စံးထီၣ်ပတြၢၤ ၂၈:၁-၉
-
ကစၢ်ယွၤ နၢ်ဟူ ပှၤကွဲးထါ စံးထီၣ်ပတြၢၤ အတၢ်ထုကဖၣ်
-
“ယဟိဝၤယွၤ မ့ၢ်ယဂံၢ်ယဘါ ဒီးယကတီၤ” (၇)
-
စီၤဒၤဝံးအထါ.
၂၈ ယဟိဝၤယွၤ ယလၢၢ်ဧၢ,+ ယဆဲးကိးထီၣ်နၤလီၤ.
ဒိကနၣ် ယတၢ်ကိးထီၣ်နၤတက့ၢ်.
နမ့ၢ် တစံးဆၢယၤဘၣ်န့ၣ်ယကလီၤဂာ်ဒ် ပှၤလၢအလဲၤလီၤလၢ တၢ်ပူၤလီၤ.*+
၂ ဖဲယယူာ်ထီၣ်ယစုလၢ နတၢ်လီၢ်စီဆှံကတၢၢ်+ဒီးဃ့နၤ တၢ်မၤစၢၤအခါ ဒိကနၣ် ယတၢ်ဃ့ကညးတက့ၢ်.
၃ တဘၣ်စံၣ်ညီၣ်ယၤ ဃုာ်ဒီးပှၤအၢပှၤသီ, ပှၤလၢအ မၤဘၣ်ဒိဆါတၢ်+ဒီးပှၤလၢအတဲတၢ်ဒီး ပှၤလၢအဃၢၤမုာ်မုာ် ဘၣ်ဆၣ် တၢ်အၢအိၣ်လၢ အသးပူၤန့ၣ်တဂ့ၤ.+
၄ ဟ့ၣ်ကၣ်က့ၤ အဝဲသ့ၣ်+ဒ်တၢ်အၢလၢ အဝဲသ့ၣ် မၤဝဲအသိးန့ၣ်တက့ၢ်.
ဟ့ၣ်ကၣ်က့ၤ အဝဲသ့ၣ်ဒ်အစုတၢ်မၤ အအၢအသီ လၢအမၤဝဲ အသိးန့ၣ်တက့ၢ်.+
၅ တၢ်လၢယဟိဝၤယွၤ မၤဝဲတဖၣ်+ဒီးအစုအတၢ်မၤတဖၣ်န့ၣ် အဝဲသ့ၣ် တသးစၢၢ်ဆၢဝဲ နီတစဲးဘၣ်.+
ကစၢ်ယွၤ ကမၤလီၤပှီၢ် အဝဲသ့ၣ် ဒီးတသူၣ်ထီၣ် အဝဲသ့ၣ်ဘၣ်.
၆ မ့ၢ်လၢယဟိဝၤယွၤ ဒိကနၣ် ယတၢ်ဃ့ကညးလၢ တၢ်မၤစၢၤ အဂီၢ်အဃိမ်အဘၣ် တၢ်စံးထီၣ်ပတြၢၤအီၤတက့ၢ်.
၇ ယဟိဝၤယွၤ မ့ၢ်ယဂံၢ်ယဘါ+ ဒီးယကတီၤ,+ယနာ်န့ၢ်အီၤလၢ ယသးဒီဖျၢၣ်လီၤ.+
ယဒိးန့ၢ်ဘၣ် အတၢ်မၤစၢၤအဃိ ယသူၣ်ဖှံသးညီလီၤ.
အဃိ ယစံးထီၣ်ပတြၢၤအီၤလၢ ယတၢ်သးဝံၣ်လီၤ.
၈ ယဟိဝၤယွၤ မ့ၢ်တၢ်ဂံၢ်တၢ်ဘါလၢ အပှၤဂီၢ်မုၢ်အဂီၢ်လီၤ.
အဝဲမ့ၢ် တၢ်ပူၤဖျဲးအလီၢ် ဒီးကအုၣ်က့ၤခီၣ်က့ၤ အပှၤဒိးဖှူသး တဂၤလီၤ.+
၉ မၤပူၤဖျဲး နပှၤဂီၢ်မုၢ် ဒီးဆိၣ်ဂ့ၤ နတၢ်န့ၢ်သါတက့ၢ်.+
ဒ်ပှၤကွၢ်သိအသိး အံးထွဲကွၢ်ထွဲ အဝဲသ့ၣ် ဒီးစိာ်အီၤလၢ နစုတီၤလိၤ လီၤထူလီၤယိာ်တက့ၢ်.+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “တၢ်သွၣ်ခိၣ်.”
