ဟိၤၡ့ ၁၁:၁-၁၂
၁၁ “ဖဲအံၣ်စရ့လး မ့ၢ်ဒံးပိာ်ခွါဖိတဂၤအခါ ယအဲၣ်အီၤ+ဒီးယကိးထီၣ်က့ၤ ယဖိခွါတဂၤအံၤလၢ ကီၢ်အဲၤကူပတူးအပူၤလီၤ.+
၂ ပှၤ* ကိး အဝဲသ့ၣ်ဒံးအါထီၣ်န့ၣ်အဝဲသ့ၣ် လဲၤဒံးယံၤထီၣ်လီၤ.+
အဝဲသ့ၣ် ဆဲးလုၢ်ထီၣ်တၢ်လၢ ဘဧၤလး အတၢ်ဂီၤတၢ်ဖှီၣ်အအိၣ်+ဒီးလုၢ်ထီၣ်တၢ်လၢ တၢ်ဂီၤတၢ်ဖှီၣ်တဖၣ် အအိၣ်လီၤ.+
၃ ယမ့ၢ်ပှၤလၢ အဒုးဟးလိထီၣ်အ့ဖရဲၣ်*+ ဒီးယစိာ်အီၤလၢ ယစုလီၤ.+
ဘၣ်ဆၣ် အဝဲသ့ၣ် တတူၢ်လိာ်ဝဲလၢ ယမၤဘျါ အဝဲသ့ၣ်ဘၣ်.
၄ ဒ်သိး ယကမူၤဃီၤ အဝဲသ့ၣ် လၢယအိၣ်အဂီၢ် ယသူတၢ်သူၣ်ဂ့ၤသးဝါ ဒီးတၢ်အဲၣ်တၢ်ကွံ ဒ်ပျံၤတဖၣ်လီၤ.*+
ဒီးယစိာ်ထီၣ်ကွံာ် နီၣ်ယိးဘိလၢ အကိာ်* လိၤဒီးယဟဲစိာ် တၢ်အီၣ် လၢအဝဲသ့ၣ် တဂၤစုာ်စုာ် အအိၣ် လၢတၢ်အဲၣ်တၢ်ကွံ အပူၤလီၤ.
၅ အဝဲသ့ၣ် ဂ့ၢ်လိာ်ဝဲလၢ ကဟဲက့ၤလၢ ယအိၣ်အဃိ+အဝဲသ့ၣ် တက့ၤဘၣ်လၢ ကီၢ်အဲၤကူပတူးအပူၤဘၣ်. လၢတၢ်န့ၣ်အလီၢ် အၤၡူၢ် ကကဲထီၣ် အဝဲသ့ၣ် အစီၤပၤလီၤ.+
၆ ဒီးမ့ၢ်လၢ အဝဲသ့ၣ် အတၢ်ကူၣ်ထီၣ် ဖးလီၤလၢ အအၢတဖၣ်အဃိနးတဘ့ၣ် ကလဲၤထီဒါ အဝဲသ့ၣ် အဝ့ၢ်တဖၣ်+ ဒီးကမၤဟးဂီၤ အဝဲသ့ၣ် အဝ့ၢ်တြဲၤ အနီၣ်ဘိတဖၣ် ဒီးကအီၣ်ကွံာ် အဝ့ၢ်တဖၣ်လီၤ.+
၇ ယပှၤဂီၢ်မုၢ်တဖၣ် တအဲၣ်ဒိး တီဒီးယၤဘၣ်.+
ပှၤကိးဟဲက့ၤ အဝဲသ့ၣ်ဆူ တၢ်လၢအအိၣ်ထီၣ်ထီအအိၣ်* ဘၣ်ဆၣ် အဝဲသ့ၣ် တဆၢထၢၣ် နီတဂၤဘၣ်.
၈ အိ, အ့ဖရဲၣ်ဧၢ, ယတူၢ်ၡူကွံာ်နၤ ကကဲဧါ.+
အိ, အံၣ်စရ့လးဧၢ, ယဟ့ၣ်လီၤကွံာ်နၤ ကကဲဧါ.
ယမၤနၤဒ်သိး ဝ့ၢ်အၤဒမၤ ကလီၤဧါ.
