လီၣ်ဖျါ ၈:၁-၁၃
၈ ဖဲသိဖိအိးထီၣ်+ တၢ်စဲပနီၣ် နွံဖျၢၣ်တဖျၢၣ်အဆၢကတီၢ်+ တၢ်ဘှ့ၣ်တၢ်ဘှီၣ်အိၣ်ဝဲလၢ မူခိၣ် တခီနၣ်ရံၣ်ဃၣ်ဃၣ်လီၤ.
၂ ဒီးယထံၣ်ဘၣ် မူခိၣ်ကလူးနွံဂၤ+ လၢအဆၢထၢၣ်လၢ ကစၢ်ယွၤအမဲာ်ညါ ဒီးကစၢ်ယွၤ ဟ့ၣ်လီၤအဝဲသ့ၣ် ကွဲၤနွံဖျၢၣ်လီၤ.
၃ မူခိၣ်ကလူး အဂၤတဂၤလၢ အဖီၣ်ဃာ် တၢ်ဒွဲၣ်ထီၣ်တၢ်နၢမူ အသပၢၤထူတဖျၢၣ်န့ၣ် ဟဲတုၤဒီး ဆၢထၢၣ်ဝဲဘူးဒီး တၢ်လုၢ်လီၢ်လီၤ.+ တၢ်ဟ့ၣ်လီၤအီၤတၢ်နၢမူ အါအါဂီၢ်ဂီၢ်ဒ်သိး+ အကဟ့ၣ်လုၢ်ထီၣ်ဝဲလၢ တၢ်လုၢ်လီၢ်ထူအဖီခိၣ်+ လၢအအိၣ်လၢ လီၢ်ပစိာ်အမဲာ်ညါ ဖဲပှၤစီဆှံခဲလၢာ် ဃ့ထုကဖၣ်တၢ် အခါလီၤ.
၄ ဒီးတၢ်နၢမူအခုၣ်လၢ အဟဲထီၣ်လၢ မူခိၣ်ကလူးအစုပူၤ ဃုာ်ဒီးပှၤစီဆှံ အတၢ်ထုကဖၣ်တဖၣ်န့ၣ်+ လဲၤထီၣ်လၢ ကစၢ်ယွၤအမဲာ်ညါလီၤ.
၅ ဘၣ်ဆၣ် တဘျီဃီန့ၣ် မူခိၣ်ကလူးတဂၤအံၤ ဟံးန့ၢ်တၢ်ဒွဲၣ်ထီၣ် တၢ်နၢမူအသပၢၤ ဒီးမၤပှဲၤဝဲဒီး မ့ၣ်အူတနီၤလၢ အအိၣ်လၢ တၢ်လုၢ်လီၢ် ဒီးကွံာ်လီၤဝဲလၢ ဟီၣ်ခိၣ်ချၢလီၤ. လီသီၣ်ထီၣ်ဝဲ, တၢ်အကလုၢ်တဖၣ် သီၣ်ထီၣ်ဝဲ, လီဝၢ်ဒံးကပီၤထီၣ်+ ဒီးဟီၣ်ခိၣ်ဟူးဝဲလီၤ.
၆ ဒီးမူခိၣ်ကလူးနွံဂၤလၢ အအိၣ်ဒီး ကွဲၤနွံဖျၢၣ်န့ၣ်+ ကတဲာ်ကတီၤထီၣ်အသးလၢ ကအူထီၣ်ကွဲၤလီၤ.
