တၢ်ဃ့ထုကဖၣ်
ယဟိဝၤယွၤ ဒိကနၣ်ပတၢ်ထုကဖၣ် ဒီးစံးဆၢ ပ
တၢ်ထုကဖၣ်န့ၣ် ပသ့ၣ်ညါဘၣ်ဒ်လဲၣ်.ကွၢ်စ့ၢ်ကီး စံး ၆၆:၁၉; မၤတၢ် ၁၀:၃၁; ဧ့ၤ ၅:၇
-
တၢ်အဒိအတဲာ်လၢ လံာ်စီဆှံပူၤ–
-
၁ စီၤပၤ ၁၈:၃၆-၃၈—ဖဲဝံအ့ၤလံယၤ ထီဒါလိာ်သးဒီး ဘဧၤလးအဝံတဖၣ် လၢကစၢၢ်ကၢ်မ့ၤလးအခါ ယဟိဝၤယွၤ စံးဆၢဝံအ့ၤလံယၤ အတၢ်ထုကဖၣ် လၢအဆိအချ့.
-
မး ၇:၇-၁၁—ယ့ၣ်ၡူးဟ့ၣ်ဂံၢ်ဟ့ၣ်ဘါပှၤလၢ ပကဆဲးဃ့ထုကဖၣ်တၢ်ထီဘိ. ဒီးအတဲဝဲလၢ ယဟိဝၤယွၤ လီၤဂာ်ဒီး ပါလၢအအိၣ်ဒီးတၢ်အဲၣ်တၢ်ကွံ အဃိ အကဒိကနၣ် ပတၢ်ထုကဖၣ်.
-
ခရံာ်ဖိတဖၣ် ကြၢးဃ့ထုကဖၣ်တၢ်ထဲလၢ မတဂၤအအိၣ်လဲၣ်.
ဖဲပဃ့ထုကဖၣ်တၢ်အခါ ပကဘၣ်ဃ့ ခီဖျိလၢ မတဂၤအမံၤလဲၣ်.
ယဟိဝၤယွၤ ဒိကနၣ် မတၤသ့ၣ်တဖၣ် အတၢ်ထုကဖၣ်လဲၣ်.
ယဟိဝၤယွၤ တဒိကနၣ် မတၤသ့ၣ်တဖၣ် အတၢ်ထုကဖၣ်လဲၣ်.
ကတိၤ ၁၅:၂၉; ၂၈:၉; ၡါ ၁:၁၅; မံ ၃:၄; ယၤ ၄:၃; ၁ ပ့း ၃:၇
-
တၢ်အဒိအတဲာ်လၢ လံာ်စီဆှံပူၤ–
-
ၡူ ၂၄:၉, ၁၀—စီၤဘံးလၣ် အတၢ်ဃ့န့ၣ် ထီဒါလိာ်သးဒီး ယဟိဝၤယွၤ အတၢ်ဘၣ်သးအဃိ ယဟိဝၤယွၤ တဒိကနၣ် အတၢ်ထုကဖၣ်ဘၣ်.
-
ၡါ ၁:၁၅-၁၇—ယဟိဝၤယွၤ အပှၤဂီၢ်မုၢ်တဖၣ် တမၤတၢ်တီတီလိၤလိၤဘၣ် ဒီးအဝဲသ့ၣ်အစုပှဲၤဒီး တၢ်သွံၣ်အဃိ ယဟိဝၤယွၤ တဒိကနၣ်အဝဲသ့ၣ် အတၢ်ထုကဖၣ်ဘၣ်.
-
ပမၤကတၢၢ် ပတၢ်ထုကဖၣ်ဒ်လဲၣ် ဒီးဘၣ်မနုၤအဃိလဲၣ်.
ဖဲပဃ့ထုကဖၣ်တၢ်အခါ ပကဘၣ်အိၣ်ဒ်လဲၣ်.
၁ စီၤပၤ ၈:၅၄; မၢ် ၁၁:၂၅; လူၤ ၂၂:၃၉, ၄၁; ယိၤ ၁၁:၄၁
ကွၢ်စ့ၢ်ကီး နါ ၂:၁
ဖဲယဟိဝၤယွၤ အပှၤဂီၢ်မုၢ်တဖၣ် အိၣ်ဖှိၣ်ရိဖှိၣ်လၢ ကဘူၣ်ထီၣ်ဘါထီၣ် ယဟိဝၤယွၤအခါ အဝဲသ့ၣ် ဃ့မနုၤသ့လဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
၁ ကွဲး ၂၉:၁၀-၁၉—ဖဲပှၤအံၣ်စရ့လးဖိတဖၣ် ဟ့ၣ်လီၤတၢ်ဟ့ၣ် လၢ ပှၤကတ့ထီၣ် တၢ်လုၢ်ဟံၣ်အဂီၢ်အခါ စီၤပၤဒၤဝံး ဃ့ထုကဖၣ်လၢ အဝဲသ့ၣ်မဲာ်ညါ.
