ယၡါယၤ ၅၃:၁-၁၂
၅၃ မ့ၢ်မတဂၤနာ်ဝဲ တၢ်လၢအနၢ်ဟူဘၣ်လၢ ပအိၣ်လဲၣ်.+
ဒီးယဟိဝၤယွၤ အစုန့ၣ်+ ဘၣ်တၢ် ပာ်ဖျါထီၣ်အီၤလၢ မတဂၤ အအိၣ်လဲၣ်.+
၂ လၢအ* မဲာ်ညါန့ၣ် တၢ်အခ့အပှၤတဂၤန့ၣ် ကဟဲထီၣ် ဒ်တၢ်အဒ့တဒ့အသိး+ ဒီးဒ်တၢ်အဂံၢ်တဘိလၢ အအိၣ်လၢ ကီၢ်ဃ့ထီ အပူၤအသိးလီၤ.
ဒီးအဝဲတဖျါလီၤတိၢ်လီၤဆီ ဒီးတဖျါဃံဖျါလၤဘၣ်.+
ဒီးဖဲပကွၢ်အီၤအခါ အတဖျါ လီၤထုးန့ၢ်သူၣ်ထုးန့ၢ်သး လီၤလီၤဆီဆီဘၣ်.
၃ ပှၤထံၣ်ဆံးအီၤ ဒီးပှၤဟးဆှဲး အီၤလီၤ.+
ဘၣ်ဃးဒီး တၢ်အ့ၣ်စိၢ်အ့ၣ်ထုးန့ၣ် အဝဲနၢ်ပၢၢ်ဝဲ ဒီးဘၣ်ဃးဒီး တၢ်ဆူးတၢ်ဆါန့ၣ် အဝဲသ့ၣ်ညါဝဲလီၤ.
ပှၤထံၣ်ဆံးအီၤ ဒီးပှၤတပာ်ကဲအီၤဘၣ်ဒီးလီၤဂာ်ဒ်သိးဒီးအမဲာ် ဘၣ်တၢ်ပာ်သဒၢကွံာ်အီၤလၢ ပှၤလီၤ.*+
၄ နီၢ်ကီၢ်န့ၣ် အဝဲဟံးထီၣ်ကွံာ် ပတၢ်ဆူးတၢ်ဆါ+ဒီးစိာ်ထီၣ်ကွံာ် ပတၢ်အ့ၣ်စိၢ်အ့ၣ်ထုးတဖၣ်လီၤ.+
ဘၣ်ဆၣ် ပထံၣ်အီၤဒ် ပှၤလၢကစၢ်ယွၤ စံၣ်ညီၣ်အီၤ, ဖျ့အီၤ ဒီးဒုးတူၢ်အီၤ တၢ်ကီတၢ်ခဲလီၤ.*
၅ ဘၣ်ဆၣ် အဘၣ်တၢ်ဆဲးဖျိအီၤ+ လၢပတၢ်ကမၣ်အဂီၢ်+ဒီးအဘၣ်နးဘၣ်ဖှီၣ်နးမးလၢ ပတၢ်ကမၣ်အဂီၢ်လီၤ.+
အဝဲတူၢ် တၢ်စံၣ်ညီၣ်ဒ်သိး ပကအိၣ်ဃူအိၣ်ဖိးက့ၤဒီး ကစၢ်ယွၤ အဂီၢ်လီၤ.+
ဒီးခီဖျိလၢ အတၢ်ပူၤလီၢ်တဖၣ်အဃိ ပဘျါက့ၤလီၤ.+
၆ လၢညါန့ၣ် ပဝဲခဲလၢာ် ပလီၤဂာ်ဒ်သိးဒီး သိတဖၣ်လၢ အဟးဝ့ၤဝီၤ+ဒီးပဝဲတဂၤစုာ်စုာ်န့ၣ် ပလဲၤလၢ ပနီၢ်ကစၢ် အကျိာ်အကျာ်လီၤ.
ဘၣ်ဆၣ် ပဝဲခဲလၢာ်အတၢ်ကမၣ်န့ၣ် ယဟိဝၤယွၤ ဒုးလီၤဘၣ်ဝဲလၢ ပှၤတဂၤန့ၣ် အလိၤလီၤ.+
၇ အဝဲဘၣ်တၢ်ဆီၣ်တံၢ်မၤနၢၤအီၤ+ ဒီးအပျဲလၢ ပှၤဂၤကမၤနးမၤဖှီၣ်အီၤလီၤ.+
ဘၣ်ဆၣ် အတအိးထီၣ် အထးခိၣ်ဘၣ်.
ဒ်သိတဒုအသိး အဝဲဘၣ်တၢ် ဆှၢထီၣ်အီၤလၢ တၢ်ကမၤသံအီၤ အဂီၢ်လီၤ.+
ဒီးဒ်သိဖိ အိၣ်ဘှ့ၣ်ဝဲဖဲ ပှၤတံာ်အဆူၣ် အခါအသိးအဝဲစ့ၢ်ကီး တအိးထီၣ် အထးခိၣ်ဘၣ်.+
၈ ပှၤဆီၣ်တံၢ်မၤနၢၤအီၤ ဒီးတစံၣ်ညီၣ်န့ၢ်တၢ်လၢအဂီၢ် တီတီလိၤလိၤဘၣ် အဃိ အသးသမူ ဘၣ်တၢ်ထုးထီၣ်ကွံာ်အီၤလီၤ.*
မတဂၤ ကဆိကမိၣ် ဘၣ်ဃးဒီး အတၢ်ဟဲလီၤစၢၤလီၤသွဲၣ် အဂ့ၢ်အကျိၤလဲၣ်.
