တၢ်အဒိအတဲာ်လၢ လံာ်စီဆှံပူၤ–

• ၂ ပ့း ၂:၅; ၁ မိၤ ၇:၂၃; မး ၂၄:၃၇-၃၉—စီၤနိအၤ “မ့ၢ်ပှၤစံၣ်တဲၤတဲလီၤ တၢ်တီတၢ်လိၤအဂ့ၢ်တဂၤ” ဘၣ်ဆၣ် ပှၤအါတက့ၢ်န့ၣ် တဒိကနၣ်အီၤဘၣ်. အဃိ ပှၤလၢအပူၤဖျဲးလၢ ထံလုၢ်ဘၢတၢ်န့ၣ် မ့ၢ်ထဲစီၤနိအၤ အဟံၣ်ဖိဃီဖိတဒူၣ်.

• ၂ တံၤ ၃:၁၀-၁၄—တၢ်မၢဖိပီလူး တဲပၠးဝဲ စီၤတံၤမသ့းလၢ အနီၢ်ကစၢ် အတၢ်လဲၤခီဖျိအဂ့ၢ် ဒ်သိး စီၤတံၤမသ့း ကအိၣ်ဒီး တၢ်တူၢ်န့ၢ်ခီၣ်ကဲအဂီၢ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၄:၃-၁၁; ၁ ယိၤ ၃:၁၁, ၁၂—စီၤကၤယံၣ် မ့ၢ်ပှၤအၢပှၤသီအဃိ အမၤသံအပုၢ် စီၤဟ့းဘ့းလး လၢအကဲ ပှၤတီပှၤလိၤ.

• ၁ မိၤ ၃၇:၅-၈, ၁၈-၂၈—ခီဖျိလၢ စီၤယိၤသး တဲပၠးဝဲ အတၢ်မံမီၢ်အဂ့ၢ်အဃိ အကၠီတဖၣ် ဖီၣ်န့ၢ်အီၤ ဒီးဆါလီၤအီၤ ဒ်ကုၢ်တဂၤအသိး.

တၢ်အဒိအတဲာ်လၢ လံာ်စီဆှံပူၤ–

• ဒၤ ၃:၁-၆, ၁၃-၁၈—စီၤၡၤဒရး, စီၤမ့ၤၡး ဒီးစီၤဧဘ့ၤဒနကိၤ မ့ၢ်ဘၣ်သံဘၣ်ဆၣ် အဝဲသ့ၣ် တဘူၣ်ထီၣ်ဘါထီၣ် တၢ်ဂီၤတၢ်ဖှီၣ်ဘၣ်.

• မၤတၢ် ၅:၂၇-၂၉, ၃၃, ၄၀-၄၂—တၢ်မၢဖိတဖၣ်န့ၣ် အသးသမူ တၢ်လီၤဘၣ်ယိၣ် အိၣ်ဝဲဘၣ်ဆၣ် အဝဲသ့ၣ် ဆဲးစံၣ်တဲၤတဲလီၤတၢ် ဒီးပာ်ဖျါထီၣ် တၢ်တူၢ်န့ၢ်ခီၣ်ကဲ.

တၢ်အဒိအတဲာ်လၢ လံာ်စီဆှံပူၤ–

• ၄ မိၤ ၂၀:၉-၁၂; ၅ မိၤ ၃:၂၃-၂၈; ၃၁:၇, ၈ —ဖဲယဟိဝၤယွၤ သိၣ်က့ၤသီက့ၤ စီၤမိၤၡ့ဝံၤအလီၢ်ခံ စီၤမိၤၡ့ အသးမ့ၢ်ဘၣ်ဒိဒၣ်လဲာ် အဆဲးတီဒီး ယဟိဝၤယွၤ တုၤလၢအကတၢၢ်.

•  ၂ စီၤပၤ ၂၀:၁၂-၁၈; ၂ ကွဲး ၃၂:၂၄-၂၆—စီၤပၤဃံးစကံယၤ မၤဘၣ်တၢ်ကမၣ် ဒီးဖဲယဟိဝၤယွၤ အဝံသိၣ်က့ၤသီက့ၤအီၤအခါ အတူၢ်လိာ်ဝဲလၢ တၢ်ဆီၣ်လီၤသးအပူၤ ဒီးအဆဲးတီဒီး ယဟိဝၤယွၤ.

