၁ ကွဲးနီၣ်တၢ် ၁၆:၁-၄၃
၁၆ အဃိ အဝဲသ့ၣ် ဟဲက့ၤယိးနုာ်လီၤဝဲ ယွၤလၢအမ့ၢ်အတီတဂၤ အတလါစီဆှံ ဒီးပာ်လီၤဝဲလၢ ဒဲလၢ စီၤဒၤဝံး ဆီလီၤဝဲ တဖျၢၣ်န့ၣ်အပူၤလီၤ.+ ဝံၤဒီးအဝဲသ့ၣ် လုၢ်ထီၣ်ဝဲ တၢ်လုၢ်ဒွဲၣ်အူ ဒီးတၢ်လုၢ်အိၣ်ဃူအိၣ်ဖိးတဖၣ် လၢယွၤလၢအမ့ၢ်အတီတဂၤ အအိၣ်လီၤ.+
၂ ဖဲစီၤဒၤဝံး လုၢ်ထီၣ်ဝဲ တၢ်လုၢ်ဒွဲၣ်အူ+ ဒီးတၢ်လုၢ်အိၣ်ဃူအိၣ်ဖိးတဖၣ်+ ဝံၤအခါ အဝဲဆိၣ်ဂ့ၤ ပှၤဂီၢ်မုၢ်လၢ ယဟိဝၤယွၤ အမံၤပူၤလီၤ.
၃ တကးဒံးဘၣ် ပိာ်မုၣ်ပိာ်ခွါ ကိးဂၤဒဲးလၢ အံၣ်စရ့လး အကျါန့ၣ် အဝဲဟ့ၣ်နီၤလီၤ အဝဲသ့ၣ် တဂၤစုာ်စုာ်လၢ ကိၣ်လၢအကဝီၤတလိၣ်, ကိၣ်တလိၣ်လၢ အဘၣ်တၢ်တ့အီၤလၢ စူၣ်ပလိၣ်သၣ် ဒီးကိၣ်တလိၣ်လၢ အဘၣ်တၢ်တ့အီၤလၢ စပံးသၣ်ဃ့လီၤ.
၄ ဝံၤဒီး စီၤဒၤဝံး ပာ်ထီၣ် ပှၤလ့ၤဝံဖိတနီၤ လၢကမၤတၢ်အခ့အပှၤ တၢ်မၤလၢ ယဟိဝၤယွၤ အတလါစီဆှံ အမဲာ်ညါ+ ဒ်သိးကမၤလၤကပီၤ, စံးဘျုးစံးဖှိၣ် ဒီးစံးထီၣ်ပတြၢၤ အံၣ်စရ့လး အကစၢ်ယဟိဝၤယွၤ အဂီၢ်လီၤ.
၅ စီၤအၤစာ်+ မ့ၢ်ဝဲ ပှၤအခိၣ် ဒီးခံဂၤတဂၤ မ့ၢ်ဝဲ စီၤစကၤရယၤလီၤ. စီၤယံၤအ့လး, စီၤၡမံၤရမိး, စီၤယဃံအ့လး, စီၤမးတံးသယၤ, စီၤအလံအာ်, စီၤဘနါယၤ, စီၤဧိၤဘ့းအ့ဒိၣ် ဒီးစီၤယံၤအ့လးန့ၣ်+ ဒ့ဝဲ သီတူၢ်တဖၣ် ဒီးတနၢ်တဖၣ်လီၤ.+ မ့မ့ၢ် စီၤအၤစာ်န့ၣ် ဒဲသီၣ်ဝဲ စှၢၣ်စှံးလီၤ.+
၆ ဒီးပှၤလုၢ်တၢ်ဒိၣ် လၢအမ့ၢ် စီၤဘနါယၤ ဒီးစီၤယၤဃစအ့လးန့ၣ် အူသီၣ်ဝဲ ကွဲၤတဖၣ် ခဲအံၤခဲအံၤ လၢယွၤလၢအမ့ၢ်အတီတဂၤ အတၢ်အၢၣ်လီၤအီလီၤ အတလါ အမဲာ်ညါန့ၣ်လီၤ.
