စံးထီၣ်ပတြၢၤ ၅၄:၁-၇
-
တၢ်ထုကဖၣ်လၢ တၢ်မၤစၢၤအဂီၢ် ဖဲအိၣ်လၢဒုၣ်ဒါတဖၣ်အကျါ
-
“ကစၢ်ယွၤ မ့ၢ်ပှၤလၢအမၤစၢၤယၤ” (၄)
-
လၢတၢ်သူၣ်ဝံၣ်သးဆၢအခိၣ်အဂီၢ်. ဒ့အီၤဃုာ်ဒီး သီတူၢ်. မၣ်စခ့.* စီၤဒၤဝံးအထါ, ဖဲပှၤစံဖးဖိ လဲၤတဲဘၣ် စီၤစီလူးလၢ “စီၤဒၤဝံး ဟဲအိၣ်ခူသူၣ်လၢ ပကျါ.”+
၅၄ အိ ကစၢ်ယွၤဧၢ, မၤပူၤဖျဲးယၤ ခီဖျိနမံၤ+ဒီးအိၣ်ဃူ ဒီးဒီသဒၢယၤ+ ခီဖျိ နတၢ်စိတၢ်ကမီၤတက့ၢ်.
၂ အိ ကစၢ်ယွၤဧၢ, ဒိကနၣ်ယတၢ်ထုကဖၣ်+ဒီးသးစၢၢ်ဆၢ ယတၢ်ကတိၤတဖၣ်တက့ၢ်.
၃ ပှၤလၢယတသ့ၣ်ညါဘၣ်တဖၣ် ဂဲၤဆၢထၢၣ်ထီဒါယၤဒီးပှၤလၢအသူၣ်အၢသးသီတဖၣ် ဃုမၤသံယၤလီၤ.+
အဝဲသ့ၣ် တပာ်ကဲ ကစၢ်ယွၤနီတစဲးဘၣ်.+ (စ့လၤ)
၄ ကစၢ်ယွၤ မ့ၢ်ပှၤလၢအမၤစၢၤယၤလီၤ.+
ယဟိဝၤယွၤ အိၣ်ဃူ ပှၤလၢအဆီၣ်ထွဲယၤတဖၣ်လီၤ.
၅ ကစၢ်ယွၤ ကမၤကၣ်က့ၤ ယဒုၣ်ယဒါတဖၣ်+ လၢအဝဲသ့ၣ် အနီၢ်ကစၢ် အတၢ်ကူၣ်အၢလီၤ.
ဒီးလၢနတၢ်သးတီအဃိ မၤကတၢၢ်ကွံာ် အဝဲသ့ၣ်တက့ၢ်.+
၆ ယကလုၢ်ထီၣ်တၢ်လၢနအိၣ်+ လၢတၢ်သူၣ်အိၣ်သးအိၣ်အပူၤလီၤ.
အိ ယဟိဝၤယွၤဧၢ, ယကစံးထီၣ်ပတြၢၤနမံၤ မ့ၢ်လၢအဂ့ၤဝဲအဃိလီၤ.+
၇ နမၤပူၤဖျဲးယၤလၢ ယတၢ်ကိၢ်တၢ်ဂီၤ ခဲလၢာ်အပူၤ+ဒီးယကထံၣ်ဘၣ် ယဒုၣ်ယဒါတဖၣ် ၡူကွံာ်ဝဲလီၤ.+
တၢ်ဂ့ၢ်အဘျဲၣ်တဖၣ်
^ ကွၢ် တၢ်ကတိၤအခီပညီ.