-
မၤတၢ် ၁:၁၂-၁၄—ယ့ၣ်ၡူးအဒီပုၢ်ဝဲၢ်ခွါတဖၣ်, အမိနီၢ်မၤရံ ဒီးပိာ်မုၣ်တနီၤလၢ အအိၣ်ဒီးတၢ်သးတီန့ၣ် အဝဲသ့ၣ်အိၣ်ဝဲလၢ ယရူၤၡလ့ၣ်အပူၤ လၢဒၢးတဖျၢၣ်လၢ ဟံၣ်ဖီခိၣ်တတီၤ ဒီးဃ့ထုကဖၣ်တၢ်တပူၤဃီ.
-
ဖဲပဃ့ထုကဖၣ်အခါ ဘၣ်မနုၤအဃိ ပတဘၣ် တဲဂ့ၤလီၤပနီၢ်ကစၢ်သး ဒီးပတဘၣ်မၤဒ်သိး ပှၤဂၤကပာ်သူၣ်ပာ်သးပှၤဘၣ်လဲၣ်.
တချုးလၢ ပအီၣ်တၢ်အခါန့ၣ် ဘၣ်မနုၤအဃိ ပဃ့ထုကဖၣ်လဲၣ်.
ဘၣ်မနုၤအဃိ ပကဘၣ် ဆဲးဃ့ထုကဖၣ်လၢ ပပါလၢမူခိၣ်အအိၣ် ထီဘိလဲၣ်.
ရိ ၁၂:၁၂; အ့း ၆:၁၈; ၁ သ့း ၅:၁၇; ၁ ပ့း ၄:၇
-
တၢ်အဒိအတဲာ်လၢ လံာ်စီဆှံပူၤ–
-
ဒၤ ၆:၆-၁၀—စီၤဒၤနံးယ့လး မ့ၢ်ဘၣ်သံလၢ အဃ့ဘါထုကဖၣ်လၢ ယဟိဝၤယွၤ အအိၣ်သနာ်က့ အတပျံၤတၢ်ဘၣ် ဒီးဆဲးဃ့ထုကဖၣ်ပျီပျီ.
-
လူၤ ၁၈:၁-၈—ယ့ၣ်ၡူးသူဝဲ တၢ်အဒိတခါလၢ ဘၣ်ဃးဒီး စံၣ်ညီၣ်ကွီၢ်တဂၤလၢ အတပျံၤ ကစၢ်ယွၤဘၣ်န့ၣ် အဝဲစံၣ်ညီၣ်န့ၢ်တၢ်လၢ မုၣ်ကမဲတဂၤအဂီၢ် တီတီလိၤလိၤ. အဃိ ယ့ၣ်ၡူးအဲၣ်ဒိး ပာ်ဖျါထီၣ်ဝဲလၢ ယဟိဝၤယွၤန့ၣ် အတီအလိၤအဃိ ပမ့ၢ်ဆဲးဃ့တၢ်လၢ အအိၣ်န့ၣ် အကမၤစၢၤပှၤ.
-
ပမ့ၢ်အဲၣ်ဒိးလၢ ယဟိဝၤယွၤ ကဒိကနၣ် ပတၢ်ထုကဖၣ် ဒီးပျၢ်ကွံာ်ပတၢ်ကမၣ်န့ၣ် ပကဘၣ်အိၣ်ဒီး တၢ်ပာ်သူၣ်ပာ်သးဒ်လဲၣ်.
-
တၢ်အဒိအတဲာ်လၢ လံာ်စီဆှံပူၤ–
-
၂ စီၤပၤ ၂၂:၁၁-၁၃, ၁၈-၂၀—စီၤပၤယိၤၡံယၤ ဆီၣ်လီၤအသး ဒီးမၤတၢ်လၢအဘၣ် ယဟိဝၤယွၤ အသးအဃိ ယဟိဝၤယွၤ ပာ်ဖျါထီၣ်တၢ်သးကညီၤ ဒီးတၢ်သူၣ်ဂ့ၤသးဝါ လၢအဖီခိၣ်.
