ယၡါယၤ ၁၂:၁-၆
၁၂ ဖဲန့ၣ်အဆၢကတီၢ် နကတဲလၢ“အိ ယဟိဝၤယွၤဧၢ,လၢညါ နသးထီၣ်ယၤ ဘၣ်ဆၣ်နတၢ်သးထီၣ် လီၤကယးဝဲ ကယီကယီ ဒီးနမၤမုာ်ထီၣ်က့ၤယၤအဃိ ယစံးဘျုးနၤလီၤ.+
၂ ကစၢ်ယွၤ မ့ၢ်ယတၢ်အုၣ်က့ၤ ခီၣ်က့ၤလီၤ.+
ယကနာ်န့ၢ်အီၤ ဒီးယတပျံၤတၢ်ဘၣ်.+
ယဟိဝၤ, ယဟိဝၤယွၤန့ၣ် မ့ၢ်ယတၢ်စိတၢ်ကမီၤ ဒီးယတၢ်ဂံၢ်တၢ်ဘါဒီးအဝဲကဲထီၣ် ယတၢ်အုၣ်က့ၤ ခီၣ်က့ၤလီၤ.”+
၃ လၢတၢ်သးခုအပူၤ သုက စဲၤထီၣ်ထံလၢတၢ်အုၣ်က့ၤခီၣ်က့ၤ အထံထီၣ်ပၢၢ်တဖၣ် အပူၤလီၤ.+
၄ ဒီးဖဲန့ၣ်အဆၢကတီၢ် သုကတဲလၢ“စံးဘျုး ယဟိဝၤယွၤ, ကိးထီၣ်အမံၤ,ဒုးသ့ၣ်ညါ ပှၤဂီၢ်မုၢ်လၢ အတၢ်မၤတဖၣ်တက့ၢ်.+
တဲဖျါထီၣ်လၢ အမံၤန့ၣ် ဘၣ်တၢ်ပာ်ဒိၣ်ပာ်ထီအီၤ ထဲလဲၣ်န့ၣ်တက့ၢ်.+
၅ ယဟိဝၤယွၤ မၤတ့ၢ်တၢ်လၢ အလီၤလိၢ်လီၤလးတဖၣ်အဃိ+ သးဝံၣ် စံးထီၣ်ပတြၢၤအီၤတက့ၢ်.+
မ်ပှၤတဲဖျါထီၣ် တၢ်ဂ့ၢ်တဖၣ်န့ၣ်လၢ ဟီၣ်ခိၣ်ဒီဘ့ၣ်ညါတက့ၢ်.
၆ ပှၤလၢအအိၣ်လၢ ဝ့ၢ်စံယိၣ်အပူၤသ့ၣ်ဧၢ, အံၣ်စရ့လး အကစၢ်ယွၤ လၢအစီဆှံတဂၤ လၢအအိၣ်လၢသုကျါန့ၣ် ဒိၣ်ဝဲလီၤ.
အဃိ ကိးထီၣ် ဒီးကိးပသူထီၣ်လၢ တၢ်သးခုအပူၤတက့ၢ်.”
