၁ ကွဲးနီၣ်တၢ် ၇:၁-၄၀
၇ စီၤယံးစၣ်ကၢ် အဖိခွါလွံၢ်ဂၤန့ၣ် မ့ၢ်ဝဲ စီၤတိလၤ, စီၤပူအၤ, စီၤယၤၡူာ် ဒီးစီၤၡံးမရိၣ်လီၤ.+
၂ ဒီးစီၤတိလၤ အဖိခွါတဖၣ် မ့ၢ်ဝဲ စီၤဧူၤစံ, စီၤရဖါယၤ, စီၤအရံၤအ့လး, စီၤယၤဃမဲ, စီၤယံးဘစၣ် ဒီးစီၤၡံမူၤအ့လးလီၤ. အဝဲသ့ၣ်မ့ၢ်ဝဲ အဒူၣ်ဖိထၢဖိတဖၣ် အခိၣ်အနၢ်တဖၣ်လီၤ. စီၤတိလၤ အစၢၤအသွဲၣ်န့ၣ် မ့ၢ်ဝဲ ပှၤသုးဖိလၢ အဂံၢ်ဆူၣ်ဘါဆူၣ်တဖၣ် ဒီးလၢစီၤဒၤဝံးအစိၤန့ၣ် အဝဲသ့ၣ် အနီၣ်ဂံၢ်အိၣ်ဝဲ အဂၤ ၂၂,၆၀၀ လီၤ.
၃ ဒီးစီၤဧူၤစံ အစၢၤအသွဲၣ်တဖၣ်န့ၣ်* မ့ၢ်ဝဲ စီၤယံးစရၤဃယၤ ဒီးစီၤယံးစရၤဃယၤ အဖိခွါတဖၣ် လၢအမ့ၢ် စီၤမံၤက့လး, စီၤဧိၤဘါဒယၤ, စီၤယိၤအ့လး ဒီးစီၤယံးၡံယၤလီၤ. အဝဲသ့ၣ် ယဲၢ်ဂၤအံၤ မ့ၢ်ဝဲ ပှၤခိၣ်ပှၤနၢ် ကိးဂၤဒဲးလီၤ.
၄ အဝဲသ့ၣ် အဖိခွါတဖၣ် ဒီးအမါတဖၣ် အိၣ်ဝဲအါမးအဃိ ဒ်အဝဲသ့ၣ် အစၢၤအသွဲၣ် အဒူၣ်ဖိထၢဖိအိၣ်ဝဲအသိး အပှၤသုးဖိလၢ ကဒုးတၢ်အဂီၢ်န့ၣ် အိၣ်ဝဲအဂၤ ၃၆,၀၀၀ လီၤ.
၅ ဒီးအဝဲသ့ၣ် အဘူးအတံၢ်တဖၣ် လၢအပၣ်ဃုာ်လၢ စီၤယံးစၣ်ကၢ် အဒူၣ်ဖိထၢဖိတဖၣ်အကျါန့ၣ် မ့ၢ်ဝဲ ပှၤသုးဖိလၢ အဂံၢ်ဆူၣ်ဘါဆူၣ်လီၤ. လၢအဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါ အပူၤန့ၣ် ပှၤအနီၣ်ဂံၢ်အိၣ်ဝဲ အဂၤ ၈၇,၀၀၀ လီၤ.+
၆ စီၤဘံၣ်ယၤမံၣ်+ အဖိခွါသၢဂၤန့ၣ် မ့ၢ်ဝဲ စီၤဘ့လၤ,+ စီၤဘ့က့ၢ်+ ဒီးစီၤယဒံၤဧ့လးလီၤ.+
၇ ဒီးစီၤဘ့လၤ အဖိခွါယဲၢ်ဂၤန့ၣ် မ့ၢ်ဝဲ စီၤအ့စဘိၣ်, စီၤဧူၤစံ, စီၤဧူးစံၤအ့လး, စီၤယရံမိး ဒီးစီၤဧံရံၤလီၤ. ပှၤသ့ၣ်တဖၣ်န့ၣ်မ့ၢ်ဝဲ အဝဲသ့ၣ် အဒူၣ်ဖိထၢဖိတဖၣ် အခိၣ်အနၢ် ဒီးပှၤသုးဖိလၢ အဂံၢ်ဆူၣ်ဘါဆူၣ်တဖၣ်လီၤ. ဒီးလၢအဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါအပူၤန့ၣ် ပှၤအနီၣ်ဂံၢ်အိၣ်ဝဲ ၂၂,၀၃၄ ဂၤလီၤ.+
၈ စီၤဘ့က့ၢ် အဖိခွါတဖၣ် မ့ၢ်ဝဲ စီၤစမံရၤ, စီၤယိးအၣ်, စီၤအလံၤဧ့စ့ၢ်, စီၤအ့လယိနၤ, စီၤဧိၣ်ရံၤ, စီၤယရၤမိး, စီၤအဘံယၤ, စီၤဧၤနသိး ဒီးစီၤဧၤလ့မ့းလီၤ. ပှၤသ့ၣ်တဖၣ်န့ၣ်ခဲလၢာ် မ့ၢ်ဝဲ စီၤဘ့က့ၢ် အဖိခွါတဖၣ်လီၤ.
