၅ မိၤၡ့ ၃၃:၁-၂၉
၃၃ တချုးလၢ ယွၤလၢအမ့ၢ်အတီ အခ့အပှၤ စီၤမိၤၡ့တဂၤ သံဒံးဘၣ်န့ၣ် အဝဲဆိၣ်ဂ့ၤဝဲ ပှၤအံၣ်စရ့လးဖိတဖၣ် ဒ်အံၤလီၤ.+
၂ အဝဲတဲဝဲလၢ
“ယဟိဝၤယွၤ ဟဲလၢ စံၤနါ,+ဒီးကပီၤဘၣ် အပှၤဂီၢ်မုၢ် လၢ စ့ဧၢ်လီၤ.
လၢပၤရၣ် အကစၢၢ်ကလိန့ၣ် အလၤကပီၤ ကပီၤထီၣ်ဝဲ+ဒီးမူခိၣ်ကလူးစီဆှံ လၢအကလးတဖၣ် အိၣ်ဒီးအီၤ,+အသုးမုၢ်လၢ အဂံၢ်ဆူၣ်ဘါဆူၣ်လၢ အစုထွဲတခီလီၤ.+
၃ အဝဲ အဲၣ်အပှၤဂီၢ်မုၢ်+ဒီးပှၤလၢအစီဆှံတဖၣ်န့ၣ် အိၣ်လၢ အစုပူၤလီၤ.+
အဝဲသ့ၣ် ဆ့ၣ်နီၤလၢအခီၣ်ထံး+ဒီးဒိကနၣ် တၢ်လၢအတဲဝဲလီၤ.+
၄ (စီၤမိၤၡ့ ဟ့ၣ်လီၤပှၤ တၢ်မၤလိာ်, တၢ်သိၣ်တၢ်သီ+လၢအမ့ၢ် စီၤယၤကိာ် အစၢၤအသွဲၣ်တဖၣ်* အတၢ်လီၤ.)+
၅ ဖဲပှၤဂီၢ်မုၢ် အခိၣ်အနၢ်တဖၣ်ဒီးအံၣ်စရ့လး အဒူၣ်တဖၣ်+ ပာ်ဖှိၣ်ထီၣ်အသးအခါ+ကစၢ်ယွၤကဲထီၣ် စီၤယၡူရိၣ်* အစီၤပၤလီၤ.+
၆ မ်ရူၤဘ့ၣ် အိၣ်မူ ဒီးသုတသံတဂ့ၤ,+ဒီးမ်အပှၤတဖၣ် သုတအိၣ်တ့ၢ်က့ၤ ထဲစှၤဂၤတဂ့ၤ.”+
၇ ဒီးအဃ့ တၢ်ဆိၣ်ဂ့ၤလၢ ယူဒၤအဂီၢ်လၢ+“အိ ယဟိဝၤယွၤဧၢ, ဒိကနၣ် ယူဒၤ အကလုၢ်တက့ၢ်.+
ဒီးမ်နဟဲက့ၤကိးအီၤလၢ အပှၤကလုာ် အအိၣ်တက့ၢ်.
အဝဲသူ အတၢ်ဂံၢ်တၢ်ဘါ ဒ်သိး ကဒီသဒၢ တၢ်လၢအမ့ၢ်အတၢ်လီၤ.
မ်နမၤစၢၤအီၤ ဒ်သိး အကဒုးအဒုၣ်အဒါတဖၣ် အဂီၢ်တက့ၢ်.”+
၈ မ့မ့ၢ် ဘၣ်ဃးဒီး လ့ၤဝံန့ၣ် စီၤမိၤၡ့ တဲဝဲလၢ+“ပှၤတဂၤလၢ အတီဒီးနၤန့ၣ်*+ နတူမံၣ် ဒီးနအူရံၣ်+ မ့ၢ်အဝဲဒၣ် အတၢ်လီၤ.
ဖဲမးစၤ အတၢ်လီၢ်န့ၣ် နမၤကွၢ်အီၤ+ဒီးနထီဒါအီၤ ဖဲထံမရံၤဘါလီၤ.*+
၉ ပှၤလ့ၤဝံဖိန့ၣ် မ့ၢ်လၢ အဒိကနၣ် နတၢ်ကတိၤဒီးမၤထွဲ နတၢ်အၢၣ်လီၤအီလီၤအဃိ+အဝဲသ့ၣ် တဲအမိၢ်အပၢ်လၢ ‘ယတဘၣ်ဃးဒီးသုဘၣ်.’
ဒီးအဝဲသ့ၣ် တကနၣ်ဃုာ် အဒီပုၢ်ဝဲၢ်တဖၣ်ဘၣ်,+ဒီးတအိၣ်ဃူအဖိဘၣ်.
