အကူာ် ၁
ပဒိကနၣ်ယွၤအကလုၢ် ကသ့လၢကျဲဒ်လဲၣ်
ကစၢ်ယွၤ တဲတၢ်ဒီးပှၤ ခီဖျိလၢလံာ်စီဆှံ. ၂ တံၤမသ့း ၃:၁၆
ကစၢ်ယွၤလၢ အမ့ၢ်အတီတဂၤန့ၣ် ဟံးစုနဲၣ်ကျဲ ပှၤပိာ်ခွါတနီၤဒ်သိး အဝဲသ့ၣ်ကကွဲးနီၣ်ဝဲ အတၢ်ဆိကမိၣ် လၢလံာ်လီၤဆီတဘ့ၣ်အပူၤ. လံာ်တဘ့ၣ်အံၤမ့ၢ်လံာ်စီဆှံ ဒီးအပၣ်ဃုာ်ဒီး တၢ်ကစီၣ်လၢအရ့ဒိၣ် လၢကစၢ်ယွၤအဲၣ်ဒိးလၢ နကသ့ၣ်ညါဘၣ်.
ကစၢ်ယွၤ အိၣ်ဒီးတၢ်ကူၣ်သ့ အဒိၣ်ကတၢၢ် ဒီးအသ့ၣ်ညါ တၢ်လၢအဂ့ၤကတၢၢ် လၢပဂီၢ်. နမ့ၢ်ဒိကနၣ် ယွၤအကလုၢ်န့ၣ် နကကဲထီၣ်ပှၤလၢ အကူၣ်တၢ်သ့တဂၤ.—ကတိၤဒိ ၁:၅.
ကစၢ်ယွၤအဲၣ်ဒိးဝဲလၢ ပှၤဟီၣ်ခိၣ်ဖိကိးဂၤဒဲး ကဖးလံာ်စီဆှံ. ခဲအံၤပဒိးန့ၢ်ဘၣ် လံာ်စီဆှံ လၢကျိာ်ဒီဒူၣ်လံ.
နမ့ၢ်အဲၣ်ဒိး ဒိကနၣ်ယွၤအကလုၢ်န့ၣ် နကဘၣ် ဖးလံာ်စီဆှံ ဒီးဃုသ့ၣ်ညါအီၤ.
မးသဲ ၂၈:၁၉
လၢတၢ်လီၢ်ကိးတီၤဒဲးန့ၣ် ပှၤမၤလိကစၢ်ယွၤအဂ့ၢ်.ဒ်သိးနကနၢ်ပၢၢ်ထီၣ် လံာ်စီဆှံအဂီၢ် ယဟိဝၤပှၤအုၣ်အသးတဖၣ် မၤစၢၤနၤသ့.
ယဟိဝၤပှၤအုၣ်အသး လၢဟီၣ်ခိၣ်ဒီဘ့ၣ်န့ၣ် အဝဲသ့ၣ်သိၣ်လိဝဲ တၢ်မ့ၢ်တၢ်တီဘၣ်ဃးဒီး ကစၢ်ယွၤ.
နတလိၣ်ဟ့ၣ်စ့လၢ နကမၤလိတၢ်အဂီၢ်ဘၣ်. ဒီးလၢယဟိဝၤပှၤအုၣ်အသး အတၢ်အိၣ်ဖှိၣ်အလီၢ်န့ၣ် နမၤလိယွၤအဂ့ၢ် သ့စ့ၢ်ကီး.