စံးထီၣ်ပတြၢၤ ၉၇:၁-၁၂
၉၇ ယဟိဝၤယွၤ ကဲထီၣ်စီၤပၤလံ.+
မ်ဟီၣ်ခိၣ် သူၣ်ခုသးခုတက့ၢ်.+
မ်ကီးတဖၣ် သူၣ်ဖှံသးညီတက့ၢ်.+
၂ တၢ်အၢၣ် ဒီးတၢ်အၢၣ်ခံးသူန့ၣ် အိၣ်ဝးတရံးအီၤ,+အလီၢ်ပစိာ် အိၣ်သူၣ်လီၤအသးလၢ တၢ်တီတၢ်လိၤ ဒီးတၢ်စံၣ်ညီၣ်တီ အဖီခိၣ်လီၤ.+
၃ မ့ၣ်အူလဲၤလၢ အမဲာ်ညါ+ဒီးအီၣ်ကွံာ်ဝဲ အဒုၣ်အဒါ လၢအအိၣ်ဝးတရံးအီၤ ခဲလၢာ်လီၤ.+
၄ အလီဝၢ်ဒံးတဖၣ် မၤကပီၤထီၣ် ဟီၣ်ခိၣ်,ဟီၣ်ခိၣ်ထံၣ်ဝဲ ဒီးကနိးကစုာ်ဝဲလီၤ.+
၅ ကစၢၢ်ကလိတဖၣ် ပှံၢ်လီၤဝဲဒ်ဃိး* အသိးလၢ ယဟိဝၤယွၤအမဲာ်ညါ,+လၢဟီၣ်ခိၣ်ဒီဘ့ၣ်ညါ အကစၢ်အမဲာ်ညါလီၤ.
၆ မူခိၣ် တဲဖျါထီၣ်အ* တၢ်တီတၢ်လိၤဒီးပှၤဟီၣ်ခိၣ်ဖိခဲလၢာ်ထံၣ်ဝဲ အလၤကပီၤလီၤ.+
၇ ကယဲၢ်ပှၤလၢ အဘူၣ်ထီၣ်ဘါထီၣ် တၢ်ဂီၤတၢ်ဖှီၣ် တခါဂ့ၤတခါဂ့ၤဒီးပှၤလၢ အပတြၢၤအယွၤလၢ အဘျုးတအိၣ်ဘၣ်တဖၣ်န့ၣ်+ မ်အဒိးန့ၢ်ဘၣ် တၢ်မဲာ်ဆှးတက့ၢ်.+
သုဝဲယွၤခဲလၢာ်သ့ၣ်ဧၢ, ထိၣ်လီၤပှီၤသုသး* လၢကစၢ်ယွၤ အမဲာ်ညါတက့ၢ်.+
၈ အိ ယဟိဝၤယွၤဧၢ, ခီဖျိလၢ နတၢ်စံၣ်ညီၣ်တီအဃိ+ကစၢၢ်စံယိၣ် နၢ်ဟူဝဲဒီး သးခုဝဲ+ဒီးယူဒၤအဝ့ၢ်တဖၣ်* သူၣ်ဖှံသးညီဝဲလီၤ.
၉ အိ ယဟိဝၤယွၤဧၢ, ပှၤလၢအထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်န့ၣ် အိၣ်ထဲနၤတဂၤလီၤ.
နဒိၣ်န့ၢ်ဒံး ယွၤအဂၤတဖၣ် စၢၢ်တလၢၢ်လီၤ.+
၁၀ သုဝဲလၢ အအဲၣ်ယဟိဝၤယွၤ သ့ၣ်ဧၢ, သးဟ့တၢ်အၢတက့ၢ်.+
ကစၢ်ယွၤ ဒီသဒၢ ပှၤလၢအတီဒီးအီၤတဖၣ် အသးသမူ+ဒီးမၤပူၤဖျဲး အဝဲသ့ၣ်လၢ ပှၤအၢပှၤသီ အစုပူၤလီၤ.+
၁၁ တၢ်ကပီၤ ကပီၤထီၣ်ဝဲလၢ ပှၤတီပှၤလိၤတဖၣ်အဂီၢ်+ဒီးတၢ်သးခု အိၣ်ထီၣ်ဝဲလၢ ပှၤလၢအသူၣ်ဘျၢသးဘျၢတဖၣ် အဂီၢ်လီၤ.
၁၂ ပှၤတီပှၤလိၤသ့ၣ်ဧၢ, သးခုလၢ ယဟိဝၤယွၤ အပူၤဒီးစံးထီၣ်ပတြၢၤ အမံၤစီဆှံတက့ၢ်.
တၢ်ဂ့ၢ်အဘျဲၣ်တဖၣ်
^ ဖျါလၢအဲၣ်ဒိးတဲဝဲ တၢ်အသံးအကာ်လၢ အပှံၢ်လီၤညီလၢ ကနဲဒုးအိၣ်ထီၣ်ဝဲ.
^ မ့ၢ်ဝဲ ကစၢ်ယွၤ.
^ မ့ၢ်စ့ၢ်ကီး “ဘူၣ်ထီၣ်ဘါထီၣ်.”
^ အခီပညီလိၤလိၤ “အဖိမုၣ်တဖၣ်.”