၁၀ မ်အဝဲသ့ၣ် သိၣ်လိ ယၤကိာ် လၢ နတၢ်ဘျၢတဖၣ်,+ဒီးအံၣ်စရ့လးလၢ နတၢ်သိၣ်တၢ်သီအံၤ* တက့ၢ်.+
မ်အဝဲသ့ၣ် လုၢ်ထီၣ်န့ၢ်နၤ တၢ်နၢမူလၢ အမၤမုာ်နသး,+မ်အဝဲသ့ၣ်လုၢ်ထီၣ် တၢ်လုၢ်ဒွဲၣ်အူ လၢနတၢ်လုၢ်လီၢ်အဖီခိၣ်တက့ၢ်.+
၁၁ အိ ယဟိဝၤယွၤဧၢ, ဆိၣ်ဂ့ၤအီၤ ဒီးဟ့ၣ်အီၤ တၢ်ဂံၢ်တၢ်ဘါတက့ၢ်.
ဒီးမ်နဘၣ်သူၣ်ဘၣ်သး အတၢ်မၤတဖၣ်တက့ၢ်.
မၤသဘှံး အဒုၣ်အဒါတဖၣ်အခီၣ်ဒ်သိး ပှၤလၢအသးဟ့အီၤ သုတဟဲအိၣ်ထီၣ် လၢၤတဂ့ၤန့ၣ်တက့ၢ်.”
၁၂ ဘၣ်ဃးဒီး ဘံၣ်ယၤမံၣ်န့ၣ် စီၤမိၤၡ့ တဲဝဲလၢ+“ပှၤလၢ ယဟိဝၤယွၤ အဲၣ်အီၤန့ၣ် မ်အအိၣ်ဘၣ် ဘံၣ်ဘံၣ်ဘၢဘၢ လၢအကပၤတက့ၢ်.
အဝဲကဒီသဒၢအီၤ ဒီတနံၤညါဒီးအဝဲ ကအိၣ်ဝဲဆိးဝဲ လၢအဖံဘၣ်ခိၣ် အကဆူးလီၤ.”
၁၃ ဘၣ်ဃးဒီး ယိၤသးန့ၣ် စီၤမိၤၡ့ တဲဝဲလၢ+“မ်ယဟိဝၤယွၤဆိၣ်ဂ့ၤ အတၢ်လီၢ်လၢ+ပစီၤထံ ဒီးထံလၢ အဟဲထီၣ်လၢ ထံထီၣ်ပၢၢ်,+
ဒီးတၢ်အဂ့ၤတဖၣ် လၢအအိၣ် လၢမူခိၣ်,
၁၄ ဒီးတၢ်လၢ အဂ့ၤလၢ မုၢ်ဒုးဒိၣ်ထီၣ်ဝဲတဖၣ်,ဒီးတၢ်လၢ အဂ့ၤလၢ အမဲထီၣ်ဝဲ ကိးလါဒဲး,+
၁၅ ဒီးတၢ်လၢ အဂ့ၤကတၢၢ်လၢ အဟဲလၢ ကစၢၢ်လၢပျၢၤတဖၣ်+ဒီးတၢ်ဂ့ၤလၢ အအိၣ်လၢ တၢ်လူၢ်လၢ အအိၣ်ဖးယံာ်တဖၣ်,
၁၆ ဒီးတၢ်လၢအဂ့ၤလၢ ဟီၣ်ခိၣ်ချၢ ဒီးဟီၣ်ခိၣ် အတၢ်ထူးတၢ်တီၤ ခဲလၢာ်တက့ၢ်.+
ဒီးမ်ပှၤလၢ အလီၣ်ဖျါထီၣ်အသးလၢ သပှီာ်တၤဆှုၣ် အကျါတဂၤ ဘၣ်သူၣ်ဘၣ်သးအီၤတက့ၢ်.+
မ်တၢ်ဆိၣ်ဂ့ၤတဖၣ်အံၤ လီၤဘၣ်လၢ ယိၤသး အခိၣ်လိၤ,ဒီးမ်အစီၢ်လီၤလၢ ပှၤလၢအဘၣ်တၢ်ဃုထၢထီၣ်အီၤလၢ အဒီပုၢ်ဝဲၢ်အကျါ တဂၤအံၤ အခိၣ်လိၤတက့ၢ်.+
၁၇ အတၢ်ဂံၢ်တၢ်ဘါ လီၤဂာ်ဒ် ကျီၢ်ဖါ အဝဲၢ်ကိတဒု အတၢ်ဂံၢ်တၢ်ဘါ အသိးန့ၣ်လီၤ.
အနၢၤတဖၣ်န့ၣ် မ့ၢ်ဝဲ ကျီၢ်မံၤဖါ အနၢၤတဖၣ်လီၤ.
