စီၤ​ထူ​ထူ​စံး​ဝဲ “စီၤ​သး​တီ​ဒီး​နီၢ်​အဲၣ်​ဖီ​ဧၢ ယ​က​သံကွၢ်​သု, ဖဲ​သု​ကွၢ်​ဖိသၣ်​တဂၤ​အခါ ညီနုၢ်​သု​ထံၣ်​အဝဲ အိၣ်ဒီး​အမိၢ်​အ​ပၢ်​အလုၢ်​အလၢ်​တမ့ၢ်​ဘၣ်​ဧါ.”

စီၤ​သး​တီ​စံးဆၢ​ဝဲ “မ့ၢ်​လီၤ, ညီနုၢ်​ယ​တဲ​လၢ ယ​ဖိမုၣ်​ဖိ​အံၤ​ယ​ကွၢ်​လီၤဂာ်​ဒီး​အမိၢ်​ဒိၣ်မး​လီၤ. အဝဲ​မၤ​အသး​ဒ်သိး​ဒၣ်​အမိၢ်​လီၤ.”

စီၤ​ထူ​ထူ​တဲ​ဆၢ​ဝဲ “မ့ၢ်​လီၤ, အဝဲ​လီၤဂာ်​နီၢ်နီၢ်​ဒီး အမိၢ်​လီၤ. လၢတၢ်န့ၣ်​အဃိ ဘၣ်ဃး​ဒီး​ပ​တၢ်ဘၣ်တ့​ကစၢ်, ပ​ပၢ်​စ့ၢ်ကီး ပ​စံး​ဒ်သိး​န့ၣ်​သ့​လီၤ. ခီဖျိ​ပ​ကွၢ်လီၤ ပ​နီၢ်ကစၢ်​ဒီး တၢ်​လၢ​ယဟိဝၤ မၤဝဲ​တဖၣ်​န့ၣ်​ ပ​သ့ၣ်ညါ​ဘၣ်​ကစၢ်​အ​တၢ်ဂ့ၤ​တၢ်ဝါ​ဒီး ကစၢ်​မ့ၢ်​ပှၤ​ဒ်လဲၣ်​တဂၤ​လဲၣ်န့ၣ်​လီၤ.”

စီၤ​သး​တီ​တဲဝဲ “တၢ်အံၤ​လီၤသး​စဲ​ကစီဒီ​လီၤ. ယ​တ​ဆိကမိၣ်​ဘၣ်​တၢ်ဂ့ၢ်​အံၤ နီတဘျီ​ဘၣ်.”

စီၤ​ထူ​ထူ​တဲ​နၢ်ပၢၢ်​ဝဲ​လၢ “နီၢ်နီၢ်​တၢ်အံၤ​အိၣ်​လၢ လံာ်စီဆှံ​ပူၤ​လီၤ. ရိမ့ၤ ၁:၂၀ တဲဝဲ​ဒ်လဲၣ်​န့ၣ်​ ကွၢ်​တက့ၢ်– ‘လၢ​ဟီၣ်ခိၣ်​ဘၣ်​တၢ်တ့​လီၤ​အီၤ​လံၤ​လံၤ​န့ၣ်, ပှၤ​ထံၣ်ဘၣ်​အ​တၢ်​တအိၣ်​ဖျါ​ဘၣ်​တဖၣ်​ ထံထံ​ဆးဆး, ဒ်​ပ​စံး​တၢ်​အသိး, အစိ​ထူ​က​မီၤ​ယိာ် ဒီး​အ​တၢ်​ပှိၢ်​တၢ်ပှီၢ်​လီၤ.’” စီၤ​သး​တီ​သံကွၢ်ဝဲ​လၢ တၢ်အံၤ​က​မ့ၢ်​ဒ်လဲၣ်​န့ၣ်​လီၤ.