၉ လၢအဝဲသ့ၣ် အတၢ်ဟဲလီၤစၢၤလီၤသွဲၣ် လၢတၢ်ကွဲးနီၣ်ကွဲးဃါအီၤ ဒ်အဒူၣ်ဖိထၢဖိ အခိၣ်အနၢ် အိၣ်ဝဲအသိးအပူၤန့ၣ် ပှၤသုးဖိလၢ အဂံၢ်ဆူၣ်ဘါဆူၣ်န့ၣ် အိၣ်ဝဲအဂၤ ၂၀,၂၀၀ လီၤ.
၁၀ ဒီးစီၤယဒံၤဧ့လး+ အဖိခွါတဖၣ်* မ့ၢ်ဝဲ စီၤဘံးလဟၣ် ဒီးစီၤဘံးလဟၣ် အဖိခွါတဖၣ် လၢအမ့ၢ် စီၤဧူၡး, စီၤဘံၣ်ယၤမံၣ်, စီၤအ့ဟူာ်, စီၤကနၤနါ, စီၤစ့သၣ်, စီၤတၢ်ၡံၣ် ဒီးစီၤအဃံၡဃၢ်လီၤ.
၁၁ ဒ်ဒူၣ်ဖိထၢဖိ အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါ အိၣ်ဝဲအသိး လၢစီၤယဒံၤဧ့လး အစၢၤအသွဲၣ်တဖၣ်* အကျါ ပှၤသုးဖိလၢ အဂံၢ်ဆူၣ်ဘါဆူၣ်လၢ အအိၣ်ကတဲာ်ကတီၤဃာ်အသးလၢ ကဒုးတၢ်အဂီၢ်န့ၣ် အနီၣ်ဂံၢ်အိၣ်ဝဲ အဂၤ ၁၇,၂၀၀ လီၤ.
၁၂ စီၤၡူဖံၣ် ဒီးစီၤဃူဖံၣ်န့ၣ် မ့ၢ်ဝဲ စီၤဧံၢ်+ အဖိခွါတဖၣ်လီၤ. စီၤဃူၡံၣ်န့ၣ် မ့ၢ်ဝဲ စီၤအဃ့ၢ် အဖိခွါတဖၣ်လီၤ.*
၁၃ စီၤနးသၤလံ+ အဖိခွါတဖၣ် မ့ၢ်ဝဲ စီၤယၤဃစံၤအ့လး, စီၤကူနံၤ, စီၤယ့စ့ၢ် ဒီးစီၤၡၤလူၣ်လီၤ. ပှၤသ့ၣ်တဖၣ်န့ၣ် မ့ၢ်ဝဲ နီၢ်ဘံၤလဟၤ အစၢၤအသွဲၣ်လီၤ.*+
၁၄ စီၤမနၤၡ့ၤ+ အဖိခွါတဖၣ် ဘၣ်တၢ်ပာ်ဖျါထီၣ်အမံၤ ဒ်လၢလာ်အံၤအသိးလီၤ. စီၤမနၤၡ့ၤ အသံၣ်မါ* လၢအမ့ၢ် ပှၤစူၤရံဖိန့ၣ် အိၣ်ဖျဲၣ်ထီၣ်န့ၢ်အီၤ စီၤအးစရံၤအ့လးလီၤ. (အဝဲအိၣ်ဖျဲၣ်ထီၣ် စီၤမၤကံၢ်+ လၢအမ့ၢ် ကံးလဧးအပၢ်လီၤ.
