တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂၄:၁-၄, ၇—စီၤအၤဘြၤဟၣ် ဃုန့ၢ်အဖိခွါ စီၤအံၤစဲးအမါဒီး ပှၤလၢအဘူၣ်ထီၣ်ဘါထီၣ် ယဟိဝၤယွၤ. အတဃုန့ၢ် အဖိခွါအမါဒီး ပှၤကနၤဧၣ်မုၣ် လၢအဘူၣ်ထီၣ်ဘါထီၣ် ယွၤလၢအဂၤတဖၣ်ဘၣ်.

• ၁ မိၤ ၂၈:၁-၄—စီၤအံၤစဲး တဲဘၣ်အဖိခွါ စီၤယၤကိာ် လၢအတဘၣ်ဟံန့ၢ်အမါဒီး ပှၤကနၤဧၣ်မုၣ်ဘၣ်. အဝဲမၢအဖိခွါ ဟံန့ၢ်အမါဒီး ပှၤလၢအဘူၣ်ထီၣ်ဘါထီၣ် ကစၢ်ယွၤ.

တၢ်အဒိအတဲာ်လၢ လံာ်စီဆှံပူၤ–

• ၁ စီၤပၤ ၁၁:၁-၆, ၉-၁၁—စီၤၡလိၤမိၤ တမၤထွဲ ယဟိဝၤယွၤ အတၢ်သိၣ်တၢ်သီ ခီဖျိအဆီဟံၣ်ဆီဃီဒီး ပှၤထံဂၤကီၢ်ဂၤဖိ. ဒီးအမါတဖၣ် ကွဲန့ၢ်လွဲန့ၢ်အီၤ ဒီးအဝဲဘူၣ်ထီၣ်ဘါထီၣ်ဝဲ ယွၤလၢအဂၤတဖၣ်အဃိ ယဟိဝၤယွၤ သးထီၣ်အီၤဒိၣ်မး.

• ဃ့ ၁၃:၂၃-၂၇—ဒ်ယဟိဝၤယွၤအသိး ပဒိၣ်စီၤနဃ့မယၤ သးပှံၢ်ထီၣ်ဝဲ ပှၤအံၣ်စရ့လးခွါတဖၣ် ခီဖျိလၢ အဝဲသ့ၣ်ဆီဟံၣ်ဆီဃီဒီး ပှၤထံဂၤကီၢ်ဂၤဖိတဖၣ် လၢအတဘူၣ်ထီၣ်ဘါထီၣ် ယဟိဝၤယွၤဘၣ်. အဃိ စီၤနဃ့မယၤ သိၣ်က့ၤသီက့ၤအဝဲသ့ၣ် ဒီးဘှီဘၣ်ထီၣ်က့ၤ အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၂၅:၂, ၃, ၁၄-၁၇—စီၤနၤဘလး မ့ၢ်ပှၤလၢအကဲဒိၣ်ဒိၣ်မး ဘၣ်ဆၣ် အမ့ၢ်ပှၤလၢ အဆူၣ်အကိၤ ဒီးအလုၢ်အလၢ်သကဲာ်ပဝး တဂ့ၤဘၣ်. အဃိ အတမ့ၢ်ဝၤအဂ့ၤတဂၤလၢ နီၢ်အဘံၤကါယံးလး အဂီၢ်ဘၣ်.

•  ကတိၤ ၂၁:၉—ပတၢ်ဃုထၢမ့ၢ်ကမၣ်န့ၣ် ပကထံၣ်ဘၣ်ဒီး တၢ်ဂ့ၢ်ကီလၢ ပတၢ်ဆီဟံၣ်ဆီဃီအပူၤ ဒီးပတအိၣ်ဒီးတၢ်သးခုလၢၤဘၣ်.

• ရိ ၇:၂—တၢ်မၢဖိပီလူး တဲဝဲလၢ ဖဲပိာ်မုၣ်တဂၤ ဖျီအသးဝံၤအခါ အကဘၣ်အိၣ်လၢ အဝၤလၢအတလၢတပှဲၤဘၣ်တဂၤ အတၢ်ဟံးစုနဲၣ်ကျဲအဖီလာ်. အဃိ ပိာ်မုၣ်လၢအကူၣ်တၢ်သ့တဂၤန့ၣ် ဖဲအကဃုထၢ အသးသမူတံၤသကိးအခါ အကဘၣ် ဆိကမိၣ်ထံဝဲ လီၤတံၢ်လီၤဆဲး.

