တၢ်လၢ​အ​ကဲထီၣ်​အသး​လၢ မုၢ်မဆါ​တနံၤ​အံၤန့ၣ်​ လံာ်စီဆှံ​တဲဆိ​ပာ်စၢၤဝဲ. အဒိ လံာ်စီဆှံ​တဲ​ဝဲ​လၢ ပှၤကညီ က​မ့ၢ်ပှၤ​အဲၣ်​ကျိၣ်​အဲၣ်​စ့, တ​ဒိကနၣ်​မိပါ​အကလုၢ်ဘၣ်, က​အၢ​ဝဲ​သီ​ဝဲ ဒီး​က​အဲၣ်​တၢ်မုာ်​တၢ်ပၠီၣ်.

ဟီၣ်ခိၣ်​က​ဟူး​ဖး​ဒိၣ်, တၢ်ဒုး​တၢ်ယၤ က​အိၣ်​ထီၣ်, ပှၤ​အါဂၤ အ​တၢ်အီၣ်​တၢ်အီ တယၢ​ဘၣ်​ ဒီး​တၢ်ဆူး​တၢ်ဆါ က​အါထီၣ်​ဝဲ​လီၤ. ပ​ထံၣ်ဘၣ်​ တၢ်အိၣ်သး​တဖၣ်အံၤ ခဲအံၤ​လီၤ.

ယ့ၣ်ၡူး​တဲ​စ့ၢ်ကီး​ဝဲလၢ ဘီမုၢ်​တၢ်သးခု​ကစီၣ်​န့ၣ်​ ပှၤ​က​စံၣ်တဲၤတဲ​လီၤ​အီၤ လၢ​ဟီၣ်ခိၣ်​ဒီဘ့ၣ်.—မးသဲ ၂၄:၁၄.

တယံာ်​လၢၤဘၣ်န့ၣ်​ ယဟိဝၤ​ယွၤ က​မၤ​ဟးဂီၤကွံာ် ပှၤအၢ​ပှၤသီ​ခဲလၢာ်.

မုၣ်ကီၤလံၢ် ဒီး​တၢ်ဝံ​တၢ်နါ​တဖၣ်​ ကဘၣ်တၢ်​စံၣ်ညီၣ်​အီၤ.

မ့မ့ၢ် ပှၤလၢ​အ​ဒိကနၣ်​ ယွၤ​အကလုၢ်​န့ၣ်​ က​အိၣ်မူ​ဘၣ်လၢ ဟီၣ်ခိၣ်​ပၤရဒံစူး​အပူၤ. ပှၤလၢ​အအိၣ်​ဖဲန့ၣ်တဖၣ်​ က​အဲၣ်လိာ်​အသး ဒီး​အဝဲသ့ၣ်​ တလိၣ်​ပျံၤတၢ် နီတမံၤ​လၢၤဘၣ်.