၁၅ စီၤမၤကံၢ် ဃုန့ၢ် စီၤဃူဖံၣ် ဒီးစီၤၡူဖံၣ် အမါ ဒီးအဝဲသ့ၣ် အဒီပုၢ်ဝဲၢ်မုၣ် မ့ၢ်ဝဲ နီၢ်မၤကၤလီၤ.) ဒီးအဖိခွါ ခံဂၤတဂၤန့ၣ် မ့ၢ်ဝဲ စီၤစလၤဖဃးလီၤ.+ ဘၣ်ဆၣ် စီၤစလၤဖဃး အိၣ်ထဲအဖိမုၣ်တဖၣ်လီၤ.+
၁၆ စီၤမၤကံၢ် အမါ နီၢ်မၤကၤန့ၣ် အိၣ်ဖျဲၣ်ထီၣ်ဝဲ အဖိခွါ ဒီးကိးန့ၢ်ဝဲအမံၤလၢ စီၤပ့ရ့ၣ် ဒီးအဒီပုၢ်ဝဲၢ်ခွါ အမံၤလၢ စီၤၡ့ရ့ၣ်လီၤ. ဒီးအဖိခွါတဖၣ်မ့ၢ်ဝဲ စီၤအူလၣ် ဒီးစီၤရ့က့ၣ်လီၤ.
၁၇ ဒီးစီၤအူလၣ် အဖိခွါ* မ့ၢ်ဝဲ စီၤဘဒၣ်လီၤ. ပှၤသ့ၣ်တဖၣ်န့ၣ် မ့ၢ်ဝဲ စီၤကံးလဧး အဖိခွါတဖၣ်လီၤ. စီၤကံးလဧး မ့ၢ်ဝဲ စီၤမၤကံၢ် အဖိခွါ, စီၤမၢ်ကံၢ် မ့ၢ်ဝဲ စီၤမနၤၡ့ၤ အဖိခွါလီၤ.
၁၈ ဒီးစီၤကံးလဧး အဒီပုၢ်ဝဲၢ်မုၣ် မ့ၢ်ဝဲ နီၢ်ဟးမိၤလ့က့းလီၤ. အဝဲအိၣ်ဖျဲၣ်ထီၣ် စီၤအံၡဟိး, စီၤအဘံၤဧ့စၢ် ဒီးစီၤမၤလၤလီၤ.
၁၉ စီၤၡမံဒၤ အဖိခွါတဖၣ် မ့ၢ်ဝဲ စီၤအဃံယၣ်, စီၤၡက့ၣ်, စီၤလံးကဃံ ဒီးစီၤအနံဧၣ်လီၤ.
၂၀ စီၤအ့ဖရဲၣ်+ အဖိခွါ မ့ၢ်ဝဲ စီၤၡူၤသ့လၤ,+ စီၤၡူၤသ့လၤ အဖိခွါမ့ၢ်ဝဲ စီၤဘ့ရ့း, စီၤဘ့ရ့း အဖိခွါမ့ၢ်ဝဲ စီၤတၤဃး, စီၤတၤဃး အဖိခွါမ့ၢ်ဝဲ စီၤအ့လၤဒၤ, စီၤအ့လၤဒၤ အဖိခွါမ့ၢ်ဝဲ စီၤတၤဃး,
၂၁ စီၤတၤဃး အဖိခွါမ့ၢ်ဝဲ စီၤစၤဘး ဒီးစီၤစၤဘး အဖိခွါ မ့ၢ်ဝဲ စီၤၡူၤသ့လၤလီၤ. ဒီးစီၤအ့ဖရဲၣ် အိၣ်စ့ၢ်ကီးဒီး အဖိခွါအဂၤခံဂၤ လၢအမ့ၢ် စီၤဧ့စ့ၢ် ဒီးစီၤအ့လၤန့ၣ်လီၤ. ဒီးပှၤကၤသးဖိတဖၣ်+ လဲၤဟုၣ်န့ၢ် စီၤအ့ဖရဲၣ် အဖိခွါတဖၣ် အဆၣ်ဖိကီၢ်ဖိ ဒီးမၤသံကွံာ် စီၤဧ့စ့ၢ် ဒီးစီၤအ့လၤလီၤ.