တၢ်အဒိအတဲာ်လၢ လံာ်စီဆှံပူၤ–

• ကတိၤ ၂၄:၂၇—တချုးလၢ ပိာ်ခွါတဂၤ ဆီဟံၣ်ဆီဃီ ဒီးအဖိအိၣ်ဒံးဘၣ်န့ၣ် အကဘၣ် ဖံးတၢ်မၤတၢ်ဆူၣ်ဆူၣ် ဒီးကအိၣ်ကတဲာ်ကတီၤအသးလၢ အဟံၣ်ဖိဃီဖိအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ရူၤ ၂:၄-၇, ၁၀-၁၂—စီၤဘိၤဧး နၢ်ဟူဘၣ်ဝဲ နီၢ်ရူၤသး အကစီၣ်လၢအဂ့ၤ တကးဒံးဘၣ် စီၤဘိၤဧး ထံၣ်ဘၣ်ဝဲလၢ နီၢ်ရူၤသး မ့ၢ်ပိာ်မုၣ်လၢ အသူၣ်ဂ့ၤသးဝါ, အခုဖံးခုမၤ ဒီးအကွၢ်ထွဲ နီၢ်နၤဧမံဂ့ၤဂ့ၤ ဒီးအအဲၣ် ယဟိဝၤယွၤ ဒိၣ်မး.

• ရူၤ ၂:၈, ၉, ၂၀—နီၢ်ရူၤသး ထံၣ်ဘၣ်ဝဲလၢ စီၤဘိၤဧး မ့ၢ်ပှၤလၢအသူၣ်ဂ့ၤသးဝါ, အဟ့ၣ်တၢ်ညီ ဒီးအအဲၣ် ယဟိဝၤယွၤ ဒိၣ်မး.

တၢ်အဒိအတဲာ်လၢ လံာ်စီဆှံပူၤ–

• ကတိၤ ၅:၁၈, ၁၉—တၢ်ပာ်ဖျါထီၣ် တၢ်အဲၣ်တၢ်ကွံ အကျဲတနီၤန့ၣ် ပှၤပာ်ဖျါအီၤ သ့ထဲဒၣ်လၢ ပှၤဒီမိၢ်ဝၤခံဂၤ အဖီခိၣ်လီၤ.

• တၢ် ၁:၂; ၂:၆—တချုးလၢ ပှၤကွၢ်သိဖိ ဒီးပှၤၡူလမးမုၣ်ဖိ ဖျီသးဒံးဘၣ်အခါ အဝဲသ့ၣ် ပာ်ဖျါထီၣ် တၢ်အဲၣ်လၢအကဆှီ လၢတဂၤဒီးတဂၤအဖီခိၣ်.

• တၢ် ၄:၁၂; ၈:၈-၁၀—ပှၤၡူလမးမုၣ်ဖိန့ၣ် တၢ်ထိၣ်သတြီၤအီၤဒ် ကရၢၢ်လၢ တၢ်ကးတံာ်ဃာ်အီၤ မ့ၢ်လၢအအိၣ်ကဆှီဒီး အအိၣ်ဒီး တၢ်ကီၤသူၣ်ကီၤသးအဃိ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂၁:၈-၁၂—စီၤအၤဘြၤဟၣ် မ့ၢ်တဘၣ်သူၣ်ဘၣ်သး အမါနီၢ်စၤရါ အတၢ်ဟ့ၣ်ကူၣ်ဘၣ်ဆၣ် ယဟိဝၤယွၤ မၢအီၤလၢ အကဒိကနၣ် နီၢ်စၤရါအကလုၢ်.

