စံးထီၣ်ပတြၢၤ ၉၃:၁-၅
၉၃ ယဟိဝၤယွၤ ကဲထီၣ်စီၤပၤလံ.+
ယဟိဝၤယွၤ ကူသိးဝဲ တၢ်ကဟုကညီၢ်,အဝဲကူသိးဝဲ တၢ်ဂံၢ်တၢ်ဘါဒီးစၢဃာ်ဝဲ ဒ်ယီၢ်တကိးအသိးလီၤ.
အဝဲဆီလီၤပာ်စၢၤ ဟီၣ်ခိၣ်ကျၢၤကျၢၤဒီးတၢ်သုးအီၤတန့ၢ်ဘၣ်.
၂ နလီၢ်ပစိာ်န့ၣ် အိၣ်ဂၢၢ်ဆိးကျၢၤ ပာ်စၢၤဖးယံာ်လံ+ဒီးနအိၣ်ပာ်စၢၤ အစိၤစိၤအဃၣ်ဃၣ်လံ.+
၃ အိ ယဟိဝၤယွၤဧၢ, ထံကျိတဖၣ် ယွၤလီၤဆူၣ်ဆူၣ်လီၤ.
ထံကျိတဖၣ် ယွၤလီၤဆူၣ်ဆူၣ် ဒီးသီၣ်သဲဝဲ,ထံကျိတဖၣ် ဆဲးယွၤလီၤဆူၣ်ဆူၣ် ဒီးသီၣ်ဝဲဖးဒိၣ်လီၤ.
၄ ဘၣ်ဆၣ် ယဟိဝၤယွၤဧၢ, လၢမူခိၣ်န့ၣ် နလီၤကဟုကညီၢ်ဒိၣ်မး,နအိၣ်လၢ ထံအါအါဂီၢ်ဂီၢ်အသီၣ် အဖီခိၣ်+ဒီးနဂံၢ်ဆူၣ်ဘါဆူၣ် ဒိၣ်န့ၢ်ဒံး ပီၣ်လဲၣ်အလပီတဖၣ်လီၤ.+
၅ နတၢ်ဒုးသ့ၣ်နီၣ်ထီၣ်တဖၣ်န့ၣ် ပနာ်န့ၢ်အီၤသ့ သပှၢ်တၢၢ်လီၤ.+
အိ ယဟိဝၤယွၤဧၢ, နဟံၣ်န့ၣ် ဃံလၤဝဲ+ ဒီးစီဆှံဝဲထီဘိလီၤ.