၂၂ အဝဲသ့ၣ် အပၢ် စီၤအ့ဖရဲၣ် ဟီၣ်ဝဲလၢအဝဲသ့ၣ်အဃိ အါနံၤအါသီ ဒီးအဒီပုၢ်ဝဲၢ်ခွါတဖၣ် ဟဲမၤမုာ်ထီၣ်အီၤ ခဲအံၤခဲအံၤလီၤ.
၂၃ လၢခံ စီၤအ့ဖရဲၣ် မံဃုာ်ဒီးအမါ ဒီးအမါ ဒၢထီၣ် ဒီးအိၣ်ဖျဲၣ်ထီၣ်န့ၢ်အီၤ ဖိခွါတဂၤလီၤ. ဒီးမ့ၢ်လၢ ဖဲအမါ အိၣ်ဖျဲၣ်ထီၣ်အဖိအခါ ဘၣ်ဝဲဖဲအဟံၣ်ဖိဃီဖိတဖၣ် ဘၣ်နးဘၣ်ဖှီၣ်ဝဲအဃိ အဝဲကိးန့ၢ်ဝဲအမံၤလၢ စီၤဘရံဧၤလီၤ.*
၂၄ ဒီးစီၤအ့ဖရဲၣ်အဖိမုၣ်* မ့ၢ်ဝဲ နီၢ်ၡ့ရၤ လၢအသူၣ်ထီၣ်ဝဲ ဝ့ၢ်ဘ့ၤသဃိရိၣ် လၢထးခီ+ ဒီးလၢလာ်ခီ+ ဒီးဝ့ၢ်အူစ့ၣ်ၡ့ရ့ၤန့ၣ်လီၤ.
၂၅ ဒီးစီၤရ့ဖၤ ဒီးစီၤရ့ၡ့ာ် စ့ၢ်ကီးမ့ၢ်ဝဲ စီၤအ့ဖရဲၣ် အစၢၤအသွဲၣ်လီၤ. စီၤရ့ၡ့ာ် အဖိခွါမ့ၢ်ဝဲ စီၤတ့လၤ, စီၤတ့လၤ အဖိခွါမ့ၢ်ဝဲ စီၤတၤဃၣ်,
၂၆ စီၤတၤဃၣ် အဖိခွါမ့ၢ်ဝဲ စီၤလၤဒၣ်, စီၤလၤဒၣ် အဖိခွါ မ့ၢ်ဝဲ စီၤဧးမံၤဟူး, စီၤဧးမံၤဟူး အဖိခွါ မ့ၢ်ဝဲ စီၤအလံၡမၤ,
၂၇ စီၤအလံၡမၤ အဖိခွါ မ့ၢ်ဝဲ စီၤနိၣ်, စီၤနိၣ် အဖိခွါ မ့ၢ်ဝဲ စီၤယိၤၡူလီၤ.*+
၂၈ စီၤအ့ဖရဲၣ် အစၢၤအသွဲၣ်တဖၣ် အတၢ်လီၢ်တၢ်ကျဲ ဒီးအဒူသဝီတဖၣ်န့ၣ် ဘၣ်တၢ်ပာ်ဖျါထီၣ်အီၤ ဒ်လၢလာ်အံၤအသိးလီၤ. ဝ့ၢ်ဘ့ၤသ့လး+ ဒီးအဒူသဝီတဖၣ်, လၢမုၢ်ထီၣ်တခီန့ၣ် ဝ့ၢ်နၤရၣ်, လၢမုၢ်နုာ်တခီန့ၣ် ဝ့ၢ်က့စ့ၢ် ဒီးအဒူသဝီတဖၣ်, ဝ့ၢ်ၡက့ၣ် ဒီးအဒူသဝီတဖၣ် တုၤလၢ ဝ့ၢ်အ့ယါ* ဒီးအဒူသဝီတဖၣ်လီၤ.
