢပှၤဟီၣ်ခိၣ်ဖိတဖၣ်လၢ အဆိကမိၣ်ထဲ တၢ်အိၣ်မူလၢ ဆၢကတီၢ်ခဲအံၤတဖၣ် အစုပူၤတက့ၢ်.+
အဝဲသ့ၣ် မၤမံအသးလၢ တၢ်လၢအဂ့ၤလၢ နဟ့ၣ်လီၤတဖၣ်+ဒီးဟ့ၣ်လီၤတၢ်န့ၢ်သါလၢ အဝဲသ့ၣ်အဖိခွါလၢ အအိၣ်ဝဲအါဂၤလီၤ.
၁၅ မ့မ့ၢ်ယၤန့ၣ် ယမၤတၢ်တီတၢ်လိၤ အဃိ ယကဒိးန့ၢ်ဘၣ် နတၢ်ဘၣ်သးလီၤ.*
ဖဲယပၢၢ်ထီၣ်အခါ ယသ့ၣ်ညါလၢ နအိၣ်ဒီးယၤအဃိ ယသူၣ်မံသးမုာ် ယဲလီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “သကူးလီၤသးလၢ ကဒိကနၣ်.”
^ မ့ၢ်စ့ၢ်ကီး “နစုထွဲ.”
^ အခီပညီလိၤလိၤ “အဝဲသ့ၣ် အိၣ်ကးဘၢထီၣ်သးလၢ အနီၢ်ကစၢ်အသိ.”
^ မ့ၢ်စ့ၢ်ကီး “ကွံာ်လီၤပှၤလၢ ဟီၣ်ခိၣ်.”
^ အခီပညီလိၤလိၤ “ယကထံၣ်ဘၣ် နမဲာ်.”
