ဟိၤၡ့ ၄:၁-၁၉
၄ ပှၤအံၣ်စရ့လးဖိသ့ၣ်ဧၢ, ကနၣ်တၢ်လၢ ယဟိဝၤယွၤ ကတဲဝဲတက့ၢ်.
လၢကီၢ်ပူၤန့ၣ် တၢ်မ့ၢ်တၢ်တီ, တၢ်အဲၣ်လၢအတီ ဒီးတၢ်သ့ၣ်ညါယွၤ တအိၣ်ဘၣ်အဃိ+ယဟိဝၤယွၤ ကစံၣ်ညီၣ် ပှၤအိၣ်လၢကီၢ်ပူၤတဖၣ်လီၤ.+
၂ တၢ်အၢၣ်လီၤကဘျံးကဘျၣ်, တၢ်လံၣ်တၢ်လီ,+ တၢ်မၤသံမၤဝီ,+တၢ်ဟုၣ်တၢ် ဒီးတၢ်အဲၣ်ဘၢမါအဲၣ်ဘၢဝၤ+ အိၣ်ဝဲသကုၤဆးဒးလီၤ.
ဒီးတၢ်လူလီၤဂၢ်လီၤတၢ်သွံၣ် ဟဲအိၣ်ထီၣ် တဘျီဝံၤတဘျီလီၤ.+
၃ အဃိ ကီၢ်တဘ့ၣ်အံၤ ကသးအုးဝဲ+ဒီးပှၤအိၣ်လၢကီၢ်ပူၤ ကိးဂၤဒဲး ကလီၤဃိလီၤဃဲၤဝဲ သပှၢ်တၢၢ်လီၤ.
ဆၣ်ဖိကီၢ်ဖိအမံၤ လၢတၢ်ပျီပူၤမ့ၢ်ဂ့ၤ, ထိၣ်ဖိလံၣ်ဖိလၢ မူခိၣ်မ့ၢ်ဂ့ၤဒီးညၣ်တဖၣ်လၢ ပီၣ်လဲၣ်ပူၤဒၣ်လဲာ် ကသံဝဲလီၤ.
၄ “ဘၣ်ဆၣ် မ့ၢ်လၢ သုလီၤဂာ်ဒီး ပှၤလၢအထီဒါ ပှၤလုၢ်တၢ်ဒိၣ်အဃိ+မ်ပှၤသု တထီဒါသု ဒီးသိၣ်ဃီၣ်သု နီတဂၤတဂ့ၤ.+
၅ သုခီၣ်ကဘၣ်တိၢ်လၢ မုၢ်ဆါခီ ဒ်ပှၤခီၣ်ဘၣ်တိၢ် လၢမုၢ်နၤခီအသိးဒီးဝံစ့ၢ်ကီး ကလီၤဃံၢ်ဃုာ်ဒီးသုလီၤ.
ဒီးယကမၤဟးဂီၤကွံာ် သုမိၢ်လီၤ.
၆ ယပှၤဂီၢ်မုၢ်တဖၣ်န့ၣ် ကလီၤမၢ်ကွံာ် မ့ၢ်လၢအဝဲသ့ၣ် အတၢ်သ့ၣ်ညါ နၢ်ပၢၢ်တအိၣ်ဘၣ်အဃိလီၤ.
ဒီးမ့ၢ်လၢ သုတတူၢ်လိာ် တၢ်သ့ၣ်ညါနၢ်ပၢၢ်ဘၣ်အဃိ+ယတတူၢ်လိာ်သုလၢ ယပှၤလုၢ်တၢ်ဒိၣ်လၢၤဘၣ်.
ဒီးမ့ၢ်လၢ သုသးပ့ၤနီၣ်ကွံာ် သုကစၢ်ယွၤ အတၢ်သိၣ်တၢ်သီအဃိ+ယကသးပ့ၤနီၣ်ကွံာ် သုဖိခွါ တဖၣ်လီၤ.
၇ အဝဲသ့ၣ်* ဒံးအါထီၣ်န့ၣ် အဝဲသ့ၣ် မၤကမၣ်ယၤ ဒံးအါထီၣ် စ့ၢ်ကီးလီၤ.+
ယကဆီတလဲ အဝဲသ့ၣ်အလၤကပီၤဆူ တၢ်မဲာ်ဆှးလီၤ.*
၈ ဖဲယပှၤဂီၢ်မုၢ်တဖၣ် မၤတၢ်ဒဲးဘးအခါ အဝဲသ့ၣ် အီၣ်ဘၣ် တၢ်ညၣ်လီၤ.
