၁ ကွဲးနီၣ်တၢ် ၄:၁-၄၃
၄ စီၤယူဒၤ အဖိခွါတဖၣ် မ့ၢ်ဝဲ စီၤဖ့ၤရ့း,+ စီၤဃ့ၤစရိၣ်,+ စီၤကၢ်မံၤ, စီၤဃူၢ်+ ဒီးစီၤၡိဘလးလီၤ.+
၂ စီၤၡိဘလး အဖိခွါ မ့ၢ်ဝဲ စီၤရအါယၤလီၤ. စီၤရအါယၤ မ့ၢ်ဝဲ စီၤယၤဃးအပၢ်လီၤ. စီၤယၤဃး မ့ၢ်ဝဲ စီၤအဃူမဲၤ ဒီးစီၤလၤဃး အပၢ်လီၤ. ပှၤတဖၣ်န့ၣ် မ့ၢ်ဝဲ ပှၤစၤရၤသးဧၤဖိ အဒူၣ်ဖိထၢဖိတဖၣ်လီၤ.+
၃ ဧ့ၤတၣ်+ အပၢ်* အဖိခွါတဖၣ် မ့ၢ်ဝဲ စီၤယံးစရ့လး, စီၤယံၡမၤ, စီၤယံးဒဘၣ် (အဝဲသ့ၣ် အဒီပုၢ်ဝဲၢ်မုၣ် မ့ၢ်ဝဲ နီၢ်ဟးစ့လလ့ပိနံၤ),
၄ ဒီးစီၤပနူၤအ့လး လၢအမ့ၢ် စီၤကဒိၢ်အပၢ်, ဒီးစီၤဧ့စ့ၢ် လၢအမ့ၢ် စီၤဃူၡဲၤ အပၢ်န့ၣ်လီၤ. ပှၤတဖၣ်အံၤ မ့ၢ်ဝဲ စီၤဃူၢ် အဖိခွါတဖၣ်လီၤ. စီၤဃူၢ်မ့ၢ်ဝဲ+ နီၢ်အ့ဖရးသး အဖိဝဲၢ်ကိ ဒီးစီၤဃူၢ် မ့ၢ်ဝဲ ဘ့ၤသလ့ဃ့ၣ်+ အပၢ်လီၤ.
၅ တကိၤ+ အပၢ် စီၤအၤၡူၢ်+ အိၣ်ဒီးအမါခံဂၤလၢ အမံၤမ့ၢ်ဝဲ နီၢ်ဃ့လၤ ဒီးနီၢ်နၤရၤလီၤ.
၆ နီၢ်နၤရၤ အိၣ်ဖျဲၣ်ထီၣ်န့ၢ်အီၤ စီၤအဃူစၣ်, စီၤဃ့ဖ့ၢ်, စီၤတ့မနံၤ ဒီးစီၤအဃၤၡတၤရံလီၤ. ပှၤတဖၣ်န့ၣ် မ့ၢ်ဝဲ နီၢ်နၤရၤ အဖိခွါလီၤ.
၇ နီၢ်ဃ့လၤ အဖိခွါတဖၣ် မ့ၢ်ဝဲ စီၤစ့ရ့ာ်, စီၤယံးစဟၢ် ဒီးစီၤအ့ၤသၣ်လီၤ.
၈ စီၤကိာ် မ့ၢ်ဝဲ စီၤဧနူာ် ဒီးစီၤစိၤဘ့ဘၤ အပၢ်လီၤ. ဒီးစီၤဟ့ၤရူၣ်အဖိခွါ စီၤအဃၤရဃ့လး အဒူၣ်ဖိထၢဖိတဖၣ်န့ၣ် ဟဲလီၤစၢၤလီၤသွဲၣ်လၢ စီၤကိာ်လီၤ.