၇ ဖဲတၢ်တနံၤန့ၣ် မ့ၢ်တၢ်အဆိကတၢၢ် တဘျီလၢ စီၤဒၤဝံး ထုးထီၣ်ဝဲ ထါစံးထီၣ်ပတြၢၤလၢ ယဟိဝၤယွၤအဂီၢ် ဒီးမၢဝဲစီၤအၤစာ်+ ဒီးအဒူၣ်ဖိထၢဖိတဖၣ် သးဝံၣ်ဝဲလၢ
၈ “စံးဘျုး ယဟိဝၤယွၤ,+ ကိးထီၣ်အမံၤ,ဒုးသ့ၣ်ညါ ပှၤဂီၢ်မုၢ်လၢ အတၢ်မၤတဖၣ်တက့ၢ်.+
၉ သးဝံၣ်ထီၣ်အီၤ, သးဝံၣ် စံးထီၣ်ပတြၢၤအီၤ,+ဆိကမိၣ်ထံ* အတၢ်မၤလၢ အလီၤလိၢ်လီၤလး ခဲလၢာ် တက့ၢ်.+
၁၀ မၤလၤကပီၤ အမံၤစီဆှံလၢ တၢ်ပာ်ကဖၢလၢသး အပူၤတက့ၢ်.+
ပှၤလၢအဃု ယဟိဝၤယွၤန့ၣ် မ်အသူၣ်ဖှံသးညီ တက့ၢ်.+
၁၁ ဃုယဟိဝၤယွၤ+ ဒီးအတၢ်ဂံၢ် တၢ်ဘါ,ကွၢ်တၢ်လၢအအိၣ် တထံၣ်ဃီတက့ၢ်.+
၁၂ ယွၤအတၢ်မၤ လီၤလိၢ်လီၤလး လၢအမၤတ့ၢ်ဝဲတဖၣ်,+အတၢ်လီၤလးတဖၣ် ဒီးအတၢ်မၤလိာ်တဖၣ်လၢ အမၤလိာ်ဝဲန့ၣ် သုကဘၣ်နီၣ်ဘၣ်အီၤ,
၁၃ သုဝဲ လၢအမ့ၢ် အခ့အပှၤ စီၤအံၣ်စရ့လး အစၢၤအသွဲၣ်သ့ၣ်ဧၢ,+စီၤယၤကိာ် အဖိအလံၤ, သုဝဲလၢ အဘၣ်တၢ်ဃုထၢထီၣ်အီၤသ့ၣ်ဧၢ.+
၁၄ အဝဲမ့ၢ် ပကစၢ် ယဟိဝၤယွၤလီၤ.+
အဝဲစံၣ်ညီၣ် ဟီၣ်ခိၣ်ဒီဘ့ၣ်ညါလီၤ.+
၁၅ သ့ၣ်နီၣ်ထီၣ်က့ၤ အတၢ်အၢၣ်လီၤအီလီၤ လီၤထူလီၤယိာ်,အတၢ်အၢၣ်လီၤ လၢအမၤတ့ၢ်ဝဲ အစိၤစိၤဃၣ်ဃၣ်န့ၣ်တက့ၢ်.+
၁၆ သ့ၣ်နီၣ်ထီၣ်က့ၤ တၢ်အၢၣ်လီၤအီလီၤလၢ အမၤတ့ၢ်ဝဲဒီး စီၤအၤဘြၤဟၣ်+ဒီးအတၢ်အၢၣ်လီၤ လၢအအၢၣ်လီၤတ့ၢ်ဝဲ စီၤအံၤစဲးတက့ၢ်.+
၁၇ အဝဲပာ်ဂၢၢ်ပာ်ကျၢၤ တၢ်အၢၣ်လီၤအံၤဒီး စီၤယၤကိာ် ဒ်တၢ်သိၣ်တၢ်သီအသိး+ဒီးဒ်တၢ်အၢၣ်လီၤအီလီၤလၢ အဂၢၢ်အကျၢၤဒီး စီၤအံၣ်စရ့လး
၁၈ ဖဲအတဲဝဲလၢ ‘ယကဟ့ၣ်နၤလၢ ကီၢ်ကနၤဧၣ်+ဒ်သုတၢ်န့ၢ်သါအသိး ခီဖျိ တၢ်ဖးလီၤ.’+
၁၉ အဝဲတဲဝဲဖဲ သုနီၣ်ဂံၢ် အိၣ်စှၤဒံး အဆၢကတီၢ်ဒီးသုကဲ ပှၤထံဂၤကီၢ်ဂၤဖိလၢ ကီၢ်ပူၤလီၤ.+
