တၢ်မၤလိ ၁၆
ပာ်ဖျါထီၣ်နတၢ်အဲၣ်ယွၤတက့ၢ်
တၢ်ရ့လိာ်မုာ်လိာ်ကဂၢၢ်ကျၢၤအဂီၢ် နကဘၣ်ကတိၤတၢ်ဒီးနတံၤသကိးလီၤ. နဒိကနၣ်အတၢ်ကတိၤဒီး အဝဲစ့ၢ်ကီးဒိကနၣ်နၤလီၤ. နတံၤသကိးအတၢ်ဂ့ၤန့ၣ် နစံးကတိၤတဲဘၣ်ပှၤဂၤန့ၣ်လီၤ. တၢ်ကဲယွၤအတံၤသကိးစ့ၢ်ကီး မ့ၢ်ဝဲဒ်န့ၣ်အသိးလီၤ. ဘၣ်ဃးတၢ်ဂ့ၢ်အံၤ လံာ်စီဆှံစံးဝဲဒ်လဲၣ်န့ၣ် မ်ပကွၢ်သကိးတက့ၢ်.
ကတိၤတၢ်ဒီးယွၤ ဘၣ်ဆၢဘၣ်ကတီၢ် ခီဖျိတၢ်ထုကဖၣ်တက့ၢ်. “ဃ့ထုကဖၣ်တၢ်ကိးဆၢကတီၢ်ဒဲးန့ၣ်တက့ၢ်.”—ရိမ့ၤ ၁၂:၁၂, ခ့ခါစှီၤကျိာ်.
ဖးလံာ်စီဆှံ, လၢအမ့ၢ်ယွၤအထးခိၣ်အကလုၢ်ကထါတက့ၢ်. “ကယဲၢ်တၢ်ကွဲးအသးခဲလၢာ်န့ၣ်, ကွဲးအသးလၢယွၤအသးစီဆှံ, ဒီးဂ့ၤလၢသိၣ်တၢ်သီတၢ်အဂီၢ်, လၢသိၣ်ဃီၣ်တၢ်အဂီၢ်, လၢဃၣ်လိၤတၢ်အဂီၢ်, လၢသိၣ်လိနဲၣ်လိတၢ်လၢ တၢ်တီတၢ်လိၤအပူၤအဂီၢ် . . . လီၤ.”—၂ တံၤမသ့း ၃:၁၆, ၁၇.
သိၣ်လိန့ၣ်ပှၤဂၤ ကစၢ်ယွၤအဂ့ၢ်တက့ၢ်. “လဲၤဒုးကဲထီၣ် ပှၤအကလုာ်တဖၣ်ခဲလၢာ် လၢယပျဲၢ်ယဘီၣ်တက့ၢ် . . . ဒီးသိၣ်လိသီလိအီၤ, ဒ်သိးအကတိၢ်န့ၢ်ကယဲၢ်တၢ်လၢ ယမၤလိာ်တ့ၢ်သုခဲလၢာ်တက့ၢ်.”—မးသဲ ၂၈:၁၉, ၂၀.
သုးဘူးနသးဆူယွၤအတံၤသကိးတဖၣ်အအိၣ်တက့ၢ်. “ပှၤလၢအလဲၤတၢ်ဒီးပှၤကူၣ်တၢ်သ့န့ၣ် ကကဲထီၣ်ပှၤကူၣ်တၢ်သ့လီၤ.”—ကတိၤဒိ ၁၃:၂၀.
ထီၣ်တၢ်အိၣ်ဖှိၣ်ရိဖှိၣ်လၢ ယွၤအဘီမုၢ်ဘျီၣ်ဒိၣ်န့ၣ်တက့ၢ်. “မ်ပကွၢ်လိာ်ပသးတဂၤဒီးတဂၤ ဒ်သိးပကသဆၣ်ထီၣ်လိာ်ပခံ ဆူတၢ်အဲၣ်တၢ်ကွံ ဒီးတၢ်မၤဂ့ၤတၢ်န့ၣ်တက့ၢ်.”—ဧ့ၤဘြံၤ ၁၀:၂၄, ၂၅.
ဆီၣ်ထွဲမၤစၢၤယွၤအဘီအမုၢ်အတၢ်တၢ်မၤတက့ၢ်. ‘ပှၤတဂၤဘၣ်တဂၤ ကြၢးဟ့ၣ်တၢ်ဒ်အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ် လၢတၢ်သ့ၣ်ညါအမူဒါအဃိဘၣ်န့ၣ်လီၤ. အဂ့ၢ်ဒ်အံၤ ယွၤအဲၣ်ပှၤတဂၤလၢ အဟ့ၣ်တၢ်လၢတၢ်သးခုအပူၤန့ၣ်လီၤ.’—၂ ကရံၣ်သူး ၉:၇, ခ့ခါစှီၤကျိာ်.