စီၤ​ထူ​ထူ​တဲ​က​ဒီး​အီၤ “ဂ့ၤလံ, စီၤ​သး​တီ​ဧၢ ဆိကမိၣ်​ကွၢ်​ပၢ်​တဂၤ​အ​တၢ်အဲၣ်​လၢ အဖိ​တဖၣ်​အ​ဖီခိၣ်​တက့ၢ်. ပၢ်​လၢ​အဂ့ၤ ဒ်သိး​နၤ​တဂၤ​န့ၣ်​ ထီဘိ​အံးထွဲ​ကွၢ်ထွဲ​အဖိ​တဖၣ်​လီၤ. တဘျီဘျီ ဖိသၣ်​တဂၤ တ​စူၢ်​အ​ပၢ်​အ​ကလုၢ် မ့တမ့ၢ် တ​ပာ်ကဲ​အ​ပၢ်​ဘၣ်ဆၣ်​ ပၢ်​အံၤ​လုၢ်အီၣ်လုၢ်အီ​ဒီး​အဲၣ်​အဖိ​အံၤ​အ​ဖၢလီၤ. ဘၣ်​မနုၤ​အဃိ ပၢ်​အံၤ​မၤဝဲ​ဒ်အံၤ​လဲၣ်. မ့ၢ်​လၢ​ယဟိဝၤ​တ့လီၤ​ဒီး​ထၢနုာ်ဝဲ တၢ်​သ့​အဲၣ်တၢ်​ဒီး တၢ်အဲၣ်​ဖိ​အဲၣ်​လံၤ​လၢ မိၢ်ပၢ်တဖၣ်​အ​ပူၤ​အဃိ​လီၤ. တၢ်အဲၣ်​အံၤန့ၣ်​မ့ၢ်​တၢ်​ပာ်ဖျါ​ကဒါက့ၤ ယဟိဝၤ​အ​တၢ်အဲၣ်​ပှၤလီၤ.

 စီၤ​ထူ​ထူ​စံး​က​ဒီး​ဝဲ “ပ​မ့ၢ်​တ​သ့ၣ်ညါ ယဟိဝၤ​ယွၤ​ဒၣ်လဲာ် ကစၢ်​လုၢ်အီၣ်​ပှၤ ခီဖျိ​လၢ​အ​စု​တၢ်ဘၣ်တ့​တဖၣ်​လီၤ. ဖဲ မးသဲ ၅:၄၅ န့ၣ်​လံာ်စီဆှံ​စံး​ဝဲ​ဒ်အံၤ​လီၤ– ‘ဒ်သိး​သု​က​ကဲထီၣ်​လၢ သု​ပၢ်​အိၣ်​လၢ​မူခိၣ်​ အ​ဖိခွါ​တဖၣ်​န့ၣ်​လီၤ. အဂ့ၢ်ဒ်အံၤ, အဝဲဒၣ်​မၢ​အမုၢ်​ဟဲထီၣ်​န့ၢ် ပှၤ​အဂ့ၤ, ဒီး​ပှၤ​အအၢ, ဒီး​မၢ​အ​တၢ်ဟဲစူၤ​လၢ ပှၤ​အတီ, ဒီး​ပှၤ​တတီ​ဘၣ်​အလိၤ​လီၤ.’ နီၢ်နီၢ်​ပ​ဒိးန့ၢ်​ဘၣ်​တၢ်​အဘျုး​လၢ မူခိၣ်ထံ​ဒီး မုၢ်​အ​တၢ်ကပီၤ တမ့ၢ်​ဘၣ်​ဧါ. လၢ​တၢ်အံၤ​အဃိ ပ​မူ​ဒီး ပ​သူၣ်အီၣ်​ဖျးအီၣ်​တၢ်​န့ၢ်ဝဲ​လီၤ. ပ​သ့ၣ်ညါ​ဆၢက့ၤ​အဘျုး​မ့ၢ်ဂ့ၤ တ​သ့ၣ်ညါ​မ့ၢ်ဂ့ၤ​ကစၢ်​ဟ့ၣ်​ပှၤ​တၢ်လိၣ်​လၢ အ​ကါဒိၣ်​တဖၣ်​အံၤ ထီဘိ​လီၤ. တၢ်အံၤ​တမ့ၢ်​တၢ်အုၣ်​အသး​လၢ ယဟိဝၤ​မ့ၢ် ယွၤ​လၢ​အိၣ်ဒီး​တၢ်အဲၣ်​တၢ်ကွံ​ဘၣ်​ဧါ. နီၢ်နီၢ်​လံာ်စီဆှံ​စံး​ဝဲ​လၢ တၢ်အဲၣ်​တၢ်ကွံ​မ့ၢ် ယဟိဝၤ​အ​တၢ်ဂ့ၤ​တၢ်ဝါ​လၢ အ​ကါဒိၣ်​လီၤ. ပ​ဖးဘၣ်​ဖဲ ၁ ယိၤဟၣ်​ ၄:၈ န့ၣ်​ဒ်အံၤ​လီၤ– ‘ယွၤ​မ့ၢ်​တၢ်အဲၣ်​တၢ်ကွံ​လီၤ.’”