၂၉ ဒီးလၢစီၤမနၤၡ့ၤ အစၢၤအသွဲၣ် အဃၢၤတကပၤန့ၣ် ဝ့ၢ်ဘ့ၤသၡၣ်+ ဒီးအဒူသဝီတဖၣ်, ဝ့ၢ်တၤနး+ ဒီးအဒူသဝီတဖၣ်, ဝ့ၢ်မကံးဒိၤ+ ဒီးအဒူသဝီတဖၣ် ဒီးဝ့ၢ်ဒိၢ်+ ဒီးအဒူသဝီတဖၣ်လီၤ. လၢတၢ်လီၢ်တဖၣ်န့ၣ်အပူၤန့ၣ် စီၤအံၣ်စရ့လး အဖိခွါ စီၤယိၤသး အစၢၤအသွဲၣ်တဖၣ် အိၣ်ဝဲလီၤ.
၃၀ စီၤအၤၡ့ၢ် အဖိခွါတဖၣ် မ့ၢ်ဝဲ စီၤယံးမနၤ, စီၤယံးၡဝၤ, စီၤယံးၡဝံၤ ဒီးစီၤဘရံဧၤလီၤ.+ ဒီးအဝဲသ့ၣ် အဒီပုၢ်ဝဲၢ်မုၣ် မ့ၢ်ဝဲ နီၢ်စ့ရၤလီၤ.+
၃၁ စီၤဘရံဧၤ အဖိခွါတဖၣ် မ့ၢ်ဝဲ စီၤဃ့ဘ့ၢ် ဒီးစီၤမးလကံၤအ့လး လၢအမ့ၢ်ဝဲ စီၤဘံးရစၤဝံး အပၢ်န့ၣ်လီၤ.
၃၂ စီၤဃ့ဘ့ၢ် မ့ၢ်ဝဲ စီၤယၤဖလ့း, စီၤၡိမ့ၢ်* ဒီးစီၤဃိသၣ် အပၢ် ဒီးမ့ၢ်စ့ၢ်ကီး အဝဲသ့ၣ် အဒီပုၢ်ဝဲၢ်မုၣ် နီၢ်ၡူဧၤ အပၢ်လီၤ.
၃၃ စီၤယၤဖလ့း အဖိခွါတဖၣ် မ့ၢ်ဝဲ စီၤပါစး, စီၤဘံးမဟၤလး ဒီးစီၤဧၤၡဝးလီၤ. ပှၤသ့ၣ်တဖၣ်န့ၣ် မ့ၢ်ဝဲ စီၤယၤဖလ့း အဖိခွါတဖၣ်လီၤ.
၃၄ စီၤၡ့မ့ၢ်* အဖိခွါတဖၣ် မ့ၢ်ဝဲ စီၤအဃံၤ, စီၤရိဟကၤ, စီၤယဃူဘၤ, ဒီးစီၤအရၣ်လီၤ.
၃၅ စီၤၡ့မ့ၢ် အပုၢ် စီၤဃ့လ့ၣ်* အဖိခွါတဖၣ် မ့ၢ်ဝဲ စီၤစိဖၤ, စီၤယံးမနာ်, စီၤၡ့လ့ၣ် ဒီးစီၤဧၤမလးလီၤ.
၃၆ စီၤစိဖၤ အဖိခွါတဖၣ် မ့ၢ်ဝဲ စီၤစူၤအၤ, စီၤဃၤရန့ဖ့ၢ်, စီၤၡူဧၤလး, စီၤဘ့ရံၤ, စီၤယးမရၤ,
၃၇ စီၤဘ့စ့ၢ်, စီၤဟိး, စီၤၡးမး, စီၤၡံလၡၣ်, စီၤယံးသရၣ် ဒီးစီၤဘ့ရၤလီၤ.
၃၈ စီၤယ့သ့ၢ် အဖိခွါတဖၣ် မ့ၢ်ဝဲ စီၤယဖူန့ၤ, စီၤပံးစပၤ ဒီးစီၤအရၤလီၤ.