တၢ်အဒိအတဲာ်လၢ လံာ်စီဆှံပူၤ–

• စံး ၇၃:၂-၂၄—ဖဲပှၤကွဲးထါစံးထီၣ်ပတြၢၤတဂၤ ထံၣ်ဘၣ်ဝဲလၢ ပှၤအၢပှၤသီတဖၣ် အိၣ်ဘၣ်မုာ်မုာ်ခုၣ်ခုၣ်အဃိ အဆိကမိၣ်ဘၣ်ဝဲလၢ အမ့ၢ်ဆဲးမၤ ယဟိဝၤယွၤ အတၢ်မၤနာ်က့ အဘျုးကအိၣ်ဧါ.

• ယိၤ ၆:၆၀-၆၂, ၆၆-၆၈—ပှၤအဂၤတဖၣ် မ့ၢ်တပိာ် ယ့ၣ်ၡူးအခံလၢၤဘၣ်သနာ်က့ တၢ်မၢဖိပ့းတရူး အိၣ်ဒီးတၢ်တူၢ်န့ၢ်ခီၣ်ကဲလၢ အကဆဲးပိာ် ယ့ၣ်ၡူးအခံ.

တၢ်အဒိအတဲာ်လၢ လံာ်စီဆှံပူၤ–

• ဒၤ ၆:၄-၁၁—တၢ်လီၤဘၣ်ယိၣ်အိၣ်လၢ ဝံဒၤနံးယ့လးအဂီၢ်ဘၣ်ဆၣ် အဝဲဆဲးဃ့ထုကဖၣ်တၢ်ပျီပျီ ဒီးဆဲးဃ့ထုကဖၣ်တၢ်လၢ ယဟိဝၤယွၤ အအိၣ်ထီဘိ.

• မး ၂၆:၃၆-၄၆; ဧ့ၤ ၅:၇—တချုး ယ့ၣ်ၡူးသံအနၤန့ၣ် အဝဲဃ့ထုကဖၣ်တၢ် ခဲအံၤခဲအံၤ ဒီးအဟ့ၣ်ဂံၢ်ဟ့ၣ်ဘါ ပှၤဂၤတဖၣ်လၢ ကမၤဝဲဒ်သိးဒီးအီၤ.

တၢ်အဒိအတဲာ်လၢ လံာ်စီဆှံပူၤ–

• ဘး ၁:၆-၁၂; ၂:၃-၅—မုၣ်ကီၤလံၢ် တဲဝဲလၢ စီၤယိၤဘး တီဒီးယဟိဝၤယွၤန့ၣ် ခီဖျိလၢ ယဟိဝၤယွၤ ဆိၣ်ဂ့ၤအီၤအဃိလီၤ. ဘၣ်ဆၣ် စီၤယိၤဘး အိၣ်ဒီးတၢ်တူၢ်န့ၢ်ခီၣ်ကဲအဃိ အပာ်ဖျါထီၣ်ဝဲလၢ မုၣ်ကီၤလံၢ် တဲတၢ်န့ၣ် ကမၣ်ဝဲ.

• ရိ ၅:၁၉; ၁ ပ့း ၁:၂၀, ၂၁—ယ့ၣ်ၡူး တလီၤဂာ်ဒီး စီၤအၤဒၣ်လၢ အတတီဒီး ယဟိဝၤယွၤန့ၣ်ဘၣ်. ယ့ၣ်ၡူးအိၣ်ဒီး တၢ်တူၢ်န့ၢ်ခီၣ်ကဲ တုၤလၢအသံတစုအဃိ အစံးဆၢဝဲ တၢ်သံကွၢ်လၢအမ့ၢ် ဖဲပှၤလၢပှၤပှဲၤတဂၤ ထံၣ်ဘၣ်ဒီး တၢ်မၤကွၢ်လၢအဒိၣ်ကတၢၢ်အခါ အဆဲးတီဒီး ယဟိဝၤယွၤ တုၤလၢအကတၢၢ်န့ၢ်ဝဲ.