-
၂ ကွဲး ၃၃:၁၀-၁၃—စီၤပၤမနၤၡ့ၤ ဆီၣ်လီၤအသး ဒီးဃ့ကညးဝဲလၢ ယဟိဝၤယွၤ ကပျၢ်ကွံာ်အတၢ်ကမၣ်. ဒီးယဟိဝၤယွၤ ပျၢ်ကွံာ်အတၢ်ကမၣ် ဒီးပာ်ထီၣ်က့ၤအီၤလၢစီၤပၤ.
-
ပမ့ၢ်အဲၣ်ဒိးလၢ ယဟိဝၤယွၤ ပျၢ်ကွံာ်ပတၢ်ကမၣ်န့ၣ် ပကဘၣ်မၤဒ်လဲၣ်.
လၢပတၢ်ထုကဖၣ်အပူၤ ပပာ်ဖျါထီၣ်လၢ ပဆီၣ်ထွဲ ကစၢ်ယွၤ အတၢ်ဘၣ်သးကသ့ဒ်လဲၣ်.
ဘၣ်မနုၤအဃိ ပဃ့ထုကဖၣ်တၢ်န့ၣ် ပာ်ဖျါထီၣ်လၢ
ပနာ်န့ၢ် ပပါအိၣ်လၢမူခိၣ်လဲၣ်.ပဃ့ထုကဖၣ်လၢ တၢ်မနုၤအဂီၢ် သ့လဲၣ်.
ကစၢ်ယွၤအမံၤ ကဘၣ်တၢ်ပာ်စီဆှံအီၤ
ကစၢ်ယွၤအဘီအမုၢ် ကပၢတၢ်လၢ ဟီၣ်ခိၣ်ဒီဘ့ၣ်
ယဟိဝၤယွၤ အတၢ်ဘၣ်သး ကဟဲလၢပှဲၤထီၣ်အဂီၢ်
ဃ့လၢယဟိဝၤယွၤ ကမၤလၢပှဲၤ တၢ်လၢပလိၣ်ဘၣ်တဖၣ်
ဃ့လၢပတၢ်ဒဲးဘး ကပျၢ်ကွံာ်
ဃ့ယဟိဝၤယွၤ လၢအကမၤစၢၤပှၤ ဒ်သိးပတမၤဘၣ် တၢ်ကမၣ်တဂ့ၤအဂီၢ်
တၢ်စံးဘျုးစံးဖှိၣ်က့ၤတၢ်
ဃ့ယဟိဝၤယွၤ အတၢ်ကူၣ်သ့ ဒီးအတၢ်သ့ၣ်ညါနၢ်ပၢၢ်
ကွၢ်စ့ၢ်ကီး စံး ၁၁၉:၃၄
-
တၢ်အဒိအတဲာ်လၢ လံာ်စီဆှံပူၤ–
-
၁ စီၤပၤ ၃:၁၁, ၁၂—စီၤပၤၡလိၤမိၤ ဃ့ဝဲလၢ ယဟိဝၤယွၤ ကဟ့ၣ်အီၤတၢ်ကူၣ်သ့. ဒီးယဟိဝၤယွၤ ဘၣ်သူၣ်ဘၣ်သးဝဲ အတၢ်ဃ့အဃိ ယဟိဝၤယွၤ ဟ့ၣ်အီၤတၢ်ကူၣ်သ့ ဒီးတၢ်သ့ၣ်ညါနၢ်ပၢၢ်အါမး.
-
ဃ့သးစီဆှံအတၢ်မၤစၢၤ
ပဃ့ထုကဖၣ်တၢ်လၢ ပဒီပုၢ်ဝဲၢ်မုၣ်ခွါတဖၣ်အဂီၢ် ဒီးပဒီပုၢ်ဝဲၢ်လၢ အတူၢ်ဘၣ် တၢ်မၤနးမၤဖှီၣ်တဖၣ်အဂီၢ် သ့ဝဲ
မၤတၢ် ၁၂:၅; ရိ ၁၅:၃၀, ၃၁; ယၤ ၅:၁၆
ကွၢ်စ့ၢ်ကီး ကလီး ၄:၁၂; ၂ တံၤ ၁:၃
ပာ်ဖျါထီၣ် တၢ်စံးထီၣ်ပတြၢၤ ယဟိဝၤယွၤ
-
တၢ်အဒိအတဲာ်လၢ လံာ်စီဆှံပူၤ–
-
လူၤ ၁၀:၂၁—ပှၤလၢအဆီၣ်လီၤအသး ဒ်ဖိသၣ်အသိးန့ၣ် ယဟိဝၤယွၤ ပာ်ဖျါထီၣ်န့ၢ်အဝဲသ့ၣ် လၢတၢ်မ့ၢ်တၢ်တီ. အဃိ ယ့ၣ်ၡူးစံးပတြၢၤဝဲ အပၢ်ယဟိဝၤယွၤ.