၃၉ စီၤဧူးလၤ အဖိခွါတဖၣ် မ့ၢ်ဝဲ စီၤအၤရၤ, စီၤဃနံၤအ့လး ဒီးစီၤရံစယၤလီၤ.
၄၀ ပှၤသ့ၣ်တဖၣ်န့ၣ်ခဲလၢာ် မ့ၢ်ဝဲ စီၤအၤၡ့ၢ် အဖိခွါတဖၣ်, ဒူၣ်ဖိထၢဖိ အခိၣ်အနၢ်တဖၣ် ပှၤလၢအဘၣ်တၢ်ဃုထၢထီၣ်အီၤဒ် သုးဖိလၢ အဂံၢ်ဆူၣ်ဘါဆူၣ်တဖၣ် ဒီးပှၤခိၣ်ပှၤနၢ်လၢ အဒိၣ်ကတၢၢ်တဖၣ်လီၤ. ဒီးဒ်အဝဲသ့ၣ် အတၢ်ဟဲလီၤစၢၤလီၤသွဲၣ် အတၢ်ကွဲးနီၣ်ကွဲးဃါ အိၣ်ဝဲအသိးန့ၣ်+ အဝဲသ့ၣ်အပှၤသုးဖိလၢ ကဒုးတၢ်အဂီၢ်န့ၣ် အိၣ်ဝဲအဂၤ ၂၆,၀၀၀ လီၤ.+
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “အဖိခွါတဖၣ်.”
^ လၢဧ့ၤဘြံၤကျိာ်န့ၣ် တၢ်ကတိၤတဖျၢၣ်အံၤ အခီပညီ မ့ၢ်ဝဲ “ဖိခွါ,” “လံၤ” မ့တမ့ၢ် “ပှၤအစၢၤအသွဲၣ်.”
^ အခီပညီလိၤလိၤ “အဖိခွါတဖၣ်.”
^ လၢဧ့ၤဘြံၤကျိာ်န့ၣ် တၢ်ကတိၤတဖျၢၣ်အံၤ အခီပညီ မ့ၢ်ဝဲ “ဖိခွါ,” “လံၤ” မ့တမ့ၢ် “ပှၤအစၢၤအသွဲၣ်.”
^ အခီပညီလိၤလိၤ “အဖိခွါတဖၣ်.”
^ ကွၢ် တၢ်ကတိၤအခီပညီ.
^ အခီပညီလိၤလိၤ “အဖိခွါတဖၣ်.”
^ အခီပညီမ့ၢ်ဝဲ “ဃုာ်ဒီးတၢ်နးတၢ်ဖှီၣ်.”
^ အခီပညီလိၤလိၤ “အဖိမုၣ်.” ဘၣ်သ့ၣ်သ့ၣ် “အ” န့ၣ်အဲၣ်ဒိးတဲဝဲ စီၤအ့ဖရဲၣ် မ့တမ့ၢ် စီၤဘရံဧၤ.
^ မ့ၢ်စ့ၢ်ကီး “စီၤယဟိၤၡူ.” မံၤအံၤ အခီပညီမ့ၢ်ဝဲ “ယဟိဝၤ မ့ၢ်တၢ်အုၣ်က့ၤခီၣ်က့ၤ.”
^ ဘၣ်သ့ၣ်သ့ၣ် ကမ့ၢ် “ဂါစၤ,” သနာ်က့ တမ့ၢ် ဂါစၤလၢ ဖလ့ၡသးအပူၤန့ၣ်ဘၣ်.
^ မ့ၢ်ဝဲ စီၤၡ့မ့ၢ် လၢအဆၢဖိ ၃၄ အပူၤ.
^ လၢအဆၢဖိ ၃၂ အပူၤန့ၣ် ဘၣ်တၢ်ကိးစ့ၢ်ကီးအီၤလၢ စီၤၡိမ့ၢ်.
^ ဘၣ်သ့ၣ်သ့ၣ် မ့ၢ်ဝဲ တဂၤဃီဒီး စီၤဃိသၣ် လၢအဆၢဖိ ၃၂ အပူၤ.