၉ စီၤယၤဘ့းန့ၣ် ဘၣ်တၢ်မၤလၤကပီၤအီၤ အါန့ၢ်ဒံး အဒီပုၢ်ဝဲၢ်ခွါတဖၣ်လီၤ. စီၤယၤဘ့း အမိၢ်ယုၢ်န့ၢ်အမံၤလၢ စီၤယၤဘ့း* ဒီးတဲဝဲလၢ “ဖဲယအိၣ်ဖျဲၣ်ထီၣ်အီၤအခါ ယဘၣ်ကီၤတၢ်ဆါ.”
၁၀ စီၤယၤဘ့း ကိးထီၣ်ဝဲ အံၣ်စရ့လး အကစၢ်ယွၤ ဒီးတဲဝဲလၢ “ဆိၣ်ဂ့ၤယၤ ဒီးမၤလဲၢ်ထီၣ် ယဟီၣ်ကဝီၤတက့ၢ်. မၤစၢၤယၤ ဒ်သိး တၢ်နးတၢ်ဖှီၣ် သုတဟဲဘၣ်ယၤ တဂ့ၤအဂီၢ် ဒီသဒၢယၤတက့ၢ်.” ဒီးကစၢ်ယွၤ မၤဝဲဒ် အဝဲဃ့ဝဲ အသိးလီၤ.
၁၁ စီၤၡူဧၤ အဒီပုၢ်ဝဲၢ်ခွါ စီၤကလူာ် မ့ၢ်ဝဲ စီၤမဃံၢ် အပၢ်လီၤ. ဒီးစီၤမဃံၢ် မ့ၢ်ဝဲ စီၤအ့ၡတိၣ် အပၢ်လီၤ.
၁၂ စီၤအ့ၡတိၣ် မ့ၢ်ဝဲ စီၤဘ့ၤသရၤဖၤ, စီၤပးစ့ၤ ဒီးစီၤတဃံးနၤ အပၢ်လီၤ. စီၤတဃံးနၤ မ့ၢ်ဝဲ ဧံၢ်နဃ့ၣ် အပၢ်လီၤ. ပှၤတဖၣ်န့ၣ် မ့ၢ်ဝဲ ရ့ကၤ အပှၤတဖၣ်လီၤ.
၁၃ စီၤကနးစး အဖိခွါတဖၣ် မ့ၢ်ဝဲ စီၤဧီၤသန့လး+ ဒီးစီၤစရါယၤလီၤ. ဒီးစီၤဧီၤသန့လး အဖိခွါ* မ့ၢ်ဝဲ စီၤဃသးလီၤ.
၁၄ စီၤမဧိနိၤသဲ မ့ၢ်ဝဲ စီၤဧိးဖြၤ အပၢ်လီၤ. စီၤစရါယၤ မ့ၢ်ဝဲ စီၤယိၤအာ် အပၢ်လီၤ. စီၤယိၤအာ် မ့ၢ်ဝဲ ဃရၤၡး* အပၢ်လီၤ. တၢ်လီၢ်အဝဲန့ၣ် ဘၣ်တၢ်ကိးအီၤလၢ ဃရၤၡး မ့ၢ်လၢ ပှၤအိၣ်ဖဲန့ၣ်တဖၣ် မ့ၢ်ဝဲပှၤစုသ့ဖိအဃိလီၤ.
၁၅ စီၤယဖူန့ၤ အဖိခွါ စီၤကၤလ့းန့ၣ်+ အဖိခွါတဖၣ် မ့ၢ်ဝဲ စီၤဧံၤရူ, စီၤအ့လၤ ဒီးစီၤနၤဧၣ်လီၤ. စီၤအ့လၤ အဖိခွါ* မ့ၢ်ဝဲ စီၤကနးစးလီၤ.
၁၆ စီၤယဟၤလလ့လး အဖိခွါတဖၣ် မ့ၢ်ဝဲ စံဖး, စီၤစံဖၤ, စီၤတံရယၤ ဒီးစီၤအစၤရ့လးလီၤ.
