စံးထီၣ်ပတြၢၤ ၇:၁-၁၇
-
ယဟိဝၤယွၤ မ့ၢ်စံၣ်ညီၣ်ကွီၢ်လၢ အတီအလိၤ
-
“အိ ယဟိဝၤယွၤဧၢ, စံၣ်ညီၣ်န့ၢ်တၢ်လၢယဂီၢ်” (၈)
-
စီၤဒၤဝံး အထါဟီၣ်လၢ အသးဝံၣ်ဝဲလၢ ယဟိဝၤယွၤအအိၣ် ဘၣ်ဃးဒီး ပှၤဘံၣ်ယၤ မံၣ်ဖိ စီၤကူၤၡး အတၢ်ကတိၤ.
၇ အိ ယကစၢ်ယဟိဝၤယွၤဧၢ, ယဃုတၢ်အိၣ်သဒၢအလီၢ်လၢ နအိၣ်လီၤ.+
အုၣ်က့ၤခီၣ်က့ၤယၤလၢ ပှၤလၢ အမၤနးမၤဖှီၣ်ယၤတဖၣ် အစုပူၤ ဒီးမၤပူၤဖျဲးယၤတက့ၢ်.+
၂ နမ့ၢ်တမၤပူၤဖျဲးယၤဘၣ်န့ၣ် အဝဲသ့ၣ်ကအ့ၣ်ဖှီယၤ ဒ်ခ့ယုၢ် အ့ၣ်ဖှီတၢ်အသိး+ဒီးကက့ၤတွံၢ်တရူာ်ယၤ ဒီးပှၤလၢအကမၤပူၤမၤဖျဲးယၤန့ၣ် တအိၣ်ဘၣ်.
၃ အိ ယဟိဝၤယွၤဧၢ, ယမ့ၢ်မၤကမၣ်ဘၣ် တၢ်တမံၤအံၤ,
ယမ့ၢ်မၤတ့ၢ် တၢ်တတီတလိၤဘၣ်,
၄ ယမ့ၢ်မၤအၢဘၣ် ပှၤတဂၤလၢ အမၤဂ့ၤယၤ+မ့တမ့ၢ် ယမ့ၢ်ဟးဂုာ်န့ၢ်ကြီ ယဒုၣ်ယဒါအတၢ်န့ၣ်
၅ ပျဲဒုၣ်ဒါတဂၤ လူၤယၤဒီး ချုးန့ၢ်ယၤတက့ၢ်.
ပျဲအယီၢ်တံၢ်လီၤယၤ* လၢဟီၣ်ခိၣ်လိၤဒီးပျဲယလၤကပီၤ ဟးဂီၤကွံာ်လၢ ဟီၣ်ခိၣ်ကမူၣ်အကျါတက့ၢ်. (စ့လၤ)*
၆ အိ ယဟိဝၤယွၤဧၢ, ဂဲၤဆၢထၢၣ်လၢ တၢ်သးထီၣ်အပူၤ,ဆၢထၢၣ်တြီဆၢ ယဒုၣ်ယဒါတဖၣ် အတၢ်သးဒိၣ်ထီၣ်ယၤတက့ၢ်.+
ပၢၢ်ထီၣ်ဒီး ဟ့ၣ်လီၤတၢ်ကလုၢ်လၢ ပှၤကစံၣ်ညီၣ်န့ၢ်တၢ်လၢ ယဂီၢ်တီတီတက့ၢ်.+
၇ မ်ပှၤကလုာ်တဖၣ် အိၣ်ဖှိၣ် ဝးတရံးနၤဒီးမ်နထီဒါ အဝဲသ့ၣ်လၢ နလီၢ်ထီၣ်ထီန့ၣ်တက့ၢ်.
