ယၡါယၤ ၁၁:၁-၁၆
၁၁ စီၤယံးၡဲ+ အခိၣ်ဆၢၣ်န့ၣ်+ အဒ့ကဟဲထီၣ်တဒ့ဒီးအဒ့ဘီၣ်လၢ အဟဲထီၣ်လၢ+ အဂံၢ်လိၤန့ၣ် ကသၣ်ထီၣ်ဝဲလီၤ.
၂ ယဟိဝၤယွၤ အသးစီဆှံ ကအိၣ်ဝဲ ဆိးဝဲလၢ အလိၤ*+အဃိ အဝဲကအိၣ်ဒီး တၢ်ကူၣ်သ့,+ တၢ်နၢ်ပၢၢ်,တၢ်ဟ့ၣ်ကူၣ်လၢအဂ့ၤ, တၢ်ဂံၢ်တၢ်ဘါ,+တၢ်သ့ၣ်ညါ ဒီးအကပျံၤ ယဟိဝၤယွၤလီၤ.
၃ အဝဲကသးခုလၢ တၢ်ပျံၤ ယဟိဝၤယွၤအပူၤလီၤ.+
အဝဲတစံၣ်ညီၣ်တၢ် ဒ်တၢ်လၢအထံၣ်ဝဲလၢ အမဲာ်အသိးဘၣ်.
ဒီးအတသိၣ်က့ၤသီက့ၤတၢ် ဒ်တၢ်လၢ အနၢ်ဟူဝဲအသိးဘၣ်.+
၄ အဝဲကစံၣ်ညီၣ်န့ၢ်တၢ်လၢ ပှၤပတီၢ်ဖုၣ်တဖၣ်အဂီၢ် တီတီလိၤလိၤလီၤ.
ဒီးအဝဲ ကသိၣ်က့ၤသီက့ၤပှၤဂၤ တီတီလိၤလိၤဒ်သိး အကဒီသဒၢပှၤလၢ အအိၣ်ဒီး တၢ်ဆီၣ်လီၤသးလၢ ဟီၣ်ခိၣ်ချၢအဂီၢ်လီၤ.
အတၢ်ကတိၤတဖၣ် ကလီၤဂာ်ဒ်သိးဒီး နီၣ်တီၢ်လၢ အဝဲကသူဝဲလၢ ကတီၢ်ဟီၣ်ခိၣ်အဂီၢ်+ဒီးအကမၤသံ ပှၤအၢပှၤသီတဖၣ် ခီဖျိလၢ အတၢ်ကတိၤ တဖၣ်လီၤ.*+
၅ တၢ်တီတၢ်လိၤန့ၣ် ကလီၤဂာ်ဒ်သိးဒီး ယီၢ်တကိး* လၢအယီၢ်ဒ့လိၤဒီးတၢ်သးတီ ကလီၤဂာ်ဒ်သိးဒီး ယီၢ်တကိးလၢ အယီၢ်ဒ့လိၤ စ့ၢ်ကီးလီၤ.+
၆ ထွံၣ်မံၤ ဒီးသိဖိ ကအိၣ်ဃူအိၣ်ဖိး,+မဲာ်တဲးလဲး ဒီးခ့စံၣ်ပိၣ် ကကိာ်လီၤ ဒ်သိးသိးဒီးကျီၢ်ဖိ, ခ့ယုၢ် ဒီးဆၣ်ဖိကီၢ်ဖိလၢ အဘီၣ်အသိတဖၣ် ကအိၣ် တပူၤဃီလီၤ.*+
ဖိသၣ်ပိာ်ခွါ ကဆှၢအဝဲသ့ၣ်လီၤ.
၇ ကျီၢ် ဒီးတၤသူ ကအီၣ်ဆၣ်ဒ်သိးသိးဒီးအဝဲသ့ၣ် အဖိတဖၣ် ကကိာ်လီၤ ဒ်သိးသိးလီၤ.
