ယၡါယၤ ၂၇:၁-၁၃
၂၇ ဖဲန့ၣ်အဆၢကတီၢ် ယဟိဝၤယွၤ လၢအအိၣ်ဒီးနးဖးဒိၣ်လၢ အလီၤပျံၤလီၤဖုး တဘ့ၣ်န့ၣ်+ကကျီ လဝံးအသၤ* လၢအမ့ၢ် ဂုၢ်လၢအဘျိၣ်* ဒီးအလဲၤတၢ်ချ့ဒီးအဝဲကမၤသံ ဂုၢ်ဖးဒိၣ် လၢအအိၣ်လၢ ပီၣ်လဲၣ်ပူၤ တဘိအံၤလီၤ.
၂ ဖဲန့ၣ်အဆၢကတီၢ် သးဝံၣ် န့ၢ်အီၤလၢ*“နလီၤဂာ်ဒ်သိးဒီး စပံးကျီးလၢ အဒုးအိၣ်ထီၣ် စပံးထံဒီဒူၣ်.+
၃ ယၤ, ယဟိဝၤယွၤ ဒီသဒၢအီၤ+ဒီးယလူန့ၢ်အထံ ကိးဆၢကတီၢ်ဒဲးလီၤ.+
ဒ်သိး ပှၤသုတမၤဘၣ်ဒိအီၤ နီတဂၤတဂ့ၤအဂီၢ်+ယဒီသဒၢအီၤ ကိးနံၤကိးနၤလီၤ.
၄ ယတသးဒိၣ်အီၤလၢၤဘၣ်.+
ပှၤတဂၤ မ့ၢ်ပာ်လီၤ တၤဆှုၣ်တၤမဲဒီးနီၣ် လၢယမဲာ်ညါန့ၣ် ယကဒုးအီၤ, ယကယီၢ်တံၢ်လီၤ တၢ်သ့ၣ်တဖၣ်န့ၣ်ဒီးဒွဲၣ်အူထီၣ် တၢ်သ့ၣ်တဖၣ်န့ၣ် လၢမ့ၣ်အူ ခဲလၢာ်တပူၤဃီလီၤ.
၅ အဃိ မ်အဃု တၢ်ဒီသဒၢလၢ ယတၢ်အိၣ်သဒၢ အလီၢ်တက့ၢ်.
မ်အမၤ တၢ်ဃူတၢ်ဖိးဒီးယၤ,မ်အမၤ တၢ်ဃူတၢ်ဖိးဒီးယၤတက့ၢ်.”
၆ မုၢ်နံၤလၢကဟဲတဖၣ်န့ၣ် စီၤယၤကိာ် အစၢၤအသွဲၣ်တဖၣ် အဂံၢ်ကစဲၤလီၤ,စီၤအံၣ်စရ့လး အစၢၤအသွဲၣ်တဖၣ် ကဘိၣ်ထီၣ်ဖီထီၣ်+ဒီးဒ်စပံးမုၢ်အသိး အဝဲသ့ၣ် ကမၤပှဲၤကီၢ်လၢ တၤသူတၤသၣ်လီၤ.+
၇ ပှၤတီၢ်တၢ်တဂၤန့ၣ် မ့ၢ်အဘၣ်တီၢ် အဝဲသ့ၣ်ဆူၣ်ဆူၣ် ထဲန့ၣ်ဧါ.
မ့ၢ်အဝဲသ့ၣ် ဘၣ်သံ ဒ်န့ၣ်လီၤဧါ.
၈ ဖဲနစံၣ်ညီၣ် အဝဲသ့ၣ်အခါ နကကိးပသူထီၣ် လီၤပျံၤလီၤဖုး ဒ်သိး နကဆှၢကွံာ် အဝဲသ့ၣ်လၢ အယံၤလီၤ.
ဖဲကလံၤ ဟဲအူတၢ်လၢ မုၢ်ထီၣ်တနံၤန့ၣ် လၢတၢ်သးဒိၣ်အပူၤ နကနီဟးထီၣ်ကွံာ် အဝဲသ့ၣ်လီၤ.+
၉ ဒီးအဝဲသ့ၣ်ကမၤလီၤကရဲ တၢ်လုၢ်လီၢ် အလၢၢ်တဖၣ်ခဲလၢာ်ဒ်ဟီၣ်ခိၣ်ဝါ အကမူၣ်အသိးဒီးတၢ်စီဆှံ အထူၣ်တဖၣ်ဒီး တၢ်လုၢ်တၢ်နၢမူ အလီၢ်တဖၣ် တအိၣ်တ့ၢ် နီတခါ လၢၤဘၣ်.+
စီၤယၤကိာ် အစၢၤအသွဲၣ်တဖၣ် ကမၤဝဲဒ်န့ၣ်အဃိ အတၢ်ကမၣ် ကဘၣ်တၢ်ပျၢ်ကွံာ်အီၤလီၤ.+
ဖဲအဝဲသ့ၣ် အတၢ်ဒဲးဘး ဘၣ်တၢ်ပျၢ်ကွံာ်အီၤအခါ တၢ်အိၣ်သးတဖၣ်* ကကဲထီၣ်ဒ်န့ၣ်လီၤ.
