ဃုကျဲလၢ ကမၤဘၣ်ဂီၢ်ထီၣ်က့ၤ တၢ်ဂ့ၢ်ကီဒီးပှၤဂၤ
ဖဲပှၤတဂၤဂၤ မၤသးထီၣ်ပှၤအခါ ဘၣ်မနုၤအဃိ ပတဘၣ်သးထီၣ်အီၤ ဒီးဟံးဃာ် အတၢ်ကမၣ်လဲၣ်.
ကတိၤ ၂၀:၂၂; ၂၄:၂၉; ရိ ၁၂:၁၇, ၁၈; ယၤ ၁:၁၉, ၂၀; ၁ ပ့း ၃:၈, ၉
-
တၢ်အဒိအတဲာ်လၢ လံာ်စီဆှံပူၤ–
-
၁ မူၤ ၂၅:၉-၁၃, ၂၃-၃၅—စီၤနၤဘလး တဲအၢတဲသီ စီၤဒၤဝံးဒီးအပှၤတဖၣ် ဒီးတဟ့ၣ်လီၤဝဲ တၢ်လၢစီၤဒၤဝံး လိၣ်ဘၣ်ဝဲတဖၣ်ဘၣ်. အဃိ စီၤဒၤဝံး ဆၢတဲာ်လီၤအသးလၢ အကမၤသံဝဲ စီၤနၤဘလး ဒီးအခ့အပှၤပိာ်ခွါတဖၣ်. ဘၣ်ဆၣ် နီၢ်အဘံၤကါယံးလး ဃ့ကညးဝဲ စီၤဒၤဝံး ဒ်သိးစီၤဒၤဝံး တမၤဘၣ်တၢ်ကမၣ်တဂ့ၤအဂီၢ်.
-
ကတိၤ ၂၄:၁၇-၂၀—စီၤပၤၡလိၤမိၤ တဲဘၣ်ပှၤဂီၢ်မုၢ်တဖၣ်လၢ ဖဲပဒုၣ်ပဒါ ဘၣ်ကီဘၣ်ခဲအခါ ယဟိဝၤယွၤ တအဲၣ်ဒိးဝဲလၢ ပကသးခုဘၣ် ဒီးပနာ်လၢ ယဟိဝၤယွၤ ကစံၣ်ညီၣ်ဝဲ ပှၤအၢပှၤသီတဖၣ်.
-
ခရံာ်ဖိတဂၤ အသးမ့ၢ်တလီၤပလိာ်ဒီး ပှၤတဂၤဂၤန့ၣ် အကြၢးဟးဆှဲးတဲတၢ်ဒီး ပှၤတဂၤန့ၣ် ဒီးဟံးဃာ်အတၢ်ကမၣ်ဧါ.
၃ မိၤ ၁၉:၁၇, ၁၈; ၁ ကရံၣ် ၁၃:၄, ၅; အ့း ၄:၂၆
-
တၢ်အဒိအတဲာ်လၢ လံာ်စီဆှံပူၤ–
-
မး ၅:၂၃, ၂၄—ယ့ၣ်ၡူးတဲဝဲလၢ ပကဘၣ်မၤတၢ်ကိးမံၤဒဲး လၢပမၤအီၤသ့ ဒ်သိး ပကဒုးအိၣ်ထီၣ် တၢ်ဃူတၢ်ဖိးလၢ ဒီပုၢ်ဝဲၢ်လၢ အသးထီၣ်ပှၤ.
-
ပှၤတဂၤဂၤ မ့ၢ်မၤသးအုးဘၣ်ပသးန့ၣ် ပကဘၣ်မၤဒ်လဲၣ်.
ပှၤမ့ၢ်မၤကမၣ်ဘၣ်ပှၤ တဘျီဝံၤတဘျီ ဘၣ်ဆၣ် အမ့ၢ်ပီၢ်ယၢ်လီၤက့ၤအသးနီၢ်ကီၢ်န့ၣ် ဘၣ်မနုၤအဃိ ပကဘၣ်ပျၢ်ဒံး အတၢ်ကမၣ်လဲၣ်.
ပဒီပုၢ်ဝဲၢ်မုၣ်ခွါတဂၤဂၤ မ့ၢ်မၤကမၣ်ဘၣ်ပှၤဖးဒိၣ်န့ၣ် တမ့ၢ်လၢ ပကကွၢ်ကပာ်ကွံာ် အတၢ်ကမၣ်ညီညီဖိဘၣ်. အဒိ အမ့ၢ်တဲဟးဂီၤပဂ့ၢ် ဒီးလံၣ်အီၣ်ပှၤန့ၣ် မတဂၤ ကဘၣ်လဲၤတဲတၢ်ဒီးအီၤလဲၣ် ဒီးဘၣ်မနုၤအဃိလဲၣ်.
ဖဲပလဲၤတဲတၢ်ဒီး ပှၤလၢအတဲဟးဂီၤပဂ့ၢ် ဒီးလံၣ်အီၣ်ပှၤ ထဲခံဂၤအခါ အမ့ၢ်တပီၢ်ယၢ်လီၤက့ၤအသးဘၣ်န့ၣ် ပကဘၣ်မၤဒ်လဲၣ်.
တၢ်ဂ့ၤအဂၤလၢ နကဘၣ်သး
တၢ်သံကွၢ်တဖၣ်လၢ အတၢ်စံးဆၢအိၣ်လၢ လံာ်စီဆှံပူၤ
ဘၣ်ဃးဒီးတၢ်ဟ့ၣ်ကၣ်က့ၤတၢ်န့ၣ် လံာ်စီဆှံတဲဝဲဒ်လဲၣ်.
လံာ်စီဆှံန့ၣ် အိၣ်ဒီးတၢ်ဟ့ၣ်ကူၣ်အါမးလၢ ကမၤစၢၤပှၤ ဒ်သိးပတဟ့ၣ်ကၣ်က့ၤတၢ်တဂ့ၤအဂီၢ်လီၤ.
ကွၢ်လိမၤဒိးအဝဲသ့ၣ်အတၢ်နာ်
နီၢ်အဘံၤကါယံးလး—အဝဲ ဆၢတဲာ်တၢ်လၢ တၢ်ကူၣ်သ့အပူၤ
နီၢ်အဘံၤကါယံးလး ဘၣ်သဂၢၢ်ဒီးတၢ်ကီတၢ်ခဲလၢ အတၢ်ဆီဟံၣ်ဆီဃီအပူၤန့ၣ် ပဒိးန့ၢ်ဘၣ်တၢ်မၤလိဒ်လဲၣ်.
ဘၣ်ဃးဒီးပှၤ
တီၣ်ထီၣ်တၢ်ဂ့ၢ် လၢပှၤကလဲၤအိၣ်သကိးနၤအဂီၢ်
တဲသကိး လံာ်စီဆှံ မ့တမ့ၢ် ဃုသ့ၣ်ညါအါထီၣ် ယဟိဝၤပှၤအုၣ်အသးအဂ့ၢ်.