ယမၤနၤဒ်သိး ဝ့ၢ်စဘိအံၣ် ကလီၤဧါ.+
ယဆီတလဲ ယတၢ်ပာ်သူၣ်ပာ်သးလံ.
ဒီးတကတီၢ်ဃီန့ၣ် ယတၢ်သးကညီၤ ဟဲအိၣ်ထီၣ်လၢ နဖီခိၣ်လံ.+
၉ ယတပျၢ်ထီၣ် ယတၢ်သးထီၣ် လၢၤဘၣ်.
ယတမၤဟးဂီၤ အ့ဖရဲၣ်လၢၤဘၣ်+မ့ၢ်လၢ ယမ့ၢ်ကစၢ်ယွၤ ဒီးယတမ့ၢ် ပှၤကညီဘၣ်အဃိလီၤ.
ယမ့ၢ်ပှၤစီဆှံတဂၤ လၢအအိၣ်လၢသုကျါဒီးယတဟဲထီဒါသုလၢ တၢ်သးထီၣ်အပူၤလၢၤဘၣ်.
၁၀ အဝဲသ့ၣ် ကဘူၣ်ထီၣ်ဘါထီၣ်ကဒီး ယဟိဝၤယွၤ ဒီးကစၢ်ယွၤ ကကညီၤထီၣ် ဒ်သိးဒီး ခ့ယုၢ်လီၤ.+
ဖဲအကညီၤထီၣ်အခါ အဖိတဖၣ်လၢ အအိၣ်လၢ မုၢ်နုာ်တခီန့ၣ် ကဟဲဝဲလၢ တၢ်ကနိးကစုာ် အပူၤလီၤ.+
၁၁ ဖဲအဝဲသ့ၣ် ဟးထီၣ်လၢ ကီၢ်အဲၤကူပတူးအခါ အဝဲသ့ၣ် ကကနိးဝဲ ဒ်ထိၣ်တဘ့ၣ်အသိးဒီးဖဲအဝဲသ့ၣ် ဟးထီၣ်လၢ အၤၡူၢ်အကီၢ်ပူၤအခါ အဝဲသ့ၣ် ကကနိးဝဲ ဒ်ထိၣ်လွံၢ်အသိးလီၤ.+
ဒီးယကဒုးအိၣ် အဝဲသ့ၣ် လၢအဝဲသ့ၣ်အဟံၣ်တဖၣ် အပူၤလီၤ.” ယဟိဝၤယွၤ တဲဝဲဒ်န့ၣ်လီၤ.+
၁၂ “အ့ဖရဲၣ် တဲယၤထဲ တၢ်လံၣ်တၢ်လီဒီးယထံၣ်ဘၣ် အံၣ်စရ့လး အတၢ်လီတၢ်ဝ့ၤ အိၣ်ဝးတရံးယၤ ဝးဝးလီၤ.+
ဘၣ်ဆၣ် ယူဒၤန့ၣ် လဲၤတၢ်ဒီး ကစၢ်ယွၤဒံးဒီးအတီဒီး တၢ်စီဆှံကတၢၢ် တဂၤလီၤ.”+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ဝံတဖၣ် ဒီးပှၤအဂၤတဖၣ်လၢ အဘၣ်တၢ်ဆှၢလီၤအီၤလၢ ကဟံးစုနဲၣ်ကျဲ ပှၤအံၣ်စရ့လးဖိ.
^ အ့ဖရဲၣ်န့ၣ် အဲၣ်ဒိးတဲဝဲ အံၣ်စရ့လး အဒူၣ်တဆံ အဘီမုၢ်လၢ အအိၣ်လၢ ကလံၤစိးတခီ.
^ ဖျါလၢအဲၣ်ဒိးတဲဝဲ ပျံၤလၢမိပါ သူဝဲလၢ ကသိၣ်လိအဖိ ဒ်သိး အဝဲသ့ၣ် ဟးကသ့ထီၣ်အဂီၢ်.
^ အခီပညီလိၤလိၤ “အခၣ်.”
^ လၢအမ့ၢ် တၢ်ဘူၣ်တၢ်ဘါအမ့ၢ်အတီ.
