တၢ်မၤလိ ၄
ကျဲလၢနကသ့ၣ်ညါကစၢ်ယွၤအဂ့ၢ်
နမၤလိနၢ်ပၢၢ်ယဟိဝၤအဂ့ၢ်သ့ ခီဖျိလၢ တၢ်ဖးလံာ်စီဆှံလီၤ. လၢပျၢၤန့ၣ် ယွၤဃုထၢပှၤတဖၣ် လၢကကွဲးအတၢ်ကူၣ်, အတၢ်ဆိကမိၣ်ဆိကမးအဂ့ၢ်န့ၣ်လီၤ. တၢ်ကွဲးတဖၣ်န့ၣ် ဘၣ်တၢ်ကိးအီၤလၢ လံာ်စီဆှံန့ၣ်လီၤ. လၢမုၢ်မဆါတနံၤအံၤ ပဟဲသ့ၣ်ညါထီၣ်ကစၢ်ယွၤအဂ့ၢ်သ့ ခီဖျိလၢတၢ်ဖးလံာ်စီဆှံန့ၣ်လီၤ. လၢလံာ်စီဆှံအပူၤန့ၣ် အိၣ်ဒီး ယဟိဝၤအကလုၢ်ကထါ, မ့တမ့ၢ်, အတၢ်ကစီၣ်အဃိ လံာ်ဝဲန့ၣ် ဘၣ်တၢ်ကိးအီၤလၢ ယွၤအကလုၢ်ကထါစ့ၢ်ကီးန့ၣ်လီၤ. ယဟိဝၤန့ၣ် တလီတၢ်နီတဘျီအဃိ လံာ်စီဆှံန့ၣ် ပနာ်အီၤသ့လီၤ. “ယွၤကတိၤကဘျံးကဘျၣ်တသ့ဘၣ်.” (ဧ့ၤဘြံၤ ၆:၁၈) လၢယွၤအကလုၢ်ကထါပူၤ အိၣ်ဒီးတၢ်မ့ၢ်တၢ်တီန့ၣ်လီၤ.—ယိၤဟၣ် ၁၇:၁၇.
လံာ်စီဆှံမ့ၢ် တၢ်အလုၢ်ဒိၣ်ပှ့ၤဒိၣ်ကတၢၢ်တခါ လၢယွၤဟ့ၣ်ပှၤန့ၣ်လီၤ. တၢ်န့ၣ် လီၤဂာ်ဒ်လံာ်တဘ့ၣ် လၢပၢ်တဂၤလၢအအဲၣ်ဖိလံၤကွဲး ဆူဖိတဖၣ်အအိၣ်န့ၣ်လီၤ. လံာ်စီဆှံပာ်ဖျါထီၣ် ယွၤအတၢ်စံးပာ်အိၣ်လၢ ကဘှီက့ၤဟီၣ်ခိၣ် ဒ်သိးကကဲထီၣ်ပၤရဒံစူးလီၢ်မုာ်လီၤလး န့ၣ်လီၤ. လံာ်စီဆှံပာ်ဖျါထီၣ်န့ၢ်ဝဲ တၢ်လၢယွၤမၤတ့ၢ်ဝဲတဖၣ်လၢအပူၤကွံာ်, တၢ်လၢအမၤဝဲခဲအံၤ, ဒီးတၢ်လၢကမၤဝဲဆူညါ လၢဖိလံၤလၢအသးတီဒီးအီၤတဖၣ်အဂီၢ် န့ၣ်လီၤ. လံာ်စီဆှံဟ့ၣ်ပှၤတၢ်မၤစၢၤလၢ ပကမၤနၢၤတၢ်ကီတၢ်ခဲတဖၣ် ဒီးပကဃုထံၣ်တၢ်သးခုအဂီၢ်စ့ၢ်ကီးန့ၣ်လီၤ.—၂ တံၤမသ့း ၃:၁၆, ၁၇.
ယဟိဝၤအပှၤအုၣ်အသးတဖၣ်န့ၣ် မ့ၢ်ယွၤအတံၤသကိးလီၤ. အဝဲသ့ၣ်ကမၤစၢၤနၤ ဒ်သိးနကနၢ်ပၢၢ် လံာ်စီဆှံအတၢ်သိၣ်တၢ်သီတဖၣ်လီၤ. တဲဘၣ်အဝဲသ့ၣ်လၢ နသးအိၣ်မၤလိလံာ်စီဆှံတက့ၢ်. အဝဲသ့ၣ်တဟံးန့ၢ်တၢ်အဘူးအလဲဘၣ်. (မးသဲ ၁၀:၈) လၢန့ၣ်အမဲာ်ညါ နထီၣ်ခရံာ်ဖိအတၢ်အိၣ်ဖှိၣ်ရိဖှိၣ်သ့န့ၣ်လီၤ. တၢ်န့ၣ်တဖၣ် ဘၣ်တၢ်မၤအီၤ ဖဲယွၤအဘီမုၢ်ဘျီၣ်ဒိၣ်န့ၣ်လီၤ. နမ့ၢ်ထီၣ်နဲခရံာ်ဖိ အတၢ်အိၣ်ဖှိၣ်ရိဖှိၣ်န့ၣ် နကဂုၤထီၣ်ပသီထီၣ်လၢယွၤအတၢ်သ့ၣ်ညါနၢ်ပၢၢ် လၢအချ့န့ၣ်လီၤ.