အဝဲသ့ၣ် အဲၣ်ဒိးလၢ ပှၤဂီၢ်မုၢ်တဖၣ် ကမၤတၢ်ကမၣ်အါထီၣ် အါထီၣ်လီၤ.
၉ ပှၤဂီၢ်မုၢ် ဒီးပှၤလုၢ်တၢ်ဒိၣ်တဖၣ်န့ၣ် တၢ်ကကဲထီၣ်အသးဒီး အဝဲသ့ၣ် ဒ်သိးသိးလီၤ.
ယကဟံးန့ၢ် အရ့လၢ အဝဲသ့ၣ်အတၢ်မၤတဖၣ်အဃိ သပှၢ်ကတၢၢ်လီၤ.
ယကသိၣ်ဃီၣ် အဝဲသ့ၣ်လၢ တၢ်လၢအမၤဝဲတဖၣ် အဃိလီၤ.+
၁၀ အဝဲသ့ၣ် ကအီၣ်တၢ် ဘၣ်ဆၣ် အီၣ်ဝဲတဘျဲဘၣ်.+
မ့ၢ်လၢအဝဲသ့ၣ် တကနၣ်ဃုာ် ယဟိဝၤယွၤနီတစဲးဘၣ်အဃိ+အဝဲသ့ၣ် ကမံဃုာ်ဒီး ပိာ်မုၣ်အါဂၤ သနာ်က့ အဝဲသ့ၣ် အဖိတအါထီၣ်ဂီၢ်ထီၣ်ဘၣ်.
၁၁ တၢ်မၤကမၣ်မုၣ်ကမၣ်ခွါ,* စပံးထံ ဒီးစပံးထံအသီန့ၣ်မၤဟးဂီၤကွံာ် သးလၢအအဲၣ်ဒိးမၤ တၢ်အဘၣ်န့ၣ်လီၤ.+
၁၂ ယပှၤဂီၢ်မုၢ်တဖၣ် တၢၣ်ပီၣ်တၢ်ဒီး အတၢ်ဂီၤတၢ်ဖှီၣ်သ့ၣ်တဖၣ်ဒီးမၤဝဲဒ် အဝဲသ့ၣ် အနီၣ်ထိးဘိ တဲဝဲအသိးလီၤ.
ခီဖျိလၢ အဝဲသ့ၣ်အိၣ်ဒီး သးလၢအအဲၣ်ဒိး မၤကမၣ်မုၣ်ကမၣ်ခွါ* အဃိ အဝဲသ့ၣ် လဲၤကမၣ်ကျဲဒီးခီဖျိလၢ အဝဲသ့ၣ်အတၢ်မၤကမၣ်မုၣ်ကမၣ်ခွါ* အဃိ အဝဲသ့ၣ် ဒိးပၢအသးလၢ အဝဲသ့ၣ်အကစၢ်ယွၤ အဖီလာ် တကဲလၢၤဘၣ်.
၁၃ အဝဲသ့ၣ် လုၢ်ထီၣ်တၢ်လၢ ကစၢၢ်ဒီခိၣ်+ဒီးအဝဲသ့ၣ် ဒွဲၣ်ခုၣ်ထီၣ် တၢ်လုၢ်လၢ တၢ်လူၢ်ခိၣ်ဒီးလၢသ့ၣ်ထိးဖၣ်တဖၣ်, သ့ၣ်လံးဘန့ၤ ဒီးသ့ၣ်ဖးဒိၣ်တဖၣ်အဖီလာ်+မ့ၢ်လၢသ့ၣ်တဖၣ်န့ၣ် အကဒုဂ့ၤ အဃိလီၤ.
လၢတၢ်န့ၣ်အဃိ သုဖိမုၣ်တဖၣ်န့ၣ် ဆါလီၤအီၣ်သး*ဒီးသုဒဲၣ်မုၣ်တဖၣ်န့ၣ် အဲၣ်ဘၢတၢ်လီၤ.
၁၄ ယတသိၣ်ဃီၣ် သုဖိမုၣ်တဖၣ်လၢ အဆါလီၤအီၣ်သး* အဃိဘၣ်.
ဒီးယတသိၣ်ဃီၣ် သုဒဲၣ်မုၣ်တဖၣ်လၢ အအဲၣ်ဘၢတၢ်အဃိန့ၣ်ဘၣ်,မ့ၢ်လၢ သုပှၤပိာ်ခွါတဖၣ်စ့ၢ်ကီးလဲၤတၢ်ဒီး ပိာ်မုၣ်ဆါလီၤအီၣ်သးတဖၣ်ဒီးလုၢ်ထီၣ်တၢ်ဒီး ပှၤလၢအဆါလီၤအီၣ်အသး လၢတၢ်ဘူၣ်ထီၣ်ဘါထီၣ်အလီၢ်အဃိလီၤ.
