လီၣ်ဖျါ ၁၅:၁-၈
၁၅ ဒီးလၢမူခိၣ်န့ၣ် ယထံၣ်ဘၣ် တၢ်ပနီၣ်အဂၤတခါ လၢအလီၤလိၢ်လီၤလး ဒီးအရ့ဒိၣ်လီၤ. ဒီးဖဲန့ၣ်ယထံၣ်ဘၣ် မူခိၣ်ကလူးနွံဂၤ+ ဖီၣ်ဃာ်ဝဲတၢ်နးတၢ်ဖှီၣ်နွံခါလီၤ. တၢ်သ့ၣ်တဖၣ်အံၤ မ့ၢ်တၢ်နးတၢ်ဖှီၣ်လၢ အလီၢ်ခံကတၢၢ်တဖၣ် မ့ၢ်လၢ ကစၢ်ယွၤ အတၢ်သးဒိၣ်ထီၣ်န့ၣ် ကကတၢၢ်ကွံာ်ဝဲ+ ခီဖျိလၢ တၢ်နးတၢ်ဖှီၣ်တဖၣ်အံၤ အဃိလီၤ.
၂ ဒီးယထံၣ်တၢ်အိၣ်ဝဲတခါလၢ အလီၤဂာ်ဒီးပီၣ်လဲၣ် လၢအဖျါလီၤဂာ်ဒ်သိးဒီး မဲာ်ထံကလၤလၢ+ အဃါဃုာ်အသးဒီး မ့ၣ်အူလီၤ. ဒီးပှၤလၢအမၤနၢၤ+ ဆၣ်ဖိကီၢ်ဖိလၢ အအၢတဒု ဒီးအဂီၤ+ ဒီးအမံၤအနီၣ်ဂံၢ်န့ၣ်+ ဆၢထၢၣ်လၢပီၣ်လဲၣ် လၢအဖျါလီၤဂာ်ဒ်သိးဒီး မဲာ်ထံကလၤန့ၣ် အကပၤ ဒီးအဝဲသ့ၣ် ဖီၣ်ဃာ်ဝဲ ကစၢ်ယွၤ အတနၢ်တဖၣ်လီၤ.
၃ အဝဲသ့ၣ်သးဝံၣ် ကစၢ်ယွၤအခ့အပှၤ စီၤမိၤၡ့ အတၢ်သးဝံၣ်+ ဒီးသိဖိအတၢ်သးဝံၣ်လီၤ.+ ဒီးအဝဲသ့ၣ် သးဝံၣ်ထီၣ်ဝဲလၢ
“သ့တၢ်လၢာ် ယဟိဝၤယွၤဧၢ,*+ နတၢ်မၤတဖၣ်န့ၣ် ဒိၣ်ဝဲ ဒီးလီၤကမၢကမၣ်ဒိၣ်မးလီၤ.+ စီၤပၤအထူအယိာ်ဧၢ,+ တၢ်လၢနမၤတဖၣ်န့ၣ် တီဝဲလိၤဝဲ ဒီးမ့ၢ်ဝဲတီဝဲလီၤ.+
၄ ယဟိဝၤယွၤဧၢ, ပှၤလၢအသးတီန့ၣ် အိၣ်ထဲနၤတဂၤအဃိ ပှၤလၢအတပျံၤနၤဘၣ်ဒီး တမၤလၤကပီၤ နမံၤဘၣ်န့ၣ် ကမ့ၢ်မတဂၤလဲၣ်.+ ပှၤကလုာ်ခဲလၢာ် ထံၣ်ဝဲလၢ နစံၣ်ညီၣ်တၢ် တီတီလိၤလိၤအဃိ အဝဲသ့ၣ် ကဟဲလၢနမဲာ်ညါ ဒီးဘူၣ်ထီၣ်ဘါထီၣ်နၤလီၤ.”+
၅ တၢ်န့ၣ်ဝံၤအလီၢ်ခံ ယထံၣ် တၢ်အုၣ်အသးအဒဲ+ အတၢ်စီဆှံအလီၢ် လၢမူခိၣ်န့ၣ် ဘၣ်တၢ်အိးထီၣ်အီၤလီၤ.+
၆ ဒီးမူခိၣ်ကလူးနွံဂၤလၢ အဖီၣ်ဃာ်ဝဲ တၢ်နးတၢ်ဖှီၣ်နွံခါန့ၣ်+ ဟဲထီၣ်လၢ တၢ်စီဆှံအလီၢ် ဒီးအဝဲသ့ၣ် အတၢ်ကူတၢ်ကၤန့ၣ် ကဆှီဝဲဒီးကပြုၢ်ကပြီၤဝဲ ဒီးယီၢ်တကိးထူ စၢတံၢ်ဃာ်အသးလၢ အဝဲသ့ၣ်အသးနါပှၢ်လီၤ.
၇ ဒီးလၢခ့ရူာ်လွံၢ်ဂၤအကျါ တဂၤန့ၣ် အဟ့ၣ်လီၤဝဲ မူခိၣ်ကလူးနွံဂၤလၢ လီခီဖျၢၣ်ထူ နွံဖျၢၣ်လီၤ. လၢလီခီဖျၢၣ်ထူတဖၣ်အပူၤန့ၣ် ပှဲၤဝဲဒီး ကစၢ်ယွၤလၢအမူဝဲ လီၤထူလီၤယိာ်တဂၤန့ၣ် အတၢ်သးဒိၣ်ထီၣ်လီၤ.+
၈ ဒီးတၢ်စီဆှံအလီၢ်န့ၣ် ပှဲၤထီၣ်ဒီးမ့ၣ်အူခုၣ်လၢ ကစၢ်ယွၤအလၤကပီၤ+ ဒီးအတၢ်စိကမီၤအဃိလီၤ. ဒီးတချုးလၢ မူခိၣ်ကလူးနွံဂၤ လူလီၤဝဲတၢ်နးတၢ်ဖှီၣ်နွံခါ+ ဒံးဘၣ်အခါ ပှၤလဲၤနုာ်လီၤလၢ တၢ်စီဆှံအလီၢ် တသ့နီတဂၤဘၣ်.
တၢ်ဂ့ၢ်အဘျဲၣ်တဖၣ်
^ ကွၢ် တၢ်ဂ့ၢ်ဘၣ်ထွဲလိာ်သး က၅.