လၢခံ​န့ၣ်, စီၤ​ထူ​ထူ​စံး​ဝဲ စီၤ​သး​တီ​လၢ ဆိကမိၣ်​ကွၢ် တၢ်ဂ့ၤ​တၢ်ဝါ​လၢ ဘၣ်ဃး​ဒီး​တၢ်တီ​တၢ်လိၤ​တက့ၢ်. “ဒ်​န​မ့ၢ်​ပၢ်​လၢ​အဂ့ၤ​တဂၤ​အသိး န​အဲၣ်​န​ဖိ​တဖၣ်​ဒီး န​အံးထွဲ​ကွၢ်ထွဲ​အီၤ ပှဲၤ​သိး​သိး တမ့ၢ်​ဘၣ်​ဧါ. န​က​သိၣ်လိ​အဝဲသ့ၣ်​လၢ​က​ယူးယီၣ်​ပာ်ကဲ​ပှၤဂၤ​ဒီး က​အိၣ်မူ​ဒ်​သကဲာ်ပဝး​လၢ န​နာ်​လၢ​က​မၤစၢၤ​အဝဲသ့ၣ်​ဒ်သိး​က​ဒိၣ်ထီၣ်​လၢ တၢ်​သ့ၣ်ညါ​လီၤ​က့ၤ​မူဒါ​အဂီၢ်​န့ၣ်​လီၤ. တၢ်အံၤ​ဖျါတြၢၢ်ကလာ်​လၢ ပှၤကညီ​တဖၣ်​န့ၣ်​ အဲၣ်ဒိးဝဲ​တၢ်တီ​တၢ်လိၤ​လၢ အ​နီၢ်ကစၢ်​ဒၣ်ဝဲ​အဂီၢ်​ဒီး အဟံၣ်​ဖိ​ဃီဖိ​အဂီၢ်​လီၤ. ပ​အဲၣ်ဒိး​လၢ ပှၤ​ရ့​ဒီး​ပှၤ​တီတီ​လိၤလိၤ, ပ​အဲၣ်ဒိး​လၢ ပှၤဂၤ​ပာ်ကဲ တၢ်တီ​တၢ်လိၤ​လီၤ. လၢ​မနုၤ​အဃိ​လဲၣ်. တၢ်အံၤ​မ့ၢ်​က​ဒီး ပ​ပာ်ဖျါ​ကဒါက့ၤ တၢ်ဘၣ်တ့​ကစၢ်​အ​တၢ်ဂ့ၤ​တၢ်ဝါ အဃိ​လီၤ.”

လၢခံ​န့ၣ်​ စီၤ​ထူ​ထူ​ဒုးနဲၣ်ဝဲ စီၤ​သး​တီ​ဒီး နီၢ်​အဲၣ်​ဖီ​လၢ လံာ်စီဆှံ​အဆၢ​လၢ ဘၣ်ဃး​ဒီး​ယဟိဝၤ​ယွၤ​တဖၣ်​န့ၣ်​လီၤ–

• “အကျဲ​ခဲလၢာ်​မ့ၢ်​တၢ်​စံၣ်ညီၣ်​လီၤ. မ့ၢ်​တၢ်မ့ၢ်​တၢ်တီ​အ​ကစၢ်, ဒီး​တၢ်အၢ​တအိၣ်​လၢ​အီၤ, တၢ်တီ​ဒီး​တၢ်လိၤ​မ့ၢ်​အဝဲဒၣ်​လီၤ.”—၅ မိၤၡ့ ၃၂:၄.