၁၇ စီၤဧ့စရၤ အဖိခွါတဖၣ် မ့ၢ်ဝဲ စီၤယ့သ့ၢ်, စီၤမ့ရ့း, စီၤဧ့ၤဖ့ၢ် ဒီးစီၤယၤလိၣ်လီၤ. ဒီးအဝဲ* ဒၢထီၣ် ဒီးအိၣ်ဖျဲၣ်ထီၣ် စီၤမံးရယၣ်, စီၤၡးမဲ ဒီးစီၤယံးၡဘၤ လၢအမ့ၢ် အ့ၡတမိး အပၢ်န့ၣ်လီၤ.
၁၈ (စီၤမ့ရ့း အမါလၢအမ့ၢ် ပှၤယူဒၤမုၣ်န့ၣ် အိၣ်ဖျဲၣ်ထီၣ်ဝဲ စီၤယ့ရ့း လၢအမ့ၢ် စီၤကဒိၢ်အပၢ်, စီၤဃ့ဘ့ၢ် လၢအမ့ၢ် စီၤစိကိၤ အပၢ် ဒီးစီၤယကူသံၤအ့လး လၢအမ့ၢ် စါနိၤ အပၢ်န့ၣ်လီၤ.) ပှၤတဖၣ်န့ၣ် မ့ၢ်ဝဲ စီၤမ့ရ့း အမါ နီၢ်ဘံးသယၤ အဖိခွါတဖၣ်လီၤ. နီၢ်ဘံးသယၤန့ၣ် မ့ၢ်ဝဲ ဖၤရိၤအဖိမုၣ်လီၤ.
၁၉ စီၤဟိၤဒံယၤ အမါန့ၣ် အဖိခွါတဖၣ် မ့ၢ်ဝဲ ပှၤကၢ်မးဖိ ကံလၤ အပၢ် ဒီးပှၤမၤကးဖိ အ့ၡတမိး အပၢ်လီၤ. စီၤဟိၤဒံယၤ အမါန့ၣ် မ့ၢ်ဝဲ စီၤနၤဃာ် အဒီပုၢ်ဝဲၢ်မုၣ်လီၤ.
၂၀ စီၤၡံးမိၣ် အဖိခွါတဖၣ် မ့ၢ်ဝဲ စီၤအၤမနိၣ်, စီၤရံးနၤ, စီၤဘ့ၣ်ဃနၣ် ဒီးစီၤတံလိၣ်လီၤ. စီၤယံၡံၤ အဖိခွါတဖၣ် မ့ၢ်ဝဲ စီၤစိဃ့း ဒီးစီၤဘ့ၣ်စိဃ့းလီၤ.
၂၁ စီၤယူဒၤ အဖိခွါ စီၤစ့ၤလါန့ၣ်+ အဖိခွါတဖၣ်* မ့ၢ်ဝဲ စီၤလ့ကၤ အပၢ် စီၤအ့ၢ် ဒီးမရ့ၡၤ အပၢ် စီၤလၤဒၤ ဒီးပှၤလၢ အမၤတၢ်လၢ တၢ်ကံးညာ်လၢအဂ့ၤ အဒူၣ်ဖိထၢဖိတဖၣ် လၢအမ့ၢ် စီၤအၤၡဘ့ၤ အစၢၤအသွဲၣ်တဖၣ်
၂၂ ဒီးစီၤယိကံၣ်, ကိၤစ့ဘၤအပှၤတဖၣ်, စီၤယိးအၣ် ဒီးစီၤစၤရာ် လၢအဟံးန့ၢ်အမါလၢ မိၤအးမုၣ်တဖၣ် ဒီးစီၤယၤၡူဘံၤလ့ဃ့ၣ်လီၤ. အဝဲန့ၣ် မ့ၢ်ဝဲ တၢ်ကွဲးနီၣ်ကွဲးဃါ လၢပျၢၤတဖၣ်လီၤ.
၂၃ အဝဲသ့ၣ် မ့ၢ်ပှၤတ့သပၢၤဖိလၢ အအိၣ်လၢ နံးတ့ၣ် ဒီးကဒ့ရၤန့ၣ်လီၤ. အဝဲသ့ၣ်အိၣ်ဖဲန့ၣ် ဒီးမၤတၢ်မၤလၢ စီၤပၤအဂီၢ်လီၤ.
