ပှၤစိာ်ဘီမုၢ်တၢ်သးခုကစီၣ်ဖိအကၠိ ပှၤလၢအမၤဝဲပှၤလဲၤလၢညါတၢ်မၤလၢ အသးအိၣ်​ ၂၃ နံၣ်​ တုၤလၢ ၆၅ နံၣ်အဘၢၣ်စၢၤ ဒီးအဲၣ်ဒိးမၤလဲၢ်ထီၣ်​ အတၢ်သးခုကစီၣ်တၢ်မၤန့ၣ်​ ဘၣ်တၢ်ကွဲမုာ်အဝဲသ့ၣ်လၢ ကဟဲထီၣ်တၢ်အိၣ်ဖှိၣ်လၢ ပှၤပတံထီၣ်တၢ်လၢ ပှၤစိာ်ဘီမုၢ်တၢ်သးခုကစီၣ်ဖိအကၠိအဂီၢ် ဖဲမုၢ်အိၣ်ဘှံးနံၤမုၢ်ဆါခီန့ၣ်လီၤ. တၢ်လီၢ်ဒီး တၢ်ဆၢကတီၢ်လီၤတံၢ်လီၤဆဲးန့ၣ်​ တၢ်ကဘိးဘၣ်သ့ၣ်ညါဆိပာ်အီၤလီၤ.  “အိၣ်ဒီးတၢ်သူၣ်ဒူသးဒူ” ၂၀၁၈ ယဟိဝၤပှၤအုၣ်အသးတဖၣ်​ အတၢ်အိၣ်ဖှိၣ်ဖးဒိၣ်​ ဘၣ်တၢ်ကတဲာ်ကတီၤအီၤလၢ ယဟိဝၤပှၤအုၣ်အသးတဖၣ်​ အပှၤပၢဆှၢတၢ်ကမံးတံာ်လီၤ.

ပှၤလၢအတူၢ်လိာ်ပှၤတမှံၤ ပှၤလၢအတူၢ်လိာ်ပှၤတမှံၤတဖၣ်န့ၣ်​ ဘၣ်တၢ်ဟ့ၣ်အီၤမူဒါလၢ ကမၤစၢၤနၤအဂီၢ်လီၤ. ဝံသးစူၤ ဒိကနၣ်အဝဲသ့ၣ်​ အတၢ်နဲၣ်လိလၢဘၣ်ဃးဒီး တၢ်ပာ်ကတီၢ်ကါအလီၢ်မ့ၢ်ဂ့ၤ, တၢ်နဲၣ်လိလၢ တၢ်လဲၤထီၣ်က့ၤလီၤလၢ ဘျီၣ်ဒိၣ်အပူၤမ့ၢ်ဂ့ၤ, တၢ်ဟံးန့ၢ်ဆိပာ်တၢ်လီၢ်ဒီး တၢ်ဂ့ၢ်အဂၤတဖၣ်န့ၣ်တက့ၢ်.

တၢ်ဒိးဘျၢထံ ပှၤလၢကဒိးဘျၢထံတဖၣ်​ ကဆ့ၣ်နီၤအဂီၢ်န့ၣ်​ ဘၣ်တၢ်ကတဲာ်ကတီၤန့ၢ်အဝဲသ့ၣ်​ တၢ်လီၢ်လၢပျဲၢ်စီၢ် အမဲာ်ညါကတၢၢ်လီၤ. ဖဲမုၢ်ဃုနံၤဂီၤခီ တချုးလၢ တၢ်ဒိးဘျၢထံတၢ်စံၣ်တဲၤတဲလီၤတၢ် စးထီၣ်ဒံးဘၣ်န့ၣ်​ ပှၤလၢကဘျၢထံတဖၣ်​ ကြၢးဆ့ၣ်နီၤဆိပာ်လၢ တၢ်လီၢ်လၢဘၣ်တၢ်ပာ်ပနီၣ်န့ၢ်အီၤလၢ အဝဲသ့ၣ်အဂီၢ်န့ၣ်လီၤ. ကြၢးဟဲစိာ်ဝဲ ခိၣ်ဖၢၣ်ထွါသူ ဒီးဟဲကူကၤတၢ်ကူတၢ်ကၤလၢ အကြၢးဝဲဘၣ်ဝဲန့ၣ်လီၤ.