ခ့ယုၢ် ကအီၣ်နီၣ် ဒ်ကျီၢ်ဖါ အသိးလီၤ.+
၈ ဖိသၣ်အီနုၢ် ကဂဲၤလိာ်ကွဲလၢ ဂုၢ်သီအပူၤခိၣ်ထိးဒီးဖိသၣ်ဖှၣ်နုၢ် ကပာ်လီၤအစုလၢ ဂုၢ်လၢအစုၣ်အၢ အပူၤခိၣ်ထိးလီၤ.
၉ အဝဲသ့ၣ် တမၤအၢတၢ်နီတမံၤဘၣ်+ဒီးအဝဲသ့ၣ် တမၤဟးဂီၤတၢ်လၢ ယကစၢၢ် စီဆှံအလိၤ နီတမံၤဘၣ်,+မ့ၢ်လၢ ဟီၣ်ခိၣ်န့ၣ် ကပှဲၤဝဲဒီး တၢ်သ့ၣ်ညါ ယဟိဝၤယွၤ သပှၢ်တၢၢ်ဒ်ထံအိၣ်ဘၢ ပီၣ်လဲၣ်အသိးလီၤ.+
၁၀ ဖဲန့ၣ်အဆၢကတီၢ် စီၤယံးၡဲအဂံၢ်န့ၣ်+ ကဆၢထၢၣ် ဒ်သိးဒီး တၢ်ပနီၣ်တခါလၢ ပှၤကလုာ်တဖၣ် အဂီၢ်လီၤ.+
ပှၤကလုာ်တဖၣ် ကဃၣ်အသးဆူ အအိၣ်လၢ ကန့ၢ်ဘၣ် တၢ်ဟံးစုနဲၣ်ကျဲ အဂီၢ်လီၤ.*+
ဒီးအတၢ်အိၣ်တၢ်ဆိးအလီၢ်န့ၣ် ကပှဲၤဒီး အလၤကပီၤလီၤ.
၁၁ ဖဲန့ၣ်အဆၢကတီၢ် ယဟိဝၤယွၤ ကပာ်ဖျါထီၣ်ကဒီး အစိကမီၤ* ခံဘျီတဘျီ ဒ်သိးကမၤစၢၤ အပှၤဂီၢ်မုၢ်လၢ အအိၣ်တ့ၢ်စှၤဂၤအဂီၢ်လီၤ. ကစၢ်ယွၤ ကကိးဖှိၣ်က့ၤ အပှၤဂီၢ်မုၢ်လၢ အအိၣ်လၢ ကီၢ်အၤၡူၢ်,+ ကီၢ်အဲၤကူပတူး,+ ပၤသြိၣ်+ အတၢ်လီၢ်တၢ်ကျဲ, ကီၢ်ကူၤၡး,*+ ဧ့ၤလၣ်+ အဟီၣ်ကဝီၤ, ကီၢ်ၡံနၢ်,*+ ဝ့ၢ်ဃမါသး ဒီးလၢကီးတဖၣ်လၢ ပီၣ်လဲၣ်အပူၤလီၤ.
၁၂ အဝဲကဆီလီၤ တၢ်ပနီၣ်တခါ လၢပှၤကလုာ်တဖၣ် အဂီၢ်လီၤ. ဒီးအဝဲကပာ်ဖှိၣ်က့ၤ ပှၤအံၣ်စရ့လးဖိလၢ အလီၤပြံလီၤပြါတဖၣ်+ ဒီးယူဒၤ အပှၤဂီၢ်မုၢ်လၢ အလီၤပြံလီၤပြါလၢ ဟီၣ်ခိၣ်အနၢၣ် လွံၢ်နၢၣ်န့ၣ်လီၤ.+
၁၃ အ့ဖရဲၣ်အပှၤဂီၢ်မုၢ် တသးက့ၣ်တၢ်လၢၤဘၣ်,+ဒီးပှၤလၢအထီဒါ ယူဒၤအပှၤဂီၢ်မုၢ်တဖၣ် ကဘၣ်တၢ်မၤဟးဂီၤကွံာ်အီၤလီၤ.