၂၄ စီၤစူၤမ့းအိၣ်+ အဖိခွါတဖၣ် မ့ၢ်ဝဲ စီၤနမူၤအ့လး, စီၤယၤမံၣ်, စီၤယၤရံၤ, စီၤစ့ရၤ ဒီးစီၤၡီအူးလီၤ.+
၂၅ စီၤၡီအူး အဖိခွါ မ့ၢ်ဝဲ စီၤၡၤလူၣ်, စီၤၡၤလူၣ် အဖိခွါ မ့ၢ်ဝဲ စီၤမံးဘစၣ် ဒီးစီၤမံးဘစၣ် အဖိခွါ မ့ၢ်ဝဲ စီၤမံးၡမၤလီၤ.
၂၆ စီၤမံးၡမၤ အဖိခွါတဖၣ်* မ့ၢ်ဝဲ စီၤဃမူၤအ့လး, စီၤဃမူၤအ့လး အဖိခွါ မ့ၢ်ဝဲ စီၤစးကူၢ်, စီၤစးကူၢ် အဖိခွါ စီၤၡံမံၤလီၤ.
၂၇ စီၤၡံမံၤ အဖိခွါအိၣ်ဝဲ ၁၆ ဂၤ ဒီးအဖိမုၣ်အိၣ်ဝဲ ၆ ဂၤလီၤ. ဘၣ်ဆၣ် စီၤၡံမံၤ အဒီပုၢ်ဝဲၢ်ခွါတဖၣ် အဖိခွါတအိၣ် အါအါဘၣ်. ဒီးလၢအဝဲသ့ၣ် အဒူၣ်ဖိထၢဖိအကျါန့ၣ် ပှၤလၢအဖိခွါ အိၣ်ပှဲၤသိးဒီး ပှၤလၢ ယူဒၤအဒူၣ်ကျါ အဖိခွါတဖၣ် တအိၣ်နီတဂၤဘၣ်.+
၂၈ အဝဲသ့ၣ်အိၣ်လၢ ဝ့ၢ်ဘ့ၢ်ၡဘၤ,+ မိၤလဒၤ,+ ဃစၢ်ၡူဧလး,+
၂၉ ဘံၤလဟၤ, ဧၤစ့ၣ်,+ တိလး,
၃၀ ဘသူၤအ့လး,+ ဃိၢ်မါ,+ စံကလး,+
၃၁ ဘ့ၤသမၢ်ကဘိး, ဃစၢ်စူစာ်,+ ဘၤသဘံၢ်ရံ ဒီးၡၤရဲၣ်လီၤ. ဝ့ၢ်သ့ၣ်တဖၣ်အံၤ ကဲဝဲ အဝဲသ့ၣ်အဝ့ၢ် တုၤလၢ စီၤဒၤဝံး ပၢတၢ်တစုလီၤ.
၃၂ အဝဲသ့ၣ် အိၣ်ဝဲလၢ ဝ့ၢ်ယဲၢ်ဖျၢၣ် လၢအမ့ၢ် ဧ့ၤတၣ်, ဧ့ၣ်, ရံးမိၣ်, တိက့ၣ် ဒီးဧၤၡၣ်လီၤ.+
၃၃ ဒီးအဝဲသ့ၣ် အိၣ်စ့ၢ်ကီးလၢ ဒူသဝီလၢ အအိၣ်လၢ ဝ့ၢ်တဖၣ်အံၤ အခိၣ်အဃၢၤ ပၢၢ်တုၤလၢ ဝ့ၢ်ဘဧၤလးန့ၣ်လီၤ. တၢ်သ့ၣ်တဖၣ်အံၤ မ့ၢ်ဝဲ အဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်မၤနီၣ်မၤဃါ ဒီးတၢ်လီၢ်တၢ်ကျဲလၢ အဝဲသ့ၣ် အိၣ်ဝဲတဖၣ်န့ၣ်လီၤ.