• “အဲၣ်ဝဲ​လၢ​တၢ်တီ​တၢ်လိၤ, ဒီး​တၢ်​စံၣ်ညီၣ်​တီ​လီၤ.”—စံးထီၣ်​ပတြၢၤ ၃၃:၅.

 မ့ၢ်​လီၤ, မ့ၢ်​လၢ​ယဟိဝၤ ပ​တၢ်ဘၣ်တ့​ကစၢ်​အဲၣ်​တၢ်တီ​တၢ်လိၤ​အဃိ ပ​အဲၣ်​တၢ်တီ​တၢ်လိၤ​လီၤ. ကစၢ်​တ့​ပှၤ​ဒ်​အက့ၢ်​အဂီၤ​လီၤ. လၢတၢ်န့ၣ်​အဃိ, ပ​ဘၣ်​တၢ်တ့​ပှၤ​ဃုာ်ဒီး ယဟိဝၤ​အ​တၢ်ဂ့ၤ​တၢ်ဝါ​အါမး​တဖၣ်​လၢ ပ​ပာ်ဖျါ​သ့​ဖဲ​အကြၢး လၢ​ပ​တၢ်အိၣ်မူ​ပူၤ​န့ၣ်​လီၤ. (၁ မိၤၡ့ ၁:၂၇) ဘၣ်ဆၣ်​ယဟိဝၤ တ​ဟ့ၣ်​အခွဲး​လၢ ပ​က​ဆၢတဲာ်​တၢ်တီ​တၢ်လိၤ ဒီး​တၢ်​တတီ​တလိၤ​ဘၣ်. ကစၢ်​ပာ်လီၤ​ဝဲ တၢ်သိၣ်​တၢ်သီ​ဒီး တၢ်ဘျၢ​တဖၣ်​ဒီး ကစၢ်​အဲၣ်ဒိး​လၢ အဖိ​အလံၤ​လၢ​ဟီၣ်ခိၣ်​တဖၣ်​ က​အိၣ်မူ​ဒ်​န့ၣ်​အသိး​လီၤ. ဖဲ​ယွၤ​အ​တၢ်ဘျၢ​တဖၣ်​ ဘၣ်​တၢ်​လုၣ်သ့ၣ်ခါပတာ်​အီၤ​အခါ​န့ၣ်​ဒီး တၢ်​တတီ​တလိၤ​အိၣ်​ထီၣ်ဝဲ​လီၤ.

စီၤ​ထူ​ထူ​တဲ​က​ဒီး​ဝဲ “ယ​အဲၣ်ဒိး​တဲ​သု​ဒံး တၢ်​လီၤဆီ​အဂၤ​တမံၤ​လီၤ. ထံကီၢ်​အါတက့ၢ်န့ၣ်​ အ​တၢ်ဘျၢ​တဖၣ်​လီၤဂာ်​လိာ်သး​အါမး​ဒီး လံာ်စီဆှံ​တၢ်ဘျၢ​တဖၣ်​လၢ ဘၣ်​တၢ်ကွဲး​တ့ၢ်​အီၤ ပူၤကွံာ်​အ​နံၣ်​လၢ အ​ကထိ​န့ၣ်​မ့ၢ်​သု​သ့ၣ်ညါ​ဧါ.” စီၤ​သး​တီ​ဒီး​နီၢ်​အဲၣ်​ဖီ​ကမၢ​ကမၣ်​ဝဲ​လီၤ.

