တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃၇:၁၈, ၁၉, ၂၃, ၂၄, ၃၁-၃၅—စီၤယိၤသး အကၠီတဖၣ် ဖီၣ်န့ၢ်အီၤ ဒီးဆါလီၤအီၣ်အီၤ ဒ်ကုၢ်အသိး. ဒီးအဝဲသ့ၣ် တဲလံၣ်အပၢ် စီၤယၤကိာ် လၢအဖိခွါလၢအအဲၣ်ဝဲ ဒိၣ်ကတၢၢ်တဂၤန့ၣ်သံလံ.

• ၁ မိၤ ၄၉:၅-၇—စီၤစူးမ့းအိၣ် ဒီးစီၤလ့ၤဝံ သးဒိၣ်ထီၣ်တၢ် ဒီးမၤတၢ်အၢအၢသီသီအဃိ အဝဲသ့ၣ် ဘၣ်တၢ်ဆိၣ်အၢ.

• ၁ မူၤ ၂၀:၃၀-၃၄—စီၤပၤစီလူး သးဒိၣ်ထီၣ်အဖိခွါ စီၤယိနၤသၣ် ဒီးတဲဆါအီၤ ဒီးကွံာ်အီၤဒီးဘီ ဒ်သိးကမၤသံအီၤ.

• ၁ မူၤ ၂၅:၁၄-၁၇—စီၤနၤဘလး ကိးဃါဒီးတဲဆါဝဲ စီၤဒၤဝံးအဃိ စီၤဒၤဝံး ဘူးကမၤသံဘၣ် ပှၤပိာ်ခွါလၢစီၤနၤဘလး အဟံၣ်ပူၤညါ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၄၂:၂၁-၂၄—စီၤယိၤသးအကၠီတဖၣ် ပီၢ်ယၢ်လီၤက့ၤအသး ခီဖျိလၢ အဝဲသ့ၣ် မၤအၢမၤသီဘၣ် စီၤယိၤသးအဃိ.

• မၢ် ၃:၁-၆—ပှၤဖၤရံၤၡဲတဖၣ် အတၢ်ဒိသူၣ်ဒိသး တအိၣ်ဘၣ်အဃိ ယ့ၣ်ၡူးသးဘၣ်ဒိဒိၣ်မး.

တၢ်အဒိအတဲာ်လၢ လံာ်စီဆှံပူၤ–

• ၂ မူၤ ၁၅:၁-၆—စီၤအးဘၡါလိၣ် ဆိကမိၣ်ဒိၣ်လီၤသး ဒီးကွဲန့ၢ်လွဲန့ၢ် ပှၤကမျၢၢ်တဖၣ် ဒ်သိး အဝဲသ့ၣ် ကအဲၣ်အီၤဒိၣ်န့ၢ်ဒံး အပၢ်စီၤဒၤဝံး.

• ဒၤ ၄:၂၉-၃၂—စီၤပၤနဘူၤကးန့စၢ် ပာ်ထီၣ်ထီသးအဃိ ယဟိဝၤယွၤ စံၣ်ညီၣ်အီၤ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂၆:၁၂-၁၅—ခီဖျိလၢ စီၤအံၤစဲး မၤတၢ်ဆူၣ်ဆူၣ်အဃိ ယဟိဝၤယွၤ ဆိၣ်ဂ့ၤအီၤ. ဖဲပှၤဖလ့ၡသးဖိတဖၣ် ထံၣ်ဝဲလၢ စီၤအံၤစဲး ဒိးန့ၢ်ဝဲတၢ်ဆိၣ်ဂ့ၤဒ်န့ၣ်အခါ အဝဲသ့ၣ် သးက့ၣ်အီၤ.

• ၁ စီၤပၤ ၂၁:၁-၁၉—စီၤပၤအၤဃာ် လၢအအၢအသီတဂၤ သးလီဝဲ စီၤနၤဘိး အစပံးကျီး. ဒီးခီဖျိလၢ စီၤပၤအတၢ်သူၣ်လီသးကွံအဃိ လၢခံပှၤကူၣ်သံဝဲ စီၤနၤဘိး.

 တၢ်အဒိအတဲာ်လၢ လံာ်စီဆှံပူၤ–

• ၄ မိၤ ၁၃:၂၅-၃၃—ပှၤအံၣ်စရ့လးဖိအဂၤတဆံလၢ အလဲၤကွၢ်ဟုၣ်တၢ်န့ၣ် ပျံၤတၢ်ဖုးတၢ်ဒိၣ်မး. အဃိ အဝဲသ့ၣ် တဲဘၣ်ပှၤကမျၢၢ်လၢ အတၢ်ပျံၤတၢ်ဖုး ဒီးပှၤကမျၢၢ်တဖၣ် စးထီၣ်ပျံၤတၢ် ဒ်အဝဲသ့ၣ်အသိး.

• မး ၂၆:၆၉-၇၅—တၢ်မၢဖိပ့းတရူး ပျံၤပှၤကညီ အဃိ အသမၢဝဲယ့ၣ်ၡူး သၢဘျီညါ.

