တၢ်အဒိအတဲာ်လၢ လံာ်စီဆှံပူၤ–

• ၁ မူၤ ၁၆:​၁၆-၂၃​—ပိာ်ခွါသးစၢ်စီၤဒၤဝံး ဒ့တနၢ်သ့ဂ့ၤဂ့ၤအဃိ အသူဝဲအတၢ်သ့တၢ်ဘၣ်အံၤ ဒ်သိး ကမၤမုာ်ထီၣ်က့ၤဝဲ အံၣ်စရ့လးအစီၤပၤအသးအဂီၢ်.

• ၂ ကွဲး ၂:​၁၃, ၁၄​—ပှၤစုသ့ဖိလၢအဖၠဲး လၢအမၤတၢ်သ့ဂ့ၤဂ့ၤတဂၤ လၢအမ့ၢ် စီၤဃူရၣ်အဘံန့ၣ် သူဝဲအတၢ်သ့တၢ်ဘၣ်လၢ ကတ့စၢၤဝဲ စီၤပၤၡလိၤမိၤ အတၢ်သူၣ်ထီၣ်ဘှီထီၣ်တၢ်မၤ.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၂၄:​၁၀-၂၁​—နီၢ်ရံးဘကၤ မ့ၢ်ပှၤလၢ အမၤတၢ်ဆူၣ်. ဖဲစီၤအၤဘြၤဟၣ် အခ့အပှၤဃ့အီၤတၢ်မၤစၢၤအခါ အဝဲမၤစၢၤဝဲလၢ တၢ်သးဆူၣ်အပူၤ ဒီးအမၤဝဲအါန့ၢ်ဒံး တၢ်လၢစီၤအၤဘြၤဟၣ် အခ့အပှၤဃ့ဝဲဒံး.

• ဖံလံး ၂:​၁၉-၂၃​—တၢ်မၢဖိပီလူးသ့ၣ်ညါဝဲလၢ စီၤတံၤမသ့း အိၣ်ဒီးတၢ်ဆီၣ်လီၤသး ဒီးအမၤတၢ်ဆူၣ်မးအဃိ စီၤပီလူး နာ်န့ၢ်အီၤ ဒီးဟ့ၣ်လီၤအီၤ မူဒါလၢအရ့ဒိၣ်.

တၢ်အဒိအတဲာ်လၢ လံာ်စီဆှံပူၤ–

• ကတိၤ ၆:​၆-၁၁​—စီၤပၤၡလိၤမိၤ ဟ့ၣ်ဝဲတၢ်အဒိ ဘၣ်ဃးဒီးတၢၢ်အဂ့ၢ် ဒ်သိး ကသိၣ်လိပှၤလၢ ပကဘၣ်မၤတၢ်ဆူၣ်ဆူၣ် ဒီးပတဘၣ်ကၢၣ်ဘၣ်.

တၢ်အဒိအတဲာ်လၢ လံာ်စီဆှံပူၤ–

• ရူၤ ၁:​၁၆, ၁၇; ၂:​၂, ၃, ၆, ၇, ၁၇, ၁၈​—မုၣ်ကမဲသးစၢ်လၢ အမ့ၢ်နီၢ်ရူၤသးန့ၣ် အမၤတၢ်မၤဆူၣ်ဆူၣ် ဒ်သိးကကွၢ်ထွဲဝဲ အမံၤပှၢ်နီၢ်နၤဧမံအဂီၢ်.

• မး ၁၅:​၄-၉​—ပှၤလၢအတဲလီၤအသးလၢ အမၤတၢ်လၢကစၢ်ယွၤအဂီၢ် ဘၣ်ဆၣ် အကွၢ်ကပာ်ကွံာ်အဟံၣ်ဖိဃီဖိ အတၢ်လိၣ်ဘၣ်တဖၣ်န့ၣ် ယ့ၣ်ၡူးသိၣ်အဝဲသ့ၣ်.