၃၄ စီၤစူၤမ့းအိၣ် အစၢၤအသွဲၣ်အဂၤတဖၣ် မ့ၢ်ဝဲ စီၤမၡိဘာ်, စီၤယၤမလ့း, စီၤအမၤစယါ အဖိခွါ စီၤယိၡၤ,
၃၅ စီၤယိၤအ့လး, စီၤယ့ၤဟူ (အဝဲမ့ၢ် စီၤယိၤစံဘယၤ အဖိခွါ, စီၤယိၤစံဘယၤ မ့ၢ်ဝဲ စီၤစရါယၤ အဖိခွါ, စီၤစရါယၤ မ့ၢ်ဝဲ စီၤဧစံၤအ့လး အဖိခွါ),
၃၆ စီၤအ့လယိနၤ, စီၤယၤကိဘၤ, စီၤယၤဃိဃယၤ, စီၤဧစါယၤ, စီၤဧဒံၤအ့လး, စီၤယစးမအ့လး, စီၤဘနါယၤ
၃၇ ဒီးစီၤၡမံး အဖိခွါ စီၤစံစာ်လီၤ. စီၤၡမံး မ့ၢ်ဝဲ စီၤအးလိၣ်အဖိခွါ, စီၤအးလိၣ် မ့ၢ်ဝဲ စီၤယဒါယၤ အဖိခွါ, စီၤယဒါယၤ မ့ၢ်ဝဲ စီၤၡံမရံ အဖိခွါ ဒီး စီၤၡံမရံ မ့ၢ်ဝဲ စီၤၡမါယၤ အဖိခွါလီၤ.
၃၈ ပှၤလၢအမံၤ ဘၣ်တၢ်ယၢၤထီၣ်အီၤတဖၣ်န့ၣ် မ့ၢ်ဝဲ ပှၤခိၣ်ပှၤနၢ်လၢ အဝဲသ့ၣ် အဒူၣ်ဖိထၢဖိတဖၣ်အကျါလီၤ. ဒီးအဝဲသ့ၣ် အပၢ်အဒူၣ်ဖိထၢဖိတဖၣ် အနီၣ်ဂံၢ်အါထီၣ်ဝဲလီၤ.
၃၉ ဒီးအဝဲသ့ၣ် လဲၤလၢ ဝ့ၢ်ကဒိၢ်အဃၢၤ လၢတၢ်တြီၤ အမုၢ်ထီၣ်တခီ ဒ်သိးကဃု တၢ်အီၣ်ဆၣ်အလီၢ်လၢ အဆၣ်ဖိကီၢ်ဖိအဂီၢ်လီၤ.
၄၀ လၢခံ အဝဲသ့ၣ် ထံၣ်န့ၢ်ဝဲ တၢ်အီၣ်ဆၣ်အလီၢ်လၢ အဂ့ၤတဖၣ်လီၤ. ဒီးတၢ်လီၢ်ဖဲန့ၣ်န့ၣ် ဖးလဲၢ်, အိၣ်ဒီး တၢ်ဘှ့ၣ်တၢ်ဘှီၣ် ဒီးပှၤကဟဲမၤတံာ်တာ် အဝဲသ့ၣ် တအိၣ်ဘၣ်. လၢအပူၤကွံာ်န့ၣ် ပှၤဃၣ်ဖိ အိၣ်ဝဲဖဲန့ၣ်လီၤ.+
၄၁ ပှၤအမံၤလၢ အဘၣ်တၢ်ကွဲးနီၣ်လီၤအီၤတဖၣ်အံၤ မ့ၢ်ဝဲပှၤလၢ အဟဲလၢ ယူဒၤ အစီၤပၤဃံးစကံယၤ+ အစိၤ ဒီးအဝဲသ့ၣ် မၤဟးဂီၤကွံာ်ဝဲ ပှၤဃၣ်ဖိအဒဲတဖၣ် ဒီးပှၤမူနးဖိလၢ အအိၣ်ဖဲန့ၣ်တဖၣ်လီၤ. အဝဲသ့ၣ် မၤဟးဂီၤကွံာ် ပှၤသ့ၣ်တဖၣ်န့ၣ် အဃိတုၤလၢ မုၢ်မဆါတနံၤအံၤ ပှၤတဖၣ်န့ၣ် တအိၣ်လၢၤဘၣ်လီၤ. ဒီးဖဲတၢ်လီၢ်အဝဲန့ၣ် တၢ်အီၣ်ဆၣ်အလီၢ်လၢ အဝဲသ့ၣ်အဆၣ်ဖိကီၢ်ဖိတဖၣ်အဂီၢ် အိၣ်ဝဲအဃိ အဝဲသ့ၣ် နုာ်လီၤအိၣ်က့ၤဝဲလၢ ပှၤသ့ၣ်တဖၣ်န့ၣ်အလီၢ်လီၤ.
