ယံးရမံယၤ ၄၇:၁-၇
-
ဝံအတၢ်စံးပာ်လၢ အဘၣ်ဃးဒီး တၢ်စံၣ်ညီၣ် ပှၤဖလ့ၡသးဖိအဂ့ၢ် (၁-၇)
၄၇ တချုးလၢ ဖၤရိၤမၤနၢၤဝဲ ဝ့ၢ်ဂါစၤ ဒံးဘၣ်န့ၣ် တၢ်ကစီၣ်လၢ ယဟိဝၤယွၤ တဲဘၣ်ဝံယံးရမံယၤ လၢအဘၣ်ဃးဒီး ပှၤဖလ့ၡသးဖိအဂ့ၢ်န့ၣ်+ အိၣ်ဝဲဒ်လၢလာ်အံၤအသိးလီၤ.
၂ ယဟိဝၤယွၤ တဲဝဲလၢ“ထံလၢအအိၣ်လၢ ကလံၤစိးတခီန့ၣ် ကဟဲဝဲဒီးအကကဲထီၣ် ထံကျိၤလၢ အထံ ဒိၣ်ထီၣ်လီၤ.
ဒီးအကလုၢ်ဘၢ ကီၢ်, တၢ်အိၣ်လၢ အပူၤ ခဲလၢာ်,ဝ့ၢ် ဒီးပှၤအိၣ်လၢအပူၤ ခဲလၢာ်လီၤ.
ပှၤပိာ်ခွါတဖၣ် ကဟီၣ်ကိးပသူထီၣ်ဒီးပှၤကိးဂၤဒဲးလၢ အအိၣ်လၢ ကီၢ်ပူၤန့ၣ် ကဟီၣ်ကယၢၤဝဲလီၤ.
၃ ဖဲပှၤနၢ်ဟူ ကသ့ၣ်တဖၣ် အခီၣ်မ့ၣ်ဃ့ၢ်သီၣ်,လ့ၣ်ကဟၣ်တဖၣ် အသီၣ်ဒီးအလ့ၣ်ကဟၣ်အပၣ်တဖၣ် သီၣ်ဝဲရုၢ်ရုၢ်ရၢ်ရၢ်အခါပၢ်တဖၣ် ကဃ့ၢ်ကွံာ်ဝဲ ဒီးတက့ၤဃၣ်ကဒါအသးလၢ ကမၤစၢၤအဖိတဖၣ်အဂီၢ်ဘၣ်,မ့ၢ်လၢ အဝဲသ့ၣ် အတၢ်သးဒူ တအိၣ်လၢၤဘၣ် အဃိလီၤ.
၄ မုၢ်ကအိၣ်ဝဲတနံၤ ပှၤဖလ့ၡသးဖိတဖၣ် ကဘၣ်တၢ်မၤဟးဂီၤကွံာ်အီၤ ခဲလၢာ်လီၤ.+
ပှၤလၢအဖီၣ်လိာ်သးစုဒီး အဝဲသ့ၣ်လၢ အအိၣ်တ့ၢ်ဒံးလၢ ဝ့ၢ်စိၢ်+ ဒီးဝ့ၢ်စံဒိၣ်န့ၣ်+ ကဘၣ်တၢ်ဒီၣ်တဲာ်ကွံာ်အီၤ ခဲလၢာ်လီၤ.
ပှၤဖလ့ၡသးဖိလၢ အအိၣ်ဟဲလၢ ကီးကၤဖတိၢ်*+လၢအအိၣ်တ့ၢ်ဒံးန့ၣ် ယဟိဝၤယွၤ ကမၤဟးဂီၤကွံာ်ဝဲလီၤ.
၅ တၢ်သးအုး* ကအိၣ်ထီၣ်လၢ ဝ့ၢ်ဂါစၤအပူၤဒီးလၢဝ့ၢ်အၤၡကလိၣ်အပူၤန့ၣ် ကအိၣ်ထဲတၢ်ဘှ့ၣ်တၢ်ဘှီၣ်လီၤ.+
ပှၤလၢအအိၣ်တ့ၢ်ဒံး ဖဲတၢ်တြီၤပူၤသ့ၣ်ဧၢ,သုကကူးလီၤသုသး ယံာ်ဒံးထဲလဲၣ်.+
၆ ယဟိဝၤယွၤ အနးဧၢ,+နကအိၣ်ဃိဒိ အခါဖဲလဲၣ်.
က့ၤနုာ်လီၤလၢ နတြိးပူၤဒီးအိၣ်ဃိဒိ ဒီးအိၣ်ဘှံးတက့ၢ်.
၇ ယဟိဝၤယွၤ ဟ့ၣ်လီၤတၢ်ကလုၢ်လၢ နးတဘ့ၣ်န့ၣ်အအိၣ်အဃိ နးတဘ့ၣ်န့ၣ် အိၣ်ဃိဒိ ကသ့ဒ်လဲၣ်.
အဝဲဟ့ၣ်လီၤနးတဘ့ၣ်န့ၣ် မူဒါလၢဝ့ၢ်အၤၡကလိၣ် ဒီးပီၣ်လဲၣ်ကၢၢ်နံၤ တကပၤလီၤ.”+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ကီးကြ့တ့ၤ.
^ အခီပညီလိၤလိၤ “ခိၣ်လ့ၤ.” အဝဲသ့ၣ် ကလူၤအခိၣ်ဆူၣ်လၢ တၢ်ဟီၣ်တၢ်ယၢၤ ဒီးတၢ်မဲာ်ဆှးအဃိ.