၁၀ ဝ့ၢ်လၢအအိၣ်ဒီး အဒူၣ်လၢအကျၢၤန့ၣ် ကအိၣ်သယုၢ်ဝဲလီၤ.
ဒီးတၢ်အီၣ်ဆၣ်အလီၢ်တဖၣ် ကဘၣ်တၢ်ပာ်တ့ၢ်ကွံာ်အီၤ ဒ်ပှၢ်မုၢ်ကနၢအသိး ဒီးကဘၣ် တၢ်လဲၤသဒၣ်ကွံာ်အီၤလီၤ.+
ဖဲန့ၣ် ကျီၢ်ဖိတဖၣ် ကကိာ်လီၤအီၣ်ဆၣ်ဒီးကအီၣ်ကွံာ်ဝဲ သ့ၣ်အဒ့တဖၣ်လီၤ.+
၁၁ ဖဲသ့ၣ်ဒ့တဖၣ် ဃ့ထီကွံာ်အခါပှၤပိာ်မုၣ်တဖၣ် ကဟဲဘိးန့ၢ်ဝဲဒီးသူအီၤလၢ သ့ၣ်မုၣ်လီၤ.
ပှၤဂီၢ်မုၢ်တဖၣ်အံၤ တအိၣ်ဒီး တၢ်သ့ၣ်ညါနၢ်ပၢၢ်ဘၣ်အဃိ+အတၢ်ဘၣ်တ့ကစၢ် တပာ်ဖျါထီၣ် တၢ်သးကညီၤ လၢအဝဲသ့ၣ် အဖီခိၣ်ဘၣ်.
ဒီးပှၤလၢအတ့လီၤ အဝဲသ့ၣ်န့ၣ် တဘၣ်သူၣ်ဘၣ်သး အဝဲသ့ၣ်ဘၣ်.+
၁၂ အိ အံၣ်စရ့လး အပှၤဂီၢ်မုၢ်သ့ၣ်ဧၢ,+ ဒ်ပှၤတဂၤ တီၢ်လီၤတဲာ်ကွံာ် တၤသၣ်လၢ အထူၣ်လိၤ ဒီးထၢဖှိၣ်ဝဲ တဖျၢၣ်ဝံၤတဖျၢၣ်အသိး ယဟိဝၤယွၤ ကပာ်ဖှိၣ်ထီၣ်က့ၤ သုဝဲလၢ အလီၤပြံလီၤပြါ လၢတၢ်လီၢ် စးထီၣ်လၢ ထံကျိလၢအယွၤလီၤ* တုၤလီၤလၢ ကီၢ်အဲၤကူပတူး+ အတၢ်တြီၤလီၤ.
၁၃ ဖဲန့ၣ်အဆၢကတီၢ် ပှၤကအူထီၣ် ကွဲၤဖးဒိၣ်လီၤ.+ ဒီးပှၤလၢအအိၣ်လၢ ကီၢ်အၤၡူၢ် လၢအဘူးထီၣ်လၢကသံတဖၣ်+ ဒီးပှၤလၢအလီၤပြံလီၤပြါ လၢကီၢ်အဲၤကူပတူးန့ၣ်+ ကဟဲ ဘူၣ်ထီၣ်ဘါထီၣ် ယဟိဝၤယွၤ လၢကစၢၢ်စီဆှံ ဖဲဝ့ၢ်ယရူၤၡလ့ၣ်အပူၤလီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “သမၣ်.” ကွၢ် တၢ်ကတိၤအခီပညီ.
^ မ့ၢ်စ့ၢ်ကီး “စွါ.”
^ ဖျါလၢအဲၣ်ဒိးတဲဝဲ အံၣ်စရ့လး အပှၤဂီၢ်မုၢ် လၢအဘၣ်တၢ်ဒိလီၤအီၤ ဒ်စပံးကျီးအသိး.
^ မ့ၢ်စ့ၢ်ကီး “တၤသၣ် လၢလၢပှဲၤပှဲၤ.”
^ မ့ၢ်ဝဲ ထံကျိဖရၤသး.