• ကတိၤ ၃၁:၁၀, ၁၁, ၁၆, ၂၈—လံာ်စီဆှံ ပာ်ဖျါထီၣ်ဝဲလၢ ဝၤလၢအကူၣ်တၢ်သ့တဂၤ န့ၢ်ဘၣ်အမါလၢ အဂ့ၤတဂၤ. ဒီးဝၤတဂၤန့ၣ် တဖီၣ်ဃံးအမါဘၣ် ဒီးတဃုထံၣ်အမါ အတၢ်ကမၣ်ဘၣ်. အဝဲနာ်န့ၢ်အမါ ဒီးပတြၢၤဝဲအမါ.

• အ့း ၅:၃၃—တၢ်မၢဖိပီလူး ပာ်ဖျါထီၣ်ဝဲလၢ မါန့ၣ်ကဘၣ်တူၢ်ဘၣ်ဝဲလၢ အဝၤအဲၣ်အီၤ.

တၢ်အဒိအတဲာ်လၢ လံာ်စီဆှံပူၤ–

• ကတိၤ ၁:၈; ၁ ကရံၣ် ၇:၄—မါဒီးမိၢ်တဖၣ် အိၣ်ဒီးတၢ်စိတၢ်ကမီၤတနီၤ လၢအဟံၣ်ပူၤဃီပူၤ.

• ၁ ကရံၣ် ၁၁:၃—တၢ်မၢဖိပီလူး ပာ်ဖျါထီၣ်ဝဲ ဘၣ်ဃးဒီး တၢ်တီခိၣ်ရိၤမဲ အတၢ်ရဲၣ်တၢ်ကျဲၤ. ဘၣ်ဆၣ် ထဲဒၣ်ယဟိဝၤယွၤတဂၤန့ၣ် အတအိၣ်လၢ ပှၤဂၤအတၢ်တီခိၣ်ရိၤမဲ အဖီလာ်ဘၣ်.

• ဧ့ၤ ၁၃:၇, ၁၇—လၢတၢ်အိၣ်ဖှိၣ်အပူၤန့ၣ် ပိာ်မုၣ်မ့ၢ်ဂ့ၤ ပိာ်ခွါမ့ၢ်ဂ့ၤ အဝဲသ့ၣ် ကဘၣ်ဒိးပၢအသး ဒီးဒိကနၣ်ဝဲ ပှၤလၢအတီခိၣ်ရိၤမဲတၢ်တဖၣ် အကလုၢ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၁၈:၁၂; ၁ ပ့း ၃:၅, ၆—နီၢ်စၤရါ ပာ်ကဲအဝၤ စီၤအၤဘြၤဟၣ်ဒိၣ်မး ဒီးကိးအီၤလၢ “ကစၢ်.”

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂၄:၆၂-၆၇—စီၤအံၤစဲးသးအုး ခီဖျိလၢ အမိသံသဒၣ်အီၤအဃိ. ဘၣ်ဆၣ် အမါနီၢ်ရံးဘကၤ မၤမုာ်ထီၣ်က့ၤအသး.

• ၁ မူၤ ၂၅:၁၄-၂၄, ၃၂-၃၈—နီၢ်အဘံၤကါယံးလး ဒီသဒၢဝဲအဝၤလၢ အအၢအသီတဂၤအံၤ ဒီးအပှၤဟံၣ်ဖိတဖၣ် ခီဖျိ အဃ့ကညးဝဲ စီၤဒၤဝံး လၢတၢ်ဆီၣ်လီၤသးအပူၤ.

•  အ့ၤ ၄:၆-၁၇; ၅:၁-၈; ၇:၁-၆; ၈:၃-၆—နီၢ်ပၤမုၣ်အ့ၤစတၢ်န့ၣ် အဝၤတဟ့ၣ်လီၤတၢ်ကလုၢ်လၢ အကဟဲထံၣ်အီၤဘၣ်. ဘၣ်ဆၣ် ဒ်သိးကဒီသဒၢဝဲ ကစၢ်ယွၤအပှၤဂီၢ်မုၢ်အဂီၢ် နီၢ်အ့ၤစတၢ် ဟ့ၣ်လီၤအသး ဒီးလဲၤထံၣ်လိာ်အသးဒီးအဝၤ ခံဘျီညါ.