စီၤ​ထူ​ထူ​တဲ​က​ဒီး​ဝဲ “အဒိ​လၢ​ထံကီၢ်​အါဘ့ၣ်​အ​ပူၤ​တၢ်ဘျၢ​လၢ ဘၣ်ဃး​ဒီး​တၢ်မၤ​ကမၣ်​သဲစး​န့ၣ်​ ပာ်​ဃုာ်ဒီး တၢ်​တြီဃာ်​တဖၣ်​လၢ​အမ့ၢ် တၢ်​မၤသံ​ပှၤကညီ, တၢ်​ဟုၣ်တၢ်​ဒီး တၢ်​အဲၣ်ဘၢ​မါ​အဲၣ်ဘၢ​ဝၤ​တဖၣ်​လီၤ. တၢ်​ခဲလၢာ်​တဖၣ်​အံၤ ဘၣ်​တၢ်ကွဲး​ပာ်​အီၤ​လၢ လံာ်စီဆှံ​ပူၤ​ဖဲ​ပူၤကွံာ်​အ​နံၣ်​ ၃,၅၀၀ လံၤ​လံၤ​န့ၣ်​လီၤ. ဖဲ​ပ​အိၣ်မူ​ဒ် ယဟိဝၤ​အ​တၢ်ဘျၢ​အသိး​န့ၣ်​ မ့ၢ်​ပ​ပာ်ဖျါ​က့ၤ​ယွၤ​အ​တၢ်တီ​တၢ်လိၤ​ဒီး ပ​အိၣ်ဒီး​တၢ်အိၣ်မူ​လၢ အပှဲၤ​ဒီး​တၢ်​သူၣ်ခု​သးခု​ဒီး တၢ်​သူၣ်မံ​သးမံ​အါန့ၢ်​တက့ၢ်​သ့​လီၤ.”

ဒိကနၣ်​ဝဲ စီၤ​ထူ​ထူ​တဲတၢ်​ခဲလၢာ်​ဝံၤ​အလီၢ်​ခံ စီၤ​သး​တီ​ဒီး​နီၢ်​အဲၣ်​ဖီ သ့ၣ်ညါ​ထီၣ်ဘၣ်​ဝဲ​လၢ ယဟိဝၤ​မ့ၢ်​တၢ်အဲၣ်​တၢ်ကွံ​ကစၢ်​ဒီး တၢ်တီ​တၢ်လိၤ​အ​ယွၤ​န့ၣ်​လီၤ. အဝဲသ့ၣ်​အသး​ပူၤ​အိၣ်​ထီဘိ​လၢ တၢ်အဲၣ်​တၢ်ကွံ​ဒီး​တၢ်တီ​တၢ်လိၤ​န့ၣ်​ မ့ၢ်​တၢ်ဂ့ၤ​တၢ်ဝါ​အ​ကါဒိၣ်​ကတၢၢ်​လၢ ကြၢး​အိၣ်​လၢ​ပှၤ​တဂၤ​ဒီး​တဂၤ​အ​တၢ်​ရ့လိာ်သး​အ​ပူၤ​န့ၣ်​လီၤ. အဝဲသ့ၣ်​ကျဲးစၢး​ဝဲ​ထီဘိ​လၢ က​ပာ်ဖျါ တၢ်အဲၣ်​တၢ်ကွံ​ဒီး တၢ်တီ​တၢ်လိၤ​လၢ အဖိ​တဖၣ်​အ​ဖီခိၣ်​လီၤ. ခဲအံၤ​အဝဲသ့ၣ်​နၢ်ပၢၢ်ထီၣ်​ဝဲ​လၢ တၢ်​သး​အဲၣ်ဒိး​လၢ အ​အိၣ်​လၢ​ပ​ပူၤ​အံၤန့ၣ်​ မ့ၢ်​နီၢ်နီၢ်​တၢ်​ပာ်ဖျါ​ထီၣ်​က့ၤ တၢ်ဘၣ်တ့​ကစၢ်​ယဟိဝၤ​ယွၤ​အ​တၢ်ဂ့ၤ​တၢ်ဝါ​တဖၣ်​လီၤ.