အ့ဖရဲၣ်အပှၤဂီၢ်မုၢ် တသးက့ၣ် ယူဒၤအပှၤဂီၢ်မုၢ်လၢၤဘၣ်ဒီးယူဒၤအပှၤဂီၢ်မုၢ် တထီဒါ အ့ဖရဲၣ်အပှၤဂီၢ်မုၢ်လၢၤဘၣ်.+
၁၄ အဝဲသ့ၣ် ကပာ်ဖှိၣ်အသး ဒီးကဒုးတၢ်လၢ ပှၤဖလ့ၡသးဖိ အတၢ်လီၤဘံတဖၣ်လၢ* မုၢ်နုာ်တခီဒီးကဂုာ်န့ၢ်ဆူၣ် ပှၤမုၢ်ထီၣ်ဖိတဖၣ် အတၢ်လီၤ.
အဝဲသ့ၣ်ကမၤနၢၤပှၤအဒိၣ်ဖိ+ ဒီးပှၤမိၤအးဖိတဖၣ်+ဒီးပှၤဧၣ်မိၣ်ဖိတဖၣ်န့ၣ် ကဒိးပၢအသးလၢ အဝဲသ့ၣ် အဖီလာ်လီၤ.+
၁၅ ယဟိဝၤယွၤ ကမၤသ့ၣ်ဖး* အဲၤကူပတူး အပီၣ်လဲၣ်က့ၣ်ကျီၤ+ဒီးကယၤထီၣ်အစုလၢ ထံကျိဖရၤသး အဖီခိၣ်လီၤ.+
ဒီးအဝဲကမၤဃ့ထီ* ထံကျိအံၤ အဒ့အတြၢ်နွံကျိ ခီဖျိ အတၢ်ကသါလၢအကိၢ်သွးဒီးအဝဲကဒုးလဲၤခီဂာ်ဝဲ အပှၤဂီၢ်မုၢ်လီၤ.
၁၆ ဒီးကစၢ်ယွၤ ကမၤထီၣ် ကျဲမုၢ်ဖးဒိၣ်တဘိလၢ+ အဟးထီၣ်လၢ ကီၢ်အၤၡူၢ်အပူၤ လၢအပှၤဂီၢ်မုၢ်လၢ အအိၣ်တ့ၢ်စှၤဂၤအဂီၢ်+ဒ်သိးဒီး ဖဲပှၤအံၣ်စရ့လးဖိ ဟးထီၣ်လၢ ကီၢ်အဲၤကူပတူး အဆၢ ကတီၢ်လီၤ.
တၢ်ဂ့ၢ်အဘျဲၣ်တဖၣ်
^ အဲၣ်ဒိးတဲဝဲ “အဒ့” ဒီး “အဒ့ဘီၣ်” လၢတၢ်ပာ်ဖျါထီၣ်အီၤလၢ အဆၢဖိတၢ.
^ မ့ၢ်စ့ၢ်ကီး “အထးခိၣ်အတၢ်သါ.”
^ မ့ၢ်စ့ၢ်ကီး “ခါပး.”
^ ဘၣ်သ့ၣ်သ့ၣ် ကမ့ၢ် “ကျီၢ်ဖိ ဒီးခ့ယုၢ် ကအီၣ်ဆၣ် ဒ်သိးသိး.”
^ မ့ၢ်စ့ၢ်ကီး “ပှၤကလုာ်တဖၣ် ကဃုအီၤ.”
^ အခီပညီလိၤလိၤ “ယူာ်ဃီၤကဒီးအစု.”
^ မ့ၢ်စ့ၢ်ကီး “ကီၢ်အဲၤသံအီးပး.”
^ မ့ၢ်ဝဲ ပှၤဘၤဘူၤလိၣ်ဖိ အကီၢ်.
^ အခီပညီလိၤလိၤ “ဖံဘၣ်ခိၣ်.”
^ ဘၣ်သ့ၣ်သ့ၣ် ကမ့ၢ် “မၤဃ့ထီ.”
^ ဘၣ်သ့ၣ်သ့ၣ် ကမ့ၢ် “တီၢ်သ့ၣ်ဖး.”