အဝဲဘၣ် တၢ်ဒီၣ်တဲာ်ကွံာ်အီၤလၢ ပှၤမူတဖၣ်အကျါ+ဒီးအဝဲဘၣ်တၢ်မၤသံအီၤ* လၢယပှၤဂီၢ်မုၢ် အတၢ်ကမၣ်အဂီၢ်လီၤ.+
၉ အတၢ်သွၣ်ခိၣ်န့ၣ် ဘၣ်တၢ်ပာ်ပနီၣ်န့ၢ်အီၤ တပူၤဃီဒီး ပှၤအၢပှၤသီ+ဒီးဖဲအသံအခါ ဘၣ်တၢ်ခူၣ်လီၤအီၤဒီး ပှၤထူးပှၤတီၤလီၤ.*+
ဘၣ်ဆၣ် အဝဲတမၤကမၣ်တၢ် နီတမံၤဘၣ်ဒီးတၢ်လီတၢ်ဝ့ၤ တဟဲထီၣ်လၢ အကိာ်ပူၤဘၣ်.+
၁၀ ယဟိဝၤယွၤ ဆၢတဲာ်ပာ်စၢၤဝဲလၢ အခ့အပှၤတဂၤအံၤ ကဘၣ်နး ဘၣ်ဖှီၣ်နးမး* ဒီးကစၢ်ယွၤ ပျဲဝဲလၢ အဝဲကတူၢ်ဘၣ်တၢ်လီၤ.
ကစၢ်ယွၤမ့ၢ်ဟ့ၣ်လီၤ အခ့အပှၤတဂၤအံၤ အသးသမူ ဒ်တၢ်လုၢ်လၢ တၢ်ကမၣ်အဂီၢ် အသိးန့ၣ်+အခ့အပှၤတဂၤအံၤ ကအိၣ်ဒီး အစၢၤအသွဲၣ်တဖၣ်လီၤ.*+
အဝဲကအိၣ်မူဖးယံာ် ဒီးယဟိဝၤယွၤ အတၢ်ဘၣ်သး ကလၢထီၣ်ပှဲၤထီၣ် ခီဖျိလၢအီၤလီၤ.+
၁၁ အဝဲဘၣ်ကိၢ်ဘၣ်ဂီၤမ့ၢ်ဝံၤန့ၣ် အဝဲကသူၣ်မံသးမုာ် ခီဖျိတၢ်လၢ အကထံၣ်ဘၣ်ဝဲ အဃိလီၤ.
ခီဖျိလၢ ယခ့ယပှၤလၢ အတီအလိၤတဂၤအံၤ အတၢ်သ့ၣ်ညါအဃိ+အဝဲကမၤစၢၤ ပှၤအါဂၤ ဒ်သိးအဝဲသ့ၣ် ကဘၣ်တၢ်ပာ်တီပာ်လိၤအီၤ+ဒီးယခ့ယပှၤတဂၤအံၤ ကယိး အဝဲသ့ၣ်အတၢ်ဒဲးဘး ဒ်သိးဒီး တၢ်ဝံတၢ်ယိးတခါလီၤ.+
၁၂ လၢတၢ်န့ၣ်အဃိ ဒ်ယကဟ့ၣ်လီၤ ပှၤအါဂၤ ခိၣ်ဖးအသိးယကဟ့ၣ်လီၤအီၤ ခိၣ်ဖးတခါ စ့ၢ်ကီးလီၤ.
ဒီးအဝဲကနီၤလီၤ တၢ်လၢ တၢ်ဂုာ်န့ၢ်အီၤတဖၣ် ဃုာ်ဒီးပှၤဒူပှၤဃိၤတဖၣ်မ့ၢ်လၢ အဝဲဟ့ၣ်လီၤကွံာ် အသးသမူ*+ဒီးအဘၣ် တၢ်ပာ်ပနီၣ်အီၤဒ် ပှၤမၤကမၣ်တၢ်အသိး အဃိလီၤ.+
အဝဲစိာ်ထီၣ်ကွံာ် ပှၤအါဂၤ အတၢ်ဒဲးဘး+ ဒီးအဝဲနုာ်လီၤမၤစၢၤ ပှၤမၤကမၣ်တၢ်ဖိတဖၣ်လီၤ.+
တၢ်ဂ့ၢ်အဘျဲၣ်တဖၣ်
^ အဲၣ်ဒိးတဲဝဲ ပှၤတဂၤဂ့ၤ တဂၤဂ့ၤလၢအကွၢ်အီၤ မ့တမ့ၢ် ကစၢ်ယွၤ.
^ ဘၣ်သ့ၣ်သ့ၣ် ကမ့ၢ် “လီၤဂာ်ဒ်သိးဒီး ပှၤဃၣ်ယံၤကွံာ် ပှၤမဲာ်လၢအီၤ.”
^ မ့ၢ်စ့ၢ်ကီး “တၢ်နးတၢ်ဖှီၣ် လၢအပၣ်ဃုာ်ဒီး တၢ်ဆူးတၢ်ဆါ.”
^ အခီပညီလိၤလိၤ “အဘၣ်တၢ်ထုးထီၣ်ကွံာ်အီၤ.”
^ အခီပညီလိၤလိၤ “ဒိးန့ၢ်ဘၣ် တၢ်တီၢ်.”
^ အခီပညီလိၤလိၤ “ပှၤပိာ်ခွါလၢ အထူးအတီၤတဂၤ.”
^ အခီပညီလိၤလိၤ “ကထံၣ်ဘၣ် အချံအသၣ်.”
^ အခီပညီလိၤလိၤ “ယဟိဝၤယွၤ အတၢ်ဘၣ်သးန့ၣ် မ့ၢ်ဝဲလၢ အကမၤသဘှံးအီၤ.”
^ အခီပညီလိၤလိၤ “လူလီၤအသးသမူ တုၤလၢ အသံတစု.”
