စံးထီၣ်ပတြၢၤ ၃၀:၁-၁၂
-
တၢ်သးအုး ဆီတလဲက့ၤလၢ တၢ်သူၣ်ဖှံသးညီ
-
ကစၢ်ယွၤ အတၢ်ဘၣ်သး တစိၤသး (၅)
-
စီၤဒၤဝံးအထါ. တၢ်သးဝံၣ် လၢအဘၣ်ဃးဒီး တၢ်ပာ်စီဆှံ စီၤဒၤဝံး အဟံၣ်.*
၃၀ အိ ယဟိဝၤယွၤဧၢ, နမၤပူၤဖျဲးယၤအဃိ ယကပာ်ထီၣ်ထီ နၤလီၤ.
နတပျဲလၢ ယဒုၣ်ယဒါတဖၣ် သူၣ်ဖှံသးညီလၢ ယဘၣ်နးဘၣ်ဖှီၣ် အဃိဘၣ်.+
၂ အိ ယကစၢ် ယဟိဝၤယွၤဧၢ, ယကိးပသူထီၣ်လၢ နအိၣ်လၢ တၢ်မၤစၢၤအဂီၢ် ဒီးနမၤဘျါက့ၤယၤလံ.+
၃ အိ ယဟိဝၤယွၤဧၢ, နထုးထီၣ်ယၤလၢ တၢ်သွၣ်ခိၣ်အပူၤလံ.*+
နပာ်မူယၤ ဒ်သိးယသုတလဲၤလီၤလၢ တၢ်ပူၤ* တဂ့ၤအဂီၢ်လီၤ.+
၄ ပှၤလၢအသးတီဒီး ယဟိဝၤယွၤသ့ၣ်ဧၢ, သးဝံၣ်စံးထီၣ်ပတြၢၤအီၤ+ဒီးစံးဘျုးစံးဖှိၣ် အမံၤစီဆှံ တက့ၢ်.+
၅ အတၢ်သးဒိၣ်ထီၣ် ပှၤတဂၤဂၤန့ၣ် အိၣ်ဝဲထဲတစိၢ်ဖိ+ဘၣ်ဆၣ် အတၢ်သူၣ်ဂ့ၤသးဝါလၢ ပှၤလၢအဘၣ်သူၣ်ဘၣ်သးဝဲတဂၤ အဖီခိၣ်န့ၣ် အိၣ်ဝဲတစိၤသးလီၤ.+
မဲာ်ထံမဲာ်နိ မ့ၢ်ယွၤလီၤဝဲလၢဟါခီ ဘၣ်ဆၣ် လၢဂီၤခီန့ၣ် တၢ်သးခု ဟဲဝဲလီၤ.+
၆ ဖဲယတဘၣ်ကီဘၣ်ခဲဘၣ်အခါ ယတဲလၢ“ယကဆၢထၢၣ် ဂၢၢ်ဂၢၢ်ကျၢၤကျၢၤ ထီဘိလီၤ.”
၇ အိ ယဟိဝၤယွၤဧၢ, ဖဲနဘၣ်သူၣ်ဘၣ်သးယၤအခါ နဒုးဆူၣ်ထီၣ် ယဂံၢ်ယဘါ ထဲသိးဒီး ကစၢၢ်တဖျၢၣ်လီၤ.+
ဘၣ်ဆၣ် ဖဲနပာ်သဒၢနမဲာ်အခါ ယပျံၤတၢ်ဒိၣ်မးလီၤ.+
၈ အိ ယဟိဝၤယွၤဧၢ, ယဆဲးကိးထီၣ်နၤလီၤ.+
ဒီးယဃ့ကညး ယဟိဝၤယွၤလၢ တၢ်သးကညီၤအဂီၢ် ခဲအံၤခဲအံၤလီၤ.
၉ ယမ့ၢ်သံ ဒီးလဲၤလီၤလၢ တၢ်ပူၤန့ၣ်* အကကဲဘျုးဒ်လဲၣ်.+
မ့ၢ်ဟီၣ်ခိၣ်ကမူၣ် ကစံးထီၣ်ပတြၢၤနၤဧါ.+ မ့ၢ်အကတဲဘၣ်ဃးဒီး နတၢ်သးတီအဂ့ၢ်ဧါ.+
၁၀ အိ ယဟိဝၤယွၤဧၢ, ဒိကနၣ် ဒီးသးကညီၤယၤတက့ၢ်.+
အိ ယဟိဝၤယွၤဧၢ, ကဲထီၣ် ပှၤလၢ အမၤစၢၤယၤတက့ၢ်.+
၁၁ နဆီတလဲကွံာ် ယတၢ်သးအုးဆူ တၢ်ဂဲၤကလံၣ်လံ.
ဒီးနဘ့ၣ်လီၤကွံာ် ယထၢၣ်တၢ်ကံးညာ်* ဒီးဒုးသိးထီၣ်ယၤလၢ တၢ်သူၣ်ခုသးခုလီၤ.
၁၂ အဃိ ယတအိၣ်ဘှ့ၣ်ဘၣ် ဒီးယကသးဝံၣ် စံးထီၣ်ပတြၢၤနၤလီၤ.
အိ ယကစၢ် ယဟိဝၤယွၤဧၢ, ယကစံးထီၣ်ပတြၢၤနၤ လီၤထူ လီၤယိာ်လီၤ.
တၢ်ဂ့ၢ်အဘျဲၣ်တဖၣ်
^ ဘၣ်သ့ၣ်သ့ၣ် ကမ့ၢ် “တၢ်လုၢ်ဟံၣ်.” အခီပညီလိၤလိၤ “ဟံၣ်.”
^ လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
^ မ့ၢ်စ့ၢ်ကီး “တၢ်သွၣ်ခိၣ်.”
^ မ့ၢ်စ့ၢ်ကီး “တၢ်သွၣ်ခိၣ်.”
^ ကွၢ် တၢ်ကတိၤအခီပညီ.