နမၤလိကစၢ်ယွၤအဂ့ၢ်သ့ လၢအတၢ်ဘၣ်တ့တဖၣ်န့ၣ်လီၤ. အဒိန့ၣ်, လံာ်စီဆှံစံးဝဲဒၣ်, “ယွၤတ့လီၤမူခိၣ်ဒီးဟီၣ်ခိၣ်လီၤ.” (၁ မိၤၡ့ ၁:၁) ဖဲယဟိဝၤယွၤတ့လီၤဝဲ “မူခိၣ်” အခါ ကစၢ်မၤကဲထီၣ်မုၢ်လီၤ. တၢ်န့ၣ် ဒုးသ့ၣ်ညါပှၤဘၣ်ဃာ်ဒီးယွၤအဂ့ၢ် မနုၤလဲၣ်? ပသ့ၣ်ညါဘၣ်လၢ ယဟိဝၤန့ၣ် အစိကမီၤဒိၣ်မးန့ၣ်လီၤ. အဝဲတဂၤဧိၤမၤဝဲသ့တၢ် ဒ်သိးမုၢ်လၢအတဟီၣ်ဆူၣ်ဒိၣ်မးန့ၣ်လီၤ. တၢ်မၤကဲထီၣ်မုၢ်, လၢအဟ့ၣ်ပှၤတၢ်ကိၢ်ဒီးတၢ်ကပီၤ ဒီးလၢတကဲၤလၢာ်ကွံာ်နီတဘျီန့ၣ် လိၣ်တၢ်ကူၢ်သ့လီၤ. တၢ်ဒ်န့ၣ်အဃိ ပသ့ၣ်ညါဘၣ်လၢယဟိဝၤန့ၣ် အိၣ်ဒီးတၢ်ကူၢ်သ့ဒိၣ်မးန့ၣ်လီၤ.
ယဟိဝၤအတၢ်ဘၣ်တ့တဖၣ်န့ၣ် နဲၣ်ဖျါထီၣ် ကစၢ်အတၢ်အဲၣ်ပှၤလီၤ. ဆိကမိၣ်ကွၢ် သ့ၣ်သူဝၣ်သၣ်အကလုာ်ကလုာ် လၢအအိၣ်လၢဟီၣ်ခိၣ်ချၢန့ၣ်တက့ၢ်. ယဟိဝၤန့ၣ် မ့ၢ်အဲၣ်ဒိးဟ့ၣ်ပှၤသ့ၣ်သၣ်ထဲတကလုာ်ဧိၤ, မ့တမ့ၢ် တအဲၣ်ဒိးဟ့ၣ်နီတကလုာ် သ့ဝဲလီၤ. ဘၣ်ဆၣ် တမ့ၢ်ဒ်န့ၣ်ဘၣ်, ကစၢ်ဟ့ၣ်ပှၤ သ့ၣ်သူဝၣ်သၣ်အကလုာ်ကလုာ် လၢအအိၣ်ဒီးအက့ၢ်အဂီၤ, အဒိၣ်အဆံး, အလွဲၢ်, အရီၢ် လၢအလီၤဆီအကလုာ်ကလုာ်န့ၣ်လီၤ. တၢ်အံၤ ပာ်ဖျါထီၣ်ဝဲ ယဟိဝၤန့ၣ် တမ့ၢ်ထဲဒၣ်တၢ်အဲၣ်တၢ်ကွံကစၢ်ဘၣ်, ဘၣ်ဆၣ် မ့ၢ်ယွၤလၢအသးအိၣ်ဟ့ၣ်တၢ်, လၢအသူၣ်ကညီၤသးကညီၤတၢ်သ့တဂၤန့ၣ်လီၤ.—စံးထီၣ်ပတြၢၤ ၁၀၄:၂၄.
တၢ်ဂ့ၤအဂၤလၢ နကဘၣ်သး
လံာ်စီဆှံ အတၢ်သိၣ်လိလၢ အရ့ဒိၣ်တဖၣ်
ပှၤလၢအဒုးအိၣ်ထီၣ်လံာ်စီဆှံန့ၣ် မ့ၢ်မတၤတဂၤလဲၣ်
လံာ်စီဆှံအံၤ ပှၤဟီၣ်ခိၣ်ဖိကွဲးဝဲန့ၣ် ပတဲလၢအမ့ၢ်ယွၤအကလုၢ်အကထါကသ့ဧါ. လံာ်စီဆှံအံၤ မ့ၢ်မတၤတဂၤအကလုၢ်အကထါလဲၣ်.
ဘၣ်ဃးဒီးပှၤ
ဘၣ်မနုၤအဃိ ဘၣ်မၤလိလံာ်စီဆှံလဲၣ်—အထီ
လံာ်စီဆှံမၤစၢၤ ပှၤလၢအကကွဲၢ်တဖၣ် ဒ်သိးကသ့ၣ်ညါဝဲ တၢ်သံကွၢ်လၢ အရ့ဒိၣ်တဖၣ်အံၤအတၢ်စံးဆၢလီၤ
ကဲထီၣ်ယဟိဝၤယွၤ အတံၤသကိး
“ယဟိဝၤယွၤ . . . တ့လီၤဝဲတၢ်ခဲလၢာ်”
ကစၢ်ယွၤတ့လီၤတၢ် အဆိကတၢၢ်တခါန့ၣ် မ့ၢ်မနုၤလဲၣ်. မၤလိသကိးတၢ်ဒီးဆံးဖိ တၢ်ခဲလၢာ် တ့လီၤသးတဆီဘၣ်တဆီဒ်လဲၣ်.