ဒီးပှၤလၢအတၢ်သ့ၣ်ညါနၢ်ပၢၢ် တအိၣ်ဘၣ်+ ဒ်န့ၣ်တဖၣ်န့ၣ် ကတုၤလၢ တၢ်ဟးဂီၤလီၤ.
၁၅ အိ အံၣ်စရ့လးဧၢ, နမၤတၢ်ဒ်သိးဒီး ပိာ်မုၣ်ဆါလီၤအီၣ်သးလံ*+ဘၣ်ဆၣ် မ်ယူဒၤ သုတမၤတၢ်ဒဲးဘး ဒ်န့ၣ်တဂ့ၤ.+
ဒီးတဘၣ် လဲၤလၢ ဝ့ၢ်ကံးလကၤလး+ ဒီးဝ့ၢ်ဘ့ၤသအၤဝ့ၣ်+ဒီးတဘၣ်မၤတၢ်အၢၣ်လီၤလၢ ယဟိဝၤယွၤလၢ အမူဝဲတဂၤ အမဲာ်ညါတဂ့ၤ.+
၁၆ အံၣ်စရ့လး အခိၣ်ကိၤ ဒ်သိးဒီး ကျီၢ်လၢအခိၣ်ကိၤတဒုလီၤ.+
အဃိ ခဲအံၤန့ၣ် မ့ၢ်ယဟိဝၤယွၤ ကကွၢ်ထွဲအဝဲသ့ၣ် ဒ်သိဖါတဒုလၢ အအိၣ်လၢ တၢ်အီၣ်ဆၣ်အလီၢ် လၢတၢ်ပျီပူၤန့ၣ်ဧါ.
၁၇ အ့ဖရဲၣ်န့ၣ်* ဘူၣ်ထီၣ်ဘါထီၣ်ဝဲ တၢ်ဂီၤတၢ်ဖှီၣ်တဖၣ်အဃိ+ပျဲအလဲၤလၢ အကျဲဒၣ်ဝဲတက့ၢ်.
၁၈ ဖဲအဝဲသ့ၣ် အီသံး* ဝံၤအခါအဝဲသ့ၣ် မံဃုာ်ဒီး ပှၤပိာ်မုၣ် အါဂၤလီၤ.
ဒီးအပှၤခိၣ်ပှၤနၢ်တဖၣ်န့ၣ်မၤဝဲ တၢ်လၢ အလီၤမဲာ်ဆှးတဖၣ် မုာ်ဒိၣ်မးလီၤ.+
၁၉ ကလံၤကအူဖျိးကွံာ်အီၤ* လၢအယံၤဒီးအဝဲသ့ၣ် ကတူၢ်ဘၣ် တၢ်မဲာ်ဆှး လၢအတၢ်လုၢ်တၢ်ပာ်တဖၣ် အဃိလီၤ.”
တၢ်ဂ့ၢ်အဘျဲၣ်တဖၣ်
^ ဖျါလၢအဲၣ်ဒိးတဲဝဲ ပှၤလုၢ်တၢ်ဒိၣ်တဖၣ်.
^ ဘၣ်သ့ၣ်သ့ၣ် ကမ့ၢ် “အဝဲသ့ၣ် ခီလဲယလၤကပီၤလၢ တၢ်မဲာ်ဆှးအဂီၢ်.”
^ မ့ၢ်စ့ၢ်ကီး “ပိာ်မုၣ်ဆါလီၤအီၣ်သး.”
^ မ့ၢ်စ့ၢ်ကီး “ပိာ်မုၣ်ဆါလီၤအီၣ်သး.”
^ မ့ၢ်စ့ၢ်ကီး “ပိာ်မုၣ်ဆါလီၤအီၣ်သး.”
^ မ့ၢ်စ့ၢ်ကီး “မၤကမၣ်မုၣ်ကမၣ်ခွါ.”
^ မ့ၢ်စ့ၢ်ကီး “မၤကမၣ်မုၣ်ကမၣ်ခွါ.”
^ မ့ၢ်စ့ၢ်ကီး “မၤကမၣ်မုၣ်ကမၣ်ခွါ.”
^ အ့ဖရဲၣ်န့ၣ် အဲၣ်ဒိးတဲဝဲ အံၣ်စရ့လး အဒူၣ်တဆံ အဘီမုၢ်လၢ အအိၣ်လၢ ကလံၤစိးတခီ.
^ မ့ၢ်စ့ၢ်ကီး “ဘံၤယၤလၢ ပှၤတ့အီၤလၢဘု.”
^ မ့ၢ်ဝဲ အ့ဖရဲၣ်.