၈ ယဟိဝၤယွၤ ကစံၣ်ညီၣ် ပှၤကလုာ်တဖၣ်လီၤ.+
အိ ယဟိဝၤယွၤဧၢ, စံၣ်ညီၣ်န့ၢ်တၢ်လၢယဂီၢ် ဒ်ယတၢ်တီတၢ်လိၤ အိၣ်ဝဲအသိးဒီးဒ်ယတၢ်သးတီ အိၣ်ဝဲ အသိးတက့ၢ်.+
၉ နမ့ၢ်ကစၢ်ယွၤလၢ အတီအလိၤတဂၤ+ လၢအသမံသမိးပှၤသး+ ဒီးပှၤတၢ်ဆိကမိၣ်လၢ အဒိၣ်အယိာ် ဒီးပှၤတၢ်တူၢ်ဘၣ်တဖၣ်လီၤ.*+
အဃိ ဝံသးစူၤ မၤကတၢၢ်ကွံာ် ပှၤအၢပှၤသီ အတၢ်မၤတဖၣ်,မ့မ့ၢ် ပှၤတီပှၤလိၤန့ၣ် ဒုးအိၣ်ဂၢၢ်ဆိးကျၢၤအီၤတက့ၢ်.+
၁၀ ကစၢ်ယွၤ မ့ၢ်ယကတီၤ+ ဒီးအအုၣ်က့ၤခီၣ်က့ၤ ပှၤလၢ အသူၣ်ဘျၢသးဘျၢလီၤ.+
၁၁ ကစၢ်ယွၤ မ့ၢ်စံၣ်ညီၣ်ကွီၢ် လၢ အတီအလိၤ+ဒီးကစၢ်ယွၤ ဘိးဘၣ်သ့ၣ်ညါလီၤ အတၢ်စံၣ်ညီၣ်တဖၣ် ကိးနံၤဒဲးလီၤ.
၁၂ ပှၤတဂၤဂ့ၤတဂၤဂ့ၤ မ့ၢ်တပီၢ်ယၢ်လီၤက့ၤအသးဘၣ်န့ၣ်+ ကစၢ်ယွၤ ကျ့အ့ၣ်ထီၣ်အနးလီၤ.+
ဒီးအဝဲဖ့ၣ်ထီၣ် အချံၣ်လၢ ကပညိၣ်ဝဲအဂီၢ်လီၤ.+
၁၃ အဝဲကတဲာ်ကတီၤထီၣ် အစုကဝဲၤတဖၣ်လၢ အမၤသံတၢ်သ့ဒီးပညိၣ်ထီၣ်ဝဲ အပျၢ်မ့ၣ်အူ တဖၣ်လီၤ.+
၁၄ ကွၢ်ထံၣ်, ပှၤလၢအဒၢထီၣ်ဒီး တၢ်အၢတၢ်သီတဂၤန့ၣ်အဝဲဒၢထီၣ်ဝဲတၢ်ကီတၢ်ခဲ ဒီးအိၣ်ဖျဲၣ်ထီၣ်ဝဲ တၢ်လံၣ်တၢ်လီလီၤ.+
၁၅ အဝဲခူၣ်လီၤတၢ်ပူၤတပူၤ ဒီးခူၣ်လီၤဝဲ ယိာ်ယိာ်လီၤ.
ဘၣ်ဆၣ် အနီၢ်ကစၢ် လီၤတဲာ်ကွံာ်လၢ တၢ်ပူၤလၢ အခူၣ်လီၤဝဲလီၤ.+
၁၆ တၢ်ကီတၢ်ခဲလၢ အဒုးအိၣ်ထီၣ်ဝဲန့ၣ် ကက့ၤဘၣ်ကဒါက့ၤ အနီၢ်ကစၢ်+ဒီးအတၢ်မၤဆူၣ်မၤစိးန့ၣ် ကမၤဘၣ်ဒိက့ၤအီၤလီၤ.
၁၇ ယကစံးထီၣ်ပတြၢၤ ယဟိဝၤယွၤ ခီဖျိ အစံၣ်ညီၣ်တၢ်တီတီအဃိ+ဒီးယကသးဝံၣ် စံးထီၣ်ပတြၢၤ တၢ်ထီကတၢၢ်+ ယဟိဝၤယွၤ အမံၤလီၤ.+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “ယသးသမူ.”
^ ကွၢ် တၢ်ကတိၤအခီပညီ.
^ မ့ၢ်စ့ၢ်ကီး “မၤကွၢ် ပှၤသးဒီးကလ့ၢ်တဖၣ်.”