တၢ်အဒိအတဲာ်လၢ လံာ်စီဆှံပူၤ–

• ဘး ၃၁:၂၄-၂၈—စီၤယိၤဘး မ့ၢ်ပှၤကဲဒိၣ်သနာ်က့ အတပာ်ဒိၣ် တၢ်ထူးတၢ်တီၤဘၣ်. ဒီးအဝဲအဲၣ် ယဟိဝၤယွၤဒိၣ်န့ၢ် တၢ်အဂၤခဲလၢာ်.

• မၢ် ၁၀:၁၇-၂၇—ပှၤသးစၢ်လၢအကဲဒိၣ်တဂၤန့ၣ် အအဲၣ်တၢ်ထူးတၢ်တီၤဒိၣ်မးအဃိ အတပိာ် ယ့ၣ်ၡူးအခံဘၣ်.

တၢ်အဒိအတဲာ်လၢ လံာ်စီဆှံပူၤ–

• ဧိၤ ၁၀-၁၄—ပှၤအဒိၣ်ဖိတဖၣ် သးဟ့ဝဲ အဒီပုၢ်ဝဲၢ် ပှၤအံၣ်စရ့လးဖိတဖၣ်အဃိ ကစၢ်ယွၤ စံၣ်ညီၣ်အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၁၃:၅-၉—စီၤအၤဘြၤဟၣ်ဒီးစီၤလိာ် အပှၤကွၢ်ဆၣ်ဖိကီၢ်ဖိတဖၣ် အ့ၣ်လိာ်ဆိးက့လိာ်သး ဘၣ်ဆၣ် စီၤအၤဘြၤဟၣ် မၤဃူမၤဖိးက့ၤတၢ်.

•  စံၣ်ညီၣ် ၈:၁-၃—ပှၤအ့ဖရဲၣ်ဖိတဖၣ် ဃုတၢ်အ့ၣ်လိာ်ဆိးက့ဒီး စီၤကံးဒဧိၣ် ဘၣ်ဆၣ် စီၤကံးဒဧိၣ် အိၣ်ဒီးတၢ်ဆီၣ်လီၤသးအဃိ အမၤဃူမၤဖိးက့ၤတၢ်.

တၢ်အဒိအတဲာ်လၢ လံာ်စီဆှံပူၤ–

• မး ၁၂:၁-၇—ယ့ၣ်ၡူးပာ်ဖျါထီၣ်ဝဲလၢ ပှၤဖၤရံၤၡဲတဖၣ်န့ၣ် အဝဲသ့ၣ် ပာ်တီပာ်လိၤအသးအါတလၢ.

• လူၤ ၁၈:၉-၁၄—ယ့ၣ်ၡူးသူဝဲ တၢ်ကတိၤဒိတခါလၢ အပာ်ဖျါထီၣ်ဝဲလၢ ပှၤလၢအပာ်တီပာ်လိၤအသးအါတလၢန့ၣ် ကစၢ်ယွၤ တဘၣ်သး အဝဲသ့ၣ်ဘၣ်.

တၢ်အဒိအတဲာ်လၢ လံာ်စီဆှံပူၤ–

• ၂ ကွဲး ၃၆:၁၁-၁၇—ခီဖျိလၢ စီၤပၤစံးဒကံယၤန့ၣ် အအၢအသီ ဒီးအခိၣ်ကိၤအဃိ ကစၢ်ယွၤစံၣ်ညီၣ်အီၤ ဒီးအပှၤဂီၢ်မုၢ်တဖၣ်.

• မၤတၢ် ၁၉:၈, ၉—ပှၤလၢအခိၣ်ကိၤ ဒီးတဒိကနၣ် တၢ်စံၣ်တဲၤတဲလီၤဘၣ်တဖၣ်န့ၣ် တၢ်မၢဖိပီလူး တစံၣ်တဲၤတဲလီၤ အဝဲသ့ၣ်လၢၤဘၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၈:၁၀-၂၀—ဝံၡမူၤအ့လး တဲဘၣ်ပှၤအံၣ်စရ့လးဖိလၢ သုပာ်ထီၣ် ပှၤဟီၣ်ခိၣ်ဖိလၢ စီၤပၤန့ၣ် အတမ့ၢ်တၢ်ဆၢတဲာ်လၢအဂ့ၤဘၣ်. ဘၣ်ဆၣ် ပှၤအံၣ်စရ့လးဖိတဖၣ် တဒိကနၣ်အီၤဘၣ်.

• ၁ မူၤ ၂၅:၂-၁၃, ၃၄—စီၤနၤဘလး မ့ၢ်ပှၤလၢအတၢ်သ့ၣ်ညါ တအိၣ်ဘၣ်အဃိ အတကနၣ်ဃုာ်ဝဲ စီၤဒၤဝံး အတၢ်ဃ့ဘၣ်. အဃိ စီၤဒၤဝံး ဘူးကမၤသံဘၣ် ပှၤပိာ်ခွါလၢ စီၤနၤဘလး အဟံၣ်ပူၤညါ.

တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၈:၆-၉; ၂၀:၃၀-၃၄—စီၤပၤစီလူး ဆိကမိၣ်ကမၣ်ဝဲလၢ စီၤဒၤဝံးန့ၣ် တတီဒီးအီၤဘၣ်အဃိ အဝဲဂုာ်ကျဲးစၢးဝဲဒ်သိး စီၤယိနၤသၣ် ကထီဒါဝဲ စီၤဒၤဝံး.