-
လီၣ် ၄:၉-၁၁—ယဟိဝၤယွၤန့ၣ် အကြၢးဒီးတၢ်လၤတၢ်ကပီၤအဃိ မူခိၣ်ကလူးတဖၣ် မၤလၤကပီၤအီၤ.
-
ပဃ့လၢ ပှၤလၢအအိၣ်ဒီး တၢ်စိတၢ်ကမီၤတဖၣ် ကဟ့ၣ်ပှၤအခွဲးလၢ ပကဘူၣ်ထီၣ်ဘါထီၣ်ဘၣ် ယဟိဝၤယွၤ မုာ်မုာ်ခုၣ်ခုၣ် ဒီးကစံၣ်တဲၤတဲလီၤဘၣ်တၢ်အဂီၢ်.
ကွၢ်စ့ၢ်ကီး ယံး ၂၉:၇
ဖဲပကဒိးဘျၢထံအခါ ပမ့ၢ်ဃ့ထုကဖၣ်တၢ်န့ၣ် မ့ၢ်အကြၢးဝဲဘၣ်ဝဲဧါ.
ပဃ့ထုကဖၣ်န့ၢ်တၢ်လၢ ပှၤလၢအနီၢ်သးလီၤစၢ်ဝဲအဂီၢ်န့ၣ် မ့ၢ်အကြၢးဝဲဘၣ်ဝဲဧါ.
ဖဲဒီပုၢ်ဝဲၢ်ခွါတဖၣ် ဃ့ထုကဖၣ်အခါ ဘၣ်မနုၤအဃိ အတဖၢၣ်ဘၢအခိၣ်ဘၣ်လဲၣ်. ဒီးတဘျီတခီၣ် ဖဲဒီပုၢ်ဝဲၢ်မုၣ်တဖၣ် ဃ့ထုကဖၣ်အခါ ဘၣ်မနုၤအဃိ အဖၢၣ်ဘၢ အခိၣ်လဲၣ်.
ဖဲပဃ့ထုကဖၣ်တၢ်အခါ ပမ့ၢ်ဃ့အီၤဖးထီ ဒီးမဲာ်ထံမဲာ်နိမၣ် ကစၢ်ယွၤ ကဒိကနၣ် ပတၢ်ထုကဖၣ်ဧါ.
-
တၢ်အဒိအတဲာ်လၢ လံာ်စီဆှံပူၤ–
-
၁ စီၤပၤ ၁၈:၂၅-၂၉, ၃၆-၃၉—ဝံအ့ၤလံယၤ တဲဆဲးအဲး ဘဧၤလး အဝံတဖၣ် အဃိ ဘဧၤလး အဝံတဖၣ် ဃ့ထုကဖၣ်တၢ် ဒီးအဝဲသ့ၣ် ကိးထီၣ်အကစၢ်ယွၤ ဘဧၤလး လၢအနၣ်ရံၣ်တဖၣ် တုၤလီၤလၢ ဟါခီသနာ်က့ ဘဧၤလး တစံးဆၢအဝဲသ့ၣ်ဘၣ်.
-
မၤတၢ် ၁၉:၃၂-၄၁—ပှၤဘူၣ်ထီၣ်ဘါထီၣ် တၢ်ဂီၤတၢ်ဖှီၣ်လၢ ဝ့ၢ်အ့းဖ့းစူးအပူၤန့ၣ် ကိးပသူထီၣ်ဝဲ ကစၢ်မုၣ် နီၢ်အၢ်တ့းမံၤ အမံၤခံနၣ်ရံၣ်ညါ ဘၣ်ဆၣ် တၢ်တကဲထီၣ် နီတမံၤဘၣ်. တကးဒံးဘၣ် ပှၤဘၣ်မူဘၣ်ဒါတဂၤ ဒူအဝဲသ့ၣ်.
-