၄၂ ပှၤစူၤမ့းအိၣ်ဖိ ပိာ်ခွါအဂၤ ၅၀၀ လဲၤဝဲလၢ ကစၢၢ်စ့ဧၢ်လီၤ.+ ဒီးစီၤဧူးစံၤအ့လး အဖိခွါတဖၣ်လၢ အမ့ၢ် စီၤပလၤတယၤ, စီၤနၤရယၤ, စီၤရဖါယၤ ဒီးစီၤယံၡံၤန့ၣ် မ့ၢ်ပှၤလၢ အလဲၤဆှၢအဝဲသ့ၣ်လီၤ.
၄၃ ဒီးအဝဲသ့ၣ် မၤဟးဂီၤကွံာ် ပှၤဧမၤလ့းဖိလၢ+ အအိၣ်တ့ၢ်တဖၣ် ဒီးအဝဲသ့ၣ်အိၣ်ဝဲဖဲန့ၣ် တုၤလၢမုၢ်မဆါတနံၤအံၤလီၤ.
တၢ်ဂ့ၢ်အဘျဲၣ်တဖၣ်
^ လၢအဆၢဒိၣ်အံၤအပူၤ တၢ်အမံၤတနီၤနီၤန့ၣ် မ့ၢ်ဝဲ ပှၤကညီအမံၤ ဒီးတနီၤန့ၣ် မ့ၢ်ဝဲတၢ်လီၢ်အမံၤလီၤ. အဃိ ဖဲအံၤဖျါလၢ “ပၢ်” န့ၣ်အဲၣ်ဒိးတဲဝဲ “ပှၤလၢအဒုးအိၣ်ထီၣ်တၢ်.”
^ မံၤလၢ အမ့ၢ် စီၤယၤဘ့းန့ၣ် ဘၣ်ထွဲလိာ်သးဒီး ဧ့ၤဘြံၤတၢ်ကတိၤလၢ အခီပညီမ့ၢ်ဝဲ “အဆါ.”
^ အခီပညီလိၤလိၤ “အဖိခွါတဖၣ်.”
^ အခီပညီမ့ၢ်ဝဲ “ပှၤစုသ့ဖိ အတၢ်တြီၤ.”
^ အခီပညီလိၤလိၤ “အဖိခွါတဖၣ်.”
^ ဘၣ်သ့ၣ်သ့ၣ် အဲၣ်ဒိးတဲဝဲ နီၢ်ဘံးသယၤလၢအဆၢဖိ ၁၈ အပူၤ.
^ လၢဧ့ၤဘြံၤကျိာ်န့ၣ် တၢ်ကတိၤတဖျၢၣ်အံၤ အခီပညီ မ့ၢ်ဝဲ “ဖိခွါ,” “လံၤ” မ့တမ့ၢ် “ပှၤအစၢၤအသွဲၣ်.”
^ လၢဧ့ၤဘြံၤကျိာ်န့ၣ် တၢ်ကတိၤတဖျၢၣ်အံၤ အခီပညီ မ့ၢ်ဝဲ “ဖိခွါ,” “လံၤ” မ့တမ့ၢ် “ပှၤအစၢၤအသွဲၣ်.”