တၢ်အဒိအတဲာ်လၢ လံာ်စီဆှံပူၤ–

• ၁ မိၤ ၃၁:​၃-၁၃​—စီၤလၤဘၣ်န့ၣ် တမၤတၢ်တီတီလိၤလိၤလၢ အမာ်စီၤယၤကိာ် ဒီးအကုၢ်လၢအဂၤတဖၣ် အဖီခိၣ်ဘၣ်. ဘၣ်ဆၣ် ခီဖျိလၢ စီၤယၤကိာ် ဖံးတၢ်မၤတၢ်ဆူၣ်ဆူၣ်အဃိ ယဟိဝၤယွၤ ဆိၣ်ဂ့ၤအီၤ.

• ၁ မိၤ ၃၉:​၁-၆, ၂၀-၂၃​—ဒ်ကုၢ်တဂၤအသိး စီၤယိၤသး မၤတၢ်ဆူၣ်ဆူၣ်လၢ စီၤပိၤတံၤဖၢ်အဟံၣ် ဒီးဒ်ပှၤဃိာ်ဖိတဂၤအသိး အမၤတၢ်ဆူၣ်ဆူၣ်လၢ ဃိာ်ပူၤအဃိ ယဟိဝၤယွၤ ဆိၣ်ဂ့ၤအီၤ.

တၢ်အဒိအတဲာ်လၢ လံာ်စီဆှံပူၤ–

• လူၤ ၁၂:​၁၅-၂၁​—ယ့ၣ်ၡူးဟ့ၣ်ဝဲတၢ်အဒိ ဘၣ်ဃးဒီး ပမ့ၢ်ပာ်ဆိ နီၢ်ခိတၢ်ထူးတၢ်တီၤလၢ ယဟိဝၤယွၤ အတၢ်မၤအလီၢ်န့ၣ် ပကကဲထီၣ် ပှၤလၢအတၢ်ကူသ့ တအိၣ်ဘၣ်.

• ၁ တံၤ ၆:​၁၇-၁၉​—တၢ်မၢဖိပီလူး ဟ့ၣ်ပလီၢ်ဝဲခရံာ်ဖိလၢ အထူးအတီၤတဖၣ် လၢအဝဲသ့ၣ် မ့ၢ်ထံၣ်ဆံးပှၤဂၤန့ၣ် တၢ်ဘၣ်ယိၣ်အိၣ်လၢ အဝဲသ့ၣ်အဂီၢ်သ့. အဃိ စီၤပီလူး ဟ့ၣ်ဂံၢ်ဟ့ၣ်ဘါ အဝဲသ့ၣ်လၢက “မၤဂ့ၤတၢ် အါအါဂီၢ်ဂီၢ်.”

တၢ်အဒိအတဲာ်လၢ လံာ်စီဆှံပူၤ–

• မး ၂၅:​၁၄, ၁၅​—ယ့ၣ်ၡူး ဟ့ၣ်ဝဲတၢ်အဒိလၢ အပျဲၢ်အဘီၣ်တဖၣ်န့ၣ် မၤတၢ်မၤ တန့ၢ်ထဲသိးသိး ကိးဂၤဒဲးဘၣ်.

• လူၤ ၂၁:​၂-၄​—မုၣ်ကမဲတဂၤ ဟ့ၣ်လီၤဝဲတိၢ်မၤဘူၣ်န့ၢ်ထဲ စ့ခံဘ့ၣ်သနာ်က့ ယ့ၣ်ၡူးထံၣ်ဝဲလၢ တၢ်လၢအဟ့ၣ်လီၤဝဲန့ၣ် မ့ၢ်တၢ်လၢအလုၢ်ဒိၣ်ပှ့ၤဒိၣ်ဝဲဒိၣ်မး.

တၢ်အဒိအတဲာ်လၢ လံာ်စီဆှံပူၤ–

• ၂ တံၤ ၄:၁၇​—တၢ်မၢဖိပီလူး သ့ၣ်ညါဝဲလၢ ဖဲအလိၣ်ဘၣ်ဝဲ တၢ်ဂံၢ်တၢ်ဘါအခါ အဒိးန့ၢ်ဘၣ်ဝဲ.