ဒီးအကဟးဘျၢၣ် ပှၤခဲလၢာ်လၢအနၢၤပၢၢ်တုၤလၢ ဟီၣ်ခိၣ်အနၢၣ် အကတၢၢ်လီၤ.
အနၢၤတဖၣ်န့ၣ် မ့ၢ်ဝဲ အ့ဖရဲၣ်အပှၤလၢ အကလးတဖၣ်+ဒီးမ့ၢ်ဝဲ မနၤၡ့ၤ အပှၤလၢ အကထိတဖၣ်လီၤ.”
၁၈ ဘၣ်ဃးဒီး စဘူလိၣ်န့ၣ် အဝဲတဲဝဲလၢ+“မ်စဘူလိၣ် န့ၢ်ဘၣ်တၢ်သးခု ဖဲအလဲၤပနံာ်တၢ်ကၤတၢ်တက့ၢ်.
မ်ယံးစၣ်ကၢ် အိၣ်ဒီးတၢ်သးခု လၢအဒဲတဖၣ် အပူၤတက့ၢ်.+
၁၉ မ့ၢ်လၢ အဝဲသ့ၣ် ကဒိးန့ၢ်ဘၣ် ပီၣ်လဲၣ် အတၢ်ထူးတၢ်တီၤတဖၣ် အါအါဂီၢ်ဂီၢ်ဒီးတၢ်လုၢ်ဒိၣ်ပှ့ၤဒိၣ်လၢ အအိၣ်ခူသူၣ်လၢမဲးကျါ အါအါဂီၢ်ဂီၢ်အဃိအဝဲသ့ၣ် ကကိးထီၣ် ပှၤဂၤ ဆူ ကစၢၢ်ခိၣ်လီၤ.
ဒီးဖဲန့ၣ်န့ၣ် အဝဲသ့ၣ်ကလုၢ်ထီၣ်တၢ် လၢတၢ်တီတၢ်လိၤ အပူၤလီၤ.”
၂၀ ဘၣ်ဃးဒီး ကးန့ၣ် စီၤမိၤၡ့ တဲဝဲလၢ+“ပှၤလၢ အမၤလဲၢ်ထီၣ် ကးအတၢ်လီၢ် အဆၢန့ၣ် ဘၣ်ဆိၣ်ဂ့ၤဝဲလီၤ.+
အဝဲ ကကိာ်လီၤဒ် ခ့ယုၢ်တဒုဒီးကအ့ၣ်ဖှီဝဲ ဆၣ်ဖိကီၢ်ဖိ အစု ဒီးအခိၣ်လီၤ.
၂၁ အဝဲကဃုထၢ တၢ်လီၢ်လၢ အဂ့ၤကတၢၢ်လၢ အနီၢ်ကစၢ် အဂီၢ်လီၤ.+
တၢ်လီၢ်အံၤမ့ၢ်ဝဲ တၢ်လီၢ်လၢ ပှၤလၢအဟ့ၣ်လီၤ တၢ်သိၣ်တၢ်သီတဂၤ ပာ်ပနီၣ်န့ၢ်အီၤလီၤ.+
ပှၤဂီၢ်မုၢ်အခိၣ်အနၢ်တဖၣ် ကပာ်ဖှိၣ်ထီၣ်အသးလီၤ.
အဝဲကမၤ ဒ်ယဟိဝၤယွၤ အတၢ်တီတၢ်လိၤအသိးဒီးမၤထွဲဝဲဒ် အတၢ်စံၣ်ညီၣ်ဆၢတဲာ်တဖၣ် အိၣ်ဝဲအသိးလၢ အံၣ်စရ့လးအဂီၢ်လီၤ.”
၂၂ ဘၣ်ဃးဒီး ဒၣ်န့ၣ် စီၤမိၤၡ့ တဲဝဲလၢ+“ဒၣ်မ့ၢ် ခ့ယုၢ်ဖိတဒုလီၤ.+
အဝဲကဖုထီၣ်လၢ ဘၤၡၣ် အပူၤလီၤ.”+
၂၃ မ့မ့ၢ် ဘၣ်ဃးဒီး နးသၤလံန့ၣ် စီၤမိၤၡ့ တဲဝဲလၢ+“နးသၤလံန့ၣ် သးမံဝဲ မ့ၢ်လၢ ယဟိဝၤယွၤ ဘၣ်သူၣ်ဘၣ်သး အီၤအဃိဒီးအဝဲ ဒိးန့ၢ်ဘၣ် ယွၤအတၢ်ဆိၣ်ဂ့ၤ အါအါဂီၢ်ဂီၢ်လီၤ.
လဲၤမၤန့ၢ် တၢ်လီၢ်လၢ မုၢ်နုာ် ဒီးကလံၤထံးတခီ တက့ၢ်.”