၂၀ အဝဲသ့ၣ် လဲၤတၢ်လၢ ပှၤတကလုာ် ဆူအဂၤတကလုာ်,လၢဘီမုၢ်တဘီမုၢ် ဆူဘီမုၢ်အဂၤ တဘီမုၢ်လီၤ.+
၂၁ အဝဲ တပျဲလၢ ပှၤတဂၤဂ့ၤ တဂၤဂ့ၤ ကဆီၣ်တံၢ်မၤနၢၤ အဝဲသ့ၣ်ဘၣ်,+ဘၣ်ဆၣ် အဝဲ သိၣ်ဃီၣ် စီၤပၤတဖၣ် လၢအဝဲသ့ၣ်အဃိ+
၂၂ ဒီးတဲဝဲလၢ ‘တဘၣ်ထိးဘူး ယပှၤဒိးဖှူသးတဖၣ် တဂ့ၤ.
ဒီးတဘၣ်မၤအၢ ယဝံတဖၣ် နီတမံၤတဂ့ၤ.’+
၂၃ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, သးဝံၣ်ထီၣ် ယဟိဝၤယွၤတက့ၢ်.
ဒီးဘိးဘၣ်ရၤလီၤ အတၢ်အုၣ်က့ၤခီၣ်က့ၤ အကစီၣ် တနံၤဘၣ်တနံၤ တက့ၢ်.+
၂၄ တဲဖျါထီၣ် အလၤကပီၤ လၢပှၤကလုာ်တဖၣ် အကျါဒီးအတၢ်မၤ လီၤလိၢ်လီၤလးတဖၣ် လၢပှၤဂီၢ်မုၢ် ခဲလၢာ်အကျါ,
၂၅ မ့ၢ်လၢ ယဟိဝၤယွၤန့ၣ် ဒိၣ်ဝဲ ဒီးကြၢးဒိးန့ၢ်ဘၣ် တၢ်စံးထီၣ်ပတြၢၤ အဒိၣ်ကတၢၢ်လီၤ.
ပှၤကြၢးပျံၤအီၤ ဒိၣ်န့ၢ်ဒံး ယွၤလၢအဂၤ ခဲလၢာ်လီၤ.+
၂၆ ပှၤကလုာ်ဂၤ အယွၤခဲလၢာ်န့ၣ် မ့ၢ်ယွၤလၢ အလုၢ်အပှ့ၤတအိၣ်ဘၣ်.+
ဘၣ်ဆၣ် ယဟိဝၤယွၤ မ့ၢ်ဝဲ ပှၤလၢအတ့လီၤ မူခိၣ်န့ၣ်လီၤ.+
၂၇ တၢ်လၤကပီၤ ဒီးတၢ်ကဟုကညီၢ် အိၣ်ဝးတရံးအီၤ,+တၢ်ဂံၢ်တၢ်ဘါ ဒီးတၢ်သူၣ်ခုသးခု အိၣ်ဝဲလၢ အတၢ်အိၣ်တၢ်ဆိး အလီၢ်လီၤ.+
၂၈ ပှၤအဒူၣ်တဖၣ်သ့ၣ်ဧၢ, ဟ့ၣ်ယဟိဝၤယွၤ တၢ်လၢအကြၢးဒီးအီၤ,ယူးယီၣ် ယဟိဝၤယွၤလၢ အတၢ်လၤကပီၤ ဒီးအတၢ်ဂံၢ်တၢ်ဘါ အဃိတက့ၢ်.+
၂၉ ဟ့ၣ်ယဟိဝၤယွၤ တၢ်လၤကပီၤ ဒ်အကြၢးဒီး အမံၤအသိး,+ဟဲစိာ်တၢ်ဟ့ၣ်တမံၤ ဒီးဟဲနုာ်လၢ အမဲာ်ညါတက့ၢ်.+
ကၤထီၣ်သုတၢ်ကူတၢ်ကၤစီဆှံ ဒီးထိၣ်လီၤပှီၤသုသးလၢ* ယဟိဝၤယွၤ အမဲာ်ညါ တက့ၢ်.+
၃၀ ပှၤဟီၣ်ခိၣ်ဖိ ခဲလၢာ်သ့ၣ်ဧၢ, ကနိးကစုာ် လၢအမဲာ်ညါ တက့ၢ်.