စီၤ​သး​တီ​သးခု​နီၢ်နီၢ်​လၢ သ့ၣ်ညါ​ထီၣ်ဘၣ်​ဝဲ ယဟိဝၤ​အ​တၢ်ဂ့ၤ​တၢ်ဝါ​အဃိ​လီၤ. တၢ်အံၤ​ဒုး​သ့ၣ်ညါ​ထီၣ်​အီၤ​လၢ ယဟိဝၤ​မ့ၢ်​ကစၢ်​နီၢ်နီၢ်​တဂၤ​လၢ​အဂီၢ်​ဒီး အဝဲ​ဆိကမိၣ်​ထီၣ်ဝဲ​လၢ ကြၢး​မၤတၢ်​တမံၤမံၤ​ဘၣ်ဃး​တၢ်​ပာ်ဖျါ​အါထီၣ်​ တၢ်အဲၣ်​လၢ အဖိ​ဒီး​အမါ​တဖၣ်​အ​ဖီခိၣ်​လီၤ. အဝဲ​ဆိကမိၣ်​တ့ၢ်​ဝဲ​လၢ မ့ၢ်​ကွၢ်လိမၤဒိး​ယဟိဝၤ​ခီဖျိ တၢ်အဲၣ်​ပှၤ​ကိးဂၤ​ဒဲး​ဒီး​မၤ​အီၤ​တီတီ​လိၤလိၤ​န့ၣ်​ အဘျုး​က​အိၣ်ဝဲ​လီၤ.

လၢ​တၢ်​သူၣ်ခု​သးခု​အ​ပူၤ စီၤ​ထူ​ထူ​စံးဆၢ​က့ၤဝဲ– “တၢ်အံၤ​ဂ့ၤဒိၣ်​မး​လီၤ, စီၤ​သး​တီ​ဧၢ, တၢ်​လၢ​န​ဆိကမိၣ်​တဖၣ်​အံၤ လီၤပလိာ်​ဒိၣ်မး​ဒီး​လံာ်စီဆှံ​တၢ်မၤလိာ်​တဖၣ်​လီၤ. နီၢ်နီၢ်​ယ​အဲၣ်ဒိး​ဒုးနဲၣ်​နၤ တၢ်ကတိၤ​လၢ ပှၤ​သ့ၣ်ညါ​ဂ့ၤဂ့ၤ​လၢ အိၣ်​လၢ​လံာ်စီဆှံ​ပူၤ​န့ၣ်​လီၤ.” စီၤ​ထူ​ထူ​အိး​ထီၣ်ဝဲ​လံာ်စီဆှံ​ဒီး ဖး​န့ၢ်ဝဲ​တၢ်​လၢ​လာ်အံၤ​န့ၣ်​လီၤ–

• “မၤသးဒ်န့ၣ်ဒီး​ဖဲဒၣ်​တၢ်​လၢ သု​ဆၢ​လၢ​ပှၤကညီ​က​မၤ​သု​ခဲလၢာ်​န့ၣ်​ မၤ​အီၤ​ဒ်​န့ၣ်​အသိး​တက့ၢ်.”—မးသဲ ၇:၁၂.

စီၤ​ထူ​ထူ​စံး​ဝဲ ယဟိဝၤ​အိၣ်ဒီး တၢ်ဂ့ၤ​တၢ်ဝါ​ထဲဒၣ်​ တၢ်အဲၣ်​တၢ်ကွံ​ဒီး တၢ်တီ​တၢ်လိၤ​တကးဘၣ်​လီၤ. စီၤ​သး​တီ​ဒီး​နီၢ်​အဲၣ်​ဖီ အဲၣ်ဒိးဝဲ​လၢ​စီၤ​ထူ​ထူ​ဒုးနဲၣ်​အဝဲသ့ၣ်​လၢ ယဟိဝၤ​အ​တၢ်ဂ့ၤ​တၢ်ဝါ​အဂၤ​လၢ အ​လီၤ​ကမၢ​ကမၣ်​တဖၣ်​န့ၣ်​လီၤ.