၇ မူခိၣ်ကလူး အဆိကတၢၢ်တဂၤန့ၣ် အူထီၣ်အကွဲၤလီၤ. သူၣ်ဒီးမ့ၣ်အူလၢ အဃါဃုာ်အသး ဒီးတၢ်သွံၣ်န့ၣ် လီၤတဲာ်ဝဲလၢ ဟီၣ်ခိၣ်လိၤလီၤ.+ ဒီးဟီၣ်ခိၣ်သၢပူတပူန့ၣ် အူအီၣ်ဝဲ, သ့ၣ်ထူၣ်သၢပူတပူန့ၣ် အူအီၣ်ဝဲ ဒီးတၢ်မုၢ်တၢ်ဘိလၢအလါခဲလၢာ်န့ၣ် အူအီၣ်ဝဲလီၤ.+
၈ မူခိၣ်ကလူး ခံဂၤတဂၤန့ၣ် အူထီၣ်အကွဲၤလီၤ. ဒီးတၢ်တမံၤလၢ အလီၤဂာ်ဒီး ကစၢၢ်ဖးဒိၣ်လၢ မ့ၣ်အူအီၣ်ဝဲန့ၣ် လီၤတဲာ်ဝဲလၢ ပီၣ်လဲၣ်ပူၤလီၤ.+ ဒီးပီၣ်လဲၣ် သၢပူတပူန့ၣ် ကဲထီၣ်တၢ်သွံၣ်လီၤ.+
၉ ဒီးတၢ်သးသမူ သၢပူတပူလၢ ပီၣ်လဲၣ်ပူၤန့ၣ် သံကွံာ်ဝဲ+ ဒီးကဘီသၢပူတပူ ဟးဂီၤကွံာ်ဝဲလီၤ.
၁၀ မူခိၣ်ကလူး သၢဂၤတဂၤန့ၣ် အူထီၣ်အကွဲၤလီၤ. ဒီးဆၣ်ဖးဒိၣ်တဖျၢၣ်လၢ အကဲၤကပီၤ ဒ်မ့ၣ်အူဒၢအသိးန့ၣ် လီၤတဲာ်ဝဲလၢမူခိၣ် ဒီးလီၤဘၣ်လၢ ထံကျိသၢပူတပူအဖီခိၣ် ဒီးလၢထံထီၣ်ပၢၢ်တဖၣ် အဖီခိၣ်လီၤ.+
၁၁ ဆၣ်တဖျၢၣ်အံၤ အမံၤမ့ၢ် တၢ်ခၣ်အထူၣ်လီၤ. ဒီးထံသၢပူတပူန့ၣ် ကဲထီၣ်ဝဲလၢအခၣ်လီၤ. ဒီးမ့ၢ်လၢ ထံခၣ်ထီၣ်အဃိ+ ပှၤဟီၣ်ခိၣ်ဖိသံဒီဒူၣ်လၢ ထံအံၤအဃိလီၤ.
၁၂ မူခိၣ်ကလူး လွံၢ်ဂၤတဂၤန့ၣ် အူထီၣ်အကွဲၤလီၤ. မုၢ်သၢပူတပူ, လါသၢပူတပူ ဒီးဆၣ်သၢပူတပူန့ၣ် ဘၣ်တၢ်တီၢ်အီၤ+ ဒ်သိးအဝဲသ့ၣ် သၢပူတပူန့ၣ် ကခံးလီၤ+ ဒီးမုၢ်နံၤအတၢ်ကပီၤ သၢပူတပူ သုတအိၣ်တဂ့ၤ ဒီးမုၢ်နၤအတၢ်ကပီၤ သၢပူတပူစ့ၢ်ကီး သုတအိၣ်တဂ့ၤလီၤ.
၁၃ ဒီးယထံၣ် ဒီးယနၢ်ဟူလံာ်ကြီကြာ်တဘ့ၣ် ယူၤဝဲလၢ တၢ်ဖးဖီဒီးအတဲဝဲလၢ အကလုၢ်ဖးဒိၣ်လၢ “ခီဖျိလၢ မူခိၣ်ကလူးလၢ အအိၣ်တ့ၢ်ဒံးသၢဂၤလၢ အဘူးကအူထီၣ် အကွဲၤအဃိ+ ပှၤအိၣ်လၢ ဟီၣ်ခိၣ်ချၢတဖၣ်န့ၣ် ကဘၣ်ကီဘၣ်ခဲ, ဘၣ်ကီဘၣ်ခဲ, ဘၣ်ကီဘၣ်ခဲလီၤ.”+
