ယဟိဝၤ​ယွၤမ့ၢ် ကစၢ်​လၢ ‘အ​ဒိကနၣ်​ ပ​တၢ်ထုကဖၣ်.’ (စံးထီၣ်ပတြၢၤ ၆၆:၁၉) ယဟိဝၤ​ယွၤ​အဲၣ်ဒိး​ဝဲ​လၢ ပ​က​တဲတၢ်​ဒီး​အီၤလၢ တၢ်​သူၣ်အိၣ်​သးအိၣ်​အပူၤ.

ပကဘၣ်​ ဃ့​ထုကဖၣ်​ ထဲ​လၢ​ယဟိဝၤ​ယွၤ​အအိၣ်.

ဃ့​ထုကဖၣ်​လၢ မူခိၣ်​ဒီး ဟီၣ်ခိၣ်​အ​တၢ်အိၣ်သး က​မၤ​သး ဒ်​ကစၢ်​ယွၤ​အဲၣ်ဒိး​ဝဲ​အသိး.

ဃ့​လၢ​ယဟိဝၤ​ယွၤ က​မၤ​စၢၤ​နၤ​ဒ်သိး န​က​မၤ​တၢ်လၢ​အဂ့ၤ ကန့ၢ်​အဂီၢ်. န​ဃ့​ဘၣ်ဃး​ဒီး တၢ်အီၣ်​တၢ်အီ, တၢ်ဖံး​တၢ်မၤ, တၢ်အိၣ်​တၢ်ဆိး, တၢ်ကူ​တၢ်သိး ဒီး​တၢ်​အိၣ်ဆူၣ်​အိၣ်ချ့​အဂ့ၢ်န့ၣ်​ သ့​စ့ၢ်ကီး.

ဃ့​ခီဖျိ​လၢ ယ့ၣ်ၡူး​အ​မံၤ. နမ့ၢ်မၤ​ဒ်န့ၣ်န့ၣ်​ မ့ၢ်ဒၣ်​နပာ်ဖျါထီၣ်လၢ န​ပာ်လုၢ်​ပာ်ပှ့ၤ တၢ်လၢ​ယ့ၣ်ၡူး​မၤန့ၢ်တၢ်​လၢ​နဂီၢ်.