ကတဲာ်ကတီၤပာ်အီၤဂ့ၤဂ့ၤ. ဆိကမိၣ်ထံဘၣ်ဃး ဘၣ်မနုၤအဃိ ပှၤကွဲးလီၤတၢ်ဂ့ၢ်တဖၣ်အံၤလဲၣ်. ဖးလိနသးလၢ တၢ်ကတိၤတကရူၢ်ဘၣ်တကရူၢ် ဒီးတဘၣ်ဖးလံာ်ဖျၢၣ်​ တဖျၢၣ်ဝံၤတဖျၢၣ်တဂ့ၤ. ဖဲနဖးလံာ်အခါ ပလီၢ်နသး ဒ်သိးနတထၢနုာ်အါထီၣ်လံာ်ဖျၢၣ်, ပာ်တ့ၢ် ဒီးဆီတလဲကွံာ်အီၤဆူလံာ်ဖျၢၣ်လၢအဂၤတဂ့ၤ. ပာ်သူၣ်ပာ်သး လံာ်အတၢ်ပနီၣ်တဖၣ်​ (punctuation marks) ဒီးပတုာ်အီၤလၢအလီၢ်ဘၣ်​ ဒီးဖးသီၣ်အီၤဒ်လံာ်အတၢ်ပနီၣ်​ ပာ်ဖျါထီၣ်ဝဲအသိးတက့ၢ်.

လံာ်မဲာ်ဖျၢၣ်ကိးဖျၢၣ်ဒဲးန့ၣ်​ ဖးသီၣ်အီၤလီၤတံၢ်လီၤဆဲးတက့ၢ်. လံာ်ဖျၢၣ်လၢ နဖးသီၣ်အီၤမ့ၢ်တဘၣ်န့ၣ်​ မၢပှၤလၢအဖးလံာ်ဘၣ်ဂ့ၤဂ့ၤတဂၤ ဖးပၠးနၤ မ့တမ့ၢ်ဒိကနၣ်အီၤလၢ တၢ်ကလုၢ်လၢ ပှၤဖးပတၢ်ကရၢကရိအလံာ်အလဲၢ်တဖၣ်န့ၣ်တက့ၢ်.

တဲအီၤလၢနကလုၢ်သီၣ်ၡဲၡဲ. ဖးသီၣ်လံာ်အဖျၢၣ်တဖၣ်​ လီၤတံၢ်လီၤဆဲး, ပာ်နကိာ်ဘိဘျၢဘျၢ ဒီးအိးထီၣ်နကိာ်ပူၤ လဲၢ်လဲၢ်တက့ၢ်. ဂုာ်ကျဲးစၢးဖးသီၣ်​ လံာ်ဖျၢၣ်တဖျၢၣ်စုာ်စုာ် တုၤအသီၣ်ၡဲၡဲတက့ၢ်.