ယၡါယၤ ၃၅:၁-၁၀
၃၅ ပှၢ်မုၢ်ကနၢ ဒီးကီၢ်ဃ့ထီန့ၣ် ကသးခု+ဒီးမဲးမုၢ်ပျီန့ၣ် ကသူၣ်ဖှံသးညီ ဒီးကပှဲၤဒီး ဖီတဖၣ်လီၤ.+
၂ မဲးမုၢ်ပျီ ကဖီထီၣ်သၣ်ထီၣ် သပှၢ်တၢၢ်,+အကသူၣ်ဖှံသးညီ ဒီးကိးပသူထီၣ်လၢ တၢ်သးခု အပူၤလီၤ.
အကဒိးန့ၢ်ဘၣ် လဘၤနိၣ် အကစၢၢ်ကလိတဖၣ် အလၤကပီၤ+ဒီးကစၢၢ်ကၢ်မ့ၤလး+ ဒီးၡၤရိၣ်+ အတၢ်ပျီ အတၢ်ဃံတၢ်လၤလီၤ.
အဃိ ပှၤကထံၣ်ဘၣ် ယဟိဝၤယွၤ အလၤကပီၤ ဒီးပကစၢ်ယွၤ အတၢ်ဃံတၢ်လၤလီၤ.
၃ မၤဆူၣ်ထီၣ် စုလၢအဂံၢ်စၢ်တဖၣ်ဒီးခီၣ်လ့ၢ်ခိၣ်လၢ အကနိးတဖၣ်တက့ၢ်.+
၄ တဲဘၣ်ပှၤလၢ အသူၣ်ကိၢ်သးဂီၤတဖၣ်လၢ“ပာ်ဆူၣ်သုသး ဒီးပျံၤတၢ်တဂ့ၤ.
သုကစၢ်ယွၤ ကဟဲဟ့ၣ်ကၣ်တၢ်,ကစၢ်ယွၤ ကဟဲ မၤဆၢက့ၤတၢ်+ဒီးအဝဲကဟဲ မၤပူၤဖျဲးသုလီၤ.”+
၅ ဖဲန့ၣ်အဆၢကတီၢ် ပှၤလၢအမဲာ်တထံၣ်တၢ်ဘၣ်န့ၣ် ကထံၣ်ထီၣ်က့ၤတၢ်+ဒီးပှၤလၢ အတနၢ်ဟူတၢ်ဘၣ်န့ၣ် ကနၢ်ဟူထီၣ်က့ၤတၢ်လီၤ.+
၆ ဖဲန့ၣ်အဆၢကတီၢ် ပှၤလၢအခီၣ် တဂ့ၤဘၣ် ကစံၣ်ဖုဝဲ ဒ်သိးဒီး တၤဟိ+ဒီးပှၤလၢ အတဲတၢ်တသ့ဘၣ်တဂၤ ကကိးပသူထီၣ်လၢ တၢ်သးခု အပူၤလီၤ.+
လၢပှၢ်မုၢ်ကနၢအပူၤန့ၣ် ထံတဖၣ် ကဟဲဖျိးထီၣ်ဒီးထံကျိဖိတဖၣ် ကအိၣ်လၢ မဲးမုၢ်ပျီလီၤ.
၇ ဟီၣ်ခိၣ်လၢအဃ့ထီန့ၣ် ကကဲထီၣ်က့ၤလၢနိၣ်*ဒီးဟီၣ်ခိၣ်လၢ ထံတအိၣ်ဘၣ်အလီၢ်န့ၣ် ကကဲထီၣ်က့ၤလၢ ထံထီၣ်ပၢၢ်တဖၣ် အလီၢ်လီၤ.+
တၢ်လီၢ်ဖဲ ထွံၣ်မံၤတဖၣ် အိၣ်ဝဲအလီၢ်န့ၣ်+ကအိၣ်ဝဲဒီး နီၣ်လါဟ့, တပိၢ်တဖၣ် ဒီးဆှဲအထူၣ်တဖၣ်လီၤ.
၈ ကျဲမုၢ်ဖးဒိၣ် ကအိၣ်ဝဲ တဘိ+ဒီးကျဲတဘိန့ၣ် ဘၣ်တၢ်ကိးအီၤလၢ ကျဲစီဆှံလီၤ.
ပှၤလၢ အတကဆှီဘၣ်န့ၣ် တလဲၤတၢ်က့ၤတၢ် လၢအပူၤဘၣ်.+
ကျဲတဘိန့ၣ် ဘၣ်တၢ်ပာ်ဃာ်အီၤလၢ ပှၤလၢ အန့ၢ်ဘၣ်အခွဲးလၢ ကပိာ်ကျဲန့ၣ်အဂီၢ်ဒီးပှၤဟးဂီၤဖိ လဲၤတၢ်လၢအပူၤ တန့ၢ်နီတဂၤဘၣ်.
၉ ဖဲန့ၣ်န့ၣ် ခ့ယုၢ်တအိၣ်ဘၣ်ဒီးဆၣ်ဖိကီၢ်ဖိလၢအအၢ တလဲၤဖဲ ကျဲတဘိန့ၣ် အပူၤဘၣ်.
ပှၤတထံၣ်န့ၢ်အဝဲသ့ၣ် ဖဲန့ၣ်ဘၣ်.+
ထဲဒၣ် ပှၤလၢအဘၣ် တၢ်ပှ့ၤက့ၤအီၤတဖၣ် ကလဲၤတၢ်လၢအပူၤလီၤ.+
၁၀ ပှၤလၢ ယဟိဝၤယွၤ မၤပူၤဖျဲးအီၤတဖၣ်အံၤန့ၣ် ကဟဲက့ၤလၢ+ ဝ့ၢ်စံယိၣ် ဒီးကကိးပသူထီၣ်လၢ တၢ်သးခုအပူၤလီၤ.+
အဝဲသ့ၣ် ကသးခု အစိၤစိၤ အဃၣ်ဃၣ်လီၤ.+
အဝဲသ့ၣ် ကပှဲၤဒီး တၢ်သူၣ်ဖှံသးညီ ဒီးတၢ်သးခု,မ့မ့ၢ် တၢ်သးအုးဒီး တၢ်ကအုကစွါန့ၣ် ကဟါမၢ်ကွံာ်ဝဲလီၤ.+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “နိၣ်လၢအအိၣ်ဒီး တပိၢ်တဖၣ်.”