အဝဲဆီလီၤ ဟီၣ်ခိၣ်ကျၢၤကျၢၤ ဒီးတၢ်သုးအီၤ တန့ၢ်ဘၣ်.+
၃၁ မ်မူခိၣ် သူၣ်ဖှံသးညီ ဒီးမ်ဟီၣ်ခိၣ် သူၣ်ခုသးခုတက့ၢ်.+
လၢပှၤကလုာ်တဖၣ် အကျါန့ၣ် တဲဖျါထီၣ်လၢ ‘ယဟိဝၤယွၤ ကဲထီၣ် စီၤပၤလံ’ န့ၣ်တက့ၢ်.+
၃၂ မ်ပီၣ်လဲၣ် ဒီးတၢ်အိၣ်လၢအပူၤခဲလၢာ် သီၣ်ထီၣ်လၢ အကလုၢ်ဖးဒိၣ် တက့ၢ်.
မ်ပျီတဖၣ် ဒီးတၢ်အိၣ်လၢ အပူၤခဲလၢာ် သူၣ်ဖှံသးညီတက့ၢ်.
၃၃ တကတီၢ်ဃီန့ၣ် မ်သ့ၣ်ထူၣ်တဖၣ် လၢပှၢ်လၢ်ကျါ ကိးပသူထီၣ်လၢ တၢ်သူၣ်ဖှံသးညီအပူၤ လၢယဟိဝၤယွၤ အအိၣ်,မ့ၢ်လၢ အဟဲဝဲ ဒ်သိး ကစံၣ်ညီၣ် ဟီၣ်ခိၣ်အဃိ တက့ၢ်.
၃၄ ယဟိဝၤယွၤ မ့ၢ်ပှၤအဂ့ၤအဃိ စံးဘျုးအီၤတက့ၢ်.+
အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်လီၤ.+
၃၅ ဒီးတဲလၢ ‘အိ ပတၢ်အုၣ်က့ၤခီၣ်က့ၤ ကစၢ်ဧၢ, မၤပူၤဖျဲးပှၤတက့ၢ်.+
ကိးဖှိၣ်ပှၤ ဒီးမၤပူၤဖျဲးပှၤလၢ ပှၤကလုာ်တဖၣ် အစုပူၤဒ်သိး ပစံးဘျုး နမံၤစီဆှံ+ဒီးစံးထီၣ်ပတြၢၤနၤလၢ တၢ်သးခုအပူၤ ကသ့အဂီၢ် န့ၣ်တက့ၢ်.+
၃၆ မ်အံၣ်စရ့လး အကစၢ်ယဟိဝၤယွၤ ဘၣ်တၢ်စံးထီၣ်ပတြၢၤအီၤအစိၤစိၤအဃၣ်ဃၣ် တက့ၢ်.’”
ဒီးပှၤဂီၢ်မုၢ် ခဲလၢာ် တဲဝဲလၢ “အၤမ့ၣ်.”* ဒီးအဝဲသ့ၣ် စံးထီၣ်ပတြၢၤ ယဟိဝၤယွၤလီၤ.