တၢ်မၤဘူၣ်တဖၣ်​ ဖဲပထီၣ်တၢ်အိၣ်ဖှိၣ်ဖးဒိၣ်အံၤအဆၢကတီၢ် ဒ်သိး ပကအိၣ်ဒီးတၢ်သးခုအဂီၢ်န့ၣ်​ တၢ်ခီၣ်လၢာ်ဘူၣ်လၢာ်စ့ၤလၢ တၢ်ငါတၢ်လီၢ်လၢအကြၢးအဘၣ်, ကလုၢ်ဒၢ ဒီးတၢ်အဂုၤအဂၤတဖၣ်အဂီၢ် အိၣ်ဝဲလီၤ. တၢ်မၤဘူၣ်လၢနထၢနုာ်အီၤန့ၣ်​ ကဘၣ်တၢ်သူအီၤလၢ တၢ်လၢာ်ဘူၣ်လၢာ်စ့ၤအံၤအဂီၢ်ဒီး ကကဲထီၣ်စ့ၢ်ကီးတၢ်မၤစၢၤလၢ ဟီၣ်ခိၣ်ဒီဘ့ၣ်တၢ်မၤအဂီၢ်လီၤ. ဒ်သိးနထံၣ်တၢ်မၤဘူၣ်တလါကညီအဂီၢ် တၢ်မၤဘူၣ်တလါတဖၣ်န့ၣ်​ ဘၣ်တၢ်ပာ်လီၤအီၤလၢ တၢ်လီၢ်ကိးပူၤဒဲး လၢဘျီၣ်ဒိၣ်အပူၤလီၤ. ပပာ်လုၢ်ပာ်ပှ့ၤတၢ်မၤဘူၣ်ခဲလၢာ်လီၤ. ပှၤပၢဆှၢတၢ်ကမံးတံာ်စံးဘျုးနၤဒိၣ်မး ခီဖျိနဟ့ၣ်တၢ်မၤဘူၣ်လၢ တၢ်သူၣ်အိၣ်သးအိၣ်အပူၤ လၢဟီၣ်ခိၣ်ဒီဘ့ၣ်တၢ်မၤအဂီၢ်အဃိန့ၣ်လီၤ.

တၢ်ကူစါယါဘျါဆိဝဲၤကျိၤ ဝံသးစူၤ သ့ၣ်နီၤထီၣ်လၢ ဝဲၤကျိၤအံၤမ့ၢ်ထဲဒၣ်​ တၢ်ကဲထီၣ်အသး သတူၢ်ကလာ်အဂီၢ်န့ၣ်တက့ၢ်.

တၢ်ဟါမၢ်ဒီး တၢ်ထံၣ်က့ၤဒီး တၢ်သံကွၢ်သံဒိးဝဲၤကျိၤ တၢ်လၢသုထၢန့ၢ်အီၤတဖၣ်န့ၣ်​ လဲၤဆှၢအီၤဆူ တၢ်ဟါမၢ်ဒီး တၢ်ထံၣ်က့ၤဒီး တၢ်သံကွၢ်သံဒိးဝဲၤကျိၤတက့ၢ်. သုတၢ်မ့ၢ်ဟါမၢ်တမံၤမံၤဒီး လဲၤလၢဝဲၤကျိၤအံၤအအိၣ်ဒီး တဲဘၣ်အီၤသုတၢ်အပီးအလီလၢ အဟါမၢ်န့ၣ်တက့ၢ်. ဖိသၣ်လၢအလီၤဖးဒီး အမိၢ်အပၢ် ဒီးလဲၤတဘၣ်က့ၤတဘၣ်တဖၣ်န့ၣ်​ ပကြၢးဆှၢအဝဲသ့ၣ်ဆူ ဝဲၤကျိၤအံၤလီၤ. ဘၣ်ဆၣ်ဝဲၤကျိၤအံၤ တကြၢးပာ်အီၤဒ် တၢ်ကွၢ်ဖိသၣ်ဝဲၤကျိၤဘၣ်. ဝံသးစူၤပာ်သုဖိလၢ သုကပၤဒီးကွၢ်ထွဲအီၤတက့ၢ်.

တၢ်လီၢ်တၢ်ကျဲ ဝံသးစူၤ ဆိကမိၣ်တၢ်လၢ ပှၤဂၤအဂီၢ်တက့ၢ်. သ့ၣ်နီၣ်ထီၣ်လၢ နဟံးန့ၢ်ဆိပာ်တၢ်လီၢ်သ့ဒၣ်ထဲ ပှၤလၢအဒိးကါတခိၣ်ဃီဒီးနၤ, အိၣ်ဟံၣ်တဖျၢၣ်ဃီဒီးနၤ မ့တမ့ၢ် ပှၤလၢအမၤလိလံာ်စီဆှံဒီးနၤတဖၣ်အဂီၢ်လီၤ. ဝံသးစူၤ တဘၣ်ပာ်နတၢ်ဖိတၢ်လံၤတဖၣ်လၢ လီၢ်ဆ့ၣ်နီၤလၢနကပၤတဖၣ်​ အဖီခိၣ်တဂ့ၤ. နမ့ၢ်တမၤဒ်န့ၣ်န့ၣ်​ ပှၤဂၤကသ့ၣ်ညါဝဲလၢ အဝဲသ့ၣ်​ ဟံးန့ၢ်လီၢ်ဆ့ၣ်နီၤတဖၣ်အံၤသ့လီၤ.

မုာ်သးမၤကလီဝဲၤကျိၤနမ့ၢ်အဲၣ်ဒိးမၤစၢၤ တၢ်မၤလၢဘၣ်ဃးဒီးတၢ်အိၣ်ဖှိၣ်ဖးဒိၣ်န့ၣ်​ ဝံသးစူၤလဲၤဆှၢတၢ်ကစီၣ်လၢ မုာ်သးမၤကလီဝဲၤကျိၤတက့ၢ်.