၂၄ ဘၣ်ဃးဒီး အၤၡ့ၢ်န့ၣ် စီၤမိၤၡ့ တဲဝဲလၢ+“ကစၢ်ယွၤ ဆိၣ်ဂ့ၤ အၤၡ့ၢ် လၢ အဖိခွါ အါအါဂီၢ်ဂီၢ်လံ.
မ်အဒီပုၢ်ဝဲၢ်တဖၣ် ဘၣ်သူၣ်ဘၣ်သးအီၤတက့ၢ်.
ဒီးမ်အဘျၢလီၤဘၣ် အခီၣ်လၢ သိအကျါတက့ၢ်.
၂၅ နတြဲၤအဘိတဖၣ်န့ၣ် မ့ၢ်ဝဲထးဒီး တိၢ်ဘီ,+ဒီးနကအိၣ်ဘၣ် ဘံၣ်ဘံၣ်ဘၢဘၢလၢ နတၢ်အိၣ်မူတစိၤသးလီၤ.
၂၆ ပှၤလၢအလီၤဂာ်ဒီး ယၡူရိၣ်+ အယွၤ လၢအမ့ၢ်အတီတဂၤန့ၣ် တအိၣ်နီတဂၤဘၣ်.+
လၢတၢ်ကဟုကညီၢ်အပူၤ အဝဲလဲၤဒိးဝဲ တၢ်အၢၣ်လၢမူခိၣ်ဒ်သိးကမၤစၢၤသုအဂီၢ်လီၤ.+
၂၇ လၢပျၢၤလံၤလံၤန့ၣ် ကစၢ်ယွၤ မ့ၢ်တၢ်အိၣ်သဒၢအလီၢ်+ဒီးကစိာ်သုလၢ အစုအထူ အယိာ်လီၤ.+
အဝဲ ကနီဟးထီၣ်ကွံာ် ဒုၣ်ဒါတဖၣ်လၢ သုမဲာ်ညါလီၤ.+
ဒီးအကတဲသုလၢ ‘မၤဟးဂီၤကွံာ် အဝဲသ့ၣ်တက့ၢ်.’+
၂၈ အံၣ်စရ့လး ကအိၣ်ဘၣ် ဘံၣ်ဘံၣ် ဘၢဘၢဒီးစီၤယၤကိာ် အစၢၤအသွဲၣ်တဖၣ် ကအိၣ်ဘၣ်ပူၤပူၤဖျဲးဖျဲးလၢကီၢ်လၢ အပှဲၤဒီးဘုဧိၤဟုဧိၤ ဒီးစပံးထံအသီ+ဒီးမူခိၣ်အပစီၤထံ လီၤဘၣ်လၢ အပူၤလီၤ.+
၂၉ အံၣ်စရ့လးဧၢ, သုမ့ၢ်ပှၤလၢ အသးခုလီၤ.+
သုဒိးန့ၢ်ဘၣ် တၢ်အုၣ်က့ၤခီၣ်က့ၤလၢ ယဟိဝၤယွၤ အအိၣ်လီၤ.+
အဝဲမ့ၢ် သုကတီၤလၢ အဒီသဒၢသု+ဒီးသုနးတဘ့ၣ်လၢ အလီၤဘီ လီၤမုၢ်လီၤ.
အဃိမ့ၢ်မတဂၤ လီၤဂာ်ဒီးသုလဲၣ်.+
သုဒုၣ်သုဒါ ကကနိးကစုာ် ဒီးဆုးလီၤအခိၣ်လၢ သုမဲာ်ညါ+ဒီးသုကယီၢ်လီၤ အဝဲသ့ၣ် အချၢဃံလီၤ.”*
တၢ်ဂ့ၢ်အဘျဲၣ်တဖၣ်
^ အခီပညီလိၤလိၤ “စီၤယၤကိာ် အတၢ်အိၣ်ဖှိၣ်.”
^ အခီပညီမ့ၢ်ဝဲ “ပှၤလၢ အသူၣ်တီသးလိၤ.” မ့ၢ်ဝဲ မံၤလၤသၣ်ကပီၤလၢ ပှၤအံၣ်စရ့လးဖိအဂီၢ်.
^ “န” ဒီး “နၤ” လၢလံာ်စီဆှံ တဆၢအံၤအပူၤန့ၣ် အဲၣ်ဒိးတဲဝဲ ကစၢ်ယွၤလီၤ.
^ အခီပညီမ့ၢ်ဝဲ “တၢ်တဲအါတၢ်.”
^ မ့ၢ်ဝဲ စီၤမိၤၡ့အတၢ်သိၣ်တၢ်သီ.
^ ဘၣ်သ့ၣ်သ့ၣ် ကမ့ၢ် “တၢ်လီၢ်ထီၣ်ထီတဖၣ်.”