၃၇ ဝံၤဒီး စီၤဒၤဝံးပာ်တ့ၢ် စီၤအၤစာ်+ ဒီးအဒူၣ်ဖိထၢဖိတဖၣ် ဖဲန့ၣ်လၢ ယဟိဝၤယွၤ အတၢ်အၢၣ်လီၤအီလီၤ အတလါ အမဲာ်ညါ ဒ်သိး အဝဲသ့ၣ် ကမၤတၢ်အခ့အပှၤ တၢ်မၤလၢ တလါစီဆှံ အမဲာ်ညါ+ ဒ်တနံၤဘၣ်တနံၤ အတၢ်ရဲၣ်တၢ်ကျဲၤ အိၣ်ဝဲအသိး ထီဘိလီၤ.+
၃၈ ဒီးစီၤဧိၤဘ့းအ့ဒိၣ် ဒီးအဒူၣ်ဖိထၢဖိ ၆၈ ဂၤ, စီၤယဒူသူၣ် အဖိခွါ စီၤဧိၤဘ့းအ့ဒိၣ် ဒီးစီၤဃိစၤန့ၣ် မ့ၢ်ဝဲ ပှၤခိးတြဲၤဖိတဖၣ်လီၤ.
၃၉ ပှၤလုၢ်တၢ်ဒိၣ် စီၤစၤဒိး+ ဒီးပှၤလုၢ်တၢ်ဒိၣ် လၢအဂၤတဖၣ် အိၣ်ဝဲလၢ ယဟိဝၤယွၤ အဒဲစီဆှံ အမဲာ်ညါ လၢတၢ်လီၢ်ထီၣ်ထီ ဖဲဝ့ၢ်ကံးဘိၣ်+
၄၀ ဒ်သိး ကလုၢ်ထီၣ်ဝဲ တၢ်လုၢ်ဒွဲၣ်အူ လၢယဟိဝၤယွၤအအိၣ်လၢ တၢ်လုၢ်ဒွဲၣ်အူ အတၢ်လုၢ်လီၢ် အဖီခိၣ် ကိးဂီၤဒဲး ကိးဟါဒဲး ဒီးဒ်သိး ကမၤထွဲဝဲ တၢ်ကွဲးအသးခဲလၢာ်လၢ ယဟိဝၤယွၤ အတၢ်သိၣ်တၢ်သီအပူၤ လၢအမၤလိာ်ပာ်စၢၤ ပှၤအံၣ်စရ့လးဖိ အဂီၢ်န့ၣ်လီၤ.+
၄၁ ပှၤလၢ အအိၣ်ဒီး အဝဲသ့ၣ်န့ၣ် မ့ၢ်ဝဲစီၤဟ့မၣ်, စီၤယဒူသူၣ်+ ဒီးပှၤအဂၤတဖၣ်လၢ အဘၣ်တၢ်ဃုထၢထီၣ်အီၤ ဒ်သိး ကစံးဘျုး ယဟိဝၤယွၤ+ မ့ၢ်လၢ “အတၢ်အဲၣ်လၢအတီ အိၣ်ဂၢၢ်ဆိးကျၢၤ လီၤထူလီၤယိာ်” အဃိလီၤ.+
၄၂ စီၤဟ့မၣ်+ ဒီးစီၤယဒူသူၣ်န့ၣ် ဘၣ်အူထီၣ် ကွဲၤတဖၣ်, ဒဲသီၣ်ဝဲ စှၢၣ်စှံးတဖၣ် ဒီးဒ့ဝဲ တၢ်ဒ့တၢ်အူလၢ ပှၤသူအီၤလၢ ကစံးထီၣ်ပတြၢၤ ယွၤလၢအမ့ၢ်အတီတဂၤအဂီၢ်လီၤ. ဒီးစီၤယဒူသူၣ်+ အဖိခွါတဖၣ်န့ၣ် တီခိၣ်ရိၤမဲတၢ် ဖဲတြဲၤလီၤ.
၄၃ ဝံၤဒီးပှၤကိးဂၤဒဲး က့ၤလၢ အနီၢ်ကစၢ်အဟံၣ် ဒီးစီၤဒၤဝံး က့ၤဆိၣ်ဂ့ၤ အဟံၣ်ဖိဃီဖိလီၤ.
တၢ်ဂ့ၢ်အဘျဲၣ်တဖၣ်
^ ဘၣ်သ့ၣ်သ့ၣ် ကမ့ၢ် “တဲဘၣ်ဃး.”
^ မ့ၢ်စ့ၢ်ကီး “ဘူၣ်ထီၣ်ဘါထီၣ်.”
^ မ့ၢ်စ့ၢ်ကီး “မ်တၢ်မၤအသး ဒ်န့ၣ်တက့